咖啡亭 (已結業)

見到有白桃為主題既下午茶buffet 因同事喜愛白桃 又有65折優惠 一行5人特意訂 3點食到4點半 得個半鐘 時間比出面短 我地3點前到 好多人已等候 入到去一心以為好多由白桃主題既甜點 點知只有數件 而且無特別 其中一碟係白桃巴拿馬火腿 點知好快比人搶晒 就無再refill 失望 另外 見個軟雪榚機 整左好耐都整唔到 到走都食唔到 搞到成個buffet無雪榚食唔知係咪因為個場細 餐廳職員不斷收碟 都未食完就走過黎收野 搞到唔個點咁 另外 一到4點半 馬上叫人走 話要清場準備晚市buffet

第一次試這間座落在尖東站，不起眼的酒店自助餐。頭盤最吸引的原本應該是長蟹腳，龍蝦仔，但可惜食材唔新鮮，我各款食了少少。以下頭盤我認為，值得試風干火腿片加蜜瓜 ,日式刺身蝦，八爪魚刺身主食熱熏食物除了黑松露醬意粉外，所有不值一提。甜品卻是令我滿意，有8隻味道揀既macaroons, 燕窩燉蛋, 最好玩的自製夾餅味道都可以。原本雪糕中段機壞左，侍應生每張枱問，可以落單要雪糕球，解决了我夾餅冇雪糕的問題今日用openrice 優惠，每位200元有找，加上服務很好，食物不需求太多，還是去得過。

本著之前來吃過晚餐,食物質素及款式也不太差,今次見Rhombus Dining Apps有優惠, 故試試他們的午餐, 估不到有意外的驚起。之前用Apps Book位，每次都被拒絕，心想可能星期六好多人食,故今次我預早差不多一個月訂位, 但也奇怪,今天進去時已不見太多人,只有1,2枱人客,沒想太多就開始取食物了。我只想介紹深刻印象的給大家。 1) parma ham及切了薄哈蜜瓜同蜜瓜,沙律, 蜜瓜如甜配parma ham很好味,沙律也不錯。2) 三文魚生甜蝦(全隻連殼),好食!3) 即點即煮意粉,好食!4) 自助格仔窩夫(配合鮮忌廉芒果粒同雪糕) 好味!5) 綠豆沙太淡6) 燕窩燉蛋太甜7) 蟹腳多水淡茂茂, 難食!8) 螺肉太多殼碎,不好食!9) 其餘熱食及甜品也不好提了,個人覺得不太 吸引,也不太好味是也!10)餐飲我叫了凍檸檬茶,雖然普通但飲得出檸 檬新鮮及茶味也不錯到最後亦沒有廚師送上野味小食, 食客亦只得三兩張枱。最後结賬時她們說價錢不是跟訂枱時之成人價, 我當然跟他理論, 雖相差不是太多錢, 等了很久才跟我改單, 改單後他們又說長者價錢沒有折扣,

之前嚟食過3-4次，隔左咁耐，價錢升左好多，但唸住貴精不貴多既心態，一心抱住期待心情，點知坐低拎左幾塊ham,一個字"咸"衰過759阿信屋，$59.9，再拎生蠔，瘦身成功咁，放入口都唔知食緊咩，蟹腳，浸水解凍，放入口得啖水，完全冇味道，越食越嬲，打咁長段野上嚟警惕想嚟食既兄弟姐妹，唔好過嚟踩屎，本身呢間野已經少選擇，仲要咁既價錢食呢D野，$150都唔嚟啦，完全不知所謂，最憎餐廳明明係一樣食物都唔好好 烹飪

上星期瀏覽openrice時睇下有咩餐廳有生蠔食，跟住見到呢間酒店晚餐嘅buffet有即開生蠔，仲有7折優惠添，於是就book枱；原本諗住print張coupon當日用，點知去到個侍應話唔需要。去到之後先知到中伏：首先就係間餐廳喺正酒店lobby對面，一眼見晒；之後開始去行buffet枱時，就見到海鮮得即開生蠔、長腳蟹、細蝦、螺、青口，跟住先攞生蠔，每人每次只可攞3隻，但size勁細，味道一般，唔夠鮮味，其餘海鮮都係一般，唔夠新鮮！仲要枱上冇剪長腳蟹嘅較剪，問侍應攞，只俾一把；跟住去攞湯飲，中式湯係粉葛赤小豆煲唐排，西式就係南瓜忌廉湯，味道OK；刺身冇特別，壽司冇興趣，熱盤少得可憐，甜品就更加少，去過咁多間Buffet餐廳，這間最差極，係超級冇嘢食，價錢唔平噃，點解假期都坐唔滿喇，原來極之差！一定冇下次！4舊幾水冇嘢好食！

11/04/2017近日隆堡出左個抹茶下午茶自助餐身為抹茶控既我二話不說就訂位今日平日都叫做冇咩人🤣環境方面第一次去比想像中細但都坐得舒服野食供應既款式唔多都係啲熱盤salad海鮮甜品etc_其中有個一杯杯既抹茶慕絲？同埋有個三角形狀既慕絲抹茶味都幾濃 係叫做有驚喜既會有我中意既苦澀味 可以再食多幾件💕本身期待好大既cake roll係完全冇抹茶味😹其他都冇咩特別但overall都ok🤣🤣🤣🤣🤣🤣

