和味館 (已結業)

#fafafoodblog #fafafoodblog長沙灣 #fafafoodblog中菜 🍴鴻運乳豬大拼盤🐷有乳豬 木耳 豬腳仔 燒鵝 油雞 乳豬香脆 點甜醬好味 豬腳仔好入味 d醬汁丸少少南乳香味 油雞夠肥美🐤木耳爽口 燒鵝 既鵝皮好香 鵝肉 肉味濃🍴富貴珊瑚蝦球🦐三色椒加芹菜 夠哂新鮮顏色夠靚 珊瑚蚌夠爽口 咸味適中 蝦球大件新鮮 蝦肉彈牙🦐 炒得夠鑊氣 正🔥 🍴八方運財鮑魚仔個味好特別 有 d紅黃椒又帶 d椒鹽味 醬汁又有 d甜 好正既開胃海鮮 重點係 鮑魚好新鮮 夠彈牙 超正 😍 🍴瑤柱金菇扒時蔬🌿瑤柱勁多 勁滿足😍 夠煙靭 茨汁入味 俾新鮮鮮綠既菠菜吸哂 正 而磨菇都好多 夠 juicy啖啖肉 菇味香 唔錯 🍴紅燒海皇燴生翅🐟🔥個翅茨汁好香濃 有口感 翅夠爽口 蝦肉足料切成碎粒 增加湯既鮮味 整體味道好同夠潤😍🍴 清蒸沙巴龍躉🐲🐟沙巴龍躉 蒸得剛好 全部位都熟又唔會太老 肉質帶 d彈牙 魚味香 而且厚肉有口感👍🏻熱辣辣甘食 連 d葱花豉油撈飯就夠好味 🍴發財好市添大利🐷,雖然平時新年都好多人整呢味餸 但整得正其實唔易 首先佢低層既茨汁 口感好好 夠香濃 生菜夠

最近因為潮流興食叉雞飯，所以到訪不同區找尋叉燒，今日來到長沙灣。在外面看，這間中菜館的燒味部很有很大塊玻璃，好似很吸引，要買燒味要先到店內的收銀處付費，然後拿票尾回到外面燒味部窗口買叉燒，叉燒半斤$55，一斤$100。我買了半斤，外賣回家。燒味部師傅很健談。叉燒肉有點硬，汁有點鹹，半肥瘦的肥還可以，要找好味的叉燒不容易。

一D都吾和味睇openrice 哩間茶樓居然一個苦面都沒有，真的要去食下。星期五上午9點去到，大概百分之85坐滿，應該吾錯，入去馬上有人招呼。枱和枱距離好寬，很舒服。叫了幾個點心，再后加兩個，都大概5分鐘有，話系即蒸，但無理由咁快，但係唯一可取系熱辣辣。價錢系街坊價。蝦餃皇（$22.8）- 吾得喔，一來已經只係正常大小，絕對吾係皇，蝦仲有雪味同吾爽，皮比較厚和贏。排骨蒸陳村粉（$14.8）-排骨幾滑，但絕對吾系真正陳村粉，應該話係腸粉多D，仲淋得好厲害。叉燒包（$14.8）-包皮比較厚和不象平時食開D包皮，叉燒比較少，味道普通。北姑蒸雞飯（$6.8）-細細窩，早餐一個人加一碟剛剛好，雞好滑，飯加左鼓油都吾香順德炸魚餅（$13.8）- 好多油，好淋，無魚味。春卷（$16.8）-好熱好熱，皮薄餡料無乜味，仲太多油。可能炸野都有同樣問題。姜汁糕加鲛魚球（$23.8）-姜汁糕系多層，有姜味，吾錯-鲛魚球同炸魚餅一樣，好”淋”好“希”

