和氣食堂 (河畔花園)

營業中

休息中

每次到河畔，我都想去食叫間，我叫左至愛，就係生虎蝦刺身，配埋佢嘅汁好好食，野菜天婦羅，蔬菜炸得好香翠，冇乜油，5色魚生入面係有鰻魚、甜蝦、海膽、碎拖羅、三文魚籽。我好鐘意食海膽，所以叫左海膽帆立貝卷和北海卷，叫埋碗蕃茄湯牛肉烏東，入面好多料，所以食得好滿足。

四色刺身$128刺身ok新鮮 但量比較少性價比唔高 而且唔係好就腳唔知係咪因為好多好評話好抵食所以有啲期望落差雖然又唔係真係好差 但係性價比就唔高會去其他鋪頭食多啲整體回頭率唔高🙈

平日夜晚黎食，都幾多人等候。可見佢受歡迎程度啦～但係今次我就外賣返屋企而我就選擇左佢既燒豚肉飯同埋芒果三文魚沙律～燒豚肉飯都幾正呀～豚肉都大大塊厚切，不過如果肥膏多d就好啦！芒果三文魚沙律份量都好足～下次再食啦～

一河之隔，喺沙田市中心過咗條橋，去到沙田圍嗰邊，有好多小店，附近都幾近沙田圍站。今次呢間日本嘢，性價比極高。小食叫咗個堂楊日本池魚仔，$50都幾抵食，但係份量都幾多，炸漿唔會好厚，味道鹹鹹香香，幾適合送酒。另外仲有派咗兩件芝士年糕，外層非常煙韌，一啲都唔似放題食嗰種咁厚實，芝士味亦都好濃郁。叫咗一客燒雞翼，有5隻燒全翼，燒得好香口，仲可以加少少檸檬汁，食落冇咁油膩。4點刺身B，刺身食落去好有鮮味，唔會有雪藏味，而且魚類刺身切得好厚，冇偷工減料。鯛魚湯泡飯亦都好特別，好似食石頭鍋飯咁，一林個湯上去就會滾，熱辣辣冬天食非常適合。

喺黃大仙食過一次，原來沙田圍亦都有佢嘅分店，今日喺附近打完波就過嚟食晚飯。👍🏻三文魚五味總共有五款唔同嘅三文魚壽司、包括配搭着牛油果、海膽、火炙芝士。款款新鮮！👍🏻櫻花蝦泡飯絕對係誠意之作，可以先自行加入一半高湯燒熱個煲底，然後進行攪拌再倒入剩餘嘅湯汁。入口滿腔鮮甜，櫻花蝦米仔好多，加上炸香過既蝦肉鋪面，皆爽口彈牙，另配蔥花同蒜粒俾你自行調味。（天氣開始凍，食呢個真係最啱）👍🏻日式炒椰菜成日出街食飯，見到呢個鐵板上嘅蔬菜系列就叫咗一碟，分量驚人，炒得好香口，加上木魚絲、雜菇、洋蔥絲，炒得相當香口。👍🏻三點刺身盛B有新鮮活赤貝、甜蝦、三文魚三本，另外包住左兩條青瓜紫菜刺身卷，刺身有用冰鎮住，能夠保持新鮮度，三文魚厚切得黎好肥美。👍🏻牛油燒一口番薯一客4小粒，燒得好夠軟身，食落表面有淡淡的牛油香。👍🏻韓式芝士燒大肉菇Juicy之作，肉菇厚肉多汁，芝士做得相當出色，細細件都可以做出完美嘅拉絲，加上帶點微辣嘅韓式醬汁份外滋味。平民得來又有質素嘅日本餐廳真係少之又少，呢間的確誠意推薦！

