和氣食堂

營業中

休息中

📝餐廳嘅餐牌好多選擇, 樣樣都好吸引, 樣樣都好想叫, 但耐何我地只有2個人2個胃🫣就叫左以下食物試左先~🐟鯛魚湯泡飯🍚職員先送上生鯛魚飯後將湯倒入去燒熱過🔥好高溫嘅鐵碗內變成泡飯, 高溫足以令到飯上嘅生鯛魚變熟, 其間鯛魚嘅香味伴隨住因為高溫而散發出嘅蒸氣傳入鼻, 真係令人流晒口水~🤤鯛魚無腥味, 湯底好濃郁鮮甜, 食得出吾係味精湯, 另外加埋飯素、香蔥及炸蒜3種配料, 撈埋一齊食, 令泡飯嘅香味更加突出!明太子醬蝦天婦羅🍤蝦天婦羅炸到金黃酥脆, 內裹蝦肉彈牙爽口, 配埋明太子醬就更加香口惹味!蒜燒日本廣島蠔2隻🦪燒蠔新鮮, 蒜味好重, 真心覺得唔錯!👍🏻🧀芝士厚燒玉子上面嘅芝士有輕輕燒過至溶溶地嘅狀態, 咬落去口感結實, 幾香蛋味, 好味!😋黃金燒珍寶皇帝蟹棒, 咖哩鹽燒三文魚腩, 牛油果三文魚腐皮🍣壽司大大件, 價錢唔貴, 食材新鮮, 質素都唔錯, 我同朋友都好滿意呢~😌

住係屯門成日聽講哩間和氣食堂幾好食☺️忍唔住換完身分證就去試下見到menu 咩都想試啲☺️叫左好多野食❤️刺身魚薄切兩點-章紅魚同油甘魚好正呀☺️好新鮮☺️滿足到我想食刺身既欲望☺️鐵板煎鬆軟牛舌😍真係好好味好鬆軟☺️大阪豬扒丼豬扒炸得好脆好大舊☺️日式feel芝士軟殼蟹卷包住脆卜卜既軟殼蟹好正☺️日本池魚仔，當前菜炸物☺️☺️另外仲叫左杯藍柑白桃梳打同柚子檸檬梳打☺️今餐好滿足好滿意☺️覺得哩間野可以encore ☺️大家去試下啦❤️

屯門食好西😚@wakishokudo_hk餓底阿喵今日去建生邨覓食🥢良德街週邊食肆林立 中 西 日 米線 🔪🥩 靚靚cafe 應有盡有 可說是美食一條街 用餐嘅好地方 😍餐廳座位多 樓底高日系模式設計 座位好坐舒服👍餐單食物選擇款式多 選擇困難症發作 好難決定啊👉👈#雜錦刺身定食 $102.00📍新鮮五款刺身(三文魚 赤蝦 帆立貝 油甘魚 吞拿魚)大件厚切 yummy😋📍日式蒸蛋~ 蛋味香濃 入口幼滑😋📍蟹卷三件~ 好大方 蟹子多多又大件 🦀入口鹹香鬆脆😋📍木魚湯烏冬~ 湯底清甜 烏冬彈牙煙韌👍📍揚物炸雞~ 喉嚨唔多妥 cut咗冇食到🥲📍 加$9.00 柚子檸檬梳打飽哂

探完朋友喺附近搵嘢食，見店面幾光猛整潔就入去試吓，食完都幾有驚喜，質素都唔錯，對得住個價錢👍🏻因為我哋都幾肚餓，所以都叫左唔少澱粉質😆芝士黑豚軟骨石鍋飯（$95）上到枱面熱辣辣，好多芝士鋪喺面，芝士有用火槍燒過，拎到上嚟都幾香😋豚肉軟骨甜甜哋咁，煮到好淋好入味。連埋隻流心蛋撈埋啲芝士一齊食味道好濃郁，而且芝士有拉絲嘅效果👍🏻三文魚5味（$78）火炙芝士珍寶皇帝蟹棒（$42）汁燒帆立貝壽司（$48）全部壽司都好新鮮，有油脂香👍🏻，三文魚5味可以試晒唔同嘅配搭，個人最鐘意配海膽😂，夠鮮甜。蟹棒同帆立貝唔求其，肉仲大件過舊飯🤣🤣唔錯👍🏻芒果三文魚蟹籽沙律（$75）超多蟹籽同三文魚！好抵食👍🏻青瓜清爽，加埋芒果一齊食更豐富。值得叫～燒日本廣島蠔（蒜蓉/芝士）（$96）蠔一啲都唔細隻，2隻味各有千秋，蒜蓉就惹味啲，芝士就濃香啲，我同朋友都話2隻味都好食😋😆藍柑白桃梳打（$45）柚子檸檬梳打（$29）藍柑顏色好靚，唔係藥水味，酸酸甜甜咁，好飲好解渴🫶🏻柚子梳打都好好飲，當然相對下就冇藍柑咁有特色

