呼吸星球

營業中

休息中

比social media d foodie po 呃咗黎食，本身見個post留言好壞參半，但見環境幾靚，幾有聖誕氣氛，就試一試⋯首先，排隊時間過長。排咗成個鐘，條隊入得勁慢，入座安排混亂。成間餐廳都係大陸人咁滯，懷疑中咗social media熱點。餐廳本身已經細，啲人仲要個個喺條路打卡，又開晒閃光燈影，加上本身餐廳環境昏暗，極影響用餐體驗。見到有啲人為咗影相坐埋去人哋個位度，真係為打卡無所不用其極。上菜又慢，明明點咗2個一樣嘅餐，第一份上完都要等咗大半個鐘先上另一份，仲要埋單先發現落錯晒啲單。食物質素ok, 但唔值呢個價，仲要排咁耐隊，唔會有下次。Extremely overpriced, 極度唔建議食

本身諗住星期六餐廳要排隊好正常，點知最後排咗成兩個鐘（5點先有得食）仲要冇人follow up外面條隊，餐廳冇限時，條隊勁長，但係入邊啲人淨係喺度打卡又唔肯走⋯⋯之後諗住嘢食好食環境靚唔緊要啦，點知啲嘢食全部好貴同埋真係好普通，嘢飲都冇咩特別，但係收成40幾蚊🥲不過真心環境係好靚嘅，但去完一次唔會再去。

原本喺社交平台吸引去的，滿心期待。體驗完之後，唔會再幫襯。首先排隊，已超過一個半鐘，相信星期六排隊是常識，ok fine 冇問題。入座後，店員告知多款熱賣餐點售罄，而且上菜速度慢，order完上菜，仍要再等待一個鐘以上。甜品原先是窩夫，轉了機器亦不通知客人，窩夫變成鯛魚燒。餐品價錢偏貴，店舖位置亦不方便。唯一是優點，店內裝修出色，適合拍照留念。在離開時門外，仍然有10多人排隊。而且店內明明有空位，亦不放客人進場 。直程聽到店員嘅對話，係特登唔放人入場，簡直離譜，大家都理解小店位置有限，但如此原因難以接受。

保留了60年代白宮冰室的古董擺設，各式各樣的珍藏品，置身其中，時光像倒流著，讓我想起了「花樣年華」的場景。還記得幾年前重開的時候來過一次，今次再訪食物水準仍然保持，蜜瓜麻糬窩夫賣相勁靚，蜜瓜夠甜多汁，而且手工雪糕嘅質地係比較粗糙果種，比入口幼滑果種雪糕較多一份質感，絕對係是日MVP🥇復古裝修+聖誕樹擺設又有另一番體驗和氛圍感💯🎄- 燒汁豚肉定食- 蜜瓜手工雪糕麻糬窩夫- Cold Brew- Hojicha latte

出餐速度極慢 等個雪糕可以等一個鐘😅肚餓到燥😅當日客人得兩檯 老闆同侍應行來行去傾計 我相信絕對唔會有人手不足嘅問題結果餐品送到嚟係要客人自己移開先前嘅食物嘅😅如果唔係嘅話嗰位小姐會端住個盤企係度黑口黑面望住你一聲唔出等到你清開檯面先嘅。野食又貴又唔好食 選擇唔多唯一一樣好係環境幾有特色 不過位置偏僻 真係去一次就唔會再去了。

喺呢個普通話多過廣東話嘅環境入面，一入去女服務員就毫無禮貌咁樣講「你哋要出邊等我叫你哋先可以入嚟。」入到去個環境只能夠講中西合璧乜嘢都有，一打開個Menu一個普通牛肉飯都要$200up，最平嗰兩個定食都同我哋講賣晒。我哋兩個人本身嗌咗一個定食一個甜品再加一杯嘢飲，被告知唔夠，最少就要再嗌多一杯嘢飲先得。佢限時每個人嗌一杯嘢飲，只能夠坐1.5小時，但係我哋等餐都等咗1.5小時。嘢食只能夠講10分普通，完全唔值呢個價錢。附近有好多內地遊客喺度影相，10分嘈吵，只係一間裝修好少少嘅貴價茶餐廳feel。

