影片
招牌菜
前排有個好朋友介紹去咗呢一間餐廳食嘢😋望到喺OpenRice有人話呢一間餐廳係抵食之選，就去咗錫下自己個胃！真係值得介紹個人認為豬扒飯必叫之選，輕咬就散開，好juicy，非常惹味，絕對要嗌呢一個。
繼續閱讀
不久前，「不計成本」去試那「無得輸」的义燒，認同確實不輸人，卻令我反思那服務一眾尋常百姓的小店，錙銖必較，在飛升成本和 (必須) 貼地售價之間的狹小夾縫裡，用本領和心思贏得人心，客似雲來。我想到的是「豬扒」(我意思是，真係搵把刀鋸嚟食嗰啲)，大概都是巴西急凍之類的貨色，質素通常都不怎麼樣、吃完就忘，卻有躲在街頭巷尾的低調高手，做得那麼出色？我並不是無的放矢地空談，而是言之有物。這次我決定不藏私、公開「證據」，把心中的秘「物」告訴您。各位大可親身前往，以舌頭做證；或者，指證鄙人的言過其實。這個餐，價錢的確不貴，或者來回的交通成本會超過它！茶記大多有扒類早餐，或者冠以「歐陸早餐」之類的高檔標籤，以便取價更高。(其實Continental Breakfast不是食扒的⋯) 一塊扒 (牛扒往往要加錢)、煎蛋香腸火腿餐肉煙肉片頭 you name it，選一或二，加塊麵包或多士，餐飲作結。市價三十尾四十頭走唔甩，填飽一早的轆轆飢腸，然後返工搏殺，吃了甚麼？沒印象。這屋苑小店的早餐，還有廿幾蚊一客這支歌仔唱，扒類的也不過三十一大洋。半信半疑的初次嘗試，那煎豬扒便叫我為之驚艷！件頭不吝嗇已不在話下，其肉質不霉又juicy有彈性軟腍兼備，店方的啤水、醃製等處理功夫十分到家。能與之匹敵的街坊小店，經驗裡已數到維港對岸、與五星級酒店「撞名」的茶記，而那售價即使也很親民，亦比這兒的貴上五六塊。有趣的還有：配菜中總有一兩塊南瓜或蕃薯⋯這天有親人陪同，以下午茶當晚飯吃。這兒最貴的下午茶餐，是每客$34的吉列豬扒配沙律加薯條 (不用二選一，Why Not Both?)，親人則選了個「正經」些的開飯之選：午市豉椒牛河，配餐飲不過$42，更可加兩蚊飲埋西湯！這兒的羅宋湯也是料多味濃，所以不「蝕底」，食盡佢！可能真是「精心製作」，吉列豬扒要催單才到，來到今餐最期待時刻！看起來，吉列豬扒的顏色稍深了一點，但可以接受。下一步，「受我一刀」，看看裡面是甚麼模樣。切下一塊，一口咬下，麵包糠相當幼細，又炸得恰到好處，十分脆口而不油膩。豬扒最怕就是炸得太乾，不過有了易焦的麵包糠，應該可避免過火。眼前這片豬扒雖稍薄，咬落卻很juicy，整體表現算很出色了！不過不知是否未醃好，味道比較淡。而「雙龍出海」的薯條和沙律，前者又熱又脆，份量慷慨，後者也相當新鮮，亦沒有狂落薯仔來濫竽充數。揭開豬扒⋯下面還有乾坤！既非私藏，自然不是「一次定生死」。這個下午茶餐，已是第二次吃了，水準相當穩定。(這次的餐飲是熱杏霜和「可力」，沖出來的飲品，也就沒入鏡了。) 不知閱讀劣文的您，會否真的付諸行動，親嘗深藏民間的「模範豬扒」？
繼續閱讀
已經盡量避免食樓下茶餐廳，已經中過冇數次伏，但係媽媽仍然依然故我，因為佢本身係一個好世故嘅人，成日鍾意同啲師9街坊打交道，上上下下前前後後成個屋苑商場啲人冇人不識，又係恃住識得人多着數自然多嘅心態，我真係同佢南轅北轍！究竟我係咪佢生架🤪omg 本身換好晒衫諗住出去食啲自己想食嘅嘢，點知佢又一個唔該買餸嘅同時幫我買咗樓下嘅早餐仲要好大聲咁話俾我聽佢專登買俾我食😰😰簡單嘅蛋牛治烘底熱奶茶。雖然都係平時會食既，但係又唔知點解餐廳一貫求其嘅作風又出現。第一，我最唔明白點解要用發泡膠盒。其實一個紙袋已經解決咗三文治嘅問題啦！其實紙袋嘅成本唔會平過發泡膠咩？根本佢就係想收多我哋外賣盒一蚊，又唔環保我真係好討厭外賣用發泡膠盒。🤬第二，三文治嘅熱力令到發泡膠盒都有少少溶咗🥶燶邊。大佬就算係燶邊，我都係想個三文治而唔係發泡膠盒囉！第三，更加唔明白點解三文治入面會有少少發霉嘅樣（見圖）救命🆘食咗會唔會死㗎？雖然個奶茶都總算正常。同埋佢單價一杯奶茶嘅價錢（好似係$14-$15）係無疑比出面更難食既茶餐廳平。
繼續閱讀
收銀服務員非常之不禮貌經常在入門口頭四張枱跟一些老年女士在聊天閑談，而且不停散放負面是非，莫視自己應有責任，沒有理會客戶到櫃檯支付賬單，睇到當睇唔到……非常之惡劣態度跟客人對話，這樣的員工，影響公司餐廳形象。
繼續閱讀
有段時間被派到附近工作，屋邨商場冇乜選擇，係我既昔日飯堂，今日又重遊舊地， 又嚟幫襯。茶餐廳嚟講座位都算舒適，主力做街坊生意，佢既食物價錢唔貴，味道中規中矩，每個套餐都包了湯同飲品，性價比超高， 特別係個咕嚕肉好好食。
繼續閱讀