哈比斯燒肉串和咖哩 (利景閣)

營業中

休息中

KEBAB係歐洲昸既糧尾恩物,因為幾歐就食到飽,係香港其實都好少食, 今次去開天后做YOGA, 決定快食KEBAB!呢到除左KEBAB其實仲有咖哩/沙律/NANN等等, 全部都係我鐘意食既野!叫左1個CHICKEN KEBAB, 佢淨係CHICKEN都有好幾款, 我要左HAWAIIAN!KEBAB可以揀辣唔辣, 入面既餡料都幾多, 同埋幾多菜!一卷卷拎住食好方便, 有菜有肉有CARBS, 又飽又健康!正!下次試埋其他味先！

行過天后覺得肚仔餓，想食啲簡單快餐🥳見到有依間 哈比斯，之前喺觀塘食過覺得kebab口味幾正宗，都幾唔錯，好啦就決定食依間～入面有幾張枱，可以舒舒服服坐低慢慢食。我點左個烤牛肉Kebab💗即叫即整熱辣辣，牛肉有牛味，餡料有好多蔬菜，夠健康。我覺得佢用錫紙包住件Kebab非常之好，除咗keep住溫度，亦好衛生👍🏼唔會食到成手都係。如果喺星期一至星期六11:00-17:00嚟，有好抵食嘅Combo Set，每日有指定嘅Kebab口味，價錢抵又包埋嘢飲。如果肚餓啲，呢度都有幾多Pizza選擇。

一直我都好喜愛中東菜，今次係天后發掘到依間哈比斯，結合咗中東菜同印度菜，而且廚師都係來自中東，夠晒正宗！舖頭格局比較細，只有4、5張枱，但餐廳主打係Kebab，即叫即整，便於攜帶，所以比較多客人係叫外賣。烤羊肉Kebab烤羊肉夠羶，而且用咗印度香料醃製，更香更有風味。配搭上生菜同紫洋蔥，清新爽口，再加埋酸酸地嘅沙律醬，開胃又好食！餐廳仲有設計咗一系列Meal of the day，星期一至日每日一款主打Kebab，價錢較平而且可以配餐，啱晒我哋依啲長期糧尾嘅打工仔！店舖雖然吾係好大，但都有不少食物options!

喺天后見完客順便買lunch 返公司食，路過呢間印度小店望落幾吸引！秋涼小小食咖哩啱哂！menu主打燒肉串、kekab同咖哩，烤肉配搭都係雞、羊為主。小食有印度咖喱角、沙律等。平日仲有set lunch幾抵食！外賣包裝得唔錯，返到公司食仲係暖嘅！雞肉咖哩配烤餅Chicken Tikka Masala with Naan $72睇住佢即叫即製，邊等外賣邊睇佢煮已經勁香咖哩味，非常地道！Chicken Tikka 嘅咖哩汁勁濃郁！裏面雞肉仍保持嫩滑，而且雞肉醃好入味。烤餅口感好煙靭，香口得黎又鬆脆，配埋咖哩汁一齊食口感豐富👍🏻 烤餅厚實份量好足！推介！下次有機會再試埋 Kekab！望落都好吸引！好多人點黎外賣🥡食！

今日喺北角Office 做完嘢就諗緊食咩好嘅時候，就見到呢間燒肉串咖哩小店平時都間唔中會想食Kebab，咁今日就食Kebab 啦小店除咗Kebab之外仲有咖哩/ Pizza / 飯咁樣，平平地都有Daily Combo Set，款式 日日唔同，$48 起。Roast Beef Kebab $70Dressing有好多選擇不過我on diet 就無要敷料 (Dressing)卡巴嘅樣有彈性，咬落有生菜洋蔥，烤牛肉又惹味~~Fresh 得嚟加埋烤牛肉唔太乾身如果想食多啲都可以加$18 轉套餐

