味真越 (已易手) 新餐廳

趁著復活節假期與囝囝乘搭港鐵南港島綫到訪鴨脷風之塔公園兩個為食怪當然要食飽飽至有氣力去玩喇 !!! 在鴨脷洲風之塔公園入口附近就有間越南菜的小店『味真越』 好耐無食越南菜，先來食碗 ... 生熟牛肉湯檬 HK$58 配凍西洋菜蜜 +HK$8 這碗生熟牛肉湯檬好足料呢 !!! 被大大片的生牛肉片和熟的牛腩鋪滿碗面 首先將生牛肉放進熱湯內浸一陣 先嚐煮至軟腍的牛腩，再嚐浸至剛好的生牛肉，又嫩又滑大大片好滿足呢 加少少青檸汁入牛肉湯裡面好清爽 也點了客好抵食的 ... 香茅豬扒飯 HK$38 配熱柑桔蜜 +HK$6 柑桔蜜好潤喉，啱哂現在的天氣，飲完喉嚨好舒服 可以配豉油或蔥油汁，我們揀了惹味點的蔥油汁 唔鍾意食太瘦的豬扒，太多肥肉就會太肥膩 好似這件咁有少少肥肉就 perfect ，有點油脂食落去就無咁乾咁靭 配埋蔥油汁一起食，好好拌飯其實仲想食越式炸蝦餅、酸辣無骨鳳爪和香芧雞翼但是兩人的肚皮有限，下次要帶埋儍爸和囡囡再來食過** 以上分享是以本人的口味、喜好和情況作出分享，一試 / 合用與否請自行決定

她與我，由同事，變為老友。香港仔，留下了許多屬於我們的足跡和回憶。這天，相約舊地重遊，並於香港仔坐街渡去自成一角的鴨脷洲。 午飯，去了一間叫「味真越」越南小店。味真情真，人生如此，夫復何求﹗ 她，要了一杯西洋菜蜜$16。 小妹，要了一杯青檸可樂$18。一個透明杯子，放有青檸和冰粒；罐裝可樂另上。 緩緩地把可樂倒入杯子中，汽泡不斷地冒出來，且發出「吱吱」的聲響。 她的炸蝦餅撈河$48，蝦餅爽彈富嚼勁，細滑河粉混入青木瓜絲、紅蘿蔔絲和香脆花生粒同吃，再根據個人口味，混入魚露或辣椒醬等，即成惹味好吃的撈河。 香茅豬扒撈檬$38，豬扒醃得入味，肉質香腍，煞是好吃。 青木瓜豬頸肉沙律$48，是她的心頭好，材料有青木瓜絲、豬頸肉、洋蔥和花生碎。小妹，卻不懂欣賞。 素來喜歡香口炸物的小妹，要了一客小食拼盤$128，有春卷、扎肉、雞翼和豬頸肉。 越南春卷由以糯米製成的米皮包裹，卷內包有肉碎，以及黑木耳和紅蘿蔔等蔬菜。吃起來口感豐富，味道也佳，只稍嫌油膩了少許。札肉，汁豐肉嫩。 炸雞翼，醃得鹹香惹味，肉質細滑。

有個朋友很喜歡吃越南菜，但當他吃厭了那一間連鎖店ＸＸ，他會想試下新嘢，當日佢帶咗我嚟。牛坑腩湯粉$48呢個強烈建議大家食，同出面嘅牛腩汁差唔多，但呢度嘅花椒和八角更加之入味。睇唔出越式都整得咁好食㗎喎，相信牛腩是炆了很久，因為口感非常之軟淋，牛肉的組織不會聚在一團，而且份量很多，好抵食，最鍾意都係佢個腩汁。香茅豬扒撈檬$38 香茅豬扒整得非常之甘香，而且非常之入味。豬扒非常之爽口，肉質不會太痴牙。而檬粉呈曲身，同d雜菜撈在一起。個人認為檬汁不是太足夠，但好好彩旁邊有魚露和檬汁，隨自己個人喜好去調味，實在貼心。檬粉的軟硬程度適中，加埋個汁真係幾好食㗎！上湯蘿蔔$20 可能是時間不足的關係，蘿蔔的味道實在太清新，還是喜歡濃一點的味道。上湯有點胡椒味，有一點兒刺激，但味道是很不錯的。凍西洋菜蜜(+8) 這個是朋友的，他說甜度適中，沒有什麼特別，加5蚊就有一杯熱飲。熱柑桔蜜(+6) 飲嘅時候感覺到有些柑桔粒粒，帶一點點口感。而整體唔算好甜，潤喉都幾好㗎，同出面平時飲嘅柑桔蜜好唔同！！

