哈佛提素 (已結業)

之前一晚，書店裡，雜誌翻了又翻最後還是放下，六十多元，捨不得。這天中午，與另一位食家DownAngel雙龍出海，齊襲此店。DownAngel近來事忙，少有新作，不過，手停口不停，已是連續第二天與在下聯手出擊。同事早提醒過，這裡的食物形似自助，實則以重量收費，同事分享自身經驗是一般消費五十元左右。對十進制度量衡一向無甚概念，所以你說100克食物收費HKD 18，我對100克卻是模模糊糊。隨心的選了些瓜瓜菜菜。上磅、付款。「一百零五o丫...」店員說。我記得，我應該向後退了半步，或者一步。甚至電光火石閃過念頭：可不可以把部份食物放回原來的盤裏去。當然，最後還是乖乖付了HKD 105.食物質素不差，沒有所謂傳統齋菜之弊，即是油油膩膩兼且各種食材都萬法歸宗味道如一。各種瓜與菜都能表現出本身獨有清淡鮮味，尤其欣賞節瓜、南瓜等，更不會核核突突的用素菜扮肉類。當中固然用了一些素肉如午餐肉，我覺得算是點到即止。湯、粥、飯任添是德政。不過，我不經意的左挟一下右挟一下，隨隨便便就比預期中要多付上五六十元。想起之前那本捨不得買的雜誌。總不明白，素菜(以至有機)永遠要與昂貴劃上等號。繼續沉淪肉海，對我這等凡夫

There as a good variety of food even though it was near closing time. The staff were really nice and explained that the rice, congee, soup and dessert is around the back. So you wouldn't leave hungry from this place. The food was good, not too salty, and the dessert (red bean soup) was not too sweet. The selection of vegetarian products for purchase is also good - fair trade chocolate, honey, nuts etcI look forward to going back

今日經過上環，見到有間食素既餐廳，入去試下，6點幾入到去以為冇乜人，一轉彎見到已經坐滿哂人，其實餐廳個位都幾隱蔽，咁都人去水準都應該有返咁上下，buffet形式揀野食，環境幾乾淨衛生。晚餐紅米飯加左香草，好開胃，粥，湯，糖水任裝木瓜雪耳糖水，唔太甜幾清新，值得一試。

上次來已是3年前了...........feb 27, 11從澳門提早了回港..........想喺附近大家食完晚飯先回家........因為澳門之旅無嘜點食到蔬菜同生果..........所以諗起了這裡,食咗 : 1) my plate (hk$56)-現在+了價............要$16/100g-buffet table放了大約有1x款嘅選擇,魚生都有呀,不過我無揀-估不到都唔喺揀咗好多,都要成$60咁滯.......友人們"匹"得比我多........大家都覺得好貴呀-有清炒菠菜,釀豆腐,4季豆,冬瓜粟米紅腰豆,炒雜菜,葡汁南瓜同素肉餅-全部都唔油膩,夠味得嚟,又唔喺濃味,調味恰宜-d食物越來越貴(唔單止呢度),真喺要好好珍惜,唔好浪費2) 飯,湯,粥 (免費任食)-我共食了2碗飯同1小碗湯-個湯都幾清甜架

這裡聽就聽得多, 來開上環拿相機, 有得嚐素食的地方自是不可錯過。位置都幾隱蔽, 6 時許還以為沒什麼人, 阿姐指示我轉個彎入內廳, 才發現高朋滿座。近門口處貼了指示: 先找座位 (這個容易), 取碟, 夾食物, 付款, 埋位進食, 最後記著把用過的食具送到食具收集處。自助餐枱上自己夾餸, 再拿到收銀處磅重 (放心, 當然是為食物啦) 後付款。記著夾餸時要保持安靜, 吃得多少拿多少, 是讓人珍惜食物的方法。食物的款式也不少, 一律 $16/100g, 我拿了 258g, 共銀 $41, 不便宜呢。拿到內廳去享用, 此時又見到貼滿有機健康資訊的「留緣版」, 也有有機手作產品出售。湯、紅米飯、粥任裝, 一定吃得飽。是晚的湯是蘋果湯, 是微鹹的, 很清甜, 前後喝了兩碗呢。我的主菜拿了素火腿 (真得極像真肉啊! 旁邊的叔叔食客更是嘖嘖稱奇!)、素火腿煎釀豆腐 (普通)、炒三絲 (名字是我起的, 當中的爽爽的青木瓜絲, 不俗)、素肉骨茶味的素肉丸 (很有大豆纖維, 我覺得肉骨茶味似柱侯醬味喎)、海帶南瓜煮 (南瓜有點硬) 還有白菜仔 (OK 啦, 用來襯下色而已)。紅米飯不算多紅米, 但容易入

