味源車仔麵

營業中

休息中

🍜 車仔麵 HK$57＞豬頸肉、蝦條、豬油渣、蘿蔔・味道：鍾意呢間啲汁可以自己調配想食嘅味，沙嗲汁X咖喱汁＋辣菜脯＋香蔥🤤，真心不死配搭勁香口惹味！然後豬油渣吸晒啲味，一咬就散發豬油香＋醬汁們，正呀！！！豬頸肉唔係肥瘦相間，外皮亦唔算烤得好焦脆，但食落就冇咁油膩～蝦條好似南記春卷咁，有粟米咬下，魚肉算煙韌。蘿蔔香甜冇渣，穩陣發揮～仲會送幾塊大生菜畀你，happy😙・口感：就是一間穩陣發揮嘅抵食車仔麵，經過可以會一會佢！・・・・・・・・・・・・・・・・・・・・🤰性價比：高～🤰9衝度：9衝～🤰結論：真係做街坊生意，車仔麵免費加配配凍熱茶啡，任倒醬汁，配嘢食嘅遮遮們仲好nice添，愛了！・・・・・・・・・・・・・・・・・・・・

7月22日揾食肥華同靚媽，到此間車仔麵店踩場，同是初到此店，但此店嘅，門面及外觀衛生環境，食客坐位舒適度，和員工形像及枱面上供食客用嘅調味醬料種類，此店都可以講，完勝環鳳街嗰間(友記姑姐小食店)至於食物方面，肥華今日所點嘅，車仔麵靈魂餸，豬皮，豬紅，蘿蔔，連埋個搭貨嘅牛腩，都係平平無奇，好食唔到佢，難食又冇佢份，至於個牛肚則唔夠淋又冇乜味，再加埋個偏硬身嘅粗麵，論食物質素，此店衹值B級評分，但雖然此店食物收費比(友記姑姐貴)但友記個進食環境實在不佳，所以若兩者選一，肥華寧願食貴少少，選擇到此店，食車仔麵

次次嚟都會食豬油渣, menu寫話係自家製, 真係好好食.必食嘅有牛腩, 豬油渣, 豬頸肉, 同埋要腩汁!!!!3餸加嘢飲先係$45, 仲可以試吓佢哋個辣菜寶🤞🏻同埋入面冷氣好夠, 唔會食到成身汗🙈

位於黃大仙銀鳳街嘅味源車仔麵，相信住附近嘅街坊都一定好熟悉，呢間小店唔做晚市，0700～1800，每日大約11am-3pm黎到都會見到有人排緊隊佢嘅形式係不論堂食定外賣都喺門口嘅車仔麵檔位到排隊揀粉麵揀餸，整好左會比客人自己落醬料，有沙嗲，咖喱，辣菜甫同蔥花都係任落嘅車仔餸選擇十分多，有啲係menu無嘅，埋到去見到有啲特別野可以問下姐姐係咩黎嘅，呢日就見到有豬軟骨，仲叫左酸齋蘿蔔同呢度好出名嘅豬油渣酸齋另外用碗仔上，酸甜味洽到好處，呢個酸齋好高分！豬油渣新鮮炸起，佢唔係細細條一粒粒嗰種，又長又大條，邪惡到一個點！佢炸得好脆好香口，一啲都唔覺得肥膩。豬軟骨係我喜歡嘅口感，好淋好正！除左車仔餸之外，我覺得佢嘅粉麵都特別好食，佢隻米粉好滑溜嫁，仲有上海麵都係，煮得啱啱好，呢度連銀針粉都有，我見到唔少人叫嫁最後重點想講，呢度主要做街坊生意，三餸車仔麵包一杯飲品都只係賣緊$45蚊，好抵食呀

快手送完寶貝哥返學校上興趣班，就亨亨鬆鬆去嘆返個早手餐啦🤭味源菜脯 + 豬油渣，真係無得輸🤤早晨唔想食咁多肉，整返個醒神酸齋同個粟米春卷.. 個春卷有少許遜色🤭 私心南記，加上真係有少少粉粉地🫣菜脯夠哂辣同香🤤 豬油渣炸到脆卜卜，香脆而不油膩🤤🤤🤤🤤 正正子❤️

