和氣食堂 (河畔花園)

營業中

休息中

今天去開沙田探朋友，朋友介紹和氣食堂，話成日好多人排隊。6點開門即到，順利入座，7點真係平日都開始滿座啦。既然來到這裡，當然試下d特別野，白咖哩烏冬配炸雞。這道菜的咖哩味道唔會太搶，烏冬煙韌，配上juicy炸雞,正。我還點了白身魚刺身，刺身肥美新鮮唔腥。三文魚牛油果沙律也是我很喜歡的一道菜，新鮮的三文魚肉質鮮美同沙律菜，搭配牛油果同醬汁更是絕配。最後，我還嚐試了電擊雞翼和鹽燒三文魚頭。兩道菜的口味都十分獨特，電擊雞翼的甜辣可口，外層脆皮糖好有趣。鹽燒三文魚頭則外脆帶有微微的鹹味，肉質鮮嫩。埋單價錢合理，難怪咁多人排隊。

做野做到攰攰地，望下出窗外邊，近排天氣超好，唔想side咗個咁正嘅中午，決定出吓去嘆返個靚lunch 先。今日係沙田河畔附近搵個好地方竭竭腳，回回氣先。辛苦工作偶爾都要抖下氣，食得好個人先會心情舒暢，先再有動力繼續向前💪🏻💪🏻💪🏻經過呢間日本野好似都唔錯，午餐好多唔同款式，有卷物，有壽司，有刺身，有定食，有魚生飯‼️咁難得先出嚟Lunch，一定要厚待下自己先得。勁想食壽司🍣但齋壽司又好似好悶，呢度啲壽司定食set就啱晒啦。🍱和氣壽司定食$125🥢🥢🥢🥢🥢好豐富呀，壽司有九件，有三文魚，虎蝦，油甘魚，帆立貝，海饅，香蔥拖羅碎，三文魚籽，芒果花之戀，花之戀。另外仲有木魚湯烏冬，炸雞同埋嘢飲。和氣極強特盛壽司定食$155🥢🥢🥢🥢🥢壽司就無另外個set咁靚咁多款，但都有六件，包括有火炙左口魚邊，油甘魚，帆立貝，珍寶赤蝦，三文魚籽，而最正係有海膽壽司😋😋😋除咗壽司之外，仲有燒黑豚腩丼（細）。個黑豚腩燒得好香，加埋面層嘅燒汁，非常惹味，忍唔住即刻夾起一塊送入口，真係不得了，巧巧食😋😋😋壽司加燒肉已經好滿足，但極強特盛喎，梗係唔會咁就完，仲有軟殼蟹沙律呀‼️🫢🫢用芝麻醬嘅沙律係無得輸嘅，食完啲碳水已經飽

前排喺沙田圍工作，收工後想試試日本菜，同同事經過呢間日本居酒屋，決定滿足一下我呢個仲未去到日本旅行嘅人。呢間餐廳叫做「和氣食堂」，門面裝潢已經好有日本氣氛。我地入去之前，見到店外幾個人在等拎外賣，應該好受街坊歡迎，估唔到都真係幾有驚喜!我地一行2人，總共嗌左8款食物，由於太耐無食刺身，所以呢個一定要點啦~🎈4點刺身盛A呢款刺身有齊三文魚、甜蝦、章紅魚及廣島蠔刺身，我自己最中意蠔，肉厚味道鮮甜。章紅魚就比較少食，份量多而且爽脆。甜蝦大大隻，非常滿足我對日本刺身嘅渴求。🎈日本清酒石鍋煮蜆呢道簡單而味道清淡純的海鮮，係我在日本居酒屋必點嘅菜式。清酒經過煮熱後味道更加香濃，放入新鮮的蜆實在係絕配。清酒煮蜆。食嘅就係蜆本身鮮味，將暖清酒湯飲落去，成個人暖入心頭。呢鍋煮蜆的份量相當多，兩個人食非常足夠。🎈三文魚牛油果沙律沙律份量充足，蔬菜新鮮爽口。牛油果有淡淡嘅脂香，食落細膩柔滑。滿滿嘅三文魚加埋蕃茄粟米，加上日式醋，相當開胃！🎈電擊雞翼6件第一次食呢款電擊雞翼，調味相當出色，入口先發現原來係凍食，咬落好有口感，正！🎈壽司：黃金燒三文魚腩／咖哩燒帆立貝／火炙黑松露3點／鵝肝我哋點咗幾款特式壽司，個

