和氣食堂 (黃大仙中心南館)

營業中

休息中

這家在黃大仙的日式餐廳，提供的食材很新鮮，雖然名氣不大，食客卻不少。第一次到店碰上下午茶時段。下午茶套餐份量並非十分少，吃一個套餐也十分飽肚，食材不但新鮮而且份量足夠，真是贊。

作為一名食客,當看到一份下午茶套餐要價60港元,卻只有薄薄的兩塊三文魚時,真的不免會感到失望和不滿。這種"又貴又少"的情況顯然不太符合物有所值的原則。三文魚雖然是高級食材,但單憑兩片薄切恐怕難以彌補整套餐的驚人價格。

好多年冇食和氣食堂,今日咁啱經過黃大仙入嚟食lunch餐廳裝修咗,變咗用火車運送都幾特別而餐牌款式都比以前豐富, 多咗好多款式揀今日我嗌咗一個刺身飯，另外加配咗麵豉湯及蒸蛋。刺身飯係午市套餐，有赤蝦，三文魚，北寄貝，油甘魚，中吞拿魚腩，真錭。飯可以免費升級做紫菜溫泉玉子丼，我覺得刺身新鮮程度一般，唔係話好靚，不過$158咁多刺身,算係咁啦⋯⋯麵豉湯隨餐附送，追加日式蒸蛋$12蒸蛋食咗幾啖,已經唔想食…麻麻哋不過整體來說，比起以前我覺得是退步了

某職員態度極差，合氣都變激氣，諗住屋企附近同朋友食個Early Dinner，未夠六點就行入店，兩位入座，某職員叫我哋坐吧枱，但眼見其他卡位，都可以只坐兩人，明明有空既卡位，咪同某職員講，話我哋好快就食完，佢話唔得，話啲卡位係三至四人用，但眼見其他卡位都可以兩人坐，我朋友即坐喺卡位，個職員仲要掉餐具落卡位張枱度，咁樣去執位俾我哋，都已經QR 落單，仲會有咩服務呀，點餐都幾激氣😑，最後我朋友聽電話，佢老婆要求要買外賣，咁我哋堂食之餘再叫多一個外賣，咁算唔算三個人用呢張卡位：（ ，星期四晚，離開時都又唔係滿座，平時都有幫襯，但諗起呢次經歷，真係無下次，難怪啲人北上消費😡

我係用電話打去落單 叫 魚生飯 T15，職員幫我落左 T5 炸蝦飯大家都無在電話講個飯名 只是講號碼如是者 家人幫我去取，拎返黎唔係我要既 ～ 雖然我諒解 既然都整左就算但衰在 真係非常唔啱我胃口呀 我爬兩淡 已經無晒食慾，試想 你原本想食凍 魚生飯 變了係 炸物 熱氣 又熱量高 好容易 頂胃頂心口 好擠呢個飯 真係超唔值 ，食得好難受畀錢買難受，我都係打工搵錢黎買你個飯你做職員 你去買個飯食 人地同你落錯畀錯你 完全唔係你要食既口味的時候 咩感受呀？真係勁嬲，你裝修完 加價我明 但落錯 加黎做咩Q姐。 我老馮出錢買個你ordef錯既飯？我係街坊客 都唔會回頭幫襯你 呢d 唔係平 又做錯野既鋪頭 既然市道都唔好 唯有祝福你繼續錯落去

抵食三文魚魚生飯，餐廳空間都好大，食飯坐得比較寬鬆，舒服d，火炙盛丼，三文魚、左口魚邊、松葉蟹棒，賣相好靚，一碗好大碗，我自己食仲剩低一半要俾屋企人食先食完，魚生好新鮮，肥美，蟹柳上面仲有我中意既芝士，午餐可以追加小食+面豉湯。

以前食過一次呢間日本料理所有野都普普通通 仲有啲污糟🙈但係依家重新裝修之後🥷🏾忍者子彈車送餐🚅比架車吸引咗而入去食多次🤭見價錢都唔算平但食物黎到每款都大大件食材質素好左好多👍🏻👍🏻👦🏻壽司定食（日本劍魚，吞拿魚赤身，中吞拿魚腩帆立貝，甜蝦，蟹棒，厚燒鰻魚花之戀各1件，芝士吉列炸蝦卷4） 🍣壽司比以前大好多😳👩🏻鹽燒三文魚頭定食（胡麻冷豆腐，日式蒸蛋，白飯）鹽燒三文魚頭跟埋一件三文魚鮫燒到好乾身 超級厚肉嫩滑👍🏻👍🏻午市仲可以無限追加20款小食當中叫左叫3款1️⃣味付螺肉 正正常常2️⃣芝士玉子燒放到最尾先食 仲係暖笠笠架🤤仲有d日本既味道 估唔到咁好食👍🏻3️⃣焙茶奶凍呢個最驚喜👍🏻焙茶味超級濃 超級滑🤤上面仲有啲爆珠包住粒紅豆🫘口感幾特別幾過引👍🏻巨粒三文魚籽軍艦😳👍🏻巨型火炙左口魚邊壽司😳👍🏻三重芝味軟殼蟹天婦羅卷個人覺得可以唔洗試😂