這次和友人到鴨脷洲逛逛，途中發現了這間越南菜館，決定一試。先點上飲品，咸檸梳打。梳打以玻璃瓶獨立上，頗為新鮮。咸檸既咸又味濃鳳爪去骨配濃郁酸味，開啟味蕾。尺寸算大，不錯。炸蝦餅口感香軟，配以泰式辣醬味道更豐富。炸春捲皮薄香脆，餡料豐富又味美。附有新鮮翠綠的生菜包著春捲享用，為我減低「罪惡感」。炸雞翼肉嫩有油，提升味道層次。豬頸肉外層經烘烤，味道不錯。肉串有軟骨口感，沾醬有不同享受。沙律爽口清新，可以一解油膩。撈檬清涼軟彈，豬扒帶有香茅味。

鴨脷洲這個地方話遠唔遠，自從通車後交通方便了很多，是的確的，也自自然然好期這個地方有什麼美食！自從南港島線通車後一直都冇搭過全自動列車，今次朋友約咗我來這間食越南檬粉的餐廳，也算是順道探究一下這個地方。先叫了涼拌青瓜木耳$38。整體過味道都幾酸下，醋味很重，青瓜都切得幾大塊，口感非常之清爽，同時又帶點肉感，不會太淋。青木瓜豬頸肉沙律$48，青木瓜幼絲味道很淡，水份較多，還不錯呢！！豬頸肉則味香較濃，夠爽脆和醃料香，就比較鹹，一鹹一淡，兩者的味道中和了，是個不錯的開胃小吃。酸辣無骨鳳爪$38，味道以酸汁為主。無骨的感覺好正，只有些少軟骨，吃起來也挺方便的。鳳爪比較爽口，口感不錯，也是推介的！生牛肉湯粉$48，店員強烈推介這度菜，牛肉上枱的時候是生的，拍照過後我們立即把它浸到熱湯裏，由於牛係薄切，所以浸幾浸就熟咗，唔會令牛肉過熟變老，保持著嫩滑嘅肉質。這是生牛肉河的精髓，湯汁有少少咸，但味道是不錯的，河粉是幼身的，口感十分軟淋。另外雞絲湯粉$48 這個我認為一般般，雞絲不算太好吃，有少少乾柴的情況，但幼河然係幾好食的，還是喜歡生牛肉湯粉多一點。純粹係覺得湯粉冇生菜，所以叫咗呢個上湯生菜$

是日happy Friday, 跟尖子夜遊南區, 隨意地來到一間隱世小店. 晚上九時正到達, 食客不多, 不用等候便可入座. 店內地方不大, 大概只可容納數十人, 裝修簡約, 感覺乾淨企理, 坐得也算舒適自在. 看看menu, 點選了生牛肉湯粉(HK$48), 炸蝦餅撈檬(HK$48), 小食拼盤(HK$128), 青檸梳打(HK$22), 蜂蜜柚子茶(HK$16). 不消一會, 侍應送上生牛肉湯粉. 賣相不錯, 試一口湯底, 牛味中帶著金不換的味道, ok 的. 生牛肉片, 口感腍軟, 河粉也算幼滑, 整體不俗. 炸蝦餅撈檬, 炸蝦餅分量不少, 喜歡吃香口食物的筆者頓然感到非常雀躍. 試一口炸蝦餅, 外層的炸粉不會過厚, 也沒有過油的情況, 很好. 內裏啖啖蝦膠肉, 很滿足呢! 撈檬加上自家制的酸甜汁, 味道剛好也很開胃. 小食拼盤, 有春卷, 扎肉, 雞翼和豬頸肉. 春卷餡料豐富, 香菇, 肉粒, 蘿蔔, 外層炸得香脆也不太黏牙, ok 的. 扎肉有驚喜, 這裡有兩款扎肉, 一款是傳統的, 另一款是用上了香菇, 意想不到香菇跟扎肉是這麼夾, 這個fusion 筆者很buy! 豬頸肉

自從南港島線通車之後, 去鴨脷洲嘅機會真係多咗, 今日就同朋友去完鴨脷洲玉桂山, 行山之後,就去咗鴨脷洲大街度食個晚餐, 見到一間越南嘢, 都有人排隊, 咁就一於食呢間啦!我哋叫咗個小食拼盤, 有豬頸肉, 春卷, 扎肉同雞翼, 炸物得非常之脆口, 唔算好油膩, 豬頸肉非常之爽口, 雞翼炸成金黃色, 皮脆卜卜! 另外再叫咗個雞絲撈檬, 再落埋啲魚露, 非常之清甜可口, 我就叫咗個牛坑腩河粉, 嗰啲湯味道非常之濃, 河粉掛湯能力好高, 每一啖都食到鮮甜嘅牛腩汁味, 而牛腩非常肉嫩, 不錯不錯!

