咪走雞餐廳小廚

營業中

休息中

今日放假，同屋企人出左大埔搵食，因為落雨又要就腳程去買菜，所以揀左係大埔昌運食。見依間咪走雞午膳時間都好似好旺，加上從來都無食過，就入去試下。環境方面，普通茶記裝修，但衛生情況好一般🙃地下有明顯垃圾、食物殘渣；檯面都有少少油。不過都係個句，茶記就唔好咁高要求。午餐方面選擇還可以，都係一般茶記必備：但午餐來講，小炒明顯小貴；加上想簡單食，所以我地叫左一個叉燒燒鵝瀨粉同一個皇牌厚切豬排焗意粉。個叉燒燒鵝，上台個下顏色都唔錯，份量都OK，但食落先發覺大部分都係骨，根本無幾多肉，真係失望啊🥲味道正常，但份量方面我就覺得要留意下，食燒鵝嘛，唔係食燒鵝骨🙃焗意粉方面，唔算等好耐，厚切豬排唔算好厚切，亦都唔係完整一塊，而係切好左既，大約4-5小塊，但有小小焗過龍，有d番茄燶到有D苦。意粉明顯煮過龍，發曬之餘仲要無調味，好淡口。但豬排就還可以，唔算柴，調味都算適中。整體來講，份量都足夠。但整體而言性價比唔高，食物價錢偏貴，叉燒燒鵝瀨粉仲要貴過個焗飯，真係頗失望a🙃

今天6月23日夜晚入座我哋一行三人本身嗌咗三個餸，包括咪走雞、椒鹽蝦球粉絲煲同腐乳通菜個雞辣得嚟唔好食，肉質有啲嚡，個蝦球粉絲煲就普普通通，冇乜特別漏咗腐乳通菜都算，嗌咗兩個套餐，原來淨係包白飯同埋例湯，之後又問我哋飲咩，仲以為包埋，原來要另外加錢，都算食食吓飯喺隔籬拖地拖到啲水黑晒，再用返啲黑色水嚟再拖，睇到都唔開胃🤮服務態度又差，真係一定唔會再幫襯。食咗半個鐘就要走了，完全唔想再留低俾錢嗰陣，多謝都冇一句。

同小朋友食下午茶，要雞髀沙律落咗單之後話冇雞髀得雞翼唔緊要我照要雞翼估唔到同一價錢嘅嘢份量好似兒童餐$42一啲都唔值得本身餐牌雞翼同雞髀都係同一價錢我覺得個沙律份量可以多啲，或者隻碟可以細啲咁會好睇啲🙂

好耐無去大埔。今日拜山，經過大埔。返嚟飯返個招牌菜咪走雞餐。下午茶時間$59。同以前一樣。味道不變。個白切雞好多雞汁，混入白飯一齊食，滋味無窮。有個碗仔係尊放骨頭。食得好乾淨。雞肉好鮮嫩。入口即溶。加埋杯熱奶茶。正宗港式茶餐廳風味。

早餐沙嗲牛肉麵餐，食咗兩啖麵之後見到原隻小強🪳，即刻🤮🤮出來，店員有問使唔使換過碗，不過梗係冇晒胃口啦…店員即刻收走咗碗麵，取消咗碗麵收淨飲，人生第一次親身遇到

起呢間餐廳嗌咗個下午茶 重量級公司三文治$45 ！嚟到見到嘅時候，係唔係嚟錯， 茄蛋芝腿包，原來無嚟錯😠😡😡 公司三文治竟然冇午餐肉，實在太過份，好嬲呀！仲要收$45超唔抵！如果係咁我叫 雙拼三文治好過啦！

電話落單自取,去到個收銀問我頭先係咪打嚟話收錯錢,我話冇咁嘅事,佢就print咗張單出嚟比我去隔離拿外賣。拿住幾個餐淋住雨行咗10分鐘返公司,收銀打返嚟話我哋拿錯咗,叫我拿返去換,因為正式嗌咗我手頭上幾個飯喺現場等緊。我愕然,因為我只係拿住張佢print出嚟嘅飛,另外個伙記係照單執比我嘅,咁即係佢哋比錯la。我話有冇得佢哋整過份新嘅比對方算,反正冇人會想食比人拎走咗再淋濕呭嘅飯la。個收銀係咁迫我拎返去,咁好la我哋lunchtime有時限,唔糾纏la。去到先發現原來係個收銀一開始就將我哋張單同人哋對調咗,收多咗我哋成$45,由頭到尾都係佢嘅錯,點解要迫咁大雨人拎返嚟呢,仲要迫對方食比人拎走過,凍呭嘢飲又出呭水嘅餐呢？拎返個啱嘅餐返公司,發覺個小鍋米線d湯除了肥肉喺度浮浮下乜餸都冇。處理方法有待改善！

