影片
港鐵土瓜灣站 D1 出口, 步行約8分鐘
繼續閱讀
電話號碼
23336384
營業時間
今日營業
06:30 - 15:00
17:30 - 22:00
星期一至六
06:30 - 15:00
17:30 - 22:00
星期日
全日休息
以上資料只供參考, 請與餐廳確認詳情
攞完月餅順路食個晚飯，揀咗食味廚，朋友話前幾日嚟食過幾好食喎。餐牌選擇好多，睇咗都好一陣先決定食咩。⭐涼瓜斑腩飯最後叫咗個涼瓜斑腩飯，一上枱，覺得個醬汁咁多咁厚嘅😅涼瓜爽口唔苦，斑腩炸得外脆肉嫩，質素其實唔低，但敗筆在醬汁太鹹，食咗幾口覺得個涼瓜同斑腩都好鹹，而且飯份量比較少，幾啖就食完了。⭐水煮牛肉飯朋友叫咗水煮肥牛飯，個餸相當大兜，肥牛片超多，下面仲有啲大豆芽，麻麻辣辣都幾好食嘅，不過同樣都係太鹹，師傅真係唔使咁重手嘅。⭐凍檸茶餐飲叫咗凍檸茶，一杯少冰一杯走甜，正常發揮啦。幾十蚊嗰餐又有得用八達通付款，都冇乜好投訴囉，試下無妨呀。
繼續閱讀
凍冰冰嘅天氣，最啱就係食暖笠笠嘅羊腩煲，今次路過呢一間位於紅磡嘅「味廚餐廳」，夜晚入面見到好熱鬧，好多人就入咗去試一個細煲嘅羊腩煲$168，另外仲送咗個菜，佢有好多款菜可以揀，我哋就食咗娃娃菜。加咗碗飯同埋一支啤酒啤啤佢🍻本身好怕好重既羊羶味，點知喺呢間食味道剛剛好，唔會太難接受。佢嘅枝竹同埋馬蹄都勁好食，而且佢有好多火鍋料可以揀，但係因為得兩個人所以就唔好食太多嘢食材比得一啲都唔會吝嗇，兩個人食完之後超級滿足
繼續閱讀
今日放假嚟食吓呢間下午茶，之前食過佢嘅炒嘢水準幾好，試過星洲炒米同炒貴刁都唔錯！估唔到而家仲有$28嘅下午茶，杯奶茶夠熱奶茶味好好，又唔會太多奶。呢件蛋牛治超ok，隻蛋又厚身牛肉又唔會好鹹，重點係價廉物美！呢度招呼幾好，我整體上都唔錯！其實崇潔街有好多嘢食，茶餐廳真係好多間開完又執，執完又開。希望呢一間長長久久，講真大家樂下午茶都食唔到水準。有好多餐廳見你淨係嗌件三文治同嘢飲都唔會點招呼你啦！呢間又唔會喎！
繼續閱讀
早餐餐牌 都係嗰啲卡位僭建咗張兩人枱做六人卡位如果唔係同一班人 卡位出入都幾麻煩味一般有條菜心係驚喜烘底檸水枱面仲有紙巾拎 宜家啲茶記十間有九都無 仲收八達通 apple pay添良心食肆表現嚟
繼續閱讀