最近媽媽想食越南嘢 search過發現大街就有一間行到落去 都唔洗點搵 街口就係細細間 但係幾乾淨企理 放到兩排貼牆嘅檯、兩張單人檯和近門口嘅一張圓檯服務唔錯 一坐底 即刻拎布抹檯.. 問店員拿水 會主動斟適宜飲用嘅暖水... 送上餐具時 不忘用紙巾墊檯先order「熱西洋菜蜜」畀自己 原價$16 但係跟餐加$6就得... 平時媽媽叫飲品習慣少甜 但係呢杯無少甜佢都話啱味「上湯生菜」看似普通 但普通而優秀先係最難得嘅！份量多、生菜新鮮爽甜不在話下 個湯真係無得彈！用瘦肉熬出嚟 但係肉眼見到浮喺湯面嘅油非常少... 怪不得可以單點「上湯」 因為個湯無味精 又唔重鹽份 齋飲都好健康「香茅雞翼」係招牌菜 當然要試 可點4隻或6隻 我哋要咗4隻 費事咁熱氣 放一陣先食... 攤咗近20分鐘 個碟都唔見成層油 炸粉唔算厚 黐住啲蒜啲 可口得嚟又唔算邪惡 其中一隻褪咗皮先食 齋食雞肉一樣咁入味！主食只order了「雞絲湯粉」 因為怕浪費 原來真係咁大碗碗面鋪滿手撕雞絲 無過鹹又唔肥膩 下面嘅河粉亦好多 打得又薄又滑 而且好有彈性配以紫洋蔥和超大塊嘅芫荽（btw個碗仔係店員主動拿來的 好貼心）可能唔

今日和太太往逛鴨利洲大街, 期間見到一間叫味真越的街坊小店, 見店子是煮越南菜的, 於是我們便幫襯食晚餐, 我們點了青木瓜朱頸肉沙律, 上湯菜心、順化朱肉串、青檸soda和香茅朱扒湯河。青木瓜朱頸肉沙律賣相一流好足料, 青木瓜鮮甜爽口、洋蔥好新鮮、碎花生很惹味, 朱頸肉煎得香口, 整個青木瓜朱頸肉沙律口感豐富, 味道開胃滿足；上湯菜心菜心爽口, 湯好濃香, 味道一流；順化朱肉串有6串和4串選擇, 我們選了4串, 朱肉串烤得好夠肉味, 肉汁鮮甜, 配上酸辣醬食落去更加惹味；青檸soda用上泰國soda水, 味道清新配上青檸飲落口感一流；最後香茅朱扒湯河,朱扒煎得香脆, 香茅味濃,配菜很爽口, 湯河好爽滑湯好香濃。餐廳面積不大,食物很有水準, 尤其是青木瓜朱頸肉沙律, 順化朱肉串和香茅朱扒湯河, 隱世好味的越南菜。

今日第一次學人叫網上外賣平台 外賣。小店好好，有lee 種服務，因為屋企附近無咩食市。食物點左生牛河，湯同河分開上。無骨鳳爪，夠味，不過再辣d更好。不過香茅雞翼用紙盒盛住，嚟到時濕哂。如果轉膠盒會好d 。未order 前，打過兩次電話去詢問，態度非常好，所以決定試下

南區線開通之後多咗好多新餐廳鴨脷洲，海怡半島，黃竹坑等等星期六日好多人。今個星期探朋友同佢嘅小朋友，因為小朋友嘅play group 遲咗所以呢就去食個下午茶先至去接返佢。佢話附近開咗間越南野，地方就真係比較細，不過尚算乾淨，點左香茅豬扒湯檬呢個真係好好食，香茅豬扒鬆化香茅味重，份量夠多，配上足料又大碗嘅粉面，＄50有咁多豬扒好抵食，已經越來越少見咁足料！我諗呢度嘅香茅雞翼同豬扒應該係招牌菜，豬扒完全無雪味，鬆化又有肉汁，應該係即叫即整嘅威力！再點左個越南春卷，份量好多加埋有八件，餡料夠又多款式，有粉絲木耳紅蘿蔔絲等等，上枱熱辣辣又唔會太多油，配生菜食可以減少邪惡感。略嫌呢度嘅碌冧唔夠味，如果可濃多少少就好啦！飲品方面呢度冇奶茶咖啡，檸檬茶檸檬水，有越南式啲嘅檸七鹹檸七等等，就戒一日咖啡咁多啦！下午茶餐真係好抵，必選一定係香茅豬扒同雞翼。