和氣食堂（屯門）📍屯明良德街11號寶怡花園商場地下9-11號舖💰人均消費：$200==================小妹我以前在屯門讀書，往往都會嚟建生裏面食lunch!今日晚上行開呢邊，發現已經開咗好多好靚嘅餐廳，其中一間就係呢間和氣食堂！呢間日式餐廳嘅餐牌真係勁多種類選擇，有串燒，丼飯，烏冬，刺身，壽司同和食等等。牛油果軟殼蟹卷6件 $95每件軟殼蟹卷上面都有滿滿的蟹子，食落口感非常豐富!白咖烏冬配炸雞 $89呢個烏冬上碟嗰陣係全白色的，但其實啲烏冬藏在其中，每條面都均勻地沾上咖喱汁,味道反而有少少似忌廉薯仔蘑菇味，仲有唔少薯仔粒在入面，好好味！溫泉玉子牛油果凱撒沙律 $65溫泉蛋的蛋味濃郁，攪拌後同牛油果沙律一齊食，味道好夾!另外，我哋仲叫咗唔同壽司嚟試吓! 每件壽司上面嘅刺身都非常新鮮美味! 重點推介火炙芝士三文魚腩壽司😍蝦三味$59火炙芝士三文魚腩壽司$37香芒三文魚腐皮壽司 $34最後我地叫左兩杯野飲，在出面行到身水身汗，飲番杯凍飲真係好爽！幾十蚊大大杯，真心抵！藍柑白桃梳打 $45Apple Cider $38

朋友推介建生一帶開咗好多餐廳， 所以今日就帶阿媽一齊出去食經過阿媽左揀右揀一輪之後，就揀咗這間和氣食堂，因為餐牌真係好多，應該總有一樣啱佢食店舖都算幾多人食， 差唔多坐滿，遲少少都要等位阿媽一開始就話要叫熱食，就揀咗個安格斯牛肉鍋， 份量算幾多，裏面仲有啲粉絲，菜又唔會太淋而且入味因為牛油果控嘅我， 非常驚喜地見到餐牌有好多牛油果嘅食物首先我就揀咗 左口魚牛油果沙律， 我阿媽就係咁食魚，我就係咁食牛油果， 牛油果同月魚嘅份量都好多， 菜都好新鮮，另外嗰個沙律汁幾好唔會太酸太甜啱啱好然後又叫牛油果三文魚腐皮， 滿滿的牛油果+ 三文魚， 超好食……同阿媽爭食我就再叫多個軍艦五點， 阿媽就話要炙燒三文魚腩 然後就叫咗個咖哩鹽燒三文魚腩，有驚喜，咖哩香但係唔搶三文魚嘅油香軍艦五點就乜都有， 我阿媽搶咗個海膽嚟食，咁我就食蟹膏，然後佢又話蟹膏好食啲，又搶埋另一嚿帶子蟹膏飲品揀咗青蘋果奇異果梳打同埋巨峰提子梳打， 然後飲到尾阿媽又話想叫啲送嘢飲嘅小食，就叫多一個七味河豚乾都幾大塊，切到細細條，食落口都覺得好惹味非常眼闊肚窄咁，食咗咁多嘢先至五百蚊左右另外餐廳服務非常好，久不久都有利加點熱水下次再同

燒日本廣島蠔(芝士) 2隻 $48Grilled Oysters(Cheese) 好味指數 4.5/5 🍭🍭🍭🍭🍬{蠔肉新鮮 大小適中 熟度剛好 芝士很多 一夾就做到拉絲既感覺 入口很香｝鐵板煎鬆軟牛舌 $75Grilled OX Tongue好味指數 3/5 🍭🍭🍭{一份很多 大約有八件 每件都很厚身同大塊 牛舌肉質很軟身 很易咬開 因為鐵板上 所有熱度一直能夠保持 而且有一表面 做到很香脆} 火炙鵝肝3點 $68Three Types Grilled Foie Gras好味指數 4/5 🍭🍭🍭🍭{這幾款壽司包括有三文魚腩、帆立貝、鰻魚全部都很新鮮 上面放既鵝肝都唔算少 入口很香 正！👍}特長海鰻壽司(1件) $40Sea Eel好味指數 3.5/5 🍭🍭🍭🍬{海鰻肉質軟腍 細骨很少 跟自身既醬汁很合襯 魚既表面灑上芝麻粒 令口感更加香 只係海鰻較瘦｝黃金燒珍寶皇帝蟹棒 $44Seared Crab Strick With Salad Sauc好味指數 3.5/5 🍭🍭🍭🍬{蟹棒不算大條 蟹肉味不太突出 但蟹棒表面

