味火鍋 (華僑商業中心)

聽人介紹呢間邊爐有龍蝦有海鮮同唔趕人走，同朋友聚會就試吓啦。首先就揀頭盤先，但只係一次性無得任食，有焗半邊龍蝦or焗生蠔or雞煲揀，我就要芝士焗龍蝦既，半隻黎講都幾大既，肉都夠厚同爽口唔係死龍蝦🦞。之後就有一次性既靚海鮮同靚牛肉，例如有鮮鮑魚、扇貝、蟶子、沙白、生蠔、海蝦等。食曬之後可以任食其他配料例如肥牛、丸類、菜類。靚牛肉幾好味，但係唔夠。海鮮都新鮮。出面就有汽水任飲，熱手工茶幾正，啤酒🍻就要加錢，埋單有follow ig就有m字頭雪糕食。環境方面我哋入左房到食，房入面有廁所🚾。但我地頭頂上面部冷機滴水彈到一邊爐😰，好彩仲有另一個爐可以食，但真係影響曬。埋單$370幾，海鮮係幾好，但食得一次唔夠喉，加上其他因素，唔會有心情翻嚟再食。地點:位於旺角市中心樓上舖頭，要搭lift上，近地鐵站。環境:有卜位既話有得包房，有自助區，現場見到有客人食煙👎🏼👎🏼。價錢:近400蚊一個人，性價比一般。服務:態度好好，有禮親切。

訂左12月18號星期一食，3個人坐卡位舒服；先食頭盤，燒蠔、bb辣雞煲，再嚟海鮮、一盤有不同部位既牛肉；先講雞煲，bb辣都入味，如果食得辣既，不妨試下勁啲；牛肉好新鮮，最好食係牛小排；跟住講海鮮，因為掛著傾計，完全忘記左烚緊，點知生蠔完全無縮小又吾硬，飽魚仍然爽口，正👍；湯底叫左冬蔭功、蕃茄豬骨，當晚加過2次水（高湯），去到尾依然飲到原湯味道，完全吾係味精，絕對係另一驚喜；其他火鍋配料都吾差，疏菜類好爽甜，吾會霉霉爛爛咁，手打丸一定要食，水餃勁大隻，要 share嚟食，出前一丁竟然係日本版，去到尾一定要食啦，最後仲有Movenpick牌雪糕，叫左個好少有既咖啡味，好香咖啡味，必食👍；當晚坐滿人，但一啲都吾覺悶熱/焗，啲衫同頭髮都無一陣味，抽風同冷氣做得好；重點係無限時，如果多朋友一齊去食，仲可以訂房，當然要提早啲 book ，因為真係好full 架。

上個月我終於book到噚晚（8-12-3023 Fri) 同同事嚟呢喥打邊爐， 我book咗六點半，開頭係七個人，然後佢哋喺前兩日已經whatsapp我，提示我哋覆實幾多個人，同枱留十分鐘 ，都唔使等人齊先至入坐，而最後我哋係六個人，我亦都有話俾佢知，不過嚟到嘅時候，佢哋依然set咗七個位，但唔緊要同佢講收返一個位就ok啦。坐低就俾咗四小碟，有:炸雞軟骨，好味，個個爭住食。5分鍾意食雲耳，但佢哋唔知調較咗啲咩味，我覺得麻麻地。2分中華沙律， 正常啦唔惹味。2.5分番茄仔，又係奇怪又唔知攞咗咩嚟葉麻麻地。2分然後我哋根據指示，揀頭盤先，四樣裏面我哋揀咗一個芝士焗龍蝦半隻，三個黑松露芝士焗生蠔，同一個二人用嘅老壇酸菜魚。黑松露芝士焗生蠔一客有三隻都幾大隻，但黑松露就唔算多，我食嘅時候就覺得黑松露唔多夠，生蠔都新鮮ok嘅。3.5分而老壇酸菜魚呢，係好大兜，根本係六人份，我就怕辣，先夾咗面嗰啲魚片嚟食， 都幾滑嘅。之後我同事話啲唔辣，我就試下夾埋下面嗰啲薯粉嚟食，但對我嚟講係辣嘅，不過都接受到，跟住之後就有麻嘅感覺。4分湯底方面我哋揀咗辣同唔辣，唔辣嘅係芫茜皮蛋鯪魚球湯，辣嗰邊佢哋揀咗四川麻辣

