和味

營業中

休息中

出街成日都食西餐、泰國菜、打邊爐等等，呢晚就簡簡單單食餐叫餸食飯～位於尖沙咀漢口道嘅《和味》主打燒味、小菜，仲有越式菜式添！我哋兩個人，就叫咗佢哋嘅《二人套餐 ($298)》，包老火湯兩碗、一個例牌燒味、兩個小菜、白飯兩碗，樣樣都大大碟，十分抵食～老火靚湯呢晚嘅老火湯係節瓜湯，真材實料煲出嚟，十分清甜。飲落唔覺好重味精味👍自選燒味例牌 1碟 - 蜜汁叉燒蜜汁叉燒相當入味，既有鹹香，又有蜜糖嘅甜味，咬落去食到叉燒肉嘅淡淡焦香味🥰夠瘦嘅叉燒肉，不過口感略嫌太韌🤭自選小菜 2款菠蘿咕嚕肉咕嚕肉酸甜開胃，外脆內軟，唔會太油膩。炸粉唔厚，食到啖啖肉。除咗菠蘿之外，仲有唔少得青椒紅椒，撈飯食一流👍通菜炒鮮魷不過味道嚟講都唔錯，鮮魷入味爽口彈牙，蝦醬再多啲、鑊氣再勁啲就仲好😛呢個二人套餐都算幾抵，大家可以試下😛-Menu:

今日就係尖沙咀行完街, 之後就入咗漢口道買完六合彩之後, 就過對面馬路, 見到一間餐廳, 佢 都幾多種唔同類型嘅食物, 例如燒臘, 中菜, 越南嘢, 咁多元化, 個價錢又相宜, 就入去食啦今日都幾想食中菜, 就點咗兩味, 一個就係滑蛋蝦仁, 最欣賞嘅佢嘅蝦仁非常之大隻, 咬口非常 的q彈, 好新鮮, 蛋炒得非常之滑, 咬落去軟綿綿􏰀, 成個蝦仁炒蛋真係十分邪惡!另外就係青椒紅椒炒牛肉, 色彩豐富, 牛肉炒得非常嫰滑, 而青椒紅椒非常的爽脆, 最緊要係佢 落得好少油, 非常之健康另外餐廳仲好好, 送咗個粉葛鯪魚球湯, 飲落去冇味精, 非常之香, 真係值得一讚

行完街喺尖沙咀搵嘢食，經過呢間和味，被門口嘅餐牌所吸引，有港式同越式小菜，於是抱着試試嘅心情入去。我哋揀咗二人小菜套餐裏面嘅咕嚕肉、蝦仁炒蛋，以及燒鵝髀下莊，套餐包老火湯、白飯，以及兩杯飲品。咕嚕肉酸酸甜甜，很開胃，瘦肉和肥肉嘅比例亦剛好，爽脆又不會太油膩。蝦仁炒蛋，原隻蝦仁去炒，大隻兼彈牙，而炒蛋的口感好嫩滑。燒鵝係呢度嘅推介，每日自己燒，數量有限。我哋喊咗燒鵝髀下莊，較為大隻且肉質結實，燒鵝皮脆卜卜，吃落非常之甘香，店員果然好介紹。$298可以食到兩道小菜、燒鵝髀，呢個二人小菜套餐真係好抵食。除咗小菜之外，見到餐牌仲有越南食品，下次會再幫襯。

今日收工黎到尖咀，東張西望下，決定黎到呢間小店食個小菜,感受下住家飯既味道叫左個例牌义燒, 好送飯滑蛋蝦仁幾大碟, 蝦仁夠大夠彈牙, 蛋又滑又香仲叫左碟鮮尢通菜,份量十足個湯好正,無味精,足火喉而且服務態度好好, 個經理會話「有乜唔得即刻講，唔好擺响個心裡面」,好風趣又唔令人討厭二人餐300蚊左右,三菜一湯,都幾OK見到旁邊仲有d 人叫左vietnam food, 原來呢間餐廳好多元化，唔係得小菜什麼椰青/生牛肉河果d 都有，下次可以試下另一d 口味

今晚黎到尖沙咀行街shopping食飯，呢間和味餐廳感覺幾寬敞，打開餐牌有多款燒味可以揀，但最後我揀左貼左係牆上既晚市套餐推介～～孖寶套餐有枝竹羊腩煲同臘味炒芥蘭，只需$238，仲送白飯兩碗同例湯，好抵食！冬天就梗係食羊腩煲，暖笠笠好正～～二人份量岩岩好，啲羊肉唔會羶，肥瘦適中，一路煲一路食，keep住熱辣辣，仲有一碟生菜，最perfect~~臘味炒芥蘭炒得翠綠，臘腸同臘肉都好香，送白飯一流！跟餐叫飲品仲可以半價～