史無前例咁差質素嘅餐廳，24年8月25日 我一行二人到隔離某咖啡店外賣咖啡後，既然黎到土瓜灣，大家又話餐廳生意難撈，我哋就身體力行支持香港餐廳，沿途入黎食飯，我哋二人都分別手持剩餘嘅¼杯咖啡飲料，兩位侍應由我地等位至點餐至等餐既20分鐘內無拒絕攜帶飲料，而我哋都冇為意到！我哋等餐途中，突然一位鬍鬚男士（相信係老闆），突然衝過嚟聲嘶力竭指罵我哋，我哋即刻話唔好意思連續兩次道歉，我哋唔介意而且樂意可以點佢哋嘅飲料，由指罵到5秒內呼喝客人（即係我哋）離開餐廳，我哋就話唔緊要咁就離開餐廳，有趣地該男士竟然一直繼續破聲大罵羞辱我地。what an interesting experience! 支持所有好嘅餐廳but not this one who will insult their polite customers like us! Crazy 黐線餐廳

第一次要留劣評俾一間餐廳今日係呢間野對面既cafe飲咖啡杯咖啡差唔多飲完見到對面呢間餐廳幾特別 裝修幾復古諗住過黎食野入黎嗰時門口冇寫外來飲品禁止入內之類既標示店員見到我地拎住嘢飲亦都冇阻止我地 所以我地都冇為意之後就坐低嗌嘢食 等緊嘢食既時候 無啦啦有個鬍鬚佬（唔知係咪老闆）指住我地話我地點解咁冇禮貌係佢餐廳入面拎外來飲品我地自知理虧 即刻道歉話唔好意思同埋話可以即刻掉咗佢點知佢再大聲啲話 「你地有無搞錯 我依家唔做你地生意 即刻走」我地呆咗 但係都即刻起身話走 同埋再講唔好意思之後我地一路走佢再一路鬧我地話我地唔識禮儀 冇禮貌 就算啲嘢食已經煮緊都唔做你生意真係火都黎埋 首先已經即刻道歉同埋即刻起身走 佢仲要追住黎鬧 咩事？香港就係有呢啲人所以搞到飲食業彎晒唔知呢間野啲野有幾好食 但係如果想貼錢買難受既請幫襯

今日同朋友去了土瓜灣這間特色Cafe，超級復古的裝修！餐廳有多樣懷舊嘅裝飾、用品。店員態度親切，因為客人不多，他叫我們隨便走動，可以去不同地方打卡。但去到當日好多東西都冇賣，當中包括咖啡類飲品，高湯玉子及雜莓窩夫。 同行朋友叫了雞定食、水煎手打漢堡定食及手工雪糕伴麻糬蜜瓜窩夫。雞定食超級好食，雞件十分嫩滑。和朋友都覺得比漢堡好食。蜜瓜窩夫參賣相吸睛，手工雪糕有咬口，香甜，奶味不會過重。覺得這間餐廳的價錢定位較高，如果可以再便宜一點就更好了！

一直心思思想去呼吸星球食，前幾日終於去。喺度哎咗好多嘢食，唔係冇梅子蕃茄同梨酒雪糕埋單成千蚊都似。我先講配菜甜品啦，高湯玉子係好食嘅，雖然望落有少少鞋，不過食落啱啱好，因為我唔鍾意啲咁生嘅玉子燒。莓果雪糕窩夫有驚喜，擺盤好用心，自製雪糕好食，窩夫入面有薄薄一層果醬，只係窩夫凍咗少少。不過到咗主食嘅火炙三角，除咗瀨尿蕃茄仔既清甜又清新之外，和牛得嗰四五塊，本身啲部位唔靚有一大塊肥膏油脂都算，我等餐等咁耐，佢煮足咁耐都仲要煮唔熟，食到最後嗰兩夠我真係要諗一諗擺唔擺落個口。後尾我見前面枱有人入嚟想喺度返暑期工做樓面，我心諗依家係個廚房煮極都煮唔熟嗰塊牛，你請多幾個樓面都冇用㗎喎，你不如俾我衝入去廚房煮返熟塊肥牛啦。最後我見冇梨酒雪糕就叫咗蜜瓜拌半熟和牛，啲和牛冇之前咁生，不過離我心目中都仲爭少少，蜜瓜 ok 好甜。加一後埋單 800 左右，總言之呢度乜嘢都好食，唯獨和牛唔係咁好食，和牛嘅話都係去日本食算啦，還掂依家啲 yen 咁平係咪？