食過「味火鍋」真係翻唔到轉頭☺️食物質素好高，仲有得任食幾個鐘😬.芝士焗波士頓龍蝦（半隻）🦞大隻厚肉鮮甜😍肉質彈牙😆香濃拉絲芝士🧀伴有小沙律🥗.芝士焗美國生蠔（3隻)🦪生蠔帶淡淡海水味🤏🏻加上芝士，勁邪惡😈仲有小沙律✌🏻.鴛鴦湯底🍲揀咗蕃茄薯仔濃湯鍋同日式豆乳海鮮鍋💁🏻‍♀️蕃茄薯仔都好足🥔蕃茄微酸甜😗豆乳海鮮鍋清清哋，豆味重😌不過都算清淡🥺.精選時令海鮮拼盤🌊有蟶子皇、新鮮鮑魚🐚廣島蠔、新鮮龍躉片🐟沙白、新鮮海蝦🦐墨魚🦑自家製手打墨魚丸、日式蟹棒🦀自家製手打蝦丸🍤所有海鮮都非常新鮮又爽彈🤤.美國安格斯牛肉拼盤🥩有手切牛小排🐄牛肩胛、封門柳、牛板腱🐮幾款肉質素唔錯👍🏻油脂都平均😛肉味濃郁又有肉汁，而且唔會太薄😉.蔬菜拼盤🍽️種類好多，有生菜🥬金菇、秀珍菇🍄娃娃菜、南瓜🎃芋頭、粟米🌽番茄🍅.火鍋配料🧆美國肥牛🐂特級黑豚肉🐖灸燒芝心包🫕芋泥包心貢丸、川辣牛丸🌶️濃芝豆腐燒、芥末魚丸🍢自家製鮮蝦水餃、手工粟米水餃等🥟.四式前菜拼盤🥢有中華沙律、酸辣雲耳🖤手拍青瓜🥒炸雞軟骨🐓.Movenpick 雪糕🍨.飲品🥤有汽水、茶類飲品🍵果汁飲品🧃涼茶飲品🌼

之前試過尖沙咀分店🤔🤔所以今次就試吓旺角分店啦～～咁首先就係食咗頭盤先嘅（本身想嗌一份波士頓龍蝦/一份黑松露芝士焗美國生蠔但係點知嗰日嘅生蠔賣曬🥲🥲）所以我哋最後兩份都係龍蝦不過龍蝦肉食落去都幾爽口👍👍而且肉質都幾嫩滑食完頭盤之後就可以揀湯底打邊爐我哋就揀咗鴛鴦鍋（四川麻辣鴨血鍋/特濃喇沙海鮮鍋😋😋）其實呢兩個湯底真心都幾濃味（基本上都唔係好需要點醬料）麻辣湯底嗰邊主要都唔係我食嘅😂😂（因為我個friend嗌咗中辣⋯⋯）而喇沙海鮮湯食落去都有少少辣🌶️🌶️但係辣得嚟都幾惹味咁跟住就講吓佢哋時令海鮮拼盤同埋美國安格斯牛肉拼盤🤔🤔第一個值得讚嘅地方就係佢哋全部海鮮都好新鮮❤️❤️而我自己就比較鍾意食佢哋嘅蟶子/元貝因為食落去真係幾煙靭、爽口👍👍墨魚丸+蝦丸食落去亦都好彈牙美國安格斯牛肉拼盤就包括咗手切牛小排、牛肩胛、封門柳同埋牛版腱牛小排食落去就比較入口即化🌟🌟而封門柳/牛肩胛食落去就比較有口感牛版腱牛肉味相對地就比較濃郁最後就講埋其他打邊爐配料啦我自己幾鍾意食佢哋嗰個芋泥包心貢丸因為一咬落去真係好多香芋泥😍😍而且芫荽牛丸食落去都幾特別（我唔係一個幾鍾意食芫荽嘅人都覺得呢個唔錯）

