和櫻屋 (已搬遷) 新店位置

果日同爸媽去跑馬地食飯 ... 咁就順道試下呢間甜品間店都幾易揾 ... 就係養和醫院隔離個招牌幾靚的果時7點幾8點...可能比較夜去到 ... 有好幾款都賣晒了個包裝幾靚 ... 硬身紙盒店員會好友善問你需唔需要乾冰今次買左2個試 ... 白芝麻豆乳布甸好滑!!! 好有豆乳味反而食唔出白芝麻味 XDP.S 佢標明係用日本豆乳整的 !!!紫蕃薯布甸一樣都係好滑 !!!蕃薯味好淡下 ... 不過....隻紫色真係好靚 XDDD

今日去了朋友屋企拜年作客, 原來佢專程去跑馬地買咗日式甜品等我們飯後品嚐, 我初時以為係普通東西, 點知佢從雪柜取出一個好精緻的盒出來, 一打開.....嘩, 每杯的外形各有特式和味道, 最特別係有些時膠杯, 有些是好靚的瓦杯! 我揀咗豆腐布甸, 一入口, 嘩.................不太甜, 味道啱啱好!!!不過每個要成幾十蚊一杯, 真係幾貴, 依個朋友對我咁好, 下次一定要請番佢食先得~~~~~ ^^

和櫻屋就係養和隔離，媽媽出院的一日，買了兩杯回家，接近$40一小杯，我好肉赤呀選了特濃綠茶荳乳布甸($3X)布甸不似平常食開有彈性的那種，這裡的有點似奶凍，水水地的，不過好香綠茶味，但份量超少LOR~至於另一款是芝麻布甸($3X)吃了少少媽媽的芝麻布甸，好香好濃的芝麻味，而且很滑，這款比特濃綠茶荳乳布甸更好吃~不過試一次好了，對我來說成四十元一杯好貴，仲好細杯，又唔係好味到識飛

每逢到跑馬地, 不論吃到多飽, 總要為自己找個藉口到來, 當然是為著各種精緻的布甸。 站在放滿布甸的櫃前, 五花八門, 選擇困難症頓時發作了, 真叫人頭痛。 還記得年多前和一班為食之士到來怒吃甜品, 恃著人多, 點多幾款口味也沒關係, 記憶之中好像多達十種呢! 但現在只兩人, 忍手地選下三款, 將美味帶回家。雖然買得不多, 但店家仍主動詢問路程遠近, 並體貼地附上冰包, 這簡單的舉動已很窩心。 所用的白色手挽盒設計簡約, 圖案卻精美, 不自覺地加了分。貴為店家熱賣之作的premium, 優榜用上最優質的材料, 德島縣的和三盆糖和新鮮的雲呢拿條, 這種糖的名字聽得多, 據知需花上很多時間研磨, 甜味比精製砂糖濃且甘純, 奶味醇厚突出, 卻未有蓋過蛋香, 比吃慣的雞蛋布甸更出色。那種香甜很難形容, 濃得來一點也不作假, 該是那些黑點, 也應歸功於雲呢拿籽。 質感方面更令人驚歎, 放在匙上已感到輕微的震動, 滑不溜口, 細嫩非常。 面頭飾以三色小麻糬, 帶點軟綿且煙韌, 看起來更精緻。坊間的芝麻味甜品多以黑芝麻為主, 白芝麻味實少見, 一入口便感受到濃濃的和風口味, 有點像麻醬, 奶味濃郁之

在某個六月天的一個炎炎夏日, 有某種特別情況下來到了跑馬地, 既然人都到了, 冷不防在這超過三十度的高溫下來個甜品降一下溫, 一場來到就到那街角小店試它聞名已久的 - 甜品, 當日買咗特濃綠茶荳乳布甸, 外賣拿走後到就近嘅小公園就地解決了"它" 果然綠茶味濃還好的是仍能保住絲絲荳漿味道, 只係價錢真的比較上昂貴, 小小的不到150ml 索價$38這個 還是少数的最底價位, 不愧係跑馬地名店呀