位於天后電氣道食街的中東印度美食小店，主打印度烤餅、印度咖喱、沙津及多款土耳其的烤肉卡巴卷。特色的是那些烤肉卡巴，卡巴餡料可選擇肉類如牛肉、魚、羊肉、雞肉或素菜、沙律蔬菜以及自選醬汁。小店地方淺窄，入面只有兩三張高枱，主要以外賣為主。烤肉串：烤雞這款卡巴卷主要包著雞肉、生菜、番茄、洋蔥及蒜蓉醬汁。切成小塊的烤雞肉塊已去皮去骨，雞肉用香料及乳酪醃製過，味道濃香惹味，雞肉再微微烤至焦香。卡巴外皮因醬汁及蔬菜水份的關係，令外皮變得又軟又腍，外賣的話，最好是分開醬汁上，以免令食物質素變差。

平時係觀塘食哈比斯就吃得多，原來它在天后亦有分店，都是以外地人在店舖打理，正宗地道，待應主要以簡單英語與客人溝通，非常親切有禮。上一回試了烤雞，愛吃雞肉的我，今回決定一試夏威夷燒烤雞，看看有何分別！依然大大碌，喜歡這間做的Kabab，不論是堂吃還是外賣，依舊可保持水準，今次外賣買回家，一個小時有多後才進食，不但賣相完整無缺，味道都一樣美味，適合疫情下，外賣買回家慢慢享用。今次選的夏威夷烤雞味好fresh，裡面除了有烤過的雞肉外，還裹了不少新鮮洋蔥🧅蕃茄🍅生菜🥬，醬汁亦比較多，味道清新可口，

雖然店舖唔算大，但係都有幾張枱可以坐低食嘢，而且員工都幾有禮貌，如果你唔知食咩好，佢會推介多人揀嘅俾你，出餐幾快，款式選擇都多，星期一至六仲有$48嘅set，幾抵食。今次買咗個烤牛肉卷，份量好大，好重手，牛肉卷裡面嘅牛肉同蔬菜料都好足，菜肉嘅配搭剛剛好，牛肉咬落有口感，有啲啲微辣、蔬菜有洋蔥、生菜，食落都幾新鮮，加落去嘅醬唔會好重味道，調教得幾好，塊卷皮厚薄適中，味道啱啱好，不過一個人食就會好飽。

喺天后發現呢間印度小店，連店員都係真正印度人，當然製作印度菜式都非常正宗。好多人會揀印度出名嘅烤肉卷🌯，大大條，好多餡料。的確好食又抵食。我今日就揀咗「Chicken Curry with Naan」咖喱都分好多種類，呢間嘅咖哩真心惹味又香濃，即叫即製。加上雞肉啖啖肉，配埋大大塊嘅印度烤餅（仲大過塊面）沾上咖哩汁，好夾好好食。如果唔揀烤餅，仲可以揀飯 / 薯片。店內有少量坐位，我外賣拎返去食，依然熱辣辣。

今日去天后買嘢，買完之後我見有啲肚餓，就四圍行吓搵吓嘢食。行到去電氣道嗰陣咁啱見到有間中東&印度嘅鋪頭，於是有膽粗粗入去試試佢。鋪頭唔係特別大間，但就可以買到好多唔同嘅中東小食。星期一至六仲有套餐可以選擇，可惜我去嗰日係星期日。最後我買左個烤牛肉卡巴捲。個牛肉捲非常足料，除左有大量洋蔥，椰菜絲同埋生菜，入面仲有超多切粒既烤牛肉，好有咬口。配合埋佢地嘅忌廉汁，一啲都唔dry。除咗卡巴卷之外，舖頭仲有好多薄餅，沙律&Naan等小食，可惜我食完個卷已經非常之飽，所以下次再試。