搬咗嚟黃大仙終於搵到有質素嘅嘢食🤣🤣🤣第一次入去，見到送餐車好得意😊叫咗一個吉列豬扒烏冬同一個壽司🍱配烏冬，唔叫咁多，純粹試下好唔好食，結果當然冇失望，吉列豬扒，好好食，豬扒粉漿好薄，好鬆化，係鬆化，我食過咁多嘅吉列好怕食到吉口，好硬嘅吉列，豬扒好腍，唔柴唔梅，啱啱好，希望下次食，個水準仲係度👍👍👍跟餐配嘅5隻炸蝦好好食😂😂😂所有食物都即整，即炸，相當新鮮，有小小美中不足嘅係個蒸蛋，裡面材料唔係好多，一粒蜆肉同一塊魚板，味道唔濃，蒸蛋用膠杯裝

咁岩黎到黃大仙，即刻search 下有咩好餐廳見到和氣食堂呢間幾高評分，即刻去去到門口發現好多人排隊，應該都係正野黎啦排左45mins 到終於入座，係比較少見既車道型智能送餐，Qr code 落單之後係直接係車道送全個餐比你。 食物味道ok, 都係正常味道。 但價錢我就覺得係偏貴左d d

年三十提早收爐，要食好點！下班後來到黃大仙中心覓食，由於太想吃刺身跟壽司最後決定來到一間很高人氣的日式餐廳來吃「收爐飯」自家製芝士厚燒玉子 $28/2件先來點開胃菜，個人很喜歡吃玉子燒但吃過最對味的就只有快沒落的連鎖壽司店的出品！下午時分到來吃可以小試兩件不太多這個很好，還加入芝士製作～ 玉子味道不錯口感滑嫩，有蛋味的但不算太重，略嫌甜度比較明顯；芝士用火槍燒至表面微焦，吃得出來是片裝芝士但味道不太濃烈，兩者的配搭都算不錯松葉蟹膏蟹肉壽司 $28/件火炙田樂味噌三文魚腩壽司 $19/件雖然點了魚生丼，不過還是想試試店家的壽司，結論是兩款選吃的壽司都是高質好吃，非常大推！松葉蟹膏蟹肉壽司入口有濃郁鮮味的蟹膏，中間夾雜著絲絲蟹肉，吃完一件還想再吃！另一款比較少見的是火炙田樂味噌三文魚腩壽司，火炙過的三文魚腩壽司當中的魚油滲出來就是好吃；加入由味噌、糖、米酒及味醂製成的田樂味噌醬就更加美味而且層次豐富，甜甜的很可口啊！五式魚生丼B（甜蝦·鰻魚·海膽·拖羅蓉·三文魚籽） $178來到今天的主角：魚生丼！店家的丼飯款式非常多，單是刺身的組合都有很多種，豐儉由人，容易有選擇困難啊～ 這款集合了甜蝦

走進這家日本店，我啱啱食咗個超正午餐，個人嘅味蕾完全被呢個地方俘虜咗！我第一樣點嘅四點盛，一上檯就覺得眼前一亮🤩，新鮮嘅三文魚、廣島蠔，章紅魚，同埋牡丹蝦，每一啖都咁滑咁鮮，簡直係味道嘅饗宴嚟㗎！跟住嘅千回火鳥，啖啖肉汁人，外皮烤得啱啱好，微微嘅焦香伴隨嗮每一啖juicy嘅雞肉，此乃人間美味😋！再來個火焰左口魚邊牛油果沙律，真係揭開味蕾新天地，松露嘅香氣加埋左口魚嘅嫩滑，咁搭真心唔錯！仲有個泡菜黑豚腩鍋送暖，豚腩肉質嫩滑，一啖啖肥瘦適中，冚家舒服！安格斯牛肉炒飯就炒得講究，牛肉同飯粒都喺度跳舞，完美組合👏。飲品方面，我嘆咗一杯清新嘅藍柑白桃梳打，酸酸甜甜非常提神；而檸檬藍柑梳打亦都令人精神為之一振！處處細節表現出店家嘅用心，殘念嘅係雪糕冇得食，不過呢度嘅食物夠味夠靚夠正，絶對值得再嚟！員工服務都友善得嚟，下次一定要約埋更多麻吉一齊嚟共襄盛舉！🍣🥢🍲

