唐人館 (海港城) (已結業)

今年家姐在唐人館訂枱與我慶祝生日🥳，位於尖沙咀海港城，餐廳環境雅致高貴， 坐近窗邊位置維港靚景嘆晚餐🌃，視覺味覺都雙重享受啊🤩！ 生日晚餐有薑蔥生焗龍躉頭煲、 焗釀鮮蟹蓋、 海皇鳳聚、 懷舊蝦多士、 上湯豆苗、海老乾坤面、壽桃包。✨✨✨🟤懷舊蝦多士～金黃酥脆，蝦肉十分彈牙爽口，又好鮮味。🟤焗釀鮮蟹蓋～ 香噴噴的焗蟹蓋，甘香鮮甜，一梳梳蟹肉鮮甜美味。🟤海皇鳳聚～ 雞肉好嫩滑， 底層還有爽口的海參， 兩者都好味。🟤海老乾坤面～面煎得金黃酥脆，淋上帶有微辣的麻香醬之後，鮮香脆軟， 再配上爽口新鮮的大蝦，鮮濃美味。🟤薑蔥生焗龍躉頭煲～龍躉膠質很重，肉質亦很彈牙，煙韌又爽口。🟤上湯豆苗～ 好喜歡吃豆苗， 鮮豔的綠色， 味道清新。🟤壽桃包～鬆軟的包身，軟滑的蓮蓉，美味。整體來說服務質素好， 環境舒適，菜餚精緻美味， 高質食府。🉐

之前食過午市點心好精緻好味， 見到有晚餐推廣$238/位, 兩位起所以試下, 涼菜有16個選擇揀2個, 湯有6個揀2個湯, 35個主菜揀3個餸. 仲有12個素菜或加$78飯麵, 有8款選擇, 之前都比較難訂枱,今次預早幾星期訂, 終於訂到枱。 雖然唔系任食, 但系坐向海邊食當然唔同晒. 叫左以下餸同湯. 涼菜鍋貼蝦多士-蝦無味袐制金錢雞-之前無試過, 系非常巧手既餸湯松茸菌燉螺頭湯-好香菌味杏汁花膠湯-杏汁味唔算太濃但感覺好補主菜蜜汁叉燒-唔系半肥瘦, 所以有D鞋青蘋果炒蒜香黑豚肉-豚肉食唔到味蒜蓉粉絲蒸蝦球-蝦無味環境系滿分, 唔會好多人, 每張枱距離好遠, 食物系精緻既, 不過$238/位呢個價錢, 可能令到食物選材有所調整.

已光顧多年，以前飲夜茶，午市飲茶，晚飯都次數不少，一路都覺得幾好食，環境又舒服，服務又好，不過近期服務差左都可以理解，疫情之下生意差左，要精簡人手都係無可厚非，但係食物差左好多就真係好難再黎幫襯喇，唔知同最近海港城做coupon 有冇關係，如果係咁而將貨就價的話，真係不如唔好做coupon好過喇，咁樣仲做衰左自己個名，因為而家真係美心仲好食啊，所以唔會再幫襯，冇左個咁舒服既地方飲茶好可惜。（P.S.不過中環置地果間上個月食都仲係ok ge）

Didn’t expect the food to be that good. The skin of the smoked chicken is super crunchy and delicious. The pepper shrimps are just so good (I like anything with pepper anyways) I guess the only disappointing dish is the lamb. They make it a bit too fancy.But overall, super nice dinnerThe manager is super nice and give us free appetiser and desserts 👍🏼

慕名而來卻失望而去！食物質素及選料一般，選擇不多，服務態度非常差，與五星級酒店比較，價錢相若但真係物有不值，一次性玩完了！主食味道及用料已經非常失望！算了吧，反正來了，試埋甜品，點了兩個杏仁茶一個楊枝甘露，上枱的碗子不出所料很細小，打開更嚇人，杏仁茶盛滿了，但楊枝甘露呢只得一半多少少啦，真的感覺像是贈送的甜品，找來侍應問堂中原因，卻得來一聲不響地拿走楊枝甘露，一點回應也沒有，換回來的楊枝甘露時也沒頭沒尾的放下，連基本嘅禮儀也沒有，實在太沒禮貌！

疫情左咁耐，終於都有機會可以出黎食下野，限聚令得2人，就同媽媽一齊食下晏，歎返下~唐人館好難book , 月頭book 月尾先得。環境好舒適，望住個海，枱又隔得好開，傾計唔會比隔離枱聽到，私隱度幾高。$138 套餐點心揀5款，我同媽媽兩人，淨入2揀兩款唔要就得喇，其他一齊share~整體點心好出色，精緻又好味，特別係鮑魚雞粒酥，原隻鮑魚喺入面。 另外，黑魚子流心鵪鶉蛋燒賣又係好掂，燒賣熱熱的，但裡面能夠做到流心，媽媽都讚好。 我地另外仲叫左乳鴿同大頭蝦膏海鮮炒飯，炒飯都好大份量，不過我地清左，因為都幾好食。可以再encore~