既然來到了跑馬地，當然不要放過我十分欣賞的日本甜品店，所以脹著肚子也要吃一個。時隔三年，店内裝璜仍然充滿和風格調，很和諧，與外面的熙來攘往的街道形成強烈對比。甜品種類則比以前多，可能剛好遇上季節性甜品吧。不過，這天每款的甜品數量不多，不知道是否未添置呢？基本上，店家提供的日本布丁共有三款系列，分別為Premium，Plus，和Select。Premium，顧名思義，使用食材方面比較矜貴，而且用一個日本陶瓷杯盛載著；Plus，日本布丁配合各款蜜糖；Select：帶有不同口味的日本布丁，也有季節性限量版。上次來的時候，愛黑芝麻的我當然二話不說選了個黑芝麻布丁（Select），另選多一個鎮店的Premium布丁。這一次，只能叫一個，便選了有個漂亮陶瓷杯的Premium布丁。看看那甜品櫃，不見Premium的影子，問問店員，原來是新貨剛來，在後面的房間。等待途中，看見眾Select布丁的售價大約HK$38，比幾年前的HK$2x-30貴多了。這樣也難怪，通脹這麽厲害，而且所有食材都是日本運過來的。更何況，味道根本是物超所值。（安慰自己^^"）店内沒有設堂食區，所以便請求店員讓我站在店内吃。（室外

放左學無聊, 朋友P就提議入黎食好出名既布丁。同朋友P坐叮叮坐到黎總站, 再行大約五分鐘就到 (其實真係幾隔涉)。朋友P話平時佢男朋友有車所以就ok方便, 無車係麻煩d喎 (我__你)。我食左呢個黑芝麻味既布丁, 味道ok。芝麻味好濃, 而且都幾滑。但美中不足係佢唔夠固體 (有一半係因為我地係一開舖就到。)結果其實我個布丁有四分之一都係半水....

早兩天即興入了跑馬地一趟，回程時走往電車總站途中，經過養和醫院旁的和櫻屋，開業多年今次終於有機會一嘗它的日式布甸甜點了。小小的店裡有好多種布甸，琳瑯滿目，很多款都想吃，但胃納有限只能精挑細選。買了什麼且賣個關子，看店的看似是老闆娘的人細心地把我買的布甸入盒，附上乾冰，我就速速將之速遞回家享用。連盒子也是很漂亮的日本風格啦。好！開封！答案揭曉，就是Premium 吉士布甸 ($52)和櫻屋使用的原材料都是來自日本的，這個布甸更使用高級日本德島產和三盆糖。和三盆糖是純手工製作的糖，大都用在製作頂級的和菓子之上，據說味道甘潤，身價也特別高貴。嗯這種糖究竟有什麼特別巴閉我可吃不出來，可是裡面下了很多雲尼拿籽，所以有頗濃的雲尼拿香的。有甸本身由於店子標榜不下魚膠粉，也因為是吉士布甸的關係，所以質感是比較軟而靠近吉士的質感，非常幼滑，布甸滑下喉頭才感受到那股細膩。日式小陶碗是包在價錢裡的，花紋也相信是特別配襯過的，跟淡黃色的布甸和上面粉色系的軟糖搭配。其實那個杯子也是我購買這款招牌布甸的一個重要理由。鹿兒島產紫蕃薯布甸 ($43)另一款買的是這款紫蕃薯布甸。我對紫色的物事有莫名的偏愛，當然也很喜歡

