咖啡綠茶 (已結業)

好鍾意見到d靚靚既餐具、碟仔和風🇯🇵定摩洛哥風🇲🇦既 都好鍾意!!同埋好鍾意食細細碟既小品料理所以有次係ig見到foodie既一個post就即刻bookmark左🤭今日去開旺角 就同媽媽去幫襯下! 💛我地兩個都係叫五品料理~~媽媽的💁🏽‍♀️五品料理 ($89)(熱食) 糖醋豬柳條‧香炸南乳雞塊(凍食) 粒粒秋葵伴胡麻豆腐‧北海道溫泉蛋‧蔬菜蛋批我的💁🏽‍♀️五品料理 ($89)(熱食) 烤鯖魚‧泡菜辣炒豚肉(凍食) 慢煮雞胸柚子醋沙律‧煙三文魚薯仔沙律‧蔬菜蛋批熱食方面 我覺得四款都唔錯😋🐖糖醋豬柳條 -比我想像中邪惡 因為豬柳條係炸過架 甜甜酸酸又香口 而且啖啖肉 幾正! 🐓香炸南乳雞塊 -雞塊醃得幾入味 南乳味道幾濃郁 有驚喜啊!🐟烤鯖魚鯖魚烤得岩岩好 唔會覺得熱氣配上照燒汁 無敵啊!🇰🇷泡菜辣炒豚肉豚肉片瘦肉多 泡菜既辣度不錯 拌飯食一流啊!凍食小單都做得唔錯 特別推介👇🏽🥕蔬菜蛋批 -好鍾意食呢類型既蛋批不過我覺得如果係熱食上面再加d芝士會更加正!🥗慢煮雞胸柚子醋沙律-雞胸真係唔鞋口 清淡之選啊!+$25就可以有一件蛋糕🍰 好吸引啊!不過想試既蛋糕當日已經賣哂 所以下次先試啦!入

📍Coffee Green Tea ☕️🍵一間好多文宣的黃店🟡仲有好多韓星添🌝 但可惜我已經老了 所以我唔知啲韓星係邊位🙌🏻 但見到都幾多鍾意韓星既妹妹係到影d周邊😂😂好！講反野食先🤲🏻我地叫咗一個日式咖喱汁吉列豬扒烏冬 💰$68佢咖喱汁味好濃配埋個豬扒同烏冬真係幾好食😋 但反而杯野飲有d甜 雜苺沙冰 💰$58 (圖2右 自己唔太鍾意飲甜野 已經叫咗少甜)雖然會飲得岀好濃既苺味 但苺類本身唔算甜 應該都加咗幾多syrup落去整甜佢 所以覺得甜得滯 一般🙌🏻冰搖芒果綠茶 🥭🍵 💰$40呢杯同樣都係嗌左少甜少冰 呢杯飲落相比起沙冰既感覺會fresh d 仲有小小綠茶苦苦地既個種回甘味😂但最重點同個敗筆位係等候時間真係好耐🥱🥱 唔係話企係門口等勁耐 而係落咗order d野食野飲好耐先到😩 我都明白人手有機會唔夠 但杯ice tea 我地都等咗9個字先到就真係耐咗小小🧐如果想撐黃店又多時間既都可以上嚟等下既 但如果趕時間呢到就唔會係一個好嘅選擇🙌🏻🙌🏻🙌🏻📍INFO評分🚥: 6/10價錢:人均$100地址📍: 咖啡綠茶 (旺角)旺角西洋菜南街38-40號萬高商業大廈3樓營業時間🕰:🕒星期一至星

