和昌潮汕滷鵝

營業中

休息中

今日咁啱路經太子，又記起呢度有間馳名嘅和昌潮汕鹵味，就決定過嚟買返啲返屋企加餸。價錢大慨係咁，可以散件咁買，又可以套餐咁買，分咗鵝三味同餓六味。最後買咗鵝三味，$248，有鵝肉鵝肝同鵝腸，鵝腸爽口，鵝肝大件入口即溶，鵝肉入味。

🐮和昌潮汕滷鵝🐮🐮#hkbeeflover_潮州菜🐮#hkbeeflover_太子• • • 🐮🐮評價🐮🐮點了菊花茶👍🏻👍🏻無諗過呢間啲菜式咁特別！😋街外好靜 但餐廳入面座無虛席🐮九肚魚丸 呢個餸係我最鐘意嘅！ 從來未食過 我諗喺屋企都唔會有心思咁樣整 炸得金黃 入面咬落去啖啖九肚魚香 仲見到一片片魚肉 外脆內軟 必點 🐮滷鵝非常入味 鵝味香 有咬口不會過冧 🐮排骨春菜煲排骨夠冧 春菜配合湯汁 惹味也是平常比較少有機會吃的菜式#態度比味道重要店員服務正常 換茶方面亦主動環境舒適雖不大但幾cozy 門口招待再好啲 體驗就更優質• • •🐮女友總評分 🤎🤎🤎🤎🐮男友總評分 🤎🤎🤎🤎🐮和昌潮汕滷鵝太子白楊街9號基隆樓地下C號舖

本來很喜歡的一家店，吃過幾次套餐，都很滿意。今天看到有推出openrixe外賣餐飲券，並且在餐飲券中有列出吃過的套餐（見截圖），便毫不猶豫的買了。然而到店卻被告知餐飲券只可以單點，不可以使用圖中的套餐。問老闆既然不給用，為什麼要列出來誤導消費者？老闆說「列出不代表就讓你用，你去退款咯」。

外賣要了鵝三味，每樣小塊4件（鵝腸只有數寸小段），加埋4件荳腐，收費超過＄220，但係味道只係一般不算太差，比較其他潮汕外賣店的價錢和質素，個人覺得性價比有點離地。

今日一時興起，好想食好耐冇食過嘅滷水鵝！用OpenRice 搜尋到附近有間潮州菜館，二話不說就即刻去。餐廳門面很大，分兩間店舖，一間是專做外賣斬料的，另一間是餐廳，見到樓上仲有得包房！餐具好精緻，好喜歡一整套，整整齊齊的魚露花蛤$168見到潮汕風味餐牌入面，有這個魚露花蛤，即刻叫黎食！賣相十分吸引，擺碟好靚。一上菜已經聞到香濃的魚露和酒香味。花蛤浸得夠時間好入味，花蛤熟度啱啱好，肉質依然鮮嫩！牛面珠$188見到餐牌寫住這個牛面珠是全港首創，諗諗下又真係冇試過牛面珠，感覺新奇！牛面珠上菜時有好香的滷水味，牛面珠不是很大件，但是有一定厚度，煮得夠淋身，咬落去有少少骨膠原既感覺，肉質好嫩同時好重牛肉味。初嘗牛肉珠有很大的驚喜！就咁食味道較濃，所以我地叫了白飯，用牛面珠加滷水汁送飯食鵝三味$228一開始來這裏，就是為了吃滷水鵝! 唔食滷水鵝點得呢！！想食滷水鵝，又想食滷水鵝肝，但係叫唔到兩份，因為一定食唔晒！好好彩比我發現有鵝三味！鵝三味係滷水鵝肉、鵝肝同鵝腸！滷水鵝肉好有光澤，鵝肉好嫩，滷水汁好入味，滿足到我既慾望！我平時都喜歡吃滷水鵝肝，呢度整得夠粉嫩，鵝肝質地軟滑，好香！鵝腸份量幾多，夠