星期六晚，係條街有d凍嘅情況底下，等左廿幾分鐘先等到位，證明真係好多人幫襯。勁多外賣單，店員忙到踢曬腳，似乎周末幫襯會加重佢地負擔，有少少內疚🙈石鍋鰻魚炒飯 $122上菜熱辣辣，店員有細心提醒石鍋盤熱小心燙手。份量唔差，最尾食到有飯焦，質素ok😋黑豚腩燒丼 附泡菜 $82燒豚肉好味之餘，重點有少少係個燒汁度。可惜上菜時個飯已經涼左少少只係微暖，熱食會更好味。自家制芝士厚燒玉子 $52好厚身，一口食唔曬。玉子燒微甜易入口。間中會咬到芝士，風味提升，值得一試。刺身虎蝦壽司 $25一般貨色

沙田和氣食堂，位置比較偏僻，平價日本美食。五色魚生丼，朋友仔一見到就心心眼，有帶子、鰻魚、三文魚子、甜蝦同某魚生。我自己係好鍾意食帶子、鰻魚同甜蝦，帶子同甜蝦都新鮮，鰻魚調味OK ～蒜蓉蠔芝士蠔，朋友仔話好食，見隔離好多枱都有叫，不過我唔鍾意食蠔。白丸原味拉麵，湯底清清哋。芝士玉子燒，賣相吸引，味道都唔錯。千迴火鳥，其實就係燒雞翼。望落已經覺得佢燒得好靚仔，雞肉確實係嫩滑。鹽燒三文魚鰭，多肉，朋友仔第一次食覺得好好食。明太子雞肉串，偏鹹。鹽燒牛舌、鹽燒雞翼，朋友仔話牛舌似係其他肉類，不過偏鹹。 芝士燒大啡菇、燒小紫薯，味道正常，不錯不錯。兩個人食咁多嘢，埋單六百幾蚊，價錢合理～

和氣食堂有幾間分店，這一間是位於沙田河畔花園附近地下其中一間食肆,今次我哋六點左右到，開始晚市，好快就已經客滿。 每人一杯熱茶後，隨即點餐。 芒果三文魚蟹子沙律 蟹子佈滿了沙律上， 三文魚粒和芒果粒分量豐滿， 每一口的沙律也混合了三文魚的鮮味芒果的甜味味道。大盛刺身 這是刺身丼,充滿視覺上的衝擊。 巨大的鮮蝦兩隻， 吞拿魚溶， 上豉油和芥末大大粒爆醬魚子， 還有海膽。把所有食材混合埋一齊， 佩珍珠米，入口渾然天成。 脆脆燒三文魚皮五片 這是送口的零食前菜，入口鬆化，如果有啤酒就更加完美。 田樂麵豉燒日本米茄子把麵豉放在茄子上燒， 咸而不利中和得很平衡。日式炒野菜 草菇椰菜加上紅蘿蔔絲，還有木魚在上面點綴， 清新感覺。 泡菜黑豚肉石鍋飯 喜歡酸辣甜以及濃味的朋友有福了，豚肉入滿了泡菜味道，使整鍋白飯也很有泡菜感覺。

話說同朋友喺河畔花園呢頭食午餐，但係間間都勁多人，得呢一間係可以唔使點樣等位就入到，所以於是乎就決定係呢一間食🙌🏻老實講其實食過好多次，但係都唔係因為好食所以走過來食，而係因為冇得揀而食🥲今次揀咗午市套餐嘅魚生飯（$84）佢啲帆立貝係極度唔新鮮，甚至係有啲妹，啲蝦肉都冇乜味，只有三文魚係正常，但係其實我唔明點解魚生飯嘅飯可以係熱？？？呢個價錢竟然可以有啲咁難食嘅魚生，我真心覺得性價比好低😅仲要當日食嘅時候都係已經去到一點幾，即係其實已經開咗鋪都好一排，如果想食嘅話真係要三思🙏🏻