第一次聽呢間店個名時心諗乜個店名咁求其嘅？抵不住好奇心就去望下咩環境，原來係一間偏日式嘅小cafe，環境仲幾溫馨添！第一次去比較貪心想試多啲嘢食，揀咗由兩個熱食、三個冷盤同五穀飯組成嘅五品料理。其中一款熱食阿多波燉煮五花腩係一種菲律賓流行嘅菜式，豬肉用呢個方法烹煮會充滿醬油、蒜、醋等嘅味道，有點似滷水但更重口味，半肥瘦豬肉入哂味仲非常滑嫩，係送飯一流之選！ 另一個主食烤鯖魚都不錯，唔會太乾！ 後尾第二次再訪試咗香炸南乳雞塊，外皮炸得比較乾身，所幸咬落去雞肉依舊多汁仲醃到好重南乳味，非常建議加入小食menu！而個鮮奶焙茶比其他cafe 做得更濃厚，非常出色。除咗適合同三五知己飯聚外，店內仲有加上拉簾嘅一人自閉位，適合獨毒渡過一個下午。

呢間黃店就第二次食，果日佢都收得幾夜，1點先收鋪，所以都係行夜街想坐樓上cafe嘅其中一個選擇，今次都唔駛點等就有位。味道中規中矩，價錢中等，同其他樓上cafe差唔多。不過係就腳，位置方便，間唔中順路，又想食得冇咁貴，都會支持吓。1.青醬雞胸意粉 $68啱鍾意食清淡嘢/素食者2.五品料理 $89每道餸份量好足，味道都ok，放得幾精緻，100蚊內都可以接受3.焦糖蘋果朱古力蛋糕 $25蘋果粒喺裡面，似係食緊普通朱古力蛋糕，味道冇咩特別

前一日打去book位 但聽電話小姐話不用排隊不用book位 除非我多人才book位 ， 咁我重問幾點開門，話12：45 ，好啦咁我拖住個仔13：00黎到, 竟然話滿坐要等一個鐘......

最近見疫情無咁嚴重，終於可以同班frd gathering！朋友推介去左呢間樓上cafe，雖然好近地鐵站好方便，不過地面入口得一條好窄既樓梯上樓，唔留意好容易行過左🤣上到去已經見到有幾個人等緊位，好在提早book左。menu好有小店既feel，食物種類幾齊全，有拉麵、飯、意粉、甜品、小食，飲品都好齊全，叫左幾個小食share，主食就一人一個。野食黎得都幾快，落完order10分鐘內已經黎到，小食我地叫左三色雞翼、雞軟骨同薯塊，味道唔差，但如果醬汁多返d就更好。我叫左3.7牛乳拉麵，視覺效果一流😍加上湯底好傑身，做到掛響拉麵上面，而拉麵既軟硬度岩岩好，但湯底既牛奶味如果再濃返d就更好。講到我最鍾意既就係呢杯焙茶朱古力😍😍😍一直都好鐘意焙茶產品，呢杯仲要加埋朱古力口味豐富得黎又好夾，焙茶同朱古力都唔會互相搶味，而且夠濃超正😍😍😍

疫情下既weekend真係r爆頭都諗唔到去邊好。咁岩見到朋友既ig推呢間樓上cafe，話仲有兩隻豹貓玩，就即興去試下（雖然最後因為驚傳播細菌，冇真係玩到貓。但整體都滿意。果日我地近lunch時間去，叫左個佢個menu都幾厚，尤其野飲，好多花款，仲有好多好特別既口味，所以都揀左勁耐🤪不過我地果日冇乜嘗鮮mode,就咁嗌左玫瑰咖啡同岩鹽咖啡，不過不失啦。Btw...雖然我地果日有叫到野食，但野飲冇得跟餐嗌（好多樓上cafe都係咁）主食方面，我就嗌左個五品料理。（揀左烤鯖魚、糖醋豬柳條、雞胸沙律、蔬菜蛋批同溫泉蛋）本身想揀南乳雞塊同薯仔沙律，不過冇晒，雖有下次再黎食啦🤪。蔬菜蛋批係必食，我係其他地方未食過，幾有驚喜！