雖然賣相普通，但份量十足。沙茶醬絕對不咸，很香口😃當然不少🉐️是和昌手沖奶茶，不甜，很香滑。還有跟餐的豬肚湯，夠楜椒；很夠味道！下次要試牛面珠，聽聞要預訂；慢煮10小時以上………期詩😉

昨天返完教會，就相約久別的同學仔聚舊。和昌傳統潮州菜舘；裝修雅致。我們試左鵝翼丶鵝片和沒有染料的墨魚片，味道不錯。下次要試海鮮🦞部份海鮮需要預訂，大班朋友相聚 也可以一併訂盤菜添😊

這家位置隱蔽的潮州滷水店開業已有數月，雖然開在低調的拐彎小巷內，幫襯的街坊卻是不少，這樣的口碑最是實在。長方形的店舖座位有限，想吃晚市的；還是先預訂為妙。是日靚湯 ～ 石橄欖煲排骨，此植物又名石仙桃；有清熱養陰、潤肺生津等功效，具食療作用且味道清甜，這個附送的例湯做得用心、一點也不馬虎。鵝三寶$68 (鵝肉、鵝肝、鵝腸)，鵝肉嫩而味甘香；鵝肝粉嫩綿滑；鵝腸爽脆帶脂香，超值推介！鵝片雙併$65 (新鮮大墨魚+$5)鵝片香滑入味，厚薄適中；肥大肉厚的墨魚片肉質爽彈，經滷水煮過後，份外滋味。鵝汁灼時蔬 ～ 生菜棵棵揀手；嫩綠爽脆，加了鵝汁更是惹味，且份量頗多，只另加十元確實超抵食。老樂桔(原價$18，跟餐價$10) ～ 濃濃的桔香帶微甜，很啱這天時喝呀。高佬叔樽裝奶茶 (原價$22，跟餐價$12) ～雖然奶味略重、但亦不失茶味，甜度適中，在太熱天時下呷上幾口；非常受用。和昌潮汕滷鵝地址: 太子白楊街9號基隆樓地下C號舖電話: 95395969

今日lunch同兩個同事食左呢間「和昌潮汕滷鵝」，因為同事話想食下啲滷水野，咁就捨命陪君子啦！😂啲滷水嘢都好有水準，我地3個人叫左款滷水，大家share一下，小編覺得最正嘅係雞腎🤤但配飯就略嫌有啲口淡淡😂如果可以晚市做返個餸就會好好多，味道係唔錯架！

今日突然間收早，所以要買外賣回家自私食。因為唔想自己一個係外面用餐又尷尬（個人覺得）又怕俾情侶間閃爆自己，於是不停上網睇下，有咩新店開張：試吓新野又獎勵一下自己，我之前食過間鵝片五花腩飯好很好食，但最近差咗好多，見呢間新野就試下啦。佢只做外賣既，我今次試佐佢地鵝片牛面反。嘩，牛面珠肉耶。正點。牛面就係因為佢無太多脂肪，岩我地呢啲女仔。又唔會太鞋口，鵝片一樣出氣，入味，但唔會食兩件就好（流）唔想再食。加上，我配埋佢地自稱勁好飲既奶茶。果真，我一試就愛上了。我下次會再黎，可能因為佢地既奶茶。仲有，佢地既湯足料並係媽媽既味度。唔係味精湯黎架。

首先利申，我認識店主和他的家人，但我是一個有要求的食家。那天剛好去深水埗大南街一帶的咖啡店扮文青，在沒通知店主下走去買了鵝三寶外賣+紅腸。作為潮州人的我，一看廚窗 XL 的身型，就知是正宗汕頭鵝；回到家後馬上開盒，鵝片好嫩多汁，滷水香，十分高水準；鵝肝香濃，像我這標準身材的或唔怕膽固醇的人可多吃幾片；至於鵝腸，我一向少吃，腸上黏著的肥膏我沒碰，只能說彈牙；紅腸就普通冇特別，可以做好一點。可惜 外賣APP唔送去我屋企，惟有下次去開深水埗時再去幫襯。