呷哺呷哺 (The ONE)

營業中

休息中

去過很多次，但上星期發現顧客較以往少，到埋單先發現原來登記了的會員再沒有折，全收正價，而且推介肥牛像五花腩肉，多肥膏，由於價錢唔再吸引，加上食物一般，地板立黐黐，無興趣再幫襯。

驚喜嘅。1. 一人一鍋，唔再怕又公筷又食其他人口水尾2. 一人自己叫一個湯底 & 套餐3. 套餐份量睇落唔多，但食落其實好夠。仲要一定有一盆菜，成件事健康晒4. 套餐有台式飲品，正5. 半自助，無限添王子麵、公仔麵、紫薯麵、肉噪飯、刨冰、台式糖水可惜，有限時，90分鐘。同時間地，就算無人等位，未爆場，90分鐘真係叫我地要走。 唔係有錯，因為入座時已講明，不過其實如果可以有啲彈性，成件事會更加完美。另一讚係場地的確乾淨嘅，因為睇住佢哋認真清潔，而且地下亦無一般火鍋店黐黐立立嘅感覺。

第一次食呢間火鍋店，佢唔係任飲任食火鍋，而係限量一人一鍋！初初我會擔心食唔飽，因為每一份餐都只係一個鍋，一份肉（豬/牛/羊/雞/海鮮），一份蔬菜（有菇有丸）同一杯台式飲品！但原來我嘅擔心係多餘嘅，因為裏面有無限任食嘅肉燥飯、唔同種類嘅麵、仲有前菜、沙冰甜品等等。。。雖然佢係限量火鍋，但係我哋都食得好飽！不過係完全無浪費食物！呢間餐廳適合注重健康嘅香港人，因為佢唔係淨係有肉，佢都有唔同種類嘅蔬菜！佢仲有海鮮餐，好啱一啲唔想食太多肉嘅人！整體感覺餐廳係乾淨，員工有禮貌，但係比較迫！

尖沙咀台式火鍋星期六去左the one 睇戲，好在睇戲前用openrice 訂左位，睇完就入去不用等。簡單的套餐一人一鍋，分量夠，有一分大大的肉，加一個菜碗，有福袋同丸仲有蛋餃。湯有2個，自選湯底同埋一個香草姑湯。仲有任食台式肉粒飯，同埋台式冰粉。服務幾好，冇黑面，加水收碗碟都快，可能用手機落單同一次性點單。會再去食。

係，你冇睇錯又係我嘅至愛 打邊爐， 今次去咗尖沙咀the one呷哺呷哺，佢係一人一鍋，我 叫咗個金湯酸菜鍋， 然後旁邊個黑松露湯底(抵呀) 肉類方面揀咗伊比利亞梅花肉， 豬肉未夠濃 夠滑， 唔會鞋颯颯， 跟住再叫咗一個海鮮拼盤， 佢有蜆肉，有蝦，有魚， 有扇貝，有墨魚， 所有嘢都好新鮮,正, 海鮮配金湯酸菜真係唔錯， 帶出鮮味， 之後個蔬菜籃係套餐， 裏面有娃娃菜，生菜，金菇，冬菇，蜂巢豆腐， 兩粒貢丸 福袋， 蕃茄， 蛋餃， 粟米~ 之後出面仲可以放題拎其他嘢， 王子麵 烏冬………… 所以一餐裏面真係好多嘢食，唔會唔飽， 絕對係抵食之選， 所以我畀五星星佢]]

歡樂時光套餐 $68$68好抵食Menu好似無講 但埋單嘅時候話要會員 先嗌得依個餐🤔好在可以即時入會湯底：青花椒鍋好麻好辣越淥就越辣>麻 最後唔係好handle到😂好在旁邊有一小格昆布湯 可以清返吓個set份量同質素都正正常常啦巴西豬肩肉 (100g) +$18質素正正常常啦 $18都無乜要求冰大紅袍珍珠奶茶 +$9茶味幾香濃珍珠又幾好咬🙂‍↕️USDA Choice 牛上蓋肉 $98就咁睇以為都靚靚仔仔但一夾起發現  片肉薄到透晒光咁😂😂😂牛味有少少啦🤏🏻$98嚟講 就有啲失望每次嚟都會食滷肉飯同埋王子麵