我在大埔工作，幫襯在大埔昌運中心的咪走雞很多年了，它是我午餐的飯堂。除了招牌咪走雞，燒味也是它的皇牌食品。每天的午餐款式也不同，所以吃飯時間也有很多顧客，其中當然有不少是常客。疫情期間，它也受到影響，但它在早前停業時也裝修了鋪面和修葺了厨房。老闆說他要做好準備，再服務街坊。這說法我很感動。我今天寫這食評是因為剛放寬了限制，看見顧客也漸漸回來，想給老闆和老闆娘打打氣。今天點的食品維持水準，員工服務態度很有熱誠。 吃飽了午飯也充滿能量，希望我們大家一起加油吧！

嚟到大埔真係咪走雞，食返個咪走雞先！呢間餐廳喺大埔已經好多年，水準一路keep住OK尤其佢嘅招牌咪走雞真係食過返尋味！💂🏼‍♀️《招牌咪走雞米線》$64呢個咪走雞係午市套餐，晚市都可以嗌一個人食啱啱好，雞可以揀辣或者唔辣！鍾意食辣嘅我就點都嗌麻辣味另外米線可以揀酸辣/炸醬/雪菜湯底。當然鍾意食飯嘅你都可以跟飯～招牌咪走雞係用砵仔上，即叫即整，上到枱個湯仲滾緊超香超惹味，個汁係又熱又濃，啲雞整得好滑，份量都好多！個濃汁拎嚟撈米線或者飯真係一流仲有啲菜係底，食到最尾都仲係覺得好好食😋頒發軍階：上將🎖🎖🎖🎖

見佢自稱燒味至尊，咪買少少燒肉加餸囉，半斤60蚊。哇，返到屋企一打開盒，就知道中大伏，沙離篤黎嘅？一盒肉，得面個三四舊個樣勉強算係正常，底下全部瘦肉骨頭，慘不忍睹，真係攞去拜神都嫌樣衰。至於口感味道，都唔駛講啦，係質素係10蚊一斤果啲，唔新鮮、油膩、鹹到嘔。色香味皆無，我非常懷疑係斬料賣剩果啲，見人外賣自取就趁機搞掂。呢間嘢賣啲頭頭尾尾比人，唔抵食都算，職員服務態度又差，而且環境唔衛生，地下有油漬，唔推介！

某日午飯時間，係呢間野叫左個咪走雞酸辣米線外賣，返到屋企個米線食左兩啖先發現有曱甴，即刻想嘔，不過都要影相話比其他人知，等你地唔好中招！！！講真依家咩時勢，仲咁唔注重衛生，想請問你幾時執？

以前喜歡他們做的甜湯米線，偶爾會去食下。尋日去，原全不同味道，不好意思都要講真係好難食嚟形容！55蚊在同區其實可以食到好好味嘅米線。俾錢時候因想知原因問收錢那位唔知係老闆，問係唔係轉了廚師？佢話冇，我話原全唔同味喎？！佢原全冇望我一句都冇再回覆。如果係老闆我會奇怪佢咁嘅反應？以前我家人都係做飲食，有客人意見最少都講句唔好意思？當然佢可能唔在意少一個客，但依種可有可無嘅服務態度，令人感覺不好受！其他員工服務都可以。奶茶正常，食物失水準，那位老闆態度咁唔會返轉頭。

咪走雞係大埔已經開左好一段時間，而佢既招牌雞飯係到下午茶套餐價都係50幾蚊（即下午茶既依個招牌菜都唔平架）但個人認為真心值得依個價🐥首先因為即叫即整，係要等一等既，但雞又滑，而汁又熱又濃，依個雞飯汁係全個餐既重點！非常Yummy🥰亦好適合配白飯！而雞黎講其實都係普通既白切雞，但又好match依個汁（濃汁似雞味湯但gip一點！）👍🏻👍🏻總結，係一個好高質既招牌雞飯，咸咸地又熱辣辣既汁非常適合配飯食😍

平時有時工作關係/出左去玩，番到大埔都成10點，呢個時候就最好去咪走雞啦！9點半後仲有宵夜套餐更加抵食。味道一向都唔錯，特別推介沙嗲肥牛煲同埋黑松露海鮮焗飯，包你唔會失望！😋😋

今日叫左咪走雞嘅叉燒熟蛋烏冬同熱檸茶佢早餐去到12:00,瞓晏D都得不過佢今日個早餐就有D失準，D叉燒雖然份量夠，但硬左D，好乾蛋就嫌煎得唔夠香，但都好味雖然係外賣，但烏冬唔會話發脹左，軟軟的，覺得唔錯佢個湯今日都有失水準，淡左D，好似有少少水味，但整體黎講都算OK另外，佢個熱檸茶有D濃，有少少苦，對於鍾意飲濃茶嘅我啱啱好。而且一杯仲有4片厚厚嘅檸檸，好足料以一個33蚊嘅早餐黎講真係唔錯，只係質素有所下降，有D失望希望呢個只係一時失準，下次可以食返正常水準嘅早餐