📍和氣食堂第一次來河畔花園搵食，原來有好多好嘢！呢間日式小店舖頭細細，選擇有好多！🍽食物：👉🏻火炙海膽帆立貝 $72帆立貝同海膽都係正常，海膽有啲苦但唔腥，卷物係加州卷嘅餡👍🏻牛油果炸蝦卷 $56入面包住2舊蝦，食落口仲有啲微溫，唔係一早炸定擺喺到。牛油果冇乜存在感，炸蝦同蟹籽蛋黃醬嘅配搭係永遠唔會出錯！😂👍🏻白咖哩烏冬附香脆炸雞 $89面個浸好似cream但係又有d似薯蓉，我中意佢嘅咖哩係日式咖哩甜甜哋但係又好濃，唔會因為做湯烏冬而好稀，撈埋一齊食口感好滑。但係炸雞已經變涷👎🏻，不過炸粉唔厚肉都滑嘅。👍🏻野菜天婦羅 $48見到隔離枱嘅蝦天婦羅勁大碟好吸引，諗住嗌細份試下點知份量都幾多😂有青椒、南瓜、蕃薯、枝豆、紅蘿蔔、冬菇同茄子，即叫即炸，炸粉唔厚，我中意南瓜同蕃薯仲食到食材本身嘅甜味！⛩環境：👉🏻舖頭好細可能得十張枱左右，全部用隔板隔開，坐得有啲啲迫。👍🏻雖然食日本野，但成晚播住00年左右嘅kpop😂首首我都聽過好懷念💁🏼‍♀️服務：👍🏻2個店員全晚都好忙出餐出外賣，但係都仲好殷勤收碟同斟水📝總評：7/10刺身同味道都好過出面某啲連鎖日式餐廳，仲有特色卷物同小食，食過就知點解咁受街坊

平時無咩機會黎沙田 因為附近有個室內攀石場 所以運動前就黎到呢度食啲野 打個底先一打開menu 就佢啦 北海三色丼 因為店內大部分丼飯都有配三文魚 唔食三文魚又懶得自選既我 就揀左呢個有海膽同拖羅蓉既丼飯 其實佢既賣相好唔錯 大大片橙皇色既海膽超吸引 食落唔會有腥臭味 好新鮮 拖羅蓉既調味都好足夠 加少少醬油已經好正另外要左個壽喜牛肉鍋定食 份量都好足夠 各款蔬菜同湯頭清甜味美 不過牛肉既份量如果多再多啲會更好 不過咁既價錢我無咩要求啦餐廳都好滿座 加上買外賣既客人都幾多 如果想食 就建議早啲過黎 食第一輪

好想食蝦同壽司！所以嚟咗呢間沙田區內嘅日本餐廳試下～軍艦五點（$118）係全部可以一啖放落口嘅軍艦！海膽幾有鮮味，三文魚籽一咬即爆。除此之外，仲有香葱拖羅碎、蟹糕甜蝦同埋蟹糕帆立貝三款軍艦。呢三款都係平時喺連鎖壽司鋪比較少見嘅combination，食落去每樣材料嘅味道有層次之分之餘都可以blend到，幾好！喺同一盤仲有三嚿蝦壽司（$59），分別係生虎蝦、赤蝦同埋甜蝦。係愛蝦之人嘅天堂！啖啖鮮肉好想encore～天婦羅盛合（$78）又係蝦啦！呢碟天婦羅除咗有三隻蝦，仲有茄子、冬菇、etc. 一份都好飽肚，幾好！鐵板煎鬆軟牛舌（$75）一上碟嘅時候仲有熱氣係咁湧上嚟，食落口果然fit晒佢呢個菜色嘅名，夠晒鬆軟。一份有好多塊牛舌，大約有10塊，我哋2個人慢慢食都食唔曬，焗住淨返2嚿喺碟><七味河豚干（$59）呢個係店員推介嘅其中一個菜色，食落去個面雖然有啲油，但內裡幾硬，中和咗佢表面嘅油脂，我同行個fd覺得呢碟最有驚喜。櫻花蝦泡飯（$123）話明係嚟食蝦，點可以冇櫻花蝦。呢個泡飯上嘅時候係湯同飯分開。店員話要趁熱倒一半湯落去，然後到食嘅時候先隨自己意願落幾多。記住一上碟倒完

