唐包點

營業中

休息中

讓多種多樣既粵式點心包點精製美味簡簡單單的風味小點無論充飢嘅快捷又方便隨時的步驟一到lunch或茶點肚餓慢火蒸或存放雪櫃就能食得到 除了點心/蒸飯/仲加左其他飲料/糖水點綴豐富味蕾，自選鹹香或甜點獨佔其份量頗大充當餡料，重回小時候舊有回憶無限添加的憶記 !經濟組合價格合宜，即叫即取温爐上保温企理又乾淨，一盅兩件不論遠近均能帶動你鄰近左右的好去處熱辣辣早上至傍晚無間斷供應單點一籠($18元)香而不重口味層次味鮮而且用料上乘有雞/豬肚/棉花/大大件好滋味一條三個，相對於味道濃郁帶出微甜的美味，外皮品質不會軟趴趴，有時想速食存係公司加翻熱非常有驚喜，包裝份量餡料一點也不少，精緻得來口感紮實保持水準令甜點方面傳統糖水]健康又有營，暖笠笠滋潤一下香滑無比，腐竹軟溶不膩兼順口吃出自己的味道

唐包點最方便是，佢大部份店舖都在地鐵站的分店，可以買完，快快咁搭MTR返屋企，是日因為唔想煮飯，所以就在油麻地MTR見到唐包點，就外賣包同埋飯回家食了~~見到個牌，飯，粥，蒸包，點心，飲品，糖水咩都有，真的有選擇困難症..職員貼心地介紹左有新出的有汁飯，同埋介紹佢地的包都好多人食，所以就點左鳳爪排骨飯，豬軟骨有汁飯，一個紅荳包，一個香芋包，一條可以返屋企蒸的蕃薯包，同埋一枝奶茶，豬軟骨有汁飯豬軟骨有汁飯真的好多份量，飯中間粒粒分明，加上5-6舊的豬軟骨，真的好抵吃，鳳爪排骨飯排骨多肉，鳳爪入味，加埋豉油真的同中式酒樓有得FILGHT，奶茶，味道香濃，飲落茶味香~紅荳包，香芋包打開個包有驚喜，充滿多多的紅荳/香芋餡，香芋包真的好好味，蕃薯包晚餐當甜品食，真的好多蕃薯餡，同香芋包都是咁好食~~晚餐二人食都夠曬，重要加埋咁多野食，都唔洗$100，係屋企食到抱住個肚~真的唔煮都可以食好西!

唐記包點嘅分店「唐包點」已經陸續進駐全香港各地區的港鐵站，總有一間喺附近，非常方便。而且主打嘅都係各式各樣的中式蒸點、蒸飯、蒸包等等，保持食材的原汁原味，所以一直都好深得我心今日就喺油麻地分店買左多款食物作為我的早餐同午餐鳳爪排骨飯以精美的膠碗盛載著，份量足，男仔食都一定夠飽，$27絕對係超值！豉椒排骨同鳳爪呢個絕妙配搭當然係鹹香美味，送飯一流！難怪係唐記的熱賣蒸飯No.1啦燒賣$18就有四粒大燒賣，豬肉味香濃又新鮮，啖啖肉，調味恰當，好好味呢！作為早餐都幾好雞札呢個雞札好大件，滑溜的腐竹外皮包著雞件、芋頭、豬皮等等配料，拍得住茶樓水準呀香芋包我呢個麵包控又點可能唔食蒸包，唐包點嘅香芋包就係我最愛。粉紫色的外型好靚，蒸包外層好鬆軟，內裡係軟滑粉糯的芋頭茸，天然的芋頭甜味，好好食啊蕃薯包番薯包的外層同樣鬆軟，裏面有甜甜的番薯茸餡，美味飽肚又健康香菇雞包餡料豐富，有雞肉、冬菇同雲耳等等，滿有雞肉香，清淡又健康

番工食飯食茶記食到好悶，同同事買蒸飯食。唐包點通常會在地鐵站內，近期仲推出特色客飯！買左一個魚香茄子飯試下$29除左3款有汁客飯外，還有提供5款蒸飯、6款點心。仲有粥同糖水，都幾多元化。開餐喇！食物都分裝得好好，無半點漏汁情況。鳳爪排骨飯 $27足料而且蒸點惹味。魚香茄子好多，餸同飯分別分裝好。蕃薯包 $19常溫包3個裝比熱包更抵食！ 買黎蒸熱做早餐！叉燒包 $7.5所有熟包都有獨立紙包好，乾淨衛生。包質地鬆軟，餡料好多。樽仔奶茶 $12港式茶記風味，茶濃醇滑又唔太甜，不錯！

兩個人趕住去上堂所以喺油麻地地鐵買外賣，呢間「唐包點」同「唐記包點」個名差一個字，但上網睇話屬於同一個集團，裝修新潮少少，多左飯同糖水選擇，冇左常見嘅蒸爐。外賣盒好實淨，保溫唔差，個蒸飯我地擺左一個鐘先食仍有微溫。咸魚肉餅飯本身有調味，唔加豉油食都得，肉餅入味有口感，咸魚份量幾多。山竹牛肉球有酒樓水準，牛肉鬆軟。足料糯米雞仍舊足料，入面有雞翼，一個人食一隻會有少少滯，建議分享。我終於第一次食到唐記嘅包喇！成日放工去到已經賣哂。香芋包同蕃薯包比一般中式包點大1.5倍，外皮有少少煙韌，餡同麵包份量岩岩好，味道天然唔會過甜。蕃薯包留返第二朝早餐食，趕住返工唔記得影相，蕃薯餡唔係完全整到蓉咁，間中有幾粒蕃薯仔咬下，我幾鐘意。加$9試左海鹽檸檬柚子蜜，有好多柚子果肉喺入面，感覺清新健康。