石桓牛真係無得彈！係香港食過數一數二嘅牛🐮油脂配埋啲飯真係諗起都好想再食～而且餐廳環境真係幾打卡able，好有特色，有唔同色彩嘅燈光，真係好啱夜晚拍拖約會。唯一缺點就係食物價格真係偏高🫣

土瓜灣走復古風既咖啡店 @fullcupcafe_planet 主打由石垣島出產既和牛 標榜只此一家睇怕今年都唔會去到日本架啦😪🙂食左當去左先啦小店保留左前舖白宮冰室既花窗、牆磚、擺設及物品等令小小一間coffee shop變為小型博物館📺處處打卡位 岩晒鍾意影相既朋友仔🤭對於環境裝潢的確無得彈啊～留意返 餐廳只收現金 差啲無錢比呀我地⍥ 牛肩一段 ❙ $308牛肩比豚肉略勝一籌 牛味濃郁🤩又夠油香好好餸飯 我地認為比豚肉好食得多份量迷你🤔呢個價錢黎講都幾進取定食包括麵豉湯 木耳腐皮涼拌必須要讚讚話梅蕃茄仔酸甜清新 的確好開胃爽利👍🏻⍥ 燒汁豚肉 ❙ $156有五六片豚肉🤨偏瘦比較dry燒汁甜甜地 又係好好餸飯😅同樣飯量唔多 輕鬆清碗定食亦包括麵豉湯 木耳腐皮涼拌仲有糖漬栗子 賣相唔差⍥ 高湯玉子 ❙ $128熱焫焫 出晒煙先塗滿面頭偏鹹香既柚子芥末醬 玉子因為用左高湯整😌所以非常濕潤多汁一試無妨既⍥ 陳皮山楂雜莓果·手工雪糕伴麻糬窩夫 ❙ $138呢個甜品我係幾期待 Waffle偏硬脆 係易割損上顎果隻唔係我鍾意嘅口感 ☹️另外～完全食唔出裏面有麻糬🙂‍↕️我都係睇名先知

土瓜灣呢個區，真係舊中帶新，新中帶舊。在當中的13街，餐廳”呼吸星球”像是奇特的新餐廳，偏偏內裡又是懷舊風，裡面太多奇珍異寶，有排影同睇，而且又靜冷氣又舒服。不過，餐廳價格高得誇張，一個100g和牛飯三百起跳，還未算杯杯近百的飲品。據稱這裡以前是做較平的cafe，但後來重建問題轉了手，以和牛店重開。如果飽吃一餐晚膳，建議預600-700一位。

睇電視介紹土瓜灣以前"白宮冰室"個舖位改成咗懷舊嘅日式餐廳,好想即刻去試。從門口嘅裝修已經覺得好有日本feel,好似置身於日本嘅小巷裏面。打開門嘅感覺就完全唔同,係近年至流行嘅mix and match: 有懷舊玩具、有卡位、有長枱、有五光十色嘅吊燈、星球掛飾、單車、騎木馬、懷舊馬賽克地板、日系裝飾、英式擺設…...林林總總，目不暇給。連家燕媽媽後生嗰陣嘅鐵皮日曆板都畀佢搵到,佩服!打完一輪卡,終於點餐。我哋叫咗日式燒酒青檸梳打,好飲!另外,梗係咗最受歡迎嘅"火炙三角燒肉定食",有麵豉湯、漬物、薯蓉同一碗鋪滿和牛片嘅飯,賣相一流,味道仲一流個和牛全靠嗰個柚子汁,點完嚟食即刻減去和牛嘅油膩感,仲帶出鮮味添! 可惜食到尾你會見到個碗充滿肥油,覺得好邪惡咁。不過和牛唔肥又唔好食喎,噢,我呢一刻嘅心情真係好複雜呀…...雖然心情複雜,都要食甜品㗎。我哋叫咗兩杯雪糕,一個芝麻,另一個係"梨酒牛奶雪糕小杯",其實係用梨酒淋喺雲呢拿雪糕上面囉,賣相幾靚，但價錢比味道高🙄你明啦。總結,小貴但好食👍

雖說餐廳充滿特色，擺設，飾物樣樣都別出心裁，但食物質素和上菜速度實在有待改善。一個定食等45分鐘或以上，但已不是午餐時段，如休閒地過的話可以耐心等待。抹茶鮮奶的確不錯，抹茶味香濃，但食物質素只屬一般。