之前聽過呢度有好好食嘅點心套餐，今日終於可以一試。價錢$138 ，每人可以從指定12款點心中選五款點心，兩個人可以共選10款。另外仲可以$20追加其他點心，抵！點心好精緻，味道同水準都好高，聽講推廣期只做到月尾，未試嘅快啲去試啦！

首先由訂位開始，usher已經態度一般，原本想訂1:00pm，佢話已經滿咗叫我1:30pm到因為要用15分鐘清潔，可能疫程關係。我1:25pm到，由usher帶領我們入餐廳，見到有4張枱是空的😓。坐低便有待應問我們幾多人，其實張枱已放了3個位（因為其中一友人要泊車未出現）問我們要那種茶，但5分鐘後仍未見人影，另一位侍應又問人數及要那種茶！我想帶位未有同待應溝通好，我從未試過係fine dining 被人問2次同一條問題。食物方面： 海膽春卷 - 味道一般，海膽是凍的鵪鶉蛋燒賣-流心鵪鶉蛋，有驚喜龍蝦燒賣-肉質彈口炸蟹蓋-啖啖蟹肉，蟹肉有鮮味，證明用料新觧櫻花蝦妙飯-味道可以其實我還想試他們的招牌菜花雕話梅蝦，可惜那位三流待應在我們背後大聲説賣晒😫😓。於是我們再叫燒肉，5分鍾後部長過嚟話賣晒，部長嘗試解悉原因，但有點hea. 我們問有無酥炸田雞腿，終於叫到。味道和川菜差不多，無驚喜。最後以黑糖糕作結。總結，餐廳裝修是頗特別的，聽聞是上海灘老闆幫他們設計的，所以別有一番風格，景色亦不錯，可惜工作人員態度令人失望。如果以fine dinning 收費就要有fine dinning 服務，三

一睇到話佢有任食.....真係完全唔諗...就打去訂...點知最快都要20日後...唔理....照訂....到真係去個日.....準時到，見到佢一半滿....以為佢咁樣做都滿...但最後係滿曬....一到就叫左6個小食....基本上都有水準的...但美中不足係海蜇頭身得蒜味...冇其他調味.....同行朋友就話鴨舌好好食...最後叫左5,6次....蝦係鮮甜的!鴨胗就普普.....再黎叫左話梅蕃茄.....雖然好重味精...但真係好好食...食左最小4,5次.....成晚食得最多應該係蝦球...成張餐牌上面唔同口味的蝦球都食曬....基本上都好食.....叫左個炒帶子...當然因為任食...所以唔預帶子的質素會好好...果然都係.....普普,....同埋帶子有小小"喇"過的味道....要扣分酸菜魚，魚肉處理得唔錯....夠酸小辣，岩曬香港人口味!好多人講的蝦多士......係炸得幾好的..因為唔似事先炸定回曬油...但係咪真係咁好食呢.....嗯.....呢個係成晚食左其中一個最難食的野.....完全咬唔開...又唔熱.....仲要一人份俾咁多....真係多謝曬......素菜就是素

之前黎唐人館系食lunch 點心自助餐，非常超值抵食，所以今晚再次黎唐人館，試埋佢地的晚餐小菜自助餐，睇吓會唔會同樣出色。晚市無限放題$298，加茶芥小費$39，另可再加$98無限暢飲指定紅白酒同氣泡酒。小菜菜單样样都好吸引，今次就介紹幾款值得推介的小菜俾大家參考😃1開胃醒神小食-話梅小蕃茄，酸酸甜甜非常開胃👍本人只少食左10碟🤪-花雕醉鴨舌，酒味濃郁非常入味👍兩款小食非試不可。2川椒酸菜魚-辣味適中，魚片新鮮👍3古法八寶荷香蒸雞件-雞清香嫩滑👍4碧綠炒帶子-大大粒帶子爽口美味👍5蒜蓉粉絲蒸蝦球-虾彈牙，沒有雪藏虾的味道👍6大頭蝦膏炒飯-飯炒得乾身不油膩，勁香飯味👍選擇頗多，每碟小菜數量不會太多，啱晒大家，可以每樣小菜都試下。

不得了，$138尖沙咀唐人館午市點心任食，平日仲要係冇限時嗰隻！選擇好多，上菜速度亦快，大家都吃得非常滿意。足足50款食物任你食，食物水準呢間一向穩定，仲要對住個無敵海景俾你慢慢食，唔怪得四月同五月都一位難求...由於實在太多食物要食太吸引喇，今次剩係拍條短片仔等大家感受下個氣氛，我們一行四個人，吃了一共32籠點心，推介點心如下：- 肉醬和牛包- 泡菜海鮮餃- 晶瑩上素餃- 鵪鶉蛋燒賣- 鍋貼蝦多士- 黃金馬蹄糕- 四寶滑雞札- 蜂巢芋角- 楊枝甘露