收工後，想食小菜係附近塭到間中菜館。佢應該係新開冇耐。佢既裝修係以菜樓風格，舖位吾算好大。但小菜價錢唔貴呀！！另外見佢地仲有時令海鮮叫。當晚圳爆哂場，好多都係訂左位黎食嫁！我地2個人叫左3個小菜。酸菜魚$118平時返大陸食酸菜魚食得多，今次第一次係香港食。而呢間菜館佢哋係用鯇魚肉。味到一定唔及大陸重口味㗎啦。裏面有啲薯粉。$118嘅價錢真係好抵食！而且味道都唔錯㗎🤤.脆皮咕嚕肉如果個脆皮可以炸得脆口d就滿分啦另外我哋仲叫多咗個雜菜鍋。裏面有蝦乾，清清地一碟菜，good

聽朋友講，長沙灣開咗間新餐館。咁啱今日媽咪想休息下做「無飯主婦」，於是就一家人去試下呢間新嘅中菜館，最啱一家大細嚟食！諗嚟諗去，我地叫咗個套餐，有三個小菜。分別叫咗個頭抽雞、涼瓜排骨同埋一個上湯油菜，價錢都只係大約300蚊！個頭抽雞好出色，同食開嘅黃燜雞有啲似，甜甜地好特別！但呢個雞好滑，火候控制得啱啱好，完全唔會有over cooked嘅情況。個醬汁好好味，攞嚟送飯真係一流！涼瓜排骨啲排骨好新鮮，最驚係出面食排骨會有雪藏味，但係呢度食到好新鮮嘅肉味，好有驚喜！排骨同涼瓜一直都係絕配，排骨嘅鮮味中和左涼瓜嘅苦味，變成甘味！除咗套餐之外，我哋額我要咗個椒鹽鮮魷。鮮魷炸到脆卜卜，熱辣辣。一咬落去嗰陣爭啲辣親個咀，可想而知有幾新鮮熱辣！炸粉又一啲都唔厚，非常可口！

同媽咪慶祝生日，上網search發現荔枝角有間新開嘅中菜館，價錢中價，但評價唔錯！於是，早早book位一家人去食！😌😌去到見到佢同茶樓有啲似，原來係朝早會有點心食，夜晚就做小菜！一見我地入嚟，就已經好好咁服務我地，服務態度好好，每個待應都笑容滿面，抵讚👍🏻👍🏻我地揀咗個套餐，包一個菜，一個炒蜆同兩隻乳鴿！都幾豐富，價錢好平，只係$268，抵到爛！唔好以為平野無好野，食物質素都好高㗎！炒蜆大大碟，感覺都有斤半蜆，一啲都唔呃秤！獲氣好夠，真係色香味俱全！啲蜆食落都好新鮮，又無沙，正呀！另外，要咗個沙鍋通菜，呢個真係好正，沙鍋保持咗菜嘅熱度！個套餐仲包咗兩隻燒乳鴿，上菜時已經剪開四份，方便食用！啲皮燒到脆卜卜，肉汁好多，亦好入味！

【 長沙灣中菜館 】------------------------------呢間中菜館似舊式既酒樓，但由於新開既關係，所以裝修都好新淨企理👍🏻睇過食評都唔錯喎，就一於試下😋😋［ 菌皇醬蒸勝瓜 ］菌皇醬雜菌味濃郁，配埋勝瓜就唔會覺得寡，成碟餸一啲油都無，健康之選😜💪🏻［ 燒乳鴿 ］乳鴿啲皮好脆口🤩肉質幼嫩，調味唔算太鹹，食落鹹鹹香香，配埋啤酒就岩曬喇🍺［ 薑蔥焗蠔 ］侍應推薦薑蔥焗蠔，果然無介紹錯🤤桶蠔十分肥美，隻隻都圓碌碌、脹卜卜，食落鮮甜唔腥。配埋薑蔥炒好有鑊氣，正👍🏻👍🏻