今日去左尖沙咀行街，經過見到呢間餐都幾多人食，有好多遊客，餐廳除左燒味仲有越南野食。我地叫左個脆皮蝦餅湯檬 $72，除左蝦餅仲有札肉，越式蝦餅無泰式咁炸，但加埋雞醬都好食，個檬粉質地不錯，有咬口，個湯又唔會太淡。叫個湯粉配飲品半價，朋友叫菠蘿冰 $32半價，好多菠蘿，都幾甜；而我就正價叫左新鮮椰青 $38，凍冰冰，清甜仲有椰肉食。越式軟殼蟹米紙卷 $68，有6 件，個軟殼蟹好香口，米紙卷個米粉就無乜味，要沾汁食！見好多食客都食燒味，都好吸引，不過我地唔太肚餓，就咁叫左個紅燒乳鴿 $68，賣相吸引之餘仲好惹味。

今次呢間店離地鐵站好近 雖然舖位唔大 但都易揾嘅😎入到去環境舒適 光線充足 坐得都幾舒服😌一睇餐牌就知係做中菜 有少少似酒樓嘅菜式 但冇咁大規模😆見佢主打燒味 就叫左個四寶飯 一黎到就聞到好香🤤味道都唔錯 叉燒鬆軟 唔乾👍油雞不過不失啦 燒鴨都係juicy香脆 仲有正常咸蛋半隻🤣份量都多 可以兩人share👏🏻-另外叫左魚香茄子煲🍆 熱辣辣新鮮整起 好食😋茄子夠淋入味 大大煲夠2-3個人食😚最後嗌左個椒鹽魷魚🦑又係大大碟 新鮮做起 炸皮唔算太厚 魷魚好足料又係夠3-4人share😜另加左個椰青 味道清甜 咪正常椰青🤣我地2個人買單連加一 三百幾蚊 食嘅嘢係一般中菜 不過係尖沙咀地段 明嘅明嘅🤣

今日同朋友去尖沙咀行街，朋友喺外國返嚟，一直念念不忘香港嘅燒鵝，我哋就求其喺附近搵咗一間有燒鵝食嘅鋪頭。門口寫到明係招牌嘅燒鵝，應該唔差，我哋就叫咗一個上莊 $138. 以呢個價錢來講算係ok, 肉質都實嘅，有汁。可能我哋掛住影相同傾計個燒鵝放咗一陣先食凍咗少少，如果唔係嘅話個皮應該會更脆。上莊多肉得嚟夠juicy. 見到皮都算薄。除咗燒味，依間餐廳仲有其他選擇，好似係泰菜越菜等。我哋再叫多咗個咖喱軟殼蟹鍋，再加法式蒜蓉包。顏色鮮艷吸引原來成個鍋仲會擺上爐上面加熱軟殼蟹嘅份量比想像中多，而且夠大件。軟殼蟹再加上咖喱非常惹味。蒜蓉法包有四件，點埋落咖哩汁度更好食。

同朋友行街後搵食，路過呢間叫和味的餐廳，感覺幾乾淨，睇下餐牌又好多野揀喎，朋友話啲野啱食咁就食佢啦。餐廳主打港式燒味同越南菜，好特別嘅mix & match，哈哈，唔理啦，各自各點自己鍾意食嘅下午茶餐先。凍檸水＆凍檸茶行左半日要飲番杯凍飲休息下，朋友要左凍檸水，自己要左凍檸茶走甜，茶底幾好無澀味。薄荷鮮青檸梳打＆紅豆奶茶另外兩杯轉左特飲，青檸薄荷夠清新，紅豆奶茶的紅豆很綿，奶茶香滑不過甜，好飲。河內生牛肉湯河食物方面要左生牛河，賣相幾靚仔喎，牛肉好多片，大大塊九層塔正呀！牛肉浸一浸就熟，嫩滑半肥瘦，口感不錯。河粉好滑，而且份量超多，滿滿一大碗。湯底濃郁，夠熱有誠意。燒鵝叉燒雙拼飯朋友個雙拼飯賣相都好靚仔，燒味份量幾多喎。叉燒半肥瘦有焦香，鵝肉香口有油脂，皮下又不算太肥正。脆脆豬扒包豬扒包即叫即做熱辣辣，有生菜蕃茄芝士等。半瀜芝士好正呀，醬汁係千島醬，酸酸地好開胃，軟綿包身加上煎得香口的豬扒，簡單又好味。炸魚拼薯條仲有炸魚薯條都係即叫即炸，超熱小心燙咀。炸魚香脆無腥味，曲曲薯條好味，炸野黎講唔算油膩，正。港式同越式野都好味，同朋友黎坐下吹下水，唔錯唔錯。

平安夜同老公兩個人去了尖沙咀食餐平平地既晚餐，這間和味主要以燒味，廣東小菜及越南菜為主，款式甚多，而且地方寬敞，適合一家大細幫襯。生牛肉湯河牛骨湯底濃郁清甜，河粉幼滑，生牛肉份量頗多，肉質有咬口，加上香料調味，帶點微辣清香。咖哩牛腩煲配蒜蓉多士牛腩炆得又腍又入味，入口腩肉鬆化，還有些入口溶化的牛筋，薯仔炆至軟身，以香脆的蒜蓉包配咖哩簡直一流。法式牛油雞翼雞翼外層炸至金黃香脆，帶有淡淡的牛油香味，雞翼保留肉汁不會炸得太乾。

