唐包點

營業中

休息中

本身要去屯門醫院探病榻中既屋企人，諗住買個蒸飯氹佢老人家開心，但呢間舖頭係屯門站唔就腳，諗住搭到屯門站，我已預備好現金，請鋪頭姐姐遞一遞個飯比我，想慳啲時間，打電話求救希望協助，對方斷然拒絕話係公司政策，我多番表示歉意望能幫忙，佢keep住講公司唔比，我問係唔係因得一個人睇鋪，佢話唔係，但都唔願意幫忙，最後屋企人唯有照食醫院餐喇😢如果係公司政策，我覺得好奇怪有呢啲政策，如果係員工故意唔願意幫忙，希望你哋公司管理層了解下吧

落勁大雨🌧️🌧️🌧️出唔到去其他地方買嘢食，喺屯門站一落車，就去左唐包點買咗個包同買咗個蒸飯呢間感覺上好似比其他分店多嘢買，有好多湯飯同埋蒸飯，居然仲有粟米肉粒飯，炆餸阿女太肚餓，即刻食咗個菜肉包先，熱辣辣大大個買咗粟米肉粒飯返屋企食，估唔到好多飯❕同埋一大兜餸，同埋湯汁❕好大兜，而且仲要好好食，啲甘筍同肉又夠淋，小朋友都食到，我感覺上好食過嗰啲連鎖快餐店，同埋微波爐叮叮飯👍堅係唔錯👏👏👏

早幾日玩完水後，我同仔仔都病左，加上佢吾食，我就更加無心機煮。終於等到老公收工，遇上屯門大塞車，轉塔西鐡返黎，一心諗住買壽司比仔仔食，點知熟既賣清光，唯有行多兩步食“唐包點”。我同左老公講買“北菇雞飯“，點知排到己經無晒，唯有買“牛肉餅飯”。我打開既第一個反應，點解牛肉細左一圈既，塊餅睇落有些實，但實際食落同牛肉球一樣，都係軟淋淋同好食。結果，我個仔靜係食左牛肉餅，啲白飯食都無食過，可能今次啲白飯有啲硬。

其實之前有食過，真係幾抵食，但尋日夜晚遇到嘅員工姨姨Nxxx態度好差，掛住同其他人傾偈，連續問佢三次仲有冇包買都可以完全無視個客繼續同人吹水，問到第四次先用極度晦氣嘅態度同我講「冇喎」，我真係眼都凸埋，以後唔會再去幫襯呢間舖

今日去左唐包點買午餐食，買左1個南瓜玉米粥同2個叉燒包。南瓜粥同叉燒包都ok，唔肥，口感都唔錯。不過有時啲粥都好快賣曬，遲小小去買都無，有小小唔方便。總體而言都ok唔錯。

包點OK，員工冇乜禮貌，整體唔想再幫襯一直以來都好喜歡食呢種中式包點，某程度上係香港特色之一，相信大家早餐都會買呢種中式包點嚟食！唐包點嘅質素我覺得唔錯，麵包夠軟，尤其啲餡料，我覺得己有誠意，真材實料！我多口問了一句：呢度有冇凍包售賣？店員不開心的樣子回覆：吓，我哋冇呢啲嘢！然後反白眼🙄️！我感覺好無奈，因為類似中式蒸包的店舖好多都有凍包售賣，所以我才問一句。今次買咗蓮蓉包，紅豆包，白饅頭。白饅頭質素唔錯，冇餡料，饅頭質地都唔會太硬，唔錯。蓮蓉包：幾欣賞佢哋呢度的蓮蓉包，因為係使用白蓮蓉，最正的做法。紅豆包：佢哋嘅紅豆蓉好高質，有一粒粒紅豆的口感，確實不錯。最後我問店員取一個膠袋，然後放入常溫饅頭和熱的蓮蓉包紅豆包。店員又再向我反白眼說：你自己將常溫同熱嘢擺埋一齊咋，唔關我事㗎 ！我真係好想知道發生咩事？

好多分店都去過，平民價錢就可以食飽肚。平時買開包點，今次去到屯門呢間買，唔知係咪因為地區問題，呢間嘅包裝唔同晒。包得好靚仔，完全up grade咗！紅豆包都唔同咗，味道唔會偏甜，好食！