呷哺呷哺係湊湊嘅🍲台式小火鍋品牌，主打一人一鍋，一個人打邊爐冇難度👍🏻。小火鍋套餐平均百幾蚊就食到🤤，套餐已包咗鍋底、樂活蔬菜盤🥬、自助醬料及小食吧、自助刨冰🍧、茶飲🧋等～·♡ 養生菌菇鍋無論揀咩湯底都會搭配呢個小鴛鴦湯底，想講呢個菌菇鍋底🍄好好飲！菇菌味道勁香勁濃郁🤩，原來呢個鍋加入多種菌菇煮成，好似杏鮑菇、洋菇、珍珠菇等，再加上松露醬及菌菇醬，唔怪得之咁正啦😋！·♡ 暖心豬肚鍋雞湯加入白胡椒及大薏仁熬煮而成，另外更特別加入燕麥奶🤩，唔怪得個湯頭咁順滑啦，如果冬天飲一定暖笠笠☺️。·♡ 脫俗番茄鍋番茄🍅切到一粒粒，仲有洋蔥絲同迷逸香，個味道會越食越濃🤤。·同朋友分別叫咗♡人氣牛肉套餐($198)及♡尚青海陸套餐($208)，人氣牛肉套餐嘅牛肉可以三選一，我哋揀咗🐮美國特選級牛上蓋肉(140g)；而尚青海陸套餐包咗一份🐂美國特選級牛肩胛肉眼(100g)及🦑🦐海鮮拼盤(小)。兩款牛肉賣相色澤紋理都好靚，個人較喜歡牛上蓋肉🤤，呢款嘅牛肉味道更突出；而牛肩胛肉眼嘅油脂會多少少☺️。另外，個海鮮拼盤雖然係小份，但其實份量都唔少👍🏻，包括 特選鯛魚🐟、魷魚花捲🐙、白蝦🦐、蛤蠣，一人一鍋都可以好豐富！

閒日星期二中午12點15分到達，入面大把位，唔需要等😺。我哋兩個大人一個小朋友坐單邊梳化卡位， 室內有大落地玻璃，🌻陽光可以射入嚟，十分開揚。我哋嗌咗兩個68蚊 歡樂時光套餐 (星期一至五才供應) ，分別有牛肉或豬肉可選， 另包一杯嘢飲， 但有啲凍飲/特飲就要另外加錢， $68餐一定要app登記會員先至可以嗌， 登記過程有啲煩😵‍💫😵🥴。我哋另外嗌咗一個148蚊嘅肥牛餐 (野生菌菇鍋 湯底非常之好飲💯)，都係包一杯基本飲品。如果鍾意食肉類嘅人士，可能覺得哩三個 定量餐嘅肉都比較少，未必夠飽。出面吧檯有肉燥飯，刀削麵，出前一丁等等 可以自己攞，同埋其中一個 菇菌醬 非常惹味😋 ，另外最特別就係小朋友勁喜愛嘅刨冰機，可以自己製作刨冰🍧，再配搭台式風味嘅toppings，如 仙草/ 芋泥 /紅豆/ 煉奶/ 黑糖等等。 總括嚟講，如果三個人都只嗌68蚊餐就超級無敵抵，適合 不愛吃肉 及食量比較細 嘅人。

終於有適合I人的完美去處了，一個人吃飯總是特別的讓人害羞，甚至想點多量都不太好點，對於想吃火鍋的人來說，更是難上加難，於I人來說也是一大挑戰！一個人一個鍋（重點還是鴛鴦鍋，兩個口味一次滿足😌），蔬菜、肉品、飲料都是一個人剛剛好的量，不夠肉還能加購，享受一個人的時光，美滋滋🤩選擇困難也不用擔心，這邊牛肉、羊肉、豬肉、雞肉、海鮮都有！你想吃的絕對不會想不到！個人最愛的莫過於那琳瑯滿目的甜品啦！芋頭控千萬別錯過，芋圓、芋泥隨你吃！仙草、紅豆🫘聽員工說都是台灣來的！思念之情立刻爆發，這濃濃台味，真的很解我們這些在外打工的台灣人的思念之情🤤🤤🤤

一開始去到感覺環境都唔錯 又唔駛點等位但上菜速度勁慢👎🏻👎🏻👎🏻 每枱客都要再三催促先上到湯底 火鍋料 飲品食物品質一般食食吓 天花初時有滴水 之後係管道不斷流水落嚟 店員只不斷重複表示安排其他座位 對於滴水會否影響食品衛生 完全不顧👎🏻👎🏻見到咁 就算未食完都揀唔食走人啦。。 餐廳一句唔好意思都無 真係好離譜未試過去一間餐廳係咁差