平日夜晚食生日飯，特地揀選附近的人氣小店，平時星期六日一定要排隊，雖然今日係平日，但都預早訂咗位。坐低，二話不說，先叫咗一枝大Asahi啤酒($41)兩份分，另外叫咗三樣嘢海膽三色丼 （$145)有甜蝦、海膽、帆立貝同蟹子，每樣都新鮮，CP值高。另外，叫咗醬燒一口牛玉子鐵板飯($98),大大份，但味道相對普通，同food court質素差不多，建議都係叫返刺身丼，比較抵食。最係天婦羅盛合（$78），鮮炸熱騰騰，有3隻蝦、茄子、南瓜、青椒，係其中一個抵食之選。最後，埋單二人共大約400蚊，無加一。抵食的街坊小店，唯一不足的地方係張枱比較細，放唔晒唔食物同啤酒🤪

成日見佢都好多人，今日早小小6點前就到，希望唔洗等位🤣果然入到去有位坐！！！佢keep住都有人入同有人叫外賣，果然超多人！！日式炒野菜 $75好大碟！鐵板上添㗎！熱辣辣😚有木魚係上面，有菇有好多椰菜，金菇炒！好食㗎👍🏼燒牛舌 $42好高質！肥瘦均勻，而且調味夠哂！有咬口，好正！細細舊，一啖一舊🤣🤣一口和牛 $33相對瘦啲，調味會淡咗小小！不過勝咗唔會好鞋，好難咬🤣但我鐘意牛舌多啲hehe5點刺身盛 $228好新鮮咼！有三文魚，帆立貝，油甘魚，同一個唔記得咩魚同甜蝦🤣🤣最深刻係三文魚超厚切，正呀！！帆立貝都好鮮，一啲都唔腥！！刺身有質素！！櫻花蝦泡飯 $123個湯不停了！！好香濃，係乳白色㗎！！石窩好保溫，最後先食，都仲係熱嘅！！有3隻蝦同帶子，海鮮黎講，都好食😋不過湯是最值得食嘅🤣🤣🤣2人分享都夠！！最後仲有炒米粒，好特別!!值得一提，服務態度真係好好！！不停幫我們倒茶同收碟，好勤力！讚！！！！

12/10 就係岩岩掛8號風球個時，見屋企無野食唯有落街搵嘢食拉，點知見到和氣食堂有開，仲要可以堂食，咁就拿拿臨入去拉。首先啲staff既服務超好，又會介紹有咩好食😊👍 我地首先叫左個刺身船😋😋🍣啲刺身勁鮮甜，而且魚生超厚，又好香魚油👍👍👍👍👍之後我地亦都嗌左唔少小食包括有三文魚牛油果沙律，個汁酸酸地，好開胃😋燒物方面我都嗌左牛油燒一口蕃薯🍠😍😍香甜好食鹽燒開邊雞翼😄唔會好咸，但燒到好香口😍送酒應該一流因為想食菜，所以蔬菜方面我就叫左日式炒野菜 同 田樂麵豉燒日本茄子🍆估唔到有驚喜喎，啲野菜好鮮甜又爽口，食得出好新鮮👍👍另外麵豉燒茄子原來幾好食🤭好野味🤭🤭真係第一次試，估唔到咁好食🥰🥰最後我地嗌埋個石鍋鰻魚炒飯，呢個炒飯超足料，真係兩個人都食唔哂，而且石鍋夠熱，有飯既焦香味，好好食，誠意推介大家可以試一試👍👍👍

每星期都會來一次食日本嘢，因為味道都唔錯，有多少識揀，都幾佩服佢個套餐今次叫咗個海膽丼飯，加麵豉湯，加天婦羅，加蝦卷。今次啲刺身切得比較薄，海膽都縮水左，唔通因為消費券變相加價？ 但係刺身嘅味道都保持到水準，位置都想真嘅係嗰條大蝦，因為出邊餐廳好少食到咁大條嘅刺身蝦，品嚐完蝦膏會發現其實都幾新鮮，唔會有腥味。天婦羅個番薯炸得唔夠時間，食落去唔夠軟熟不過叫佢嘅熱奶茶嘅時候，等咗差唔多半個鐘，下次建議叫定先，唔好食完嘢先叫

