影片
港鐵土瓜灣站A出口, 步行約3分鐘
繼續閱讀
營業時間
今日營業
11:00 - 20:30
星期一至日
11:00 - 20:30
以上資料只供參考, 請與餐廳確認詳情
是日黎左味香薈x羊癮起買外賣，聽講呢度個羊腩煲好好食，特登過嚟試下。嚟到舖面睇佐陣餐牌，除咗羊腩飯，睇下叫多一份咩飯返去同家人一齊食先。作為外賣小店，口味選擇唔算少喎，而且門口有幾位街坊等緊外賣，小店似乎好受歡迎，多人食即係好嘢嚟啦😋⭐雙冬羊腩飯小店名物羊腩煲，屋企人少就唔嗌成個煲啦，叫咗份雙冬羊腩飯試下。羊腩炆得好入味，南乳味超香，個皮煲到好軟腍，入口有膠質狀，羊肉鮮味，仲有厚身冬菇同爽甜冬筍，超好食😍羊腩飯個飯係荷葉飯嚟，蒸起上嚟米飯吸曬荷葉香，真心正。⭐梅菜扣肉飯另一盒揀咗梅菜扣肉飯，扣肉炆得入心，脂肪位入口即化非常甘香，梅菜爽甜，白飯除咗吸咗荷葉香外，仲有扣肉嘅豬油，勁好食🤤⭐手撕雞半隻最後仲有半隻手撕雞，半隻份量都唔少㗎，一個膠盒塞到滿曬，雞肉鹹香有雞味，口感結實有嚼勁，鮮嫩靚雞黎喎🤤蒸飯仲有甜豉油送，但羊腩煲咁好味，梗係撈南乳汁啦😆
繼續閱讀
羊腩煲關注組最出名 本地新鮮黑草羊 成hkd888 有3磅 有兩盒羊肉，一盒全肥 全肥 全肥 另外一盒係勁多骨 多骨 多骨 店家回覆 「明白🥹我岩岩都同左師傅反映返 新鮮羊係真係比較肥同難控制啲 因為都係煮個陣先知🙏🏻非常唔好意思今次隻羊比較肥」 真係超級失望 原來新鮮本地羊會係肥到咁 上年食過幾次好食，諗住再支持 點知送到就係咁 自己無 QC 就要個客食哂 咁做生意好似唔係幾好 post 相係羊腩煲關注組 就立即認錯話退錢 跟本都知道理虧 我冇要到退款呀 話就話包送貨 去港島要加50蚊 第一次知道原來港島係偏遠地區
繼續閱讀
秋冬起就來食個古法羊腩煲！我推薦食這間！煮滾軟爛不膻，香味濃郁，足料，好好食！門市到取更送手撕雞！扭蓋式的汁袋不会倒瀉汁，到取時汁袋仍是暖。我有請店家給多汁，再自行配台山蠔豆苗烏冬打邊爐慢。大家記得要電話提前預訂喔！和家人朋友宅在家慢慢嘆美食！
繼續閱讀
今日想食羊腩煲，經朋友介紹話呢度啲羊腩好食，我哋就要試吓啦！呢度係冇堂食，只得外賣，我哋18:30嚟到已經賣晒第一輪，職員叫我哋19:30再嚟，我哋買完再到朋友屋企食。羊腩煲有分幾個價錢$88 例牌（1人份量），相中$388（3-4人份量）仲有$688、$888要早兩日訂，因為職員話呢兩個價錢係用新鮮羊肉，全部係腩部位。我哋就買咗一個$388 嚟食。佢哋包裝得好好，好密實，還有個保暖袋保溫。雖然平價係用雪藏羊肉，但都炆得好腍好入味，係有幾嚿肉比較靭，最可惜係個汁比較甜。食羊腩嘅靈魂係腐乳醬，加埋佢哋自家製嘅腐乳醬，口感更惹味！**依家買羊腩送手撕雞**手撕雞好夠味，肉質嫩滑。整體嚟講係好食嘅！值得推介！
繼續閱讀
今日喺土瓜灣站買咗荷葉蒸飯，真係好滿足！首先，功夫雞蒸飯香氣四溢，雞肉鮮嫩，配上特製醬汁，味道相當入味，飯粒吸收咗雞汁，口感一流。而火腩飯就更加唔使講，肥瘦適中，內裡軟滑，咬落去真係好過癮，配埋白飯，味道更上一層樓。至於手撕雞飯，雞肉撕得剛剛好，搭配特製的醬，味道真係一絕！雖然三款飯都有各自特色，但我最鍾意嘅係功夫雞蒸飯，雞肉嘅鮮味真係無得輸。總括來講，荷葉蒸飯既有傳統味道，又唔失創新，每一口都令人回味無窮，絕對值得再來一碗！如果你係土瓜灣附近，記得試下呢幾款，肯定唔會失望！
繼續閱讀