第一次黎到，本身諗住輕食，比呢個甜品吸引左，諗住都係平時甜品舖果類，但呢個有Ｄ驚喜～本身佢係雪糕+焦糖布甸+芝士蛋糕但好似冇哂布甸，變左慕絲蛋糕，更正雪糕都係普通野，不過配左芝士蛋糕（熱），冰火交融既感覺唔錯芝士蛋糕，我最鍾意夾心唔係平時果Ｄ硬掘掘既芝士，而係類似奶皇般既餡，軟綿綿，好有滿足感幕絲蛋糕，好靚！唔太空虛，感覺都實在雖然食物等候時間可能有小小耐，可能太多客人，不過慢工出細貨，可以享受下同朋友傾計既時間，如果求快者，就體諒下始終，平民食店唔多，反之好值得支持，何況質素唔差又用心員工又親切～加油

我大約一年前黎過呢到食，覺得環境都舒服，又可以坐得耐。食物就不過不失啦，係出菜有少少慢。事隔一年再黎食，覺得水準大跌。首先，出菜真係好慢.....我等左起碼半個鐘，我個五品料理先到.......開頭叫五品料理呢，係因為見佢同muji cafe既五品料理相似，都比較健康，同埋可以食到唔同餸，所以就叫黎試下。五品可以叫2個熱盤，3個冷盤，當日大約8點3左右上到，但冷盤已經得返三款可以揀。我就揀左糖醋豬柳，鯖魚，蔬菜蛋同埋溫泉蛋，豆腐秋葵。其實每樣都細細份，應該可以好快出到菜架喎，仲要有三樣係冷盤黎既，唔明點解可以搞左超過半個鐘，不過我見佢廚房手忙腳亂，都廢事催佢。好啦，五盤入面有兩個盤都唔好食既。另外三個叫做正常，仲要豆腐同秋葵本身都好易整，淋日式沙律汁就可以了。蔬菜蛋餅涷食真係唔多好味我唔識形容，可能熱食會好啲。然後個溫泉蛋，有水浸住，可能又係因為涷食既關係，好唔match。我覺得自己好似食緊雪櫃拎出黎既雞蛋咁。我覺得溫泉蛋唔應該涷食,可能改做溏心蛋會好好多!我覺得好唔抵食，無印既價錢，但無無印既質素...我唔知其他食物點啦，但五品料理真係唔得。

支持香港小店。星期日夜晚係旺角食飯都唔係咁易。搵左幾間都大排長龍，最後搵到呢間都好好彩。入座後即刻有人排隊，好彩早半步。食物叫左五餸飯同咖哩吉列蝦烏冬。五餸飯（好似係）。鯖魚香滑，食落唔鞋，好好食。五花腩肥瘦適中，爽口唔老。雜菜糕好足料，餡料豐富。沙律同豆漿就正常。另外吉列蝦咖哩烏冬就正常，吉列蝦炸得香脆，蝦肉爽口彈牙。咖哩汁就有啲稀，似咖哩湯，但都夠味。如果可以濃少少就完美。「不完美，可接受」飲品叫左爆炸士多啤梨奶同抹茶朱古力。爆炸奶有啲甜。抹茶朱古力就好飲，有茶味又有朱古力味，兩樣加埋又幾夾。

樓上cafe，唔好諗住門口有人招待你，係無架。唔係有人外賣自取走出黎，我差啲就以為入錯店。一入去右手面係咁既⋯一開始滿座，所以坐吧枱，把風扇就擺喺隔離，好污糟 (唯一扣分位）。但係無特別要求下，老細主動係有客人賣單之後換左枱，服務真心係好既👍🏼👍🏼👍🏼咁啱坐既位對面就係呢幅牆，等嘢食之餘都欣賞下⋯😎之所以話性價比高，係因為食物質素真心唔差之餘，價錢唔貴，環境都算唔錯。抹茶咖啡：$42拉花簡單得黎靚 (之所以話靚係因為對比另一杯焙茶朱古力，個杯既拉花真係核突到我唔想影😂😏)，相比出面好多既Matcha Coffee，呢杯唔會太甜，抹茶味濃，又唔會蓋過咖啡味😋慢煮雞胸肉意大利麵：好似$72雞胸肉唔會太老，意大利麵煙煙韌韌好正👍🏼👍🏼👍🏼個青醬都唔錯，但係咸左少少⋯五品料理：$89（雞胸肉沙律、溫泉蛋、芝麻醬豆腐、鯖魚、南乳雞塊加紅米飯)南乳雞塊同芝麻醬豆腐唔錯；雞胸肉同意大利麵個個差唔多質感；鯖魚略嫌細塊左啲；溫泉蛋略嫌生左啲⋯紫羅蘭荔枝慕絲蛋糕：好似係加$25？食第一啖以為好甜，再食又唔會；紫羅蘭味(好似係)同陣荔枝味慢慢摻出嚟，又有唔水同質感，好味😋😋😋👍🏻賣單好happy🥳🥳🥳，因為