自從知道呢間野,我成日都去食.雖然唔算平,正常人大約$50啦,不過勝在健康,有8款菜.我每星期食幾餐架,感覺仍然好好.最鍾愛間野d飯,粥,湯任加,d餸唔油.不過順帶一提, d飯雖然有紅米,但一d飯味都無.所以我轉左食粥,d粥就唔錯.仲有就係因為d食客通常會自己收拾食具,d員工唔多需要收野,但係佢地就連抺枱都無做.真係要改改.

中午在上環辦事, 一個人, 自己鐘意食乜就食乜. 哈佛提素, 話食乜都端秤計. 有咁既歌仔唱. 入黎玩玩都好. 端秤計, 以前在巴黎, 後生仔冇錢食法國大餐時, 係 Gare Nord 附近食中國飯, 什麼咕嚕肉, 雲耳雞, 唔記得幾多法郎/歐羅了, 總之那位操流利國語既服務小姐說, 要多少就磅多少...把食物拿去磅, 磅完炒返熱, 當時覺得幾得意, 而且又溫飽. 當年學生冇錢又要去旅行, 呢餐好好架啦....點會有水去食篤肝飲紅酒, 老麥永遠是歐遊夥伴.回到香港, 除了磅軟糖, 話梅, 豬肉乾外, 真的沒有見過其他要磅既食物. 多月前, 去海安飲咖啡時, 留意到呢間素食館子. 咁有趣, 不過叫同事仔一齊黎有點難度. 因為那位哥仔是肉人, 我可算是個 1/4素人, 呢個地方, 一係陪齋妹妹們黎, 一係自己食....不過, 冇一個係中上環一帶返工, 最近果位都係灣仔........都係一人餐算.一入門口, 心水清的阿哥一看就知我是生客仔, 非常用心的介紹這裡點 operate, 自已攞碟, 自已夾餸...之後去 counter 磅.....後面飯, 湯, 粥任裝. 咦! 咁似跟齋妹去開

聽得朋友介紹得多, 第一次幫襯環境唔錯, 晚市人唔太多, 唔會嘈吵選擇一般的多, 第一次唔知價, 乜都拎少少, 埋單要$50一碟菜, ($15/100G)豆腐好多食, 有豆味齋魚都唔錯菜蔬就一般, 無乜特別雙色飯, 湯, 糖水任食, 如果胃口大, 都唔錯的第一次來呢度食齋, 價錢比我想像中貴左少少試左就算..

約了朋友lunch. 在上環後街見有間幾特別的齋店是自助形式, 但最底消費$28, 坐下先給我們每人一杯花茶, 很香, 可供選購, $3\茶包, 選好了食物再到cashier 磅, 100g\$15, 不知不覺已拿了200g, 選了西蘭花, 豆腐, 茄子....等, 付$30, 小數點後的不計, 朋友選了像魚餅的齋, 脆玉瓜及菜,付$33,其實份量不多,但這裡另有糙米飯,粥及湯任飲任食, 今天是西洋菜湯, 粥煲得很綿,糙米飯很軟身, 原來是溝兩種米煮成,材料的確是新鮮, 但價錢不是平, 吃完需自行把餐具放到收集盆待洗