今午同事好介紹 ... 往黃大仙祠後山坡上一條窄窄的斜路上泊好車（ 駕駛技術差少少請不要來！），看見前面有 一條人龍，嗯，正是這車仔麵店。嘩，三餸麵連咖啡茶，42元，多一餸加8元，抵到爛！點餸流程跟一般車仔麵沒分別，但由於食客太多，要先點餸才可內進 ... 嘩，竟然有銀針粉！點完麵，看看有什麼吸引 ...在這毫不起眼的角落，竟然有一碗柚皮！點硬啦！遠處有個炸爐，我問那個幫我選食物的Auntie：「嗰啲咩嚟㗎？」她沒有直接回答我，卻說：「呢個好好味㗎！」噢，遇上了難纏的top sales！最後發現，原來是炸魚卷。好，點完，我這碗車仔麵有油麵、豬手、柚皮、炸魚卷及豬皮，在這點餐的小桌末端，自己動手加了蔥、辣菜脯、及咖哩汁。我的同事點了其中一道鎮店之寶，“豬油渣”，還分享了兩條給我！我狼狽地拿著麵，四處張望之際，有一位店員auntie 很熱情的幫我們找了個空桌， 還幫我們放好了麵及飲品😘，今時今日仲有咁嘅服務態度，要給個Like！這店的麵食，老實說，品質普通，但反而車仔餸的品種多得很，且部份還很另類，如酸齋、柚皮及豬油渣，它們雖然比較冷門，但也是吸汁、香口的食材，其實很適合做車仔麵。我還看見

今天專登坐地鐵去到鑽石山站落車行去黃大仙味源食車仔麵，叫左魚蛋，羅白，豬大腸同魷魚，幼面加腩汁和沙嗲醬，所有餸和面都好好味，尤其沙爹醬好重花生味，好香，整體表現中上應該會再去食

自從有一次，朋友帶咗的來食呢間「味源」車仔麵，佢極力推介我食呢度既豬油渣，我自己本來有小小抗拒，但是當時一場來到要試下😋介紹返呢度車仔麵，三餸就$40，再另一餸就$9（包野飲）呢間餸真係好多選擇，詳情如下：豬油渣、豬皮、豬頸肉、豬紅、豬腸、豬耳仔、五花腩、雞串、雞腎、雞排、雞腳、柚皮、冬菇、蘿白、餃子、白菜、生菜、牛肚、牛根、牛腩、雞蛋、魚旦……每次來到都要排隊食，因為性價比好高，老板娘次次都好熱情話：「妹妹，食咩啊，3餸夠唔夠，要唔要加腩汁！」比既份量好大方，我次次都食得好飽，好開心呢度食野。雖然地方不大，但次次都有店鋪既姐姐幫手搵位，次次上黃大仙，係必食呢間車仔麵🥰🥰🥰

味源車仔麵係黃大仙幾出名，每次嚟呢間車仔麵店都要排隊，其實係附近有幾間其他車仔麵，但都係要排呢一間，呢日又行開呢到，同另一半再一次返食呢間抵食車仔麵 ($40 三餸麵包冷熱飲品)，叫左(1) 酸齋，鳳爪，豬耳，烏冬同奶茶酸齋ｍｕｓｔ點，鳳爪入味，豬耳爽口，烏冬係一包包即開，奶茶好飲(2) 酸齋，咖哩魚旦，炸魚皮，米線同凍奶茶酸齋ｍｕｓｔ點，咖哩魚旦，夠香，辣度適中，入有少少陳皮味，炸魚皮炸得好脆，試過一早來食有油壓味，懷疑係賣早一日賣唔曬D貨，所以早上就唔好叫炸魚皮最後仲有咖哩汁，沙爹汁，辣菜圃同蔥粒任你落，食得辣就下多D辣菜圃，我就放左勁多蔥Overall來講都好抵食，有機會就會成日來.人均: $50抵食: 💰💰💰💰💰味道: 😋😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️💁🏻‍♀️環境: 😉😉😉😉😉

原本覺得呢間小店嘅車仔麵都幾好食，每次經開一定會幫襯。誰知今日，淥麵個大嬸吾知係思覺失調定燥狂症發作，態度差到爆炸。事情是這樣的⋯⋯我排着隊買外賣，當輪到我時，我說：「粗麵攞走唔該！」個大嬸竟然冇應我，只是企在中間嗰個女人（應該係事頭婆）答我：「收到」，由於我當時要趕住走，驚佢冇幫我整，於是我再一次有禮貌地問佢：「唔該有冇幫我淥個粗麵外賣」，個大嬸即時黑面回答：「咪幫你淥左囉」，企在中間嗰個女人即時㩒住個大嬸（意思叫佢唔好勞氣）即刻答：「我咪同你講咗『收到囉』！」佢足足講左3次「咪同你講咗收到囉」，頂，自問自己係消費者，竟然要受呢啲氣，如果是自己沒禮貌就真係抵死啫，我仲要好有禮貌，吾該前吾該後，重點是：我都係問多佢一次啫，洗吾洗發晒脾氣？？去呢間鬼店真係一肚氣，吾知有冇人同樣遭遇這個問題？間店D野再好食我以後一定不會再幫襯！