和氣食堂黃大仙分店換上去全新裝修☺️☺️點餐送餐都係全自動，掃描QR code落單就會有架小車廂直接將餐點送去你面前好得意🍴壽司十貫定食 - 💰定食超級豐富有壽司拼盤同烏冬，芝士吉士吉列炸蝦卷 (4件)、油甘魚壽司、吞拿魚壽司、珍寶赤蝦壽司、赤身北寄貝壽司、花之戀、玉子壽司🍣芝士吉士吉列炸蝦卷炸得非常酥脆又多蟹籽🧀油甘魚同吞拿魚新鮮鮮豔🧡赤身北寄貝同珍寶赤蝦口感都非常清爽鮮甜🦐玉子壽司蛋香十足🍳花之戀則保持應有水準🌺 整體食物質量性價比高,價錢適中親民得閑再嚟食野先

比我無意間發現到呢間日本野，性價比好高，我同小朋友嘅飯堂又可以加多一間喇！真係冇諗過喺黃大仙屋村商場裏面，竟然有間食物唔錯、打卡又一流嘅日本餐廳。我自己鍾意食刺身、壽司，而小朋友鍾意食烏冬，Menu見到超級多款式，價錢亦都親民，一於入去試下先！聽講呢間餐廳係剛剛重新裝修再營業，我地幫襯當日係平日下午，已坐滿大半，相信呢間餐廳都有唔少捧場客。店內環境簡潔乾淨，如一般列車號，大部份位置係個人吧枱位，亦都預留咗多張寬闊卡座。餐廳主題是忍者，路軌上方LED不停播放的忍者圖案公仔跳來跳去好可愛。呢度係用QR code自助落單，然後食物會由列車經路軌送到，送到嘅時候小車廂會慢慢打開，就好似列車埋站咁，等你拎食物出嚟，小朋友見到列車將食物送到覺得好好玩，小小列車迷就更加唔好錯過。食物: 中午有午餐定食嘅選擇，有好多款揀添！例如壽喜牛肉鍋、刺身定食，我哋點咗兩份午餐同埋散叫咗一份沙律，午餐定食仲可以追加指定小食、壽司、甜品。🥗牛油果三文魚沙律（胡麻汁）$38有沙律菜、青瓜、車厘茄、粟米、仲有滿滿牛油果和大粒三文魚，吃得出食材新鮮，即叫即做，沙律很清新開胃，而三文魚真係大大粒，一啲都唔吝嗇。壽司定食B

刺身定食A 附御飯 $158賣相幾吸引🤩，剌身控必點呀！剌身定食入面有三文魚2片、中吞拿魚腩、油甘魚薄切3片、珍寶赤蝦1隻、真鯛1片、北寄貝2片同埋瀆物。附有紫菜温泉玉子丼。當中最出色係三文魚🍣、北寄貝同油甘魚。全部都好新鮮同埋鮮甜，完全冇腥味☺️。而三文魚係超厚切！讚👍👍👍！🍹草莓番石榴乳酸梳打濃郁乳酸味，帶淡淡草莓🍓味，吾會太甜，好飲！📍 和氣食堂 (黃大仙中心南館) (黃大仙)黃大仙正德街103號黃大仙中心南館地下G12A號舖

近期迷上路軌送餐服務😂見到火車直接送餐到自己枱上感覺格外治癒。和氣石堂提供多元化日式美食、刺身、熟食至和風甜品包羅萬有。手機下單後有火車沿智能路軌直接送餐到枱上，玩味十足。餐廳堅持選用高質食材，大家可以安心享用。不論午餐或晚餐，均有多款定食套餐供應。🥢三重三文魚盛丼配玉子葱花芝麻麻醬味憎湯一次過享受三文魚、三文魚腩、三文魚蓉三重口感。刺生新鮮鮮甜，肥美厚切。三文魚蓉非常滑口，撈飯一流。🥢壽司十二貫定食配木魚湯鳥冬十二款口味高質壽司🍱拼盤，壽司比正常size大，大大件 = 大滿足。鳥冬用上口感煙韌的讚岐烏冬，配上味道濃郁木魚湯，味道尤佳。🥢芝士厚燒玉子比普通玉子燒多一份芝士咸香，感覺清新。🥢蒜香燒茄子滿滿蒜頭鋪在茄子上，陣陣蒜香撲鼻。每份定食套餐均配有是日甜品和手搖飲品🥢焙茶奶凍+綠茶奶凍兩款均重茶味，非常足料，且有紅豆爆珠增加口感。一個價錢，多種享受，性價比高👍🏻值得一試😋味道：😋😋😋價錢：💰💰💰💰環境：👍🏻👍🏻👍🏻