品越越式料理 (康怡廣場北座)

營業中

休息中

There was dismal service with poor attention from service staff even though the dining in was at an off peak hour. In addition, the mango sticky rice was not properly cooked and considered inedible - the rice was not cooked thoroughly and was extremely hard. Overall, it was a poor dining experience that does not remain on a revisit list.

用open rice訂位，order了open rice特別餐。二人餐，兩大1少，飽到上喉嚨。原本沒有期望，只因訂位方便，加上之前的人評論，但這次體驗不錯，每個菜都好好味，可惜忘了拍照。service也沒傳說中差，還可以。

食物可以，冇乜越南風味，碟頭比較細，價錢相對貴。職員態度差，冇人約咗都要等齊人先至準入，人齊就話你聽無位，再等，其實差2分鐘左右，職員重好寸話要等齊人至入座(繁忙時間），我去到係冇人等位，食呢間要再諗諗！

品越越式料理老公生日，就book咗食越南菜，經OpenRice book枱，可以半價食到呢個二人餐。一家四口食得好飽😄😄😄個二人餐份量好多，個沙律好好食，胡麻醬同啲甘筍青瓜好夾，兩個細路好鍾意食。至於個鮮蝦番茄蟹肉肉丸湯，我就覺得比較鹹，可以淡返少少。不過番茄味都濃嘅。小食拼盤都唔錯，尤其係個春卷同蝦餅，味道剛剛好。比目魚同個酸辣鳳爪。比目魚蒜香牛油味重，肉質都叫鮮嫩。鳳爪個味道唔錯，酸辣恰當。皇牌湯河粉，好啱小朋友食，清清地又多餸。我哋仲另外叫咗咖喱軟殼蟹，蒜蓉包，薄餅。軟殼蟹份量好多，非常足料，咖喱算係淡口，小朋友都啱食。至於個蒜蓉包，係非常好食，熱辣辣脆卜卜，薄餅鬆化，配咖喱啱啱好。另外仲有兩杯飲品同兩份甜品。所以其實個餐真係好豐富。

Went to grab a bite with the family, tried to order a couple of vermicelli. We were served by apparently the manager (jims or james), he was rushing us along through the whole experience, it was unpleasant and felt disrespectful. We are paying customers at a sit in diner, not take out orders at Mcdonalds. When I foot a $300 bill, i expect at least half decent service to accompany the food. I ordered the tomato vermicelli with crab meat for myself, it came 2 minutes after my order, which was W

星期六的晚上，因為知道母親節外出吃飯的人會特別多，一早透過OpenRice訂了位，到達時不用等便可以進內。我們點OpenRice的指定二人套餐，再加了炒金邊粉。蕃茄湯味道有點過鹹，其他食物的味道一般。上菜非常快，而且一個叫阿欣的員工服務態度非常好。除了主動幫我們加水，問我們叫的菜是否到齊，總是帶著微笑。最後我們想拍一張全家照，因為用餐後的桌面很亂，她主動先清理桌面，再幫我們拍照。節日要開工，本來已經忙又累，但她依然很有禮貌，待客服務值得一讚。

星期六睇戲前嚟食個快晏，基本上就算㩒完飛等兩個號碼都即刻有檯。我同另一半一人一個餐加個小食，等左十分鐘就有得食。另一半叫左呢個皇牌湯河，叫得皇牌以為應該有返咁上下水準，點知⋯有好兩舊牛肉係靭到咬唔到要放棄，湯底係普通清湯，雖然份量多，但係啲粉淋左加埋清湯會食到好漏。我係食到一半先醒起冇影碗蝦餅扎肉撈檬😆上菜時已經聞到個蝦餅嘅香味，應該係啱啱炸起，食落彈牙有鮮味。扎肉同一般食到唔同，冇咁重香料味，而且入面有啲肉粒，口感有點似加左蘑菇嘅火腿咁，另外啲檬粉好多好多，好似食唔完咁。呢個優惠價嘅酸辣鳳爪都唔錯，都有好幾隻鳳爪，味道夠酸但未算好辣，都好醒胃嘅。埋單$201蚊，整體來說不過不失嘅。

放工仍未諗到晚飯食乜，相約了老闆在屋企附近的康怡廣場等左先，再響附近搵食，睇睇餐廳水牌，仍冇頭緖，再行下睇下，今次終於由平時零意見的老闆決定食越南野，今日反正我沒有特別想食就試試品越，餐廳客人不多，不用等位，今餐主要由老闆點菜，佢見到有烤乳豬第一時間問我試晤試下，幾特別，我們就點了烤乳豬，因份量頗大，多點了海鮮炒貴刃和軟穀蟹米紙卷便差不多了，食物質素方面一般般，米紙卷的軟穀蟹是凍和淋的，味道還可以，炒貴刁軟蝦不新鮮好淋貴刁味道很啖不夠獲氣和不夠酸，一般，最後來的烤乳豬不錯，皮烤很很脆肉質爽淋，好吃。這家餐廳值得一讚是服務，侍應態度好好，做事速度快👍🏻👍🏻下次有機亦會再試，聽說這裡的牛肉湯河不錯😊