今天和幾個朋友一起到和氣飯堂午餐， 朋友和我order了一份雜錦刺身定食， 那份刺身非常大碟， 每件刺身也是厚切的，分別有三文魚，油甘魚，吞拿魚，帆立貝，赤紅大蝦，還有大大件的軟殼蟹卷， 魚湯烏冬，再加上揚物以及茶碗蒸蛋，真是超抵食，超滿足。 如果覺得分量不夠，還可以用$17去追加兩款小食,那些小食包括枝豆，和風沙律，唐揚炸雞，炸蝦卷..份量十足。如果食量不太大，可以叫一個定食，再追款兩款小食，巳感覺很飽足，最後還有一杯飲品送上。午市真係好抵食，有極高勝價比👍👍👍

喺網上外賣呢間，叫左個牛丼&溏心蛋，外賣一到，打開個牛丼飯，嚇左下，全部係肉碎，好似俾狗食丶被施舍咁，大佬我有俾錢架，你俾啲呢啲爛肉碎我，飯又乾又硬，汁都冇，仲有，係人都識整最冇難度嘅溏心蛋，都可以整得咁衰，賺錢唔係咁賺嘅，永遠拉黑呢間嘢👎🏻

今日星期四，見平日無咩人就入去叫左雞腎，點知黎到，縮到粒晒水咁呢串野仲要$32仲有叫左海膽飯，黑豚飯好一般，諗起串雞腎，嬲嬲地影都無影係支梳打感覺最正常，叫做飲得落

呢間我住沙田嘅時候已經食開，貪佢款式多好多小食，魚生都新鮮價錢合理。我哋通常叫外賣攞返屋企慢慢嘆。今次老公叫咗三色刺身丼（三文魚/油甘魚/鰻魚）油甘魚肥美鮮甜，三文魚算大片厚切，鰻魚稍薄但都唔細塊。每款各三塊，加埋大碗飯夠晒飽😆我就叫咗牛油果🥑軟殼蟹卷（6件）一看以為多咗隻餃子🥟，再睇原來係軟殼蟹的尾部🤣🤣🤣。可惜入口唔脆，無上次咁好食，唔知係咪外賣凍咗，有啲失望😞。午市套餐包飲品，今次叫柚子茶少甜，唔知係咪少甜緣故得幾片柚子😆似飲白開水。下次試吓多甜😅。

今晚約左個舊朋友聚舊 想搵間可以冇限時間 又坐得舒服嘅餐廳 我之前食過唔錯 早一星期想訂位 聽電話嘅女仔話唔洗訂 竹就問有冇限時間 佢話冇 我話要2/6食 佢話冇 我就今日6:00去到 一入去有個高大肥佬 感覺已經好唔友善 要我哋指定坐某張枱 因為之前去過 知道個邊前後都有人行 於是想坐另一張2人枱 但我哋有買嘢 就即時提出都坐另一邊 我哋想坐入d 個肥佬就講一堆唔明佢講乜嘅理由 我哋唯有揀近門口 我哋未食晒 個件肥佬嚟收野 8:45分 成間野得3枱客 個肥佬攞張單話老細話要限時個半鐘 話今次就算 我就好嬲 我早問過 佢哋答冇限時 嘈完先收返我哋張單 但已經掃晒興 即刻埋單 以後唔洗再去 好唔好食都已經唔重要 係服務態度 唔會再幫襯呢間野小家到一個點 一肚氣

服務態度差到死，餐飲要少冰可以比成杯冰你，好難想像正常冰係咩程度？魚生有酸味，反映返話冇得換，單都唔洗埋請我走人。乜L野事？我又唔係唔比錢..我只係反映魚生有酸味都唔比？比錢食垃圾

夜晚收工又想食日本野，搵到呢間可以用openrice 落單既餐廳。由落單到自取唔洗半個鐘！快靚正！叫左一個三色丼飯俾俾hubby，自己一個三文魚牛油果沙津。拎到返屋企食啲刺身都仲keep 到新鮮，就算天氣熱都無話好快就變壞。三色丼有勁大舊既三文魚同埋好大隻又爽甜既蝦，相對嚟講帆立貝就比較細粒左少少🤏🏼 我自己就想輕食個salad，但原來一啲都唔輕，份量好足夠，雖然係沙津但都食到飽飽😋咁方便下次再叫多啲試下先！

心血來潮好想食日本嘢，於是我男朋友就帶咗我去呢一間餐廳度食嘢啦，呢一度真係份量好多，而且真係好好食好吸引！特別鍾意嘅就係呢一度嘅刺身，我叫咗一個海鮮檔，呢一度嘅虎蝦同埋三文魚真係好好食，虎蝦大大隻，而且非常鮮甜彈牙