同朋友成日都去，以前去開尖沙咀店都已經好鍾意，宜家開咗旺角店仲方便。 今次同屋企人包房食飯，人多就可以樣樣頭盤都叫啲，一齊試下，自己最鍾意黑松露焗蠔，一客有3隻，夠哂juicy。湯底一個揀咗沙嗲湯同豆乳海鮮湯做鴛鴦湯底，另一個就係麻辣同芫茜湯。沙嗲湯夠香濃，豆乳湯清清地淥海鮮就啱哂，麻辣湯入面啲鴨血好好味，仲可以追加任食。食材方面，海鮮拼盤勁新鮮，隻鮑魚上枱時都仲郁緊架，手打丸彈牙有口感就係我另一最愛。其他嘢食都好平均，連任食嗰啲都好得，新加嘅墨魚腸望落好醜樣，但原來又幾好味。欣賞佢地久唔久又轉少少款式。等我哋食開嘅客人都有新鮮感。服務態度又good good, 加上無限時，可以輕輕鬆鬆咁食，難怪一到weekend就要早好多預訂。

比佢無限時吸引，見到食評唔錯就打去訂枱，第一次去咩都唔識，侍應妹妹都好詳細介紹餐牌內容，我哋4個人分別叫咗龍蝦，焗蠔同埋酸菜魚做頭盤，3款都好食。湯底選擇都算多，有成10款可以揀，我哋就揀咗蟲草花椰子雞湯，上枱時已經聞到陣陣好香嘅椰子味，仲有成大碟雞比埋我哋添。海鮮新鮮，牛肉都好夠牛味。食完呢啲都好飽啦，跟手食下啲蔬菜，水餃，最後飽到連送嘅雪糕都食唔落。整體食物好食， 頭盤可以自由配搭，服務又好，地方乾淨闊落， 加埋一都係$300幾蚊，有呢個質素，喺旺角區真係好抵食。

好友相聚吾想諗食什麼點餸是不錯選擇。但火煱有4步曲，對第一次來的客會有選擇困難，要每人4 選一前菜，人多的話會好混亂，因為要食酸菜魚或鷄㷛，要2 人以上才可以叫，單人可叫芝士蠔或半份龍蝦。第二輪選湯底，有8 款上以，鴛鴦都唔駛加錢第三輪按人數海鮮及靚牛肉一次性送上，再叫需要補錢!!! 其他蔬菜和丸有蝦無限量掃WR code 非酒精飲品免運任飲。整體每人$400 以下，無限時打邊爐，牛肉有三款算上乘品質，海鮮正常有蝦、鮑魚、聖子（有小小沙）、帶子、鱔片、和大蟹柳各一，輕鬆舒適環境算不錯選擇。

每次經過「味火鍋」，都想拉埋男朋友去食😏今次同佢一齊食飽飽✌🏻.芝士焗波士頓龍蝦配菠蘿蕃茄莎莎醬（半隻）🦞啖啖龍蝦肉😬有好多龍蝦膏😍加上菠蘿蕃茄莎莎醬🍍清新開胃，附有小沙律🥗.黑松露芝士焗美國生蠔（3隻）🦪生蠔肥美，鮮味十足😙加上黑松露、馬蘇里拉芝士同車打芝士🫕香濃惹味😛旁邊有小沙律☺️.鴛鴦湯底🍲揀咗養生牛肝菌湯鍋同日式豆乳海鮮鍋💁🏻‍♀️2款湯底都係越煲越濃郁😌.精選時令海鮮拼盤🌊有蟶子皇、北海道大元貝、新鮮鮑魚🐚廣島蠔、新鮮龍躉片🐟新鮮海蝦🦐自家製手打墨魚丸🦑自家製手打蝦丸、日式蟹棒🦀新鮮大隻🤤爽口彈牙，仲要超級鮮甜💯.美國安格斯牛肉拼盤🥩有手切牛小排、牛肩胛🐮封門柳、牛板腱🐄幾款肉都鮮嫩軟腍😋牛味濃郁多汁😗.蔬菜拼盤🍽️有生菜🥬雞脾菇、秀珍菇🍄娃娃菜、南瓜🎃芋頭、粟米、番茄🍅.火鍋配料🍢美國肥牛🐂濃芝豆腐燒、風琴豆腐、甜粟米🌽鮮冬菇、豆卜等.四式前菜拼盤🥢有炸雞軟骨🐓手拍青瓜🥒中華沙律、酸辣雲耳🖤.飲品🥤有汽水、果汁飲品🧃茶類飲品🍵涼茶飲品🍐🎋