今日嚟到朋友屋企附近食日本菜。閒日晚上都滿座！原本以為位於河畔花園會座位較窄，實質都是卡位，適合聊天。今日和朋友都較為肚餓，所以點了不少菜式，估不到份量很多。首先點了厚燒玉子作為前菜，件件都十分飽滿厚身，表面裹上芝士輕微溶化。然後壽司方面有蝦三味、北海卷、芒果花之戀及牛油果三文魚腐皮船。蝦三味的蝦的蝦很大隻，北海卷十分新鮮，鋪上滿滿的海膽三文魚籽及吞拿魚蓉，十分推薦！至於芒果花之戀及牛油果三文魚船的材料份量比例亦十分洽當。至於熟食方面，點選了千迴火鳥、石狩鍋（豬骨湯）及清酒煮蜆。千迴火鳥即是燒雞翼，味道不錯。石狩鍋及清酒煮蜆份量十分震撼！石狩鍋的三文魚頭油香十足，而清酒煮蜆的配菜亦吸收了蜆的鮮味，鮮甜味濃。總括而言，環境舒適，份量充裕，味道不俗！

約左朋友放工沙田食飯，專登去間人氣日本小店食個飯。食飯時間座無虛席，環境光猛企理，特別要讚係張凳坐得好舒服和氣田園野菜生活$58生菜蕃茄栗米芝麻，配有酸得黎辣辣地既汁，開胃既前菜4點刺身盛A$208三文魚甜蝦章紅魚廣島蠔幾樣刺身都好新鮮。甜蝦大隻甘甜，三文魚肥美，廣島蠔幾大隻又鮮甜好唔錯。平時只食三文魚既我一試章紅魚，一點腥味都冇，好新鮮！仲好爽彈，超好食，我連續食左幾片，大推火焰蟹膏帆立貝壽司$50蟹膏香濃，帆立貝燒到好香火炙芝士虎蝦壽司$40 香滑又暖粒粒既芝士配上虎蝦肉質爽彈，口感好黃金燒珍寶皇帝蟹棒$46熱辣辣既蟹棒有濃郁嘅皇帝蟹味，咬到一條一條既層次感。面頭混有蟹子連沙律醬，酸酸甜甜好惹味，大推黑松露鵝肝帆立貝卷$78賣相好靚，黑松露同鵝肝都好香，配埋甜甜地既醬汁同帆立貝係一流，大推大阪豬扒丼$90大份到呆左，成座山既沙律菜，底層係炸到好鬆脆既吉列豬扒，味道幾好總括黎講，食材新鮮，價錢相宜，餐廳性價比高，難怪咁多人食，實會有下次

平日好少黎沙田河畔食飯，睇左唔同嘅餐廳，見到呢間餐廳好多人食，所以決定同朋友試下佢，店內職員非常友善，成日會留意我地是否需要加茶，而且食物黎得好快呢到非常多選擇首先我地叫左5點刺身盛平日唔鍾意食甜蝦，因為硬係有浸怪味，黏黏地，而呢到就唔會，非常鮮甜而且口感三文魚亦係好新鮮，帶子肥美，油甘魚爽甜，成個刺身盛都新鮮好味我地叫左燒生蠔，分別係焗芝士同埋蒜蓉味，呢兩款口味都唔會搶左生蠔本身嘅甜味，咬落爆汁好正再黎芝士軟殻蟹卷，酥脆嘅軟殼蟹同芝士係好好嘅配搭明太子雞肉串，燒得好香牛油燒一口蕃薯，肥肥短短嘅日本紫蕃薯永遠係最好味嘅甜品韓式芝士燒大肉菇，啖啖肉嘅大啡菇配芝士韓式泡菜豚肉豆腐鍋，酸辣嘅泡菜湯好開胃，呢個組合無得輸

這家位處沙田圍的日本餐廳，餐廳細細的相當骨子。在平日的午飯時間座無虛席！原來除了餐牌豐富之外，老闆娘還非常的友善熱情，在百忙之中為我簡單介紹餐點午市套餐有刺身丼，壽司🍣套餐，熟食丼，拉麵，烏冬，便當，非常豐富！想了又想最後選了壽司定食三文魚壽司定食$119這裏足足有13件三文魚刺身！三文魚刺身三塊 脂味香濃非常好吃三文魚壽司三味 我覺得炙燒最富層次感，牛油果🥑近似三文魚，更增強了三文魚的油脂香花之戀兩件 在三文魚加上蟹籽跟蛋黃醬，油脂併發超好吃！三文魚加州卷三件加入玉子跟青瓜，少量沙律醬，這道壽司比較清新，適合用來清清口腔意想不到還有兩件炸雞鎚跟一小碗烏冬，吃完超級飽呢！