雖然和櫻屋是我Target list 其中一間, 但又不知何故, 久久也亦沒有光顧過 事緣亦從上星期 節目中突然地喚起我的記憶, 心中泛起了漣漪 第二天的中午到跑馬地一躺, 當時只為求一杯美味的甜品 小小的店內, 企著一群美少女,客人雖多, 但老闆娘也不慌不忙地為包裝食物, 貫設日本人從容不迫的態度 (但她是港人嫁日本人) 取了一本Catalogue慢慢欣賞, 選定了 宇治搽茶紅豆布甸; 栗子布甸和寒天有機咖啡啫喱三款 由於是外賣取走, 店員也會詢問車程後放進適當份量的乾冰 經過半小時的車程後, 習慣了開動前是先拍照, 再細嚐宇治抹茶紅豆布甸 : 一陣陣抹茶的清香, 沒有苦澀的茶味, 甜度平衡恰當,以豆奶取代牛奶, 味道更加柔和, 質感幼滑非常, 面層的數粒大紅豆發揮不了大作用, 對我而言只是點綴而已。 栗子布甸 : 一如抹茶紅豆布甸的質感, 一放入口隨即滑進喉嚨, 但無奈是栗子味道不會太出,但個人比較喜愛法國代表 Mont-Blanc, 因為後者會加入了香精, 酒等令栗子味更加濃郁, 但現在吃到的味道是單純的栗子清香, 對栗子迷而言不禁有點失望。 寒天有機咖啡啫喱: 就如

這天，很幸福的被差遣到跑馬地公幹，還要是午餐時間，終於名正言順地給我這個懶人一個機會，去重溫心愛的小店和櫻屋。而我這個超級路痴竟然毫不費力的就走到店子門口，真的是要靠緣分呢。小店裝潢也沒甚變化，看了看店員的面容，覺得有點面善，卻又不確定和兩年前造訪所遇是否是同一人，便也沒有問起，畢竟兩年的時光，可以發生太多變故了芸芸布甸中，一眼就看到心儀的紫色，應該是我最喜愛的紫番薯布甸，正要問起，卻聽店員主動問起：你是不是之前來過一次、戴一頂毛織帽子、和另外一個女孩子、吃了好多布甸……？全中，不禁佩服店員的超凡記憶力，感慨自己悲慘的爛記性…是日沒有滯滯相伴，又有公事在身，自然也沒法像上次一般，兩個人怒食九件布甸，只很謹慎的要了兩件，分別是較新推出的紫番薯和經典的抹茶豆奶，紫番薯布甸面頭有一小撮蜜糖浸過的紫番薯，布甸則極之幼滑，奶味香濃之餘亦滲透了紫番薯特別的芬芳，可憐這杯小東西，三口兩口就被解決掉了…抹茶豆奶的命運也不比她好，誰叫他那抹茶味濃得透心，豆奶的引入又化解了牛奶帶來的濃膩，絕對是素食者的甜點佳選太多無常，慶幸是這裡的美味不變，人情依舊，真想擇日再拉上滯滯，再體味一次那時的癲狂。

生平第一次去跑馬地, 奈何昨天突然作感冒, 心情低落, 食慾不振, 終日藥丸纏身不過, 是次"遠征", 已預先做了功課, 定下試食目標, 不去不可頭號目標當然係的至愛的甜品, "和櫻屋"這名字, 不久之前已聽聞過腦海中, 日式甜品屋做得比較出色的, 只有它和天后的"瀰月屋"此店並不難找, 就在養和旁邊店面細小, 甜品精緻, 一個一個在飾櫃內排得整齊美食必定要與人分享才會食得暢快, 所以我選擇外賣帶走, 跟女友一起品嚐用和式小杯盛載的premium 吉士布甸不能不試, 牛乳味香濃, 口感軟滑, 欲罷不能, 女友亦讚好另一個紫芋mousse, 軟滑程度當然比不上premium, 不過亦稱得上上佳出品, 尤其是放在mousse 面的蓄薯蓉, 跟mousse 同吃, 特別香甜經此一役後, 鬱氣盡消, mission completed!