同朋友好耐冇見 係佢推薦下相約一齊來呢間餐廳食飯😋😋 呢度大部份都係做街坊生意 如果唔係有人介紹真係唔識😆😆餐廳食物有好多選擇 種類都好多 真係可以滿足唔同需要😝😝 環境雖然唔大不過都ok舒適電擊雞翼原來係凍食 好特別 外層裹住一層麥芽糖 肉都算入味 做開胃前菜唔錯😝😝鹽燒三文魚鰭即燒熱辣辣 食得出味道好新鮮 肉質好嫩滑 唧少少檸檬汁更加可以提升佢嘅鮮味😋😋4點刺身盛B包括有三文魚油甘魚甜蝦活赤貝 個樣望落幾新鮮 兩款魚都係厚切 肉質肥美味道鮮甜 👍🏻👍🏻三色花戀係三款不同嘅花之戀壽司組合 每件都配搭左唔同嘅tpopping有甜蝦海膽吞拿魚茸魚籽 花之戀 好豐富。一舊食到好多食物同口感 芒果花之戀同蟹籽花之戀 呢兩款都食到三文魚幾新鮮餡料都好足🤓鰻魚牛油果班戟每件size算大 而且好足料 入面有大塊鰻魚牛油果蟹柳玉子 食落少少甜但係鰻魚又可以中和返個味道 出邊比較少見pancake皮去包住啲食物扮壽司 意外地味道幾唔錯 🥳🥳美國安格斯牛肉鍋壽喜燒湯底 甜鹹甜鹹的 有隻溫泉蛋篤爛佢撈埋半生熟牛肉 味道唔錯 牛肉味道濃郁有咬口 仲配搭埋娃娃菜蔬菜金菇 食完真係攬住個肚 可以過吓日本癮 又同

今日嚟到沙田，約左朋友食飯。以前係黃大仙有食過和氣食堂，見到沙田都有一間，就走入去試吓。服務員為我們安排座位後，就給菜單我們選擇。由於我手機無嘜電，所以，就直接叫服務員幫忙落單。大盛刺身～有2隻大蝦，三文魚，油金魚，魚子，海膽，非常豐盛，下面仲有白飯襯底。好味又飽肚。😍😍😍三色花戀～三文魚跟沙律醬絕配壽司軍艦五點～有海膽，魚子，帶子等壽司。Yummy 😋😋😋大板豬排丼～將椰菜絲刨至超幼細，堆成小山丘，賣相吸引，再加上沙律醬，椰菜又爽脆，又幾好味。下面係滑蛋吉列豬排飯。因為剛吃了椰菜，又不覺膩。蛋都算滑，豬排也炸得剛好。保持到水準。👍枝豆～都算多，賣相亦唔差。可以。螺肉小吃～一般啦！

夜晚六點零七點黎到已經要等位不過佢限時個半鐘所以等左半個鐘到就有得入座餐牌選擇多有選擇困難症既我睇到心大心細落單就用qr code 幾方便————————————三文魚牛油果沙律 （$72）份量幾大三文魚切得厚身質感唔錯沙律菜尚算新鮮加埋集醬汁咸咸酸酸幾開胃油甘魚章紅魚 各8切（$12x）廣島蠔 4隻 （$8x）魚味淡 食落唔算好鮮味 蠔都幾飽滿 不過略帶腥味 只可以話質素合理軍艦5點 （$11x）即海膽 三文魚籽 香葱拖羅碎 蟹膏甜蝦同蟹膏帆立貝咖哩鹽燒三文魚腩 （$3x)黃金燒三文魚腩 （$3x)反觀壽司質素較刺身好特別係火灸系列三文魚油香滿溢千迴火鳥（$68）外皮燒到略帶香脆食落唔算油膩肉質頗為嫩滑少少辣 幾惹味天婦羅盛合 （$72）有蝦 南瓜 矮瓜 蟹棒炸得幾酥脆但如果麵衣口感可以再鬆啲既話會更好————————————————-以街坊小店黎講食物質素唔差不過定價相對進取另外鋪頭唔大桌椅都比較貼舒服度一般如果啲野食同一時間黎枱頭真係未必夠位擺放食物有啲輪盡