自從mtr通車後，南區多了好多特式食市，尤其是鴨脷洲大街。由街頭行到街尾，多左好多小鋪食店。要揾間大人細路都啱食旳食店，一Ｄ都唔難，我選擇左越南菜。雖然鋪頭地方不算大，但非常骨子，乾淨及光猛。老闆笑容可嘉，第一時間招呼我吔。首先點左個頭盤，青木瓜雞絲沙律，酸酸地，令人開胃。越南菜生招牌就是牛，生牛河不可缺少,薄薄生牛肉放進熱辣辣濃湯內，濃郁牛肉味慢慢浸透出來。加埋佢哋自家製牛坑腩，放入湯內浸—陣食，嘩，牛坑腩—Ｄ都唔un, 好有肉質感，咬落好彈牙。小朋友要食炸物，老闆就介紹越南小食併盤，(有扎肉，豬頸肉，炸春卷及雞翅)另外我們再order香茅豬扒及炸蝦餅。雖然感覺熱氣，但美食當前，食左先算。扎肉鮮，炸雞翅，外脆雞皮內滑雞肉，咬落佢仲有Ｄ肉汁浸出，簡直係炸物最高境界。講到豬頸肉，口感爽滑，還有炸春卷，好<脆>呀！再食遠近馳名蝦餅，啖啖蝦肉，好鮮味😍😍。香芧味十足豬扒，味道啱啱好😙😙。食得太多肉，再點上湯蘿蔔中和—下。雖然只係蘿蔔，但係嫩滑好咬口，好滋味😍😍😘😘😘。一輪狂風掃落葉，飽哂！！回頭一望，原來仲有很多人等候入坐，都不奇怪，鋪頭食物美味，小店服務又親切，價錢仲大衆化

昨天偷得浮生半日閒，同家人去了港島南的鴨脷洲一行，這裡需沒有已往的漁村風貌，仍保留些小特色，如賣海味的小鋪，天后古廟，沿海旁邊行邊欣賞兩岸景色和船家的生活，放鬆心情，也是舒緩壓力的方式，行到公園附近見有一越南餐廳，地方不大裝修尚可坐下後先點一越式拼盤和無骨鳳爪。鳳爪味道酸甜適中，拼盤的燒雞翼外脆內軟，春卷鬆脆，札肉同豬頸肉味道不錯份量十足。越食越開胃最後加多個生牛肉湯河和杯青檸梳打，牛肉鮮嫩河粉很滑，湯底清甜，應該沒有味精的。下次可再幫趁。😊

南港島線都開左一段時間都未搭過，今日難得黎利東呢頭探朋友，都想周圍睇下有咩好食。「味真越」為於利東站出口既鴨脷洲大街，附近多為住宅，似做街坊生意，價錢亦都非常平民。青木瓜沙律：份量比想像中多，蔬菜非常新鮮，食落好爽口。酸辣無骨鳳爪：無骨既鳳爪最適合懶吐骨既我地，入口酸酸地，非常開胃，不過就一d都唔辣。蝦餅：蝦餅蝦肉好有鮮味，入口唔會好油，配埋自家製既醬汁，酸酸甜甜，非常好味。豬肉串：賣相同我想像中有少少差別，無論賣相定係味道都好似德國腸，配埋自家製既醬汁，真係令人食到停唔到口。香茅豬扒撈檬：豬扒煎得夠金黃，亦都好有香茅味，加入生菜同甘筍絲，撈埋花生碎同自家製既汁，真係份外好味。每人配上一杯特式飲品，為我們既晚餐劃上句號。

越南野要試下呢間響鴨利州既小店青檸梳打好有誠意咁用上泰國入口既梳打無骨鳳爪係飯前開胃小吃，味道酸酸辣辣，好醒胃個碗都有自己特色，寫上左味真越三個大字豬排撈檬，豬排炸得好鬆化，而且唔韌，塊豬排大到可以cover個碗蝦餅撈檬，估唔到蝦餅份量咁多，蝦肉仲有鮮味，檬粉質地爽口，配上自家特制醬汁，又係開胃之選小食拼盤種類很多，有豬頸肉，炸春捲，扎肉有特色，用上木耳和豬耳仔，而雞翼炸得好香脆，如果用牛油煎會更加正