20071210最近喜歡拿這裏做飯堂，取其清淡，而吃得次數多了，也找到取菜的規律，是以可以比較好的控制價錢：P最近喜歡上一種吃法，就是用它的無味精清湯泡三合一米飯，略放一回，白米就會完全軟腍，紅米依然煙韌有口感，糙米居中，三者口味各異，但都帶有穀物的天然清甜，與略有鹹味的湯水配搭起來甚得其趣。又或者只是無聊：）

nov 24, 07,4人來lunch,原來個消費好特別,喺自助形式,食幾多計幾多(以重量計)大約有12盤餸比你揀,有炒粉絲,南瓜片,茄子,蒸蛋,蒸豆腐,節瓜,脆玉瓜,大豆芽,素餃……..仲有個專放炸嘢個柜,有春卷,煎埋……我唔喺每樣嘢都夾,唔喺好多,但咁樣就已經$37,當中蒸豆腐, 炒粉絲,麵筋餅,同茄子都好味。另外糙米飯,粥同湯喺任飲任食嘅,3樣嘢我都試晒.......咁就飽飽喇..........個湯好清甜,夾埋飲咗1大碗最後散叫咗個甜品–豆雪公主,即豆漿布甸,用瑪利餅碎鋪咗個心形出嚟,好靚,而且好有豆漿味,唔甜,都算滑,唔錯- 整體d齋菜唔油膩,亦唔多獻汁,幾健康- 用電子磅,每100克/ $13- 嗰日喺齋期,試過好多間,呢間先肯比我book位咋,食到2.00pm中段,好多人- 希望個電子磅會定期做calibration啦

20070911這樣的日子似乎只宜茹素，以敬逝者……中午時分人比較多，但還基本上能保證有位子坐，當然坐得不算舒服，桌椅的尺寸都很迷你，剛剛放得下個盤子就是了。因為拿了豆腐、菜餃等物，價錢有些貴，不過味道還是不錯的，值得稱讚的是這裏比坊間大多數齋菜館都來得少油少鹽清淡，有煎炸烹煮過的菜式很少。銀鱈魚扒與豬扒的口味都很逼真，芋頭和橄欖菜豆腐的味道也好，南瓜就一般，菜餃則是最難吃的那一種。今天的湯是青紅蘿蔔，很清甜；粥底很綿，裏面有陳皮腐竹；糙米飯也比想像中來得香軟。飯後有香茗敬送，我們都沒有添湯或粥飯，已經飽得太厲害了：）人少的時候來這裏是一個不錯的選擇，不過怎麼拿食物是一個技巧：）

平時都一星期有一,兩餐...但多是LUNCH. 但原來細問店員才知有做晚市.(仲要開始了一些日子?)因此試一試同Lunch有無分別.食物方面都十分接近,有好有壞!但最開心係無Lunch的人山人海出現,而且除紅米飯/粥/湯外,仲有糖水食+v+ 就任食計, 俾一些全食自助餐的糖水好幾多! 可惜在他的電視只播"健康資訊",如果播電視就好.不過都算是一個有"家"的地方!

不是健康素食人，但lunch間唔中想清淡下，都會來這兒。雖然大多是很普通的素菜，但每次都有兩三款做得很不錯，不會太悶，而且不像中式齋舖咁油，又有自助餐feel。還有，那個豆腐甜品，還有黑麥油都好好味。

之前經過這食店，感覺幾特別，以食物的重量來給費用，之後上網再看看食評，都算唔錯喎，早前便來一試。看見食物的種類唔算很多，便決定每樣拿一件來試試味道，想不到也不是拿了很多件(如圖三)，價錢便已經要六十幾元了，好像都幾貴。食物因不是即叫即做，所以比較上偏涼，喜歡食熱食物的我，感覺就唔算很喜歡了，但還可以接受。豆腐唔算很滑，豆味又唔夠重，但上面的就很好味，和豆腐一起食，剛好中和豆腐的淡味，又幾特別喎；死實實，完全唔似真蝦，麻麻地；蘿蔔煮得唔夠淋，太硬又唔入味；最喜歡還是那些菜，清清地幾新鮮又靚，之後再出去拿多一些食物；而紅米飯和粥，就非常健康和有益，而且還很好味，不知不覺間，我已食了兩碗飯和一碗粥，真係好飽；之後打算再飲碗湯，原本係木瓜雪耳杏汁湯，很好味；雖然已經很飽，還是忍不住飲了兩大碗，實在唔錯。甜品，比較失色的一樣，只有花生餡的那件，比較上好食一點；本來還有件什麼白雪的甜品，但因太飽，最後也是放棄了。選擇唔多，食物水準一般，如想食飽和健康一點，當然無問題，但可惜一些好味的食物，大部份也是一些唔多健康的食物。