行過唐包點，估唔到佢出左新野 wo , 有布丁狗樣既奶黃包，仲有布丁燒，見到幾得意就買左，順便買多兩個包同個點心比屋企人食，但中午去到已經咩都冇，包類同點心要咩冇咩，得番幾款選擇有 d 可惜最後唯有買番薯包，菜肉包，同埋燒賣，不過不失，d 包都大大個幾抵食布丁燒原本冇咩大期望，雖然唔係布丁狗 fans , 個袋都特別用布丁狗袋裝住，貪個樣得意都買左黎試下，估佢唔到又幾出色，布甸好滑身，焦糖味係下面浸住d 布丁食落都唔錯，食落幾甜，正面既布丁狗公仔印得好得意之餘，蛋糕都好香，真心唔錯幾好食

唐包確實是健康的食品，經過地鐵站，肚餓想吃東西。我買了幾個回家吃，烤豬肉包子有很多料，而且香甜。包皮柔軟而熟透，顏色誘人，乾淨至於牛奶皇帝包，那是我小時候的回憶。每個孩子都喜歡吃牛奶包，香氣柔和而光滑，不會太甜。健康。

呢間包點日日都新鮮新鮮出爐，我好鍾意食佢嘅饅頭，奶皇包，糯米雞，呢幾樣我覺得係最適合我食而最值得講嘅係佢嘅糯米雞真係好好好好好好足料我成日都會叫佢做我嘅lunch 㗎有包點 真係掂👍🏻

之前係vciti 返工，通常晏晝都係食唐包點嘅蒸飯，又近又平，而且又食得飽，應該係所有打工仔都應該會接受到嘅午餐，好鍾意食佢嘅糯米雞，又多料又好食，但係佢唔係成日有，賣得好快😂

返工前路過唐包點所以買了一包來試試🍽阿華田包新出的產品 聽聞好受歡迎係流心阿華田餡 一切開 好流心😍餡料量都算足夠阿華田味唔係好濃 幸好不太甜不過個包就比較乾只係$5 作為早餐 唔錯

上次買點心見到原來依家有飯食，今晚一於就試吓！有三款飯，竟然有兩款都係我平時最鍾意食嘅 魚香茄子飯，咖喱雞飯😍🍆🍗今次試吓咖喱雞飯，20幾蚊仲平過波仔😂咖喱小小辣，感覺同快餐店嗰種差唔多雞肉唔鞋口，我就覺得好抵食快餐店都要差唔多$40啦！而且好多地鐵站都有分店，又方便又平下次一於試埋魚香茄子飯先！除咗咖哩雞飯之外，仲買咗腐竹雞蛋糖水好香滑，好好味！真係估佢唔到10幾蚊咋😱😱😱糖水癮起可以試試

有時一個人想不到吃什麼好, 唐包點就是我的好朋友, 最近都常光顧, 貪其快靚正, 又抵食, 打工仔恩物。不過有時放工比較晚, 就發現好多食物賣光, 那証明食物都新鮮製造, 只能說手快有手慢無啦。早上比較齊貨, 想吃的話早上來比較好, 但就可能要排隊。次次都食鳳爪排骨, 這次試試北菇雞飯, 北菇煮得夠軟, 入味, 雞肉亦很嫩滑, 是有挑選過的部位, 飯量十分多, 夠飽, 可自行添加蒸飯豉油, 風味一流。糯米雞是我的心水選擇, 三十元不到, 十分大隻, 我一餐吃不完, 有時早餐想買它, 也售光, 很受歡迎。它的汁料濃厚, 有雞有冬菇有碎肉, 單吃也不覺悶。但我喜歡拌點心一起吃, 因為我比較貪心, 這次選了牛肉球, 牛肉很鬆軟, 有很多粒粒馬蹄口感, 很對味。我通常會自己煮點菜, 來配搭, 比較均衡, 如果唐包點遲些可有菜賣就更好了。也喜歡喝這香滑奶茶, 奶和茶的比例剛好, 又真夠香滑, 樽也很可愛,喝完了可以重用呢。

High Tea 食咩好？ 我即刻諗起 食 點 心 ! 二話不說去咗附近唐包點叫點心。😍一個人叫左四樣野，好似真係有啲過份。。不過我唔理，食埋先講!😂我叫咗豉椒鳳爪，燒賣同埋一個秘製豬軟骨飯。先講兩個點心，燒賣同鳳爪。一如既往，唐包點嘅點心都有水準。 好啱我口味! 😂👍材料豐富，而價錢相當合理! 懶懶地想食點心就會想食唐包點。今次試咗唐包點嘅秘製豬軟骨飯， 豬軟骨厚得黎， 超 級 淋 ! 大啖大啖肉，好入味好正。份量又夠多，食晒d豬軟骨，食唔晒d飯! 😍😂