1月24日晚上9時15分，有兩張2人枱啪埋嘅4人枱，其實係可以分枱俾兩個2位分別坐。 但女職員俾1個人獨佔2張二人枱都唔分開枱俾兩位坐。真係唔休做窩！服務甘差，幾好食都無用啦！

這日放工後晚飯來到和氣食堂，我哋由沙田站行過去，行咗好似大約15分鐘，沿途城門河搵到有燈飾，都好靚㗎😊呢間係受沙田街坊斯歡迎嘅日本菜之選晚市好多人排隊及外賣我哋叫左好幾樣野食河豚干烤得好香口，越咬越感覺到魚肉嘅甜味，係好好嘅餐前小食。再配埋沙律醬、七味粉，魚肉鮮甜更突出、鐵板一口牛熱辣辣鐵板上一口牛好好味，好鬆軟，醬汁條配得好好，充滿香蔥味黑豚腩燒丼黑豚腩片燒得好香口，有甜甜鹹鹹嘅感覺，份量比想像中多很多。另外加埋泡菜一齊送飯，好好味！芝士軟殼蟹卷軟殼蟹香脆，芝士味濃郁有鹹香，加上唔同配料口感豐富。芝士燒大肉菇大肉菇肉汁好多，上面鋪滿芝士及其他配料，好滿足好好味我地都好鍾意呢間日本食店！店員服務好好，食物質素又唔差，又多選擇😊

同幾個朋友小聚，朋友想食日本料理，於是一齊嚟到呢間和氣食堂，平日晚餐時段都好快滿座，唔想等位就建議早少少去大家都鍾意食刺身，睇餐牌有好多唔同組合嘅魚生海鮮丼選擇，最後揀左五色海鮮丼，有三文魚、鰻魚、帆立貝、拖羅碎&三文魚籽。海鮮夠新鮮，份量足，鋪滿晒成個飯面另外點左白咖喱烏東配炸雞，之前未試過白咖喱，被圖片吸引左，烏東嘅面層被白咖喱蓋住，可以保持烏東&底層咖喱嘅熱力，就算冬天食，都唔會愈食愈凍串燒&小菜都好多選擇，見到好多都想試，電擊雞翼係冷盤，凍得嚟脆口，被蜜糖包圍，岩哂鍾意甜食嘅朋友串燒方面，鹽味燒牛舌、鹽燒開邊雞翼、明太子雞肉串&韓式芝士燒大肉菇都唔錯食飽之後 叫左燒芝士年糕作為甜品，外脆內軟，煙煙韌韌

🍣🍱🍛🍜🍗🍡🧀沙田河畔一向多野食，依間餐廳係開業都有一段時間，難得過嚟依邊當然要入去試吓啦，餐廳除左堂食仲有外賣，見有唔少人嚟買架三文魚牛油果沙律🍣🥑🥗$78份量幾多，唔係得幾粒或者幾片三文魚，而係有一堆係面🤤配埋牛油果片口感又幾夾，沙律微酸微酸相當開胃五點刺身拼盤B🍣🍱$248三文魚、油甘魚、甜蝦、赤貝同廣島蠔，刺身新鮮鮮甜，而且有厚度大大件件，好滿足白咖喱烏冬配炸雞三件🍛🍗$92表面一層白雪雪嘅綿密泡泡，下面係咖哩烏冬，咖哩汁相當濃厚，烏冬彈牙，炸雞錘皮脆肉嫩配埋咖哩汁食好正👍七味河豚干🐡$62咬落硬硬地，咬下咬下軟身左之後，味道開始滲出嚟千迴火鳥三隻🐓$45大大幾，味道調配得唔錯，相當惹味燒芝士年糕兩件🧀$35一定要襯熱食，年榚中間半熔狀態嘅芝士好吸引人，不過食落有啲膩，所以一人一舊岩岩好🍡