平時喜歡周圍搵嘢食只要是好食的都會去幫襯，最近朋友說在長沙灣開了一間「和味館」，中午茶非常抵飲，晚飯質素亦非常高，一於約埋朋友一齊去試一試睇吓和味館係咪真係咁和味先。波士頓龍蝦芝士味伊面底波士頓龍蝦肉厚彈牙，加上濃郁的芝士香味一陣陣的鹹鮮味，配上伊面底把醬汁精華完全吸收好食到停唔到口。啫啫通菜啫啫通菜，上桌的時候還在發出吱吱渣渣的聲響，香氣撲鼻入口味道調校得非常好，鹹香野味加上師傅處理恰當每條通菜都非常碧綠賣相與味道都一流。椒鹽鮮魷椒鹽鮮魷，粉漿非常之薄炸得十分香脆，加上椒鹽調味味道恰到好處。剁椒啫魚頭剁椒啫魚頭，整整一個新鮮大魚頭切開一件件，加上大量的蒜頭辣椒把魚頭啫熟，未開始食聞到已覺得非常吸引。生煎蓮藕餅生煎蓮藕餅，把蓮藕切碎和免治豬肉混合，一件一件地煎，兩面都煎得金黃香脆，鹹鹹地送飯一流。百里香燒汁牛肋條百里香燒汁牛肋條，賣相非常吸引，一整條牛肋條和骨一起呈上，牛肋條肉質嫩滑爽口，牛味濃郁實在非常出色。

長沙灣有不少特色的食肆，居住的人口密度也不斷增加，朋友介紹之下來了這新開的酒樓試一試鑊氣小炒.小菜的種類選擇很多，叉燒肥瘦分明肉汁很多，加上甜甜的蜜糖十分好味道，咕嚕肉的皮十分香脆每一塊也沾上了酸甜甜的汁，送飯一流.至於苦瓜炒牛肉牛肉份量十分之多，加上牛肉也十分之香滑.這個蔬菜報十分清新加上用了十足有大大隻蝦乾.此外這些小菜也十分之經濟，也是七八十元.茶介比起集團式的酒樓也比較經濟之外，小食也是免費的，性價比十分之高

今日嚟咗長沙灣搵食，見到有間應該新開無幾耐嘅酒樓係商場地下，見到環境都幾寬敞光猛就同朋友入咗嚟食lunch。Lunch 嚟講都多嘢食，仲有午市優惠，叫多咗都唔怕好貴。蝦餃，皮薄餡靚，就算放涼咗皮都唔會好硬同好乾炸兩腸粉，即叫即整，炸兩係腸粉入面都唔會淋晒，口感好豐富，熱辣辣。鳳爪，份量唔細。鮮竹卷，平時食開嘅鮮竹卷較多油，不過呢度就唔係好多油，感覺較健康。咕嚕肉，呢度嘅撚手小菜，午市同晚市都有得食，價錢平，好香口，真係脆卜卜，超好食，好啱送飯！薑蔥魚雲煲，百幾蚊就有得食！砂煲上，一開蓋嘅時候好香嘅蒜頭味，加埋薑蔥，好入味！魚肉夠滑，唔會overcook，啜埋啲魚骨香味，正！燕麥糕，呢個唔係好多地方有得食，質感有啲似白糖糕，味道清清地，淡淡嘅甜味，幾健康！整體黎講，新開嘅酒樓可以吸引附近嘅居民同OL去食嘅！

做節最好就同屋企人食中餐，中餐是圓枱寓意團團圓圓食得開心🥳這間＂和味館＂位於長沙灣福榮街地舖，做街坊生意價錢實惠，又夠鑊氣，都幾多選擇！廚師推介孖寶（A） $268芝士波龍蝦（伊麵底）原隻龍蝦很足料，龍蝦新鮮彈牙，伊麵夠多汁，很鮮味啫啫通菜🥬有名叫啫啫通菜，來到時＂啫聲＂不斷😅通菜嫩口炒得夠入味，鑊氣十足百里香燒牛肋條🥩$128賣相吸引，有中西合璧的感覺，一咬下去肉質嫩滑牛味濃郁，無限驚喜生煎蓮藕餅$98生煎蓮藕餅功夫多，蓮藕咬落爽口，心機菜👍🏻剁椒啫魚頭🐟$168這味的＂剁椒啫魚頭＂叫了小辣，完個魚頭非常新鮮，加上很多辣椒蒜頭洋蔥很惹味，下飯一流🍚陳皮紅豆沙晚飯後服務員還送上陳皮紅豆沙，紅豆沙甜味適中還有陣陣香的陳皮，大滿足呢