肥妹仔今晚同肥家姐去咗尖沙咀嗰邊行街，行完街已經好攰。見到呢一間叫和味料理嘅茶餐廳 ，選擇都幾多，而且價錢都唔貴，所以就入去食飯。鮮茄蟹肉丸湯檬  $68佢嘅餐牌上面有越式料理，香港傳統嘅茶餐廳菜色，所以肥妹仔見到有呢一個番茄蟹肉湯檬都叫咗嚟試下。佢嘅蕃茄湯底好鮮甜，蕃茄味都好重，而且佢嘅配料都好多，有紮肉，蟹肉，肉丸等等 ，食落去味道真係唔錯。而且份量都好大一碗，兩個分享嚟食都可以。蒜子火腩大鱔煲  $168肥妹仔成日心大心細，想試下越式料理，又想食返大排檔嘅口味，所以我哋又叫咗一個火腩大鱔煲。佢嘅火腩份量超多，多到肥妹仔同肥家姐食唔曬。而佢嘅鱔亦都唔少，而且係非常之濃味，同埋有鑊氣，肥妹仔佢哋我哋係叫咗兩個白飯呢送，非常之滿足。芒果涼粉冰呢一杯芒果涼粉冰係經理推薦我哋飲嘅，肥妹仔貪新鮮嘅性格就一定會叫嚟試下啦。估唔到佢呢一個芒果涼粉冰都唔錯，芒果肉多，而且涼粉 份量都好多。

放工到尖沙咀附近走走，進到和味打算坐下享用一頓晚餐。店內以白色為主的裝潢，給人乾淨、簡單的感覺。下單時，本來想叫馬拉盞通菜，店員表示最近通菜沒有很好吃，建議我們換菜心或芥蘭。下單後，店員更主動送我們兩碗例湯，非常友善！馬拉盞炒芥蘭 - 一送到檯上，蝦膏香味撲鼻，吃下去果然是濃濃的蝦醬，絕對沒有偷工減料。菠蘿生炒骨 - 多肉少骨，在別的店相信是十分罕有。外脆內嫩，酸酸的味道進鼻，吃下卻甜酸適中。雞絲扎肉河 - 雞絲肉質嫩口，扎肉較厚身入味。奶油豬 - 絕對一試難忘！充滿溫度，像是剛剛焗好。麵包上均勻地鋪滿煉奶和牛油。外皮脆脆，內裡卻是熱熱的鬆軟。食物份量較多，質素不錯。即使是簡單的炒時蔬、奶油豬，也絕不馬虎。

因為屋企無飯開, 又如常的和朋友出外晚飯, 今晚選擇了方便的尖沙咀區, 最近交通尚算暢順。這間餐廳食物送上效率十分高, 可以快快吃完快回家休息, 也是好事。這間餐廳主打燒鵝和越南粉麵, 也有港式的小菜, 選擇蠻多的。叫了一個越南湯河, 是生牛肉河粉, 深色的湯底看似是牛湯, 原來是濃郁的雞湯來的, 這配搭又幾有新意, 牛肉薄薄片, 份量幾多, 有牛香, 河粉都很滑溜, 但它索湯快, 要快快吃才行。燒虎蝦, 細心的剝了蝦殼, 吃得很方便, 而蝦隻肉質新鮮, 口感爽彈。簡單一個炒菜心, 家裡炒不出這個味道, 恰到好處的蒜香, 每條菜都好甜又沒有渣, 優質。叫多一個燒乳鴿, 細細隻, 皮脆肉嫩, 咸香惹味。

今天逛尖沙嘴，行到攰攰地，看見這間新開的"和味"餐廳，看見店內人不少，再看看店外的宣傳餐牌，不用多想入去試試。有多款套餐、廚師推介、燒味餸菜選擇我選擇了這個新出的套餐：例湯，足料清甜夠味道。两餸有明爐烏頭和叉燒例牌。白飯两碗。明爐烏頭好大條，另附一碗醬汁，蘸到魚中，味道更香更野味。魚肉質都不錯，不會乾和鞋，汁潤嫩滑又夠熱。叉燒半肥瘦，蜜汁香濃，質感嫩腍。綠豆冰 $32餐廳少有的綠豆冰，清凉冰爽，甜度適中。鹹檸七 $32

約左舊同事係舊公司附近食晚飯, 見呢間餐廳應該新開無耐, 一於幫襯下d新餐廳見到呢個二人套餐好似都幾抵食咁,店員溫馨提示 自選小菜2款唔單只二人套餐果6款,仲可以揀廚師推介既小菜, 如揀超過$98既小菜 補番差價就可以了燒味例牌1碟- 燒腩仔雖然熱度爭左少少, 但皮脆肉嫩, 肉亦肥瘦均匀, 仲唔乾身!老火例湯2大碗, 白飯兩碗, 份量唔細菜心炒牛肉栗米班球班球外香脆內嫩滑, 仲啖啖肉Tim!連埋蛋白1齊炒既栗米汁好甜, 送飯一流😽連加一服務費都係三百蚊左右, 最緊要係份量都唔細, 我地都覺得物超所值