品越越式料理 (雅蘭中心) (已結業)

My Order:法式牛柳粒紅飯 ($88)鮮茄蟹肉丸湯檬 ($74)薄荷葉青檸梳打菠蘿熱情果梳打法式牛柳粒紅飯紅飯很入味帶有玉米粒，單吃飯也夠好吃，牛柳粒的質感很嫩，醬汁濃稠，有小驚喜的LUNCH SET =D鮮茄蟹肉丸湯檬裡面有扎肉、蟹肉和丸，檬粉也吸收到湯底的味道。若湯底蕃茄味再濃郁一點會更好!薄荷葉青檸梳打有點太多冰Haha但超薄荷超清新!菠蘿熱情果梳打好多菠蘿肉，拌勻熱情果一起喝，好喝好喝!Ps 店員服務態度值得一讚!

呢間都係好耐之前食過一次，果日同媽媽經開，又冇咩胃口，於是就去左呢間到食個下午茶。本身真係冇咩胃口，諗住叫個飯share,點知食食下覺得好開胃，就叫多幾個小食😂味道幾好，每樣食物都好香，仲要係熱辣辣咁上。而且員工都好有禮貌好好服務，我地食唔哂，仲打包左兩盒返屋企再食😂值得一提係佢既串燒既汁，真係好好味！超結身，仲要好似有花生味，淋落去個串燒到真係好好味！價錢唔太貴，一班人黎食就仲抵，可以叫多幾樣呀嗎😀😀😀

整體而言勝價比，地點便利，座位闊落，沒有時限呢樣十分鍾意，多套餐選擇，而價錢同食物質素來比較十萬分推介。加上提供給小孩的設施亦不錯，同朋友去過5次了，一大班人聚會地點非常理想。

朋友遠道而來，一行五人原本約在旺角牛x食涮涮鍋，由於還未到入坐時間，所以係門口坐低咗，發現對面原來有間越式餐廳，望入去環境都唔錯，餐廳門口個餐牌入面啲食物都幾吸引，但最後我地選擇咗入去試，係主要因為餐廳經理嘅誠意及親切服務態度，真係不得不比個讚佢我地五人揀咗個4人餐，另外加多咗一個「冬陰功海鮮炒飯 $118」食物首推「魷魚藕苗沙律 」好好味「馬拉盞炒通菜」、「串燒拼盤」有驚喜「咖哩牛腩鍋+蒜容包」必食侍應哥哥Sunny服務一流總結必有下次，值得推薦

間野都幾難搵，一開始行錯左去雅蘭一期。叫左牙車快、豬排撈檬、咖哩雞配薄餅同豬頸肉米卷。份量算唔錯，味道都幾好，價錢算係咁。牙車快幾有驚喜，酸酸地，食完幾開胃。米卷係友人想食，其實我都整過幾次，成$70一碟唔抵。咖哩雞係成煲上，配埋薄餅熱熱地幾好食。豬排撈檬味道不過不失，豬排份量都幾多。各自叫左杯野飲，我叫左三色冰，幾好飲，不過飲到後尾略甜。平日夜晚冇咩人，可以慢慢坐，傾住食。

響旺角睇完戲，想食啲清啖啲嘅嘢可以黎呢間啊，呢間嘅裝修比其他越式餐廳新潮，坐得好舒服，咁啱坐咗窗邊位，食食下可以望下彌敦道嘅街景，好relax啊札肉蝦餅湯檬上碟係咁樣，但我就鐘意放哂響個碗到靚啲佢個札肉唔係好似平時個啲，係少少似軟骨嘅響個肉入面，食落好有𡁻口，個蝦餅好好味，有煎過但唔係脆個種，放湯就好啱，佢個湯唔太油，所以食到哂成個另外有叫生牛肉湯河每個麵都有配熱飲，我就加咗8蚊轉飲咸檸七同玫瑰花柚子蜜。個咸檸七好正，飲落好順，個喉嚨好舒服。

第二次來幫襯，今次三個女仔share一個openrice訂座優惠的二人套餐份量剛剛好，菜式味道都唔錯，尤其是蒜蓉牛油焗比目魚配酸辣無骨雞爪，比目魚好肥美雞爪夠爽口。

自己本身幾中意食越南野，搵緊食咩嘅時候，偶然見到間野裝潢又唔錯，食評都幾吸引，就嗱嗱聲book左枱。一開始去嘅時候，行錯路，上左去雅蘭中心一期搵左一陣，原來發覺唔系度🤦🏻‍♀️再落番樓下先見到有個牌指二期果邊（如果地點到寫埋二期會好啲）野食質素真心唔錯😋湯開頭仲有火熱住，唔會咁快凍。最中意系個羊架點薄荷醬，有薄荷味加少少酸甜咁，感覺好特別☺️服務態度幾好😍唯一就系兩個人食唔曬2人餐，有少少嘥，宜家睇番其他人有打包嘅情況，早知當時多口問下🙈下次會再考慮同其他朋友再食