老家附近食店非常多，每次回家總可以試到新店，這間酒樓爸媽有時會去飲茶，今晚我反來他們就帶我去吃這裡的小菜~椒鹽鮮鱿薄薄的炸漿包住鮮嫩的鮮鱿，又灑上大量椒鹽同炸蒜粒，非常香口~黃金茄子涼瓜黃金蝦吃得多，黃金茄子涼瓜第一次見，身為茄子控的我絕不會錯過~炸過的茄子和涼瓜外皮香脆，內裡多汁，炸漿沾滿金沙咸蛋黃，咸香十足~化皮小金豬 1/4隻不得不點媽媽最愛的燒乳豬，味道也不錯~少林骨煲炸香了的排骨，每件都掛滿十戈甜的黑椒醬汁，下面墊子爽甜洋蔥，味道有驚喜~然後又點了一條清蒸斑，火喉剛好，魚肉非常嫩滑有彈性，很鮮美~最後侍應為我們奉上綠豆沙，免費的甜品也不馬夫，濃濃的，很滋潤~為今晚劃上完美句號~

今日同媽咪行完街，想搵間中菜館食吓飯，見到呢間係長沙灣嘅和味館好似幾有人氣，就決定試下佢！我地7:30去到都幾滿座，不過等左一陣就有位！🔥口水雞佢嘅雞肉好嫰滑，個口水汁雖然同平時食開嘅口水汁唔同，但係鹹鹹地又辣辣地都幾特別！🔥芝士龍蝦伊麵好耐冇食過芝士龍蝦伊麵，呢到嘅龍蝦肉夠彈牙，食得出係新鮮龍蝦，另外個芝士汁調味得幾好，唔會一味死鹹！🔥蒜香骨份量都幾多，上枱時候熱辣辣，應該係即叫即炸，另外炸蒜嘅味道好香🔥紅豆沙食飽飽仲有糖水送，有紅豆沙或者綠豆沙！

今日去咗食和味館，我因為咁岩經過附近，有聽聞間野新開就決定過去試吓啦入到去都見到有幾多人，所以都等左一陣，因為嗰日唔係太肚餓，所以同朋友都唔係叫咗好多嘢。我哋叫咗黃金豆腐，海蜇燻蹄，仲有啤酒，一入到去啲夥計都幾好招呼，仲介紹我哋去飲佢個湯我哋仲叫咗小炒王同埋雜菜煲，因為想食得健康啲清少少😀😀😀小炒王入邊有韭菜，同埋一啲海鮮，如果大家鍾意食韭菜嘅話都唔錯我嫌佢都有一啲海鮮喺魚缸，大家如果有興趣都可以試吓

一家人外出食飯打算發掘下未食過嘅餐廳，今日就揀咗依間食。好耐冇去過有魚缸嘅酒樓，係同區少數，決定嚟食下海鮮。小菜一碟唔太貴揀咗碟脆皮燒腩仔非常高質，首先佢唔鹹，最上層嘅皮仲係脆身冇硬到，肉質細嫩。一人點咗一隻用陳皮蒸嘅鮑魚，係有鮮味嘅，$28一隻嚟講不過不失啦。超好食嘅胡椒煎魚卜，必點胡椒味好濃郁，魚卜煎到好香，表層微微燒焦，外軟內脆，食唔停口。份量好多嘅花膠海味雜菜煲菜有小白菜椰菜花紹菜湯底係清甜嘅魚湯。唔知係咪因爲佢主打海鮮嘅緣故，連蝦乾同魷魚都好有鮮味。蝦乾仲係啖啖肉。薑蔥桶蠔一鍋有大概5隻蠔，大大隻原來係有用炸粉炸過。全部都好肥美，而且因爲有炸過所以份外香口。最後仲有綠豆沙送，正！😍