雖然唔係抹茶控，但喺facebook見到介紹同埋download Rhombus Dinning App有六五折都係忍唔住黎試下（要預約同睇下當日六五折quota full左未先join到個優惠嫁！）呢間唔係大酒店所以一開頭對所有食物都冇太大嘅expectation，不過要講抹茶甜品佢唔太ok, 而且款式唔多。一開始我地拎左啲灑左抹茶粉既薯條食，好味～但主要係薯條炸得岩岩好雞翼都幾正～另外仲拎到一人一個燕窩燉蛋之類既野，好香好滑唔甜膩！不過拎左一次就冇lu~到主角抹茶甜品：前排既藍妹芝士蛋糕朱古力檸檬蛋糕都係普通野，不過唔算好食。果"pat"抹茶慕絲，冇咩抹茶味仲要酸酸地咁，食左一啖我就轉移去其他款度後排杯裝既紅豆抹茶凍，抹茶泡芙，抹茶牛奶mousse卷同抹茶mousse tart,都係好食既，不過連住食有啲膩，即刻寫紙叫啲即煮pasta中和下～而令人surprise既就係呢啲pasta, 佢由pasta 種類，用咩汁到用咩料都係自由配搭，完全符合你口味～ 我地第一次叫左煙肉白汁（呢個最正），之後試蕃茄、香草、松露白汁三種，四款都唔錯嫁～ 份量仲係手掌咁多，唔會食得太飽。仲有即叫即滾生

Happy Friday！不知幾時開始，甜魔媽媽好像變了 buffet 達人，身邊朋友都愛問那裡的 buffet 好吃、抵吃；來到 Buffet 最終篇，決定分享尖沙咀隆堡麗景酒店 Cafe Express 咖啡亭 的「遇見‧宇治‧抹茶物語」下午茶自助餐，吸引抵食之餘，逢週一至日都有供應！ 先此講明，此下午茶自助餐時間不長，週一至五下午3:00-4:30，收費成人$198／小童或長者$158；週末及假期則下午3:15-5:00，成人$218／小童或長者$158。持隆堡鑽石卡／Rhombus Dining餐飲應用程式會員更可享65折，折後$150有找就能開餐，非常相宜！便利地點＋吸引主題＋相宜價位，這裡的 Tea buffet 竟然還有凍海鮮，雖然選擇只是小龍蝦、翡翠螺、青口、熟蝦等，真教人意外。同場也有三款刺身，分別是三文魚、八爪魚及鯛魚，實在予人物超所值之感！ 抹茶主題下，場內也設有手工抹茶蕎麥冷麵，日式抹茶蕎麥冷麵彈牙滑溜，入口清涼美味，在這悶熱的春日享用，十分開胃適合。 更多清新之選包括切件水果，如西瓜、菠蘿、蜜瓜、哈蜜瓜；另一邊又有多款配料的自選沙律吧，可以過一個較為輕盈

好耐冇食自助餐到底係邊一間酒店嘅自助餐咁值得推介呢？原來就係隆堡麗景酒店既咖啡亭一開頭覺得呢個名真系未聽過 真係好難相信最好食到咩地步😅一試就愛上左！三文魚好大片咬落吾腥甜蝦都系呀青口好清甜冇海水味翡翠螺顏色好令 口感爽口 👅鵝肝多士好似有啲吾新鮮😟 餃子亦吾夠熱炸蠔一食落去系好脆 蠔味亦十分足夠深海魚柳一片片咬落肉質鮮嫩 口感十足 雞翼冇乜特別甜品方面不得不介紹班蘭奶凍 班蘭味真系好重質地亦吾會好水木糠布甸同Tiramisu味道均正常 Tiramisu咖啡味比朱古力味重☕️Blueberry cheese cake 偏硬種類真系比較少 但包保你大部分食物都會滿意「貴精不貴多」環境都幾細 得20枱客左右

其實你如果想主打食兩樣嘢都ok嘅就係蟹腳生蠔啦！！！不過蟹腳夠粗大好好肉好彩我朋友食咗咁多碟 心入面都有少少回本嘅感覺因為你普通喺出面喺啲靚嘅西餐廳食五舊水埋單心情會暢快啲加埋98蚊任飲係爽啲嘅but they are out of sparkling wine...can not believe it...如果你心入便當係 500蚊任飲任食都ok嘅當我企喺生蠔前面嗰個哥哥仔同我講要自己攞我心諗我夠知啦我係閱讀緊啲介紹咋嘛原來佢開源 原來佢開完求其擺埋喺出面就算 ok fresh, not alot of choice牛肉簡直係disaster無論係熟食或者即煎嘅 舊牛肉真係非常垃圾平時我食開嘅羊扒都係冇嘅即係普通自助餐應該有嘅嘢佢都冇可能因應返個 用餐場地唔可以坐太多客人無謂造成太多嘅浪費但係不如 多幾款畀我哋揀我真係成晚食嚟食去都係嗰幾樣後尾見到有意粉 好似米線咁要剔番跟住炒埋一碟畀我就算唯一令我好欣慰嘅係 服務一流面帶笑容有幾個靚仔養下眼咁