四個女人的聚會係OPENRICE訂台, 可享指定的二人餐半價一個SET有7樣野食, 我地就叫左兩個SET試哂兩個SET的所有食物呢個沙律有青瓜,紅蘿白,雞絲,札肉, 清新得黎又辣辣地, 好開胃顏色多, 吸引眼球同食慾上湯時會有一個小爐, 加熱但個湯就重左D味精蝦片同肉碎配合得唔錯, 蝦片夠脆身, 唔會有油膉味到主菜啦, 比目魚好滑身又有牛油的香味,唔會太油酸辣無骨鳳爪, 都幾辣, 食完一舊又一舊另一主菜係燒羊架,唔記得影相, 唔太食羊的我, 都覺得可接受,羊唔太蘇今晚最出色係冬陰功海鮮炒飯海鮮有青口,蝦,魷魚, 帶子.. 好豊富炒飯又粒粒分明, 再加入青檸汁, 酸酸辣辣,好惹味!!冬陰功的辣度又唔會蓋過海鮮的味道湯粉一般, 是日甜品係芒果糯米飯唔太甜正常味坐得舒服, 服務又好下次可encore

昨晚和朋友慶生食物水準保持到，招牌春雞好好味! 另外招呼很好: 不收切餅費用，服務生團隊還為我們送上生日歌，好感動呀！，蛋糕食唔曬仲幫手包得好靚靚比我地帶走! 旺角區坐得比較闊落的食肆，已經是第3次去，下次都會再去!

我地訂左位，叫左2人餐，盛惠$312，再加一我地食唔晒要打包，有羊架，燒得幾香，有酸辣生菜牛肉湯，一般，有小食拼盆，蝦餅還好，其他一般，炒飯唔錯，足料，胡麻雞絲沙律都唔錯。侍應服務唔錯

越南菜不嬲都係我至愛，今次就試衣間，叫左六樣餸：-酸辣鳯爪 - 份量比想像中多，酸辣適中蛋包海鮮炒金邊粉 - 中規中矩 - 都係份量都幾多， 三個人食剛剛好虎蝦米紙卷 - 蝦好新鮮香茅豬排沙律 - 不嬲都好中意食越南豬排，衣間都整得好好味炸春卷 - 外脆內軟，即叫即炸。好味炒芥蘭 - 另外，服務態度一流，本身朋友要三色沙冰，但驚太凍，侍應哥哥好好人話幫我地轉加冰粒 I/o沙冰。之後重過黎問反我地杯野飲滿唔滿意。非常好

來到旺角想食返碗湯河，就見到呢間喺彌敦道625號雅蘭中心的越南餐廳La taste。坦白講，佢依度做嘅生牛肉河粉極度失望，雖然牛肉新鮮但是最基本的湯底淡而無味，又冇青檸或辣椒跟隨實在失敗。 湯底係依度菜嘅靈魂，但係食完之後好口喝，明顯味精作怪。我又叫咗杯菠蘿熱情果蘇打，調教糖水調得好好飲，但係一食到菠蘿肉就感受到生果已經差唔多變壞， 好嘔心。幸好其他兩樣都比較好食， 包括香芒軟殼蟹米紙捲和黑蟹籽蝦餅扎肉拼蝦片。坦白講我嚟嘅原因係因為想食湯河但係非常失敗，所以我應該唔會再來這間餐廳。

一班人聚舊，諗住坐得適適服服，又可以傾下計，就諗住去返呢間上次去過嘅餐廳。一坐低，KELVIN經理就誠意推介試吓佢哋嘅招牌菜燒乳豬同埋椰汁雞湯，於是我哋就試一試佢。個乳豬皮薄鬆脆，唔算肥，加上醬汁，非常之好食。至於雞湯，真係有成隻雞係入邊！店員將個湯分好七人份量，之後將隻雞斬件俾我哋享用。個湯味道非常好，椰汁亦好甘香。整體所有食物都非常好！特別難忘嘅係咖喱牛腩煲再配蒜蓉包，蒜蓉包熱辣辣，配上咖喱醬，再加香滑牛腩，味道非常之好！值得一提嘅係整間店舖嘅店員都非常之有禮貌同殷勤，整晚不停主動為我地加水，又問我地有冇需要換碟。好嘅餐廳真係要讚下！希望佢哋會keep住咁好，最緊要留張枱比我🤣🤣

話說係OpenRice book左枱有個OpenRice 半價menu, 前菜+小食拼盤+湯+主菜+湯河+甜品+2杯飲品盛惠$310 十分吾錯 味道好好服務一流 好有禮貌 前菜 胡麻醬沙律 入面有雞肉有扎肉 正小食拼盤 個春卷真心推介！好脆又吾油！呢個比目魚真心 不得了！！超滑！！必食個湯係蕃茄蝦湯 有肉丸 蟹肉 大大隻嘅蝦！好足料！！湯河反而無乜驚喜 一般般呢個係我地再加嘅呑拿魚米紙卷 第二啲餐廳比較少見 吾錯飲品 菠蘿同椰子好夾！甜品 抹茶味超重！好味總括而言:環境舒服服務一流食物超正絕對有下次!!!!!