【瘋癲試食】｜味源車仔麵黃大仙長龍車仔麵店 又夠平又夠好味 四十蚊三餸麵仲要包埋飲品 🤤 今次我就叫左炸豬油渣 牛腩 豬手同埋甜酸齋 去到一定要叫馳名炸豬油渣 同埋秘製豬手😍 豬油渣食落仲係脆卜卜 炸完都冇油溢味 而豬手都已經炆到入哂味 煮到非常淋身😋食得辣既仲可以加埋佢地既辣菜圃

見到呢間車仔麵，經常都有人排隊，所以就入去試一試，點知食到一肚氣！話說食緊嘢期間，發覺越食越熱，食到成身汗，再看一下個冷氣，原來係冇開到，咁我就問店員，可唔可以開埋呢部冷氣，點知佢一句就答話，你問老細啦，佢話人少就唔開，我即時扯火，唔係吖嘛，開部冷氣都要問老細，跟住佢話，咁一係你搬去另一張枱坐囉，我話我都差唔多食完啦，仲搬嚟搬去，唔通食餐飯要走幾張枱呀，你係咪癡線㗎！咁嘅服務態度，就算味道再好，我永遠都唔會再幫襯，never，never, never！🤬🤬🤬

幾乎在鳳德村內的車仔麵檔都試過，而我以前亦一直幫襯開前小小的車仔麵檔，但經常見這家車仔麵大排長龍，便決定一試。原來這家車仔麵所有餸菜都劃一收費，即是40元三餸一麵加一杯凍/熱飲， 無論雞扒豬扒都不另收費。 以為味道會一般，想不到食材新鮮入味。今次點了炸雞翼、蝦卷和甜酸齋加凍檸賓。雖然炸雞翼浸過湯底，外皮亦已經不脆，但味道依然可口， 醃製得入味。甜酸齋可要求另外分碟上，甜酸齋開胃易入口，甜酸度也均勻，份量多。 蝦卷融入粒粒粟米，美味可口。食辣的人不防加點菜脯，非常夠辣，咖哩汁和沙嗲汁都不錯，真的是平靚正的選擇。

呢輪早收工總係心思思想去搵啲嘢食先返屋企，記起之前朋友提過 #黃大仙 有間 #人氣車仔麵 #味源，趁仲趕得切，一於去朝聖🤪真係咁好彩，我係呢日最後一個客，因為之前未幫襯過，只好聽 #阿姐嘅介紹，三餸一麵套餐加飲品承惠$40，不過 #小秘書 就貪心啲，要多一個餸加$8。以往 #車仔麵啲餸 都係一注起兩注止，但係 #味源老闆 似乎怕大家食唔飽，餸料都要打孖上😆 呢日阿姐介紹我食 #豬手、#酸齋、#魚蛋、#牛筋 配 #粗麵，味道果然名不虛傳。豬手滷得入味、完全冇油膩嘅感覺👍🏻 魚蛋爽口、唔似係行貨👍🏻 酸齋唔會太酸、比起名DJ開嗰間處理得好好多👍🏻 牛筋夠彈牙、充滿骨膠原。只可惜賣相真係差咗啲，慣性以貌取人嘅我最初都有D驚㗎，不過食落確係唔錯。最後我要提一提嘅係店內清潔嘅安排😅 其實清潔工人可唔可以等人客食完野先開始掃地、拖地呢？本來佢想搞衛生嘅，但係我睇落就有啲嘔心囉😅 整體來講 #味源 確係平靚正之選👍🏻👍🏻 臨走阿姐仲吩咐我下次早啲嚟，會有更加多材料俾我揀㗎🥰 ... 好期待呀！

Meeting boyfriend near his home, we decided to eat at his regular cart noodle shop near by.The place is simple enough. Three items to choose from for $40. Everything is in Chinese. There is no English and no 10% service charge.But ordering is simple enough. You just point to what you want. First choose your noode type. Then choose three items they have in front of you. It also comes with some vegetables so there is no need to order that. You can also request to have a bit of beef brisket sauce t