我再一次去到呢間餐廳，如果有去過就一定知佢既餐廳比較細同埋位置比較少，所以自然食物既種類都唔算多，但我同朋友主要都食想去食生蠔，所以就再去啦~ 需然食品既種類同一年前差不多，都係比較少款式，但係食物既水準就都係咁好食，由其係d生蠔~ 我同朋友都讚佢夠蠔味，我地加加埋埋食左成廿幾隻，其他海鮮類既食物都好新鮮，d熟食既味道都好有水準，不過同好多其他既自助餐一樣，都係保溫麻麻地，唔夠熱，如果可以係呢方面做好d就更好啦，不過如果係2個人既聚會都會繼續再去

今次係第二次揀cafe express，對上一次已經係三年幾前，今次揀呢間因為朋友想食蠔，而我第一次食覺得雖然細但啲嘢食唔錯，今次感覺食物水平下降而且款式少，但係客人比以前多，可能因為有蠔食而價錢較相宜嘅buffet比較少。圖中蠔係幾人份量，蠔即開新鮮，每人每次兩隻。海鮮吧麻雀雖少，五臟俱全。生牛肉唔錯，熟食款式真係好少。比較好嘅係甜品，選擇想食嘅甜品有職員拎比你，有好有唔好。好係比較衛生，但可能人手不足，職員要兩邊走，要等佢忙完先可以拎。

一入去見到環境都好唔錯,雖然唔係話大,但好企理同埋私隱度高。未夠鐘前見到有個應該係主廚既人同d廚師講野,好認真咁準備緊。我真心唔明點解之前會有人話唔好食。2人同行7折左既話1個人先400元,咁既價錢有一人一份芝士焗龍蝦同埋可以不停食蟹真係好抵。其實冷盤都好齊,一般其他酒店有既都會有,但唯一唔好既係d龍蝦(冷盤區嗰d)實在太細隻,大部份人都唔會拎,因為難搞但肉又少。好啦,講下其他,個牛尾同埋其他海鮮都唔錯,如扇貝,蜆等。甜品方面呢,好多甜品揀得來又好好味10個like!最好味係芒果慕斯,酸酸甜甜咁好好食。仲有個蛋白撻,細細粒,個底有熱情果味焦糖燉蛋係即時幫你整個焦糖上去,好有誠意。但係呢如果甜品可以放番入去食物區而唔係擺喺出邊要同waiter講拎到既話會好d。整體來講,d人服務態度都好好。 400元有咁既水平已經好抵,不過如果你地係想有700元咁既水平咁就唔洗去啦。

見咖啡亭做優惠 二人同行$618當然即刻book位同屋企人去試下尖沙咀地鐵一出行二三分鐘就到，非常方便！入到去 地方好大 但原來餐廳buffet只佔一小空間前面是食物區 後面已經是for客人的座位了最搶眼的就係最前面的甜品區 所有甜品都係要既時候同甜品區個staff講 佢即時夾比你可以保持新鮮同美味！非常好熱盤方面 選擇吾多 有焗同炒既蔬菜 糯米飯肉類就有羊架 雞翼 避風塘炒蟹等等重點係有生蠔 長腳蟹任食！長腳蟹肉都算飽滿！但有點過咸~仲有熱辣辣葡撻同煎堆不得不提依個燕窩燉蛋白真係超好食！食左5杯都仲想食雖然甜品款式吾算多 但全部都好高質素 焦糖燉蛋係即叫即燒整體來說，staff態度良好，食物都吾錯，只係環境空間較細，值得一試

經常同女友周街搵野食，但甚少食buffet。一來女友怕肥兼食量唔多，而自己麻甩到一碟碟頭飯加杯奶茶已經很滿足，拍拖數年只曾食過1次自助餐。這次是數得出的第2次，之前已有朋友推介此酒店buffet ，而「開飯喇」更有二人同行優惠， 掂晒！行街行耐咗， 8:40分到達已見不少人正在用餐。大條長龍排隊，望一望原來係生蠔！人排我又排，排到去只可以拎3隻，唯有走多兩轉。開蠔師傅都快手，條龍好快減半，愛爾蘭同南非兩款放在同一碟內，其實我食唔到有太大分別，但又食到幾新鮮。蟹腳有兩款，記得食有刺嗰隻，味道係正過無刺嗰隻！女友喜歡沙律菜，都算多種類同好多醬可以自己拌；薄牛肉出奇好味！蟹肉芒果沙律又係睇唔出咁好味，刺身有三文魚甘蝦好幾樣，專人去切，叫佢厚切三文魚又真係切到厚厚比我~！可能係酒店關係，三文魚真係新鮮好味無雪氣。熱食都可以，羊扒同雪魚好食，糯米飯比起廟街食店有過之而無不及。自選意粉都食得過，甜品區全不起眼，無侍應生同我講真係搵唔到.... 燕窩燉蛋好滑好正！其他唔記得太清楚了。下月家姐生日可以再考慮食多次。