黃店拉麵🍜 呢個好意料之外好味！招牌3.7牛乳🥛湯底好濃厚，叉燒肥瘦適中未到入口即溶不過煮得相當之淰💖幼麵都好掛汁同埋，加埋溏心蛋，係一碗我覺得我會返轉頭嘅拉麵👌🏼反而焙茶同抹茶latte有點失望，不夠誘惑而且味道唔係好突出，不過店內最少消費一杯飲品所以大家可能試吓其他飲品🙈📍Coffee Green Tea, Mong Kok💰~$150 pp⭐️8.5/10

叫左一個素意粉，辣辣地，上面有d脆見地好香口既野，令個意粉超級好味，份量又多。但都只係六十幾蚊一個意粉，好抵食。另外我叫左個雞肉青醬意粉，又係好入味，份量夠，所以決定聽日再去食。但真係製作時間較長，變左要等好耐，如果你冇訂位，你都預左繁忙時間係要等好耐

⚠️ 再一次感受到禮拜六日嘅黃店有幾full 想支持黃店都係book左位先!!!🤣呢間係西洋菜南街最旺地段嘅樓上鋪 店內有擺好多文宣 仲有兩隻好得意嘅貓貓🐱🐱人手可能唔夠做唔切 入座同上菜都等咗幾耐 不過都唔緊要嘅🙉 佢嘅食物質素同價錢可以補返🥳 食完後悔自己點解咁遲先發現呢間🥺 三色雞翼🐥🚥 $38單骨雞翼炸得脆口又惹味想encore👍🏻蒜香菠菜煙三文魚意大利麵🍝 $72好食! 睇落咁green但蒜味好重😍 意粉接近al dente有咬口👍🏻 煙三文魚又比得幾多😚吉列蝦&南瓜薯餅/ 吉列魚柳 配咖喱烏冬🍛 $68可以自己揀配料 我覺得朋友揀嘅呢幾樣炸物都好好食🤤 全部都係即炸又唔會油👍🏻 好抵食我嘅friend食半碗就飽左(可能都係佢地細食...)🤣個味同吉列牛個忌廉烏冬有九成似🤭 個汁仲有蘿蔔薯仔粟米 非常推介😍焦糖燉蛋咖啡creme brulee coffee ☕️ $42好吸引呀🤤 面頭d焦糖燒得勁靚 好似食緊甜品咁😚咖啡嘅焦糖味啱啱好唔會太甜幾得意 推薦大家試吓🤣鮮奶焙茶 hojicha latte🍵 $42雖然個拉花唔出 但係味道就好高分🤤好濃嘅焙茶味 好過Sb出品熱飲仲好飲👍

環境佈置都係memo紙 Pepe公仔等等 簡單得嚟好eyes catching 仲曾經免費借場比守護孩子搞情緒輔導😳餐廳門後面有貓貓corner 等野食個陣可以同佢地玩下 唔怕人之外 仲好乖擺定pose比人影相！.👉🏻函館鹽味拉麵($68)鹽味湯底幾清新 唔會膩兩塊叉燒切得比較薄身 肥瘦均匀配料有紫菜、帆立貝、溏心蛋同筍 都幾豐富👅 🌟🌟🌟🌟🌟店舖空氣流通方面做得唔太好 有啲焗 可以考慮買啲風扇仔 做好通風系統 等客人坐得耐都覺得舒服啲！🤤———————————————咖啡綠茶Coffee Green Tea@coffeexgreentea 旺角西洋菜南街38-40號萬高商業大廈3樓