個天準備落大雨，所以買外賣返公司食。我好鍾意食Tikka，因為好方便，一隻手拎住黎食，另一隻手仲可以禁電話😂。返到公司打開仲暖粒粒，保溫做得好好👍🏻。Set lunch好抵，$48有薯條、有個包、有罐汽水🤤。不過我唔太鍾意食魚丸，所以都係嗌左正價既烤雞。Kebab Chicken Tikka $68真心好食，我估唔到啲菜可以咁新鮮，食落去索索聲，係office食到勁大聲，勁爽脆😂。啲雞肉好嫰滑，一啲都唔鞋！啲紫洋蔥好好食，如果有多啲就好啦🤤。點餐時店員問我食唔食辣，我嗌左少少辣，就有類似沙律醬既醬汁食，好開胃🤟🏻。題外話：啲餐牌好搞笑，可能因為佢哋係正宗印度人，所以用Google Translate去翻譯中文，有啲餐牌翻譯錯咗😂。埋單$68（無加一）

今日放工後趕住去天后上堂，但係個肚餓到打晒鼓，眼見時間迅速銷逝，必須搵D外賣快靚正嘅嘢食，眼前一閃一大個招牌，立即衝入去，二話不說立即落單餐牌上林林總總的Kebab選擇，還有烤肉配飯或薯條，沙律和咖喱其實食套餐都好抵，有kebab 加薯片加汽水，加錢可吃我喜愛的samosas 雪櫃內的飲品有多種選擇，除了汽水還有啤酒，連一些地道出產的飲品也有因時間關係點了最簡單的Kebab Chicken Tikka，用錫紙包住的kebab 保持一段時間的溫度，打開時還暖的，薄餅咬落煙韌，粉感不大，一粒粒雞肉有口感，加上新鮮生菜，洋蔥和沙律醬汁，食完充滿飽足的感覺

放工之後，過來天后吃飯，想起有一家烤肉特別正，今晚就吃它了。懷念當初在希臘的時候，就是吃這些烤肉串和新鮮蔬菜，人都瘦了，也許是碳水化合物比較少的緣故。 所以，偶爾換一下口味，是非常不錯的，特別對於我這樣喜新厭舊的人。 素食烤卷 62 加橄欖 味道不錯，真的是很多蔬菜。調味比較特別，有淡淡的酸奶和辣椒。一個吃下去，就飽了。可以滿足的回家睡覺啦～橄欖的口感清爽，作為調味料，特別入味。附近街有一個可以吃飯的地方，特意買了過去，吹著空調慢慢吃。天后美食，絕對不容錯過哈比斯燒肉串和咖哩 (電氣道)天后電氣道83號利景閣地下7號舖

以前去完維園，喺天后選擇唔多，但而家成條街都係選擇，花多繚亂，趁行完春日美食節，行到嚟呢頭，大胃就好唔主流地揀咗中東嘢嚟食開頭師傅以為大胃takeaway，我都以為堂食外賣一律係咁但大胃唔想喺條街搞掂，於是坐喺餐廳拆開嚟食師傅見到大胃拆開嚟食，就好細心問我地拎返個卡巴返嚟，重新執返個眼耳口鼻，切到靚一靚上碟成個卡巴感覺好鬆軟，包嘅皮夠彈性，菜又唔會乾爭爭，牛肉又好有質感，最緊要夠醬汁入面有啲重慶森林嘅感覺，藍藍地調

點左兩個雞肉卡巴，一個係法國敷料（醬汁），一個係燒烤敷料。個雞肉卡巴有我手前臂咁長，比我前臂粗，用錫紙包住，包裝穩妥。由於不是即場食，返到屋企已經吾夠熱，不過味道依然好好（熱應該會更好食）。喜歡濃味的朋友，燒烤味會是不錯的選擇。燒烤醬配雞肉、生菜、洋蔥，味道好夾。雞肉跟生菜的份量都多，一份卡巴絕對夠曬飽。如果不喜歡太濃味，法國敷料會比較合適。我自己喜歡清淡d，所以法國敷料更合我口味。整體而言，這店的卡巴值得推薦，會再次幫襯。下次會試埋其他敷料，看看會否有其他驚喜。