C兄都俾左個唔錯既食評俾和櫻屋，本人本著核對食評既心前往。我係晚上8點左右去到，幸好無人，之後同朋友們ORDER左 吉士布甸 Premium、橙味寒天啫哩配椰果星星、紫蕃薯布甸，仲有一個唔記得左。吉士布甸 Premium賣相：放置得十分優雅，如畫。味道：味道濃質感幼滑，足料。我吃罷仍覺不夠，很想添食！！橙味寒天啫哩配椰果星星賣相：一般，但勝在有心意，椰果係星星狀。味道：橙味。因為是朋友的，不好意思吃太多來試味。紫蕃薯布甸賣相：紫色配黃色，點睛。味道：淡淡的紫蕃薯香味，上面的蕃薯蓉有點睛的效果。都是朋友的，我亦試得不夠。買完，係舖裡面食，一路食一路同店員，應該係老闆娘傾計。（因為果時無咩人。）食完老闆娘幫我地洗左隻杯之後俾番我地帶走，真係十分細心。雖然位置對我來說比較唔順路，但我一定會再去買。

這食店經常在我腦中浮現，原因是他的手作甜品很難會在其他地方吃到。今次到這店，照慣例必定會吃那個「和三盆」(名字不知有否弄錯)，這應該是「鎮店之寶」。原因是味道不太甜，吃下去又不會太膩；不會有雪榚的冰凍侵略性，又不會有YOGA甜味、果味的霸道感覺。在柔滑、清新的味道下，帶出奶味的陣陣乳香，店員(應該是老闆娘)說用料是「北海道3.6牛奶」，應該是牛奶料中較為優質的一種。同一種味覺不斷重覆放進口中，必定會感到有點單調，但當中的三粒「和菓子」就發揮了相當大的作用，吃的過程中，對那三顆「和菓子」十分珍惜，先吃一粒，餘下兩顆會在臨吃完前才吃，吃罷，又會抱怨三顆太少，這一甜品，的確令人相當難忘。是日人流較少，店員亦歡迎我在甜品櫃上享用甜品，店員也能跟我閒談了一會，與之交談有問有答，感覺踏實，不硬銷，小本製作，用心經營，言談間更得知甜品師傅是日本人，怪不得每一細節也這樣高要求。有點可惜是地點較偏遠，不能經常光顧。

環境：小小的店舖富有濃厚的和風，很有特色！抹茶紅豆豆乳布甸：平時食的所謂綠茶布甸，通常都係得個「甜」字。但這個布甸真的富有抹茶味，但再甘苦D仲好。配以豆奶，十分幼滑。個靚靚的膠杯都幾實淨，可以循環再用。柚子果凍：味道清新，但最喜歡的是那個瓷杯，相信個杯都唔平呀！價錢：比較貴，位置偏僻，要專登搭車去買，計落條數仲貴。雖然味道不錯，但下次有機會經過時才買。

難得的sunday off~~同屋企人行一行跑馬地這個福地~先黎和櫻屋!睇左食評, 想黎好耐ga la~都唔難搵, 就係養和隔離jei~先食宇治綠茶布甸~綠茶味都幾濃~朱古力布甸家中有個朱古力怪, 點都要叫返個朱古力味gei~朱古力味係有, 不過唔夠濃, 可以再濃一點!柚子布甸唔得!!! 完全唔得!!!! 個柚子味太artificial 啦!!好難食!士多啤梨布甸又一難食之作.... 唔鍾意藥水味...Premium吉士布甸果然係premium, 拎返唔少分數又滑, 奶味又夠濃, good!柚子椰果Jelly, 有柚子同橙味, 不過個人prefer 柚子多D呢個果然係好味wor~同柚子布甸完全係兩回事, 呢個好味得多!好清新的味道~呢間會有下次的但一定唔會食奇怪gei味道, 只會食佢gei Premium~ 同埋, 佢gei 杯杯真係好靚~廿幾蚊, 當買佢隻杯都抵~by the way, 店員的態度其實麻麻, 好cool, 多少少笑容可以嗎??