    作為消費者，疫情價吃餐好可說是苦中作樂！作為餐飲從業者，維持經營方為上策，唐人館可算是洞燭先機，四月早已推出點心及晚市無限放送，反應相當熱烈，已延期至六月。週末及假期$168/位，另收茶芥每位$35，在本來走高端路線、裝潢時尚及維景相伴的飯店用膳，CP值高。來之前收到的口碑不算太好，不過唔試過唔會有話題，點心選擇比想像中多，不過水準參差，有得又唔得！炸物最有水準，甜品都唔錯。七味豆腐粒成功炸至酥香不膩，薄薄的一層外皮酥脆、對比極之滑溜的豆腐，再加上七味粉之香惹，絕對是吃不停口的小吃！風味雞軟骨同樣香酥惹味，炸漿厚薄適中，平均地包裹着整粒雞軟骨，咬落爽口卜脆，每一粒皆好嚼，完美顯出雞軟骨的特性。馬蹄牛肉球滑而汁豐的牛肉球，內藏馬蹄粒倍增口感，組合份量適中，味道討好。楊枝甘露甚可口，我吃了兩碗。紅豆沙不錯，黃金馬蹄糕爽口不過膠，我喜歡吃到粒粒馬蹄。味道正常的有以下：筍尖鮮蝦餃、韭菜豬紅、咖喱魚蛋豬皮、蜜汁叉燒腸、棉花雞。 蟹黃燒賣很有肉香，腸粉皮厚薄適中都幾好。甜點方面，玫瑰豆沙角賣相好，琉璃沙翁夠鬆化。可以不吃的有這些：肉醬和牛包本來很有期望卻是不倫不類，芝士肉醬混在一起

第一次與姐姐及姪女食唐人館點心放題是4月22日, 當時3人的茶芥連加一是$83,但今次6月9日再與姐姐及朋友再吃點心放題時, 茶芥已加價了, 今次3人的茶芥連加一是$105,今次點心增加了一些新的小食選項, 很小的一碗, 可以多選幾樣來試, 不過可能不是拿手項目, 有些不好吃. 但好吃的小食仍是很好吃, 舊的有蝦多士, 七味豆腐粒, 新的有金鈎蘿蔔糕和風味雞軟骨(吃了2碟);當然還有最最足料又好味的楊枝甘露, 今次3人前後共食了14碗 (很小的一碗, 我估計3碗大約等於普通糖水鋪的一碗)今次是坐在第2 排看海的位置, 比較上次坐在偏廳的位置更好.今次人手是足夠的, 舉手即有侍應跟進, 但其中一個較高大的男侍應態度比較輕浮, 例如我們最後寫單叫5碗楊枝甘露, 他送上枱時會特別大聲講"呢度係5碗楊枝甘露",令人覺得他不太尊重客人!

唐人館想食里間好耐，一直都好難book位，托朋友幫手終於book到了。來之前已了解是食自助餐點心，好啱我鍾意食點心的人。平日同週末價錢爭$30，我們今日系平日所以每人只需$138再加茶芥更正系$39！入到餐廳環境舒靜高雅典緻，給人一種高貴的氣質，我們坐在玻璃窗位置，望住海景，心情更加興奮🥰侍應好細心地話俾我哋聽，每碟點心每樣三件，製作時間需時大約5分鐘，於是我地急不可待點了想食的點心。今次介紹最出色的幾样點心同甜品1，肉醬和牛包-熱辣辣的包，搣開兩邊有芝士拉絲👍入面有一粒和牛，咬落包質地鬆軟，芝士味香濃，再加上濃汁和牛味，口感一流👍2，蝦多士-炸到黃金色，香脆可口美味，蝦肉彈牙，令人食不停口👏3，楊枝甘露-粒粒飽滿的西柚粒，非常有口感，甜度適中，非常出色😋好滿足的點心自助餐，值得再來！

今日一行六人去品嘗人氣高企之唐人館午餐放題、地方好靚、接待員為客人逐一探熱便安排入座-好幸運安排坐窗口位、叫左鐵觀音、D茶好香、跟著便剔点心、先尼蝦餃、味道十分好、皮薄蝦爽、蝦多士、泡菜餃也十分出色、小食蓮藕炆豬肉、泡椒雞爪、雲耳青瓜也好食、總括各款点心也十分有水準、反而和牛飽本人覺得最失望的一款、今次放題真係十分超值-環境靚、食物有水準-係服務員比較黑面、接待員就十分有禮貌、餐后我們要求他幫忙拍照她們也笑容滿面、是一個開心的午餐