差唔多20人打邊爐想包房，最後屋企人決定咗去味火鍋，話係無限時喎。 估唔到旺角區都可以有咁大間房比我哋自己一班人慢慢打邊爐。後生嘅一人一份龍蝦打卡影下相，長輩就食酸菜魚同麻辣雞煲happy share下。食到咁上下，侍應就送嚟湯底再加一大盤海鮮同牛肉拼盤比我哋打邊爐。其他野食就要掃qr code order. 嘢食overall好好食， 份量都好多，最正係大大盤海鮮好新鮮，安格斯牛肉拼盤又好正。另外任食野都唔係行貨，有其他任食場少有嘅款式。難怪屋企人要一早訂位啦。最後一人一杯movenpick雪糕，渡過咗好滿足嘅一晚。

食物質素好， 今次我哋兩個人去食就揀咗麻辣雞煲， 雞煲惹味，雞夠滑。下次人多可以試多幾樣唔同嘅頭盤。海鮮雖然係一次性，但新鮮，連任食野都幾好。飲品選擇都幾多，如果有埋熱飲就very good!眼見場內除左房之外有好多卡位，座位闊落，同隔離枱都有一定距離，唔似得其他任食場所咁逼。職員友善，態度良好，每人平均唔洗$400有呢個質素，仲要無限時， 係同朋友食飯傾計嘅好選擇，值得推介。順帶一提打電話訂枱時，職員好友善，整體感覺十分良好。

重點係無限時，食物質素中上，雖然沒有非常多的選擇，價錢合理，四個人每人約400，因為叫咗一大桶啤酒，另外，服務員有禮貌，令人感覺舒服。地方清潔整齊，坐位寬闊。滿意。

頭盤芝士焗龍蝦係凍的！完全唔掂。另外仲試左芝士焗生蠔，粒蠔我完全細到食唔到，放入口只食食到芝士！打邊爐個湯底完全無味、勁神奇、仲淡過清水！成晚都唔知食左啲乜第一round牛完左，之後任叫個啲牛薄過紙，仲差過連鎖快餐店！仲有其他任點既火鍋配料都係選擇好少、超普通！佢唯一優點係唔限時，但加完一收每位$372.9 又唔包啤酒 呢個價完全唔洗食佢 一定唔會再去 列入黑名單！另外頭輪海鮮等左半粒鐘先到，問你死未，等到蚊都訓！

因為實在太差的關係，令我第一次寫食評！今次係朋友生日，呢間任食火鍋，係朋友揀的。冇乜留心睇食評只係見冇限時！睇到相片以為唔錯。但當我哋一行七人入座，首先係四選一的菜單，我哋全部都係選了龍蝦，龍蝦味道麻麻，亦焗得比較乾身，口感唔好！之後我哋點咗鴛鴦湯底，店員送上一盤海鮮拼盤，裏面還有一些手打丸。海鮮除咗蝦同埋鮑魚，其他都不太新鮮。店員再送上一碟牛肉，牛肉的味道只是一般。之後我們掃的QR code 想再點其他東西，牛肉同豬肉各只有一款。因為沒有得選擇，我們只能點選美國肥牛。品質非常差。（本人從未試過任食火鍋係咁差質素！其他店價錢就算平，食物質素都比這間好。）食物只有很少的種類選擇，而且食物的質素不好。店舖人手不足，不斷有漏單情況！我同朋友都認為要列入黑名單、不會再來這間火鍋店！

無限是任食火鍋，今次第一次幫襯這間餐廳我們一行8人，等了很久才有座位。這間餐廳特色是無限時間任食，餐廳環境幾闊落，座位以卡位為主坐得幾舒服。頭盤我們點了芝士焗波士頓龍蝦及威靈頓三文魚回柳，火鍋我們點了牛肉、肉丸、海鮮等等。這裏的海鮮非常新鮮，我們一大班朋友聊天非常盡興。