燒大虎蝦柚子沙律:兩隻靚靚既大虎蝦，煎到香氣撲鼻，最正係剛熟離殼，可以成隻由頸脫殼脫到落蝦尾；蝦頭好香，我都有啜佢既膏出黎，非常野味! 至於柚子算清甜，奇怪係佢一舊舊咁上，而我比較喜歡拆散上!椰汁菠蘿沙冰: 有著冰涼的口感，開始熱既天氣一飲熱氣全消；椰汁既濃味比菠蘿既清新味重，mix得好好飲!越式炒金邊粉: 真係未見過有店鋪咁細心，將啲芽菜、花生、蘿蔔絲、甘筍絲同Lime放喺側邊，等你喜歡嘅就食，唔喜歡嘅就唔食。不過，是否好事就見人見志!🙄

一份炒飯$118再加一只是1.5碗飯，不夠兩個人食，春卷$52 未加一只有2條，芽X 都有3條，仲要唔脆，水杯永遠杯身油膩（就算未上菜，坐下給我們的水杯已經油膩拎不隱），似上手未洗乾淨，好似係茶餐廳但茶餐廳唔使咁貴，食完急急收野結果打瀉了檬汁在我身上，只有一句唔好意思，抱歉也沒有！沒有下次！

同男朋友喺康怡睇完戲，跟住揀咗呢間越南餐廳食個晚飯。佢有個特惠二人餐，不過因為太夜唔想食咁多，所以淨係叫咗個小食同埋一碗粉就算。小食方面，我地叫左個法式牛油雞翼，雖然賣相金黃，但炸粉太厚，食落啖啖都係粉，完全蓋過雞翼嘅味道。另外，我地再叫左個豬扒湯檬，豬扒份量足夠，煎得金黃，香脆可口。必須一讚係個湯底，雞湯底，超清甜香濃，唔多味精，即使我飲晒成個湯底都唔會口喝，超正! 再加埋少少清檸汁，令味道更上一層樓，如果鍾意食辣嘅你，不妨加少少辣椒調下味。

因看到OpenRice網上訂位有套餐半價優惠，所以和女友去嘗試一下。有沙律、湯水、前菜連甜品，及兩杯飲品。整體食物味道正常，不出彩也不難吃。但特別是套餐的蕃茄湯味道，不知道為什麼喝出鹹蝦乾的味道，個人就不太喜歡。只能算可以一試，但不會特意再去的感覺。如圖所示：個人較喜歡青瓜芝麻醬的沙律及小吃拼盤。其他就並沒有留下太深的回味。上菜速度也是蠻快，服務員也是到位，環境也是乾淨衛生，又適合一伙朋友聚頭飯局的選擇

雞年最後一日約咗朋友仔響康怡廣場搵嘢食。大家都係想食啲清清地嘅嘢所以就揀咗品越。我哋去到嘅時候由於只係12點所以都有好多空位，我身體唔係咁舒服，朋友驚我坐得唔好，想話坐一啲闊落啲嘅位。侍應都即刻幫我地安排左一個四人座。搞到我都有啲唔係幾好意思。見到有午市套餐咁就一人叫咗一個。朋友叫咗蝦餅扎肉湯檬，而我就叫咗番茄蟹肉湯檬。朋友嗰個味道好淡，蝦餅唔會話炸得太過油。連埋個扎肉都係分開上嘅。我嘅蕃茄蟹肉湯檬，有番茄味但係唔算濃。都有幾多蟹肉，味道比較清淡。70幾蚊一個餐仲要＋1，我諗呢個就係太古嘅價錢啦掛。

今天難得同老媽撑枱腳，當然試新野啦！見這裡開左間越南菜，經常都有許多人排隊，所以今天走來試試等了約10分鐘，用搭枱形式才有位，菜單設計精美，附有圖片，一定唔會叫錯我地點左牙車快，香芒軟殼蟹米紙卷，脆皮蝦卷撈檬，點一杯飲品正價，第二杯半價:杞子龍眼蜜，薄荷荔枝沙冰牙車快沙律:份量大，椰菜醃得味道酸酸很開胃，配埋花生有咬感，雞肉都不少，不過只有少量海浙香芒軟殼蟹米紙卷： 香芒酸酸的解炸軟殼蟹的油膩，賣相吸引，芒果酸酸的，配上香滿牛油果同香脆軟殼蟹，爽口青瓜，彈牙米粉,新鮮爽口生菜，上面芝麻，口感複雜脆皮蝦卷撈檬：有點失望，脆皮蝦卷外皮唔脆，裡面蝦肉鬆散，幸好花生碎、青瓜絲同酸酸辣辣的檬汁，補了蝦卷的不足兩杯特飲:杞子龍眼：超足料，全杯被龍眼肉同杞子重重包圍薄荷荔枝沙冰：薄荷味同荔枝味濃，冰攪得幼細，如果夏天飲就爽啦！p.s. 不過食完好口渴，唔知加了什麼

行行下街肚餓，成日去太古城，開始都不知吃什麼好，突然又不想食飯住，那就試試這個一人優惠套餐，環境很整齊，服務態度也很有善我們點選了，香芧豬扒飯配迷豬頸肉小食和鮮茄鮮蝦蟹肉湯檬配蒸粉卷香芧豬扒飯，份量也算大碟，而且豬扒不會太堅韌。而鮮茄鮮蝦蟹肉湯檬，也算足料，味道也唔錯。而豬頸肉和粉卷小食，都還可以，而且還包熱飲兩杯這個價錢需然略貴了一點，但味道還可以接受，不過沒有什麼特別驚喜，所以完全都唔知點形容好食程度，而且價格都頗貴，所以有待改變