✨ 呷哺呷哺 Xiabu Xiabu | CP值極高一人火鍋無骨嫰雞腿+養生菌菇鍋 拼昆布柴魚鍋+熱茉莉綠茶 $158：雞肉嫰滑柔軟，非常新鮮：菇味濃，好香黑松露味，滾菜不錯套餐還跟餐附送精美的蔬菜拼盤和每人一杯台式飲品：蔬菜拼盤非常新鮮，能感覺到蔬菜真的是經過精心挑選的：個人也非常喜歡盤內的丸！提供無限任食前菜（酸蘿蔔、雲耳）、肉燥飯、麵類 (烏冬、王子麵、出前一丁、刀削麵、紫薯麵)、手工冰粉和自助醬料區：大愛酸蘿蔔：可親手自制冰粉 一定要加紅豆！！一人份量剛好員工服務服務很好，感覺很有禮貌和勤快座位寬闊、環境舒適，限時90分鐘------------------------------尚青海陸套餐（美國特選級牛上蓋肉） $208朋友：魷魚、魚、蝦也十分新鮮羊肉套餐 $188朋友：羊肉一般，豬肉幾正滋選豬肉套餐(梅花肉) $158朋友：覺得幾好食，個豬肉幾正，份量都俾想像中多

今日朋友帶左我去食台式小火鍋，呢間我都係第一次食，朋友預先係open rice卜左位，所以就有靠窗邊靚靚卡位坐啦☺️🩵套餐：元氣豬肉套餐$193我地2個都係叫左呢個套餐，每個湯底都係鴛鴦鍋配置，細鍋裡面係黑松露菌菇湯底，主湯底我就揀咗脫俗蕃茄湯，配一碟新鮮既比利時五花肉、一盆樂活蔬菜盤，出面仲有自助配料可以任拎，真係超級飽肚😛🩵飲品：冰抹香珍珠奶綠+$5我揀咗3分糖同去冰，去左冰之後杯珍珠奶綠冇因為融左冰而變淡，味道都有水準🧋

今日有同事話要去the one買嘢，於是我們陪佢去the one順便睇下有咩lunch食，點知喺電梯口見到有呢間台式火鍋做特價68蚊1人火鍋好抵。 雖然套餐只有兩款選擇，但一問之下原來還有醬料，刨冰甜品，面類及肉燥飯都係任食，只要做會員就可以用優惠價食，還可以即場做會員！我們決定一於試下另有加一收費。 套餐包一杯台式飲品，我們4人每人一鍋叫了： 肥牛蔬菜拼盤套餐配青花椒及昆布湯底$68 ～ 同事反映青花椒湯底好辣，她已是食得辣的人，如果減少少辣味會更好。肥牛有牛味，蔬菜新鮮 豬肩肉蔬菜拼盤套餐配昆布湯底$68 ～ 昆布湯底清新同豬肉好配， 蔬菜新鮮好食食物吧枱有十多款醬料，又有各款面類如刀削麵，出前一丁，王子麵等。。 肉燥飯也好好食又可以自製刨冰，正我們食得好飽好滿足

新開嘅時候嚟食過一次 今日再同同事嚟依到食lunch依家有lunch set都幾抵食美國特選級牛肩小排 $168肉味濃郁啲 相對無乜脂肪湯底：脫俗蕃茄鍋淡淡嘅蕃茄味 中規中規啦 未算係好出色美國特選級肥牛 $148依款就油脂感重啲-金湯酸菜鍋幾夠酸幾惹味每個餐都有一個蔬菜盤 都係大路嘢啦 質素都正正常常自助吧枱仲有我最愛嘅王子麵除咗王子麵之外 都有好多唔同嘅麵食選擇依到勝在有任食滷肉飯飯前飯後啪一碗 係滿滿嘅幸福🦦個frd就睇中佢嘅刨冰+芋圓

試了人氣牛肉套餐養生菌菇鍋，湯底清澈鮮美，入面有各式各樣嘅菇類，口感好豐富脫俗番茄鍋湯底帶有濃郁嘅番茄味，同牛肉一齊食好好味，酸甜口感好正最吸引嘅係美國特選級牛肩胛肉眼，肉質鮮嫩多汁，一咬即化，絕對係肉食愛好者嘅最佳選擇招牌雞肉套餐養生菌菇鍋嘅湯底清爽美味，同樣有多款蘑菇，味道更加豐富昆布柴魚鍋湯底很鮮，同雞肉好搭配無骨雞腿肉肉質鮮嫩多汁，好好食大紅袍珍珠奶茶，茶香濃郁，珍珠Q彈！茉香珍珠奶綠，茶香同奶香嘅結合好好，好清新！如果你鍾意豬肉同牛肉，加配$38既無肉不歡豬牛雙拼係一個好選擇，好抵！呷哺呷哺仲有自助調料同埋自助刨冰服務，增添咗用餐嘅樂趣！我可以自己加調料，調出獨特嘅口味。而自助刨冰就有好多款口味嘅雪糕同配料，好適合消暑！呷哺呷哺提供咗多款抵食美味嘅套餐選擇，無論係牛肉定係雞肉，湯底同食材嘅搭配都好出色！