唐包點真利害，除咗地面，不經不覺喺唔少嘅地鐵站都見到有分店，實在太方便！飯，粥，蒸包，點心，飲品，糖水。。。咩都有，尤如酒樓！夜晚屋企冇煮飯，平平哋但又好食嘅，就會諗起唐包點！咖哩雞飯，絕不比餐廳差，夠嫩滑！咖哩汁撈飯，正！魚香茄子飯，又係野味之選！醬汁撈飯，少少辣，小朋友都食到。鳳爪排骨飯，同酒樓比有過之而無不及，但價錢抵好多！蕃薯包：我的至愛蒸包，蕃薯的香甜及口感是它獨有。酒樓都好少會有蕃薯包，所以食唐包點的話，呢個包係我必選的食物。

今晚上完堂搭地鐵返屋企前決定係地鐵站買埋聽日早餐。本身自己同屋企人都鍾意早餐飲下茶，食下點心食下包。唐包店既出現簡直大大減少我去買早餐既時間，因為總有一間係左近。為左方便保存，我分別買左一條香芋包（$19）同一條蕃薯包（$19）。兩條都係凍包，食既時候先蒸。另外又買左個室溫紅豆砵仔糕（$7.5)。點心買左燒賣（$18）同雞扎（$18）。原來呢度仲有賣糖水，我就買左碗腐竹薏米雞蛋糖水（$15），上完堂獎勵下自己嘛。

今日上朋友屋企玩貓，買啲野食上去獻誠意，哈哈。美味茶點，美麗小貓。咖哩雞飯 $29上次買過一次食，今次份量仲多既？雞件一開蓋就見，雞件微嫩。始終蒸煮，會有d散既。薯仔同洋蔥好入味，非常軟。飯係長香米，蒸飯比較香，軟硬兼施。雞扎 $18兩件好似酒樓咁，雞肉同芋頭係必須既。雞肉比咖哩雞更嫩同感覺厚身，豆皮香口，疊疊合！燒賣 $184粒好靚有小蝦係上面。豬肉同蝦混合口感挺身帶勁，底下仲有少少菜添。蓮蓉包 $7.5美中不足係無蛋黃，感覺係黃蓮蓉。比較豐厚口感同甜度高。第二啖有爆醬，依個平時自己食好飽。今日每人食四分一。香芋包 $7.5香芋食落去口感好似有香芋粒咁，香濃美艷紫色。包肉幾鬆軟似食果醬包。奶皇包 $7.5翻熱少少會有點流心醬，甜度係今日咁多款包最少，奶黃濃郁。白饅頭 $5唯一一個「原味」，5蚊勁大隻，窮人恩物！因為無料，所以食少少就會口乾。菜肉包 $7.5女士咸包之選，有茶又有肉，營養均衡當一餐。不過我地都係share啦，仲要食晚飯。菜肉既肉有小肉餅風格。

呢日屋企人話唔煮飯，叫我幫手買外賣返去食，係地鐵站經過唐包點既時候，見到啲飯平平地就買左幾個當一餐啦😲👁‍🗨 咖喱雞飯（6.5/10）💲28啲咖哩雞入面有蘿蔔、薯仔、雞件，幾欣賞啲餸係同飯分開上🤔不過兜咖喱既油比醬多，所以食落唔夠香濃惹味，如果重口味就更好🙈同埋啲飯可能凍左少少，會略微乾硬身👉🏻👈🏻👁‍🗨 鳳爪排骨飯（7/10）💲27啲鳳爪同排骨嘅份量都鋪滿成兜飯，尤其係啲排骨肥瘦適中，食落亦冇黐牙🍚👁‍🗨 足料糯米雞（7/10）💲27糯米雞啲糯米都幾軟糯，入面比想像中來得足料，有唔少既肉碎、冬菇、叉燒、雞翼等等🤗唯獨味精可能比較多，食完會有點兒口渴🤤👁‍🗨 菜肉包（7/10）💲7.5返歸攞上手仲係熱辣辣，個包依然軟熟，啲椰菜同埋肉嘅份量平衡均勻，又唔會話濕淋淋一pat野咁，不失為清淡健康之選👌🏻👁‍🗨 叉燒包（7/10）💲7.5個包一樣係質感唔錯，入面有肥肥地經過調味既叉燒肉粒，入口幾香，不過不失☺️🔛 整體評分（7/10）

我喜歡中午飯打包外賣返公司食，今天我同同事二人決定食唐記。就在地鐵站的唐包點夠晒方便。有蒸飯，點心，包點，野飲，想要一個健康好味的午餐容不易呢！我地打包左返到公司，飯同點心仲系熱辣辣的。咸魚肉餅飯，肉餅份量很多，好夠送飯，蒸飯健康又好食，落少少醬油味道就更好了。燒麥，一份有四粒，大大粒賣相靚仔，每粒都有一粒大蝦仁，口感飽滿彈牙。鮮竹卷不算油，料足抵食，食材新鮮，可做小食又可以送飯食，好滿足。飯後來一枝黑芝麻豆漿，健康又美味。

地鐵站內陸續見到唐包點既蹤影，同同事遲放工煮唔到飯，見咁方便就買黎做晚餐啦‼️拎到返屋企重暖笠笠架！由於好餓，嗌左好多野，都食哂！豉椒排骨飯—正常蒸飯配豉油，值得一讚係個飯煮得幾好食，配埋蒸排骨既油流落飯好香口！魚香茄子🍆飯—-估唔到有咁惹味既送！飯同茄子重好細心地分開包裝，可以自己拎返屋企先撈黎食，魚香茄子都炒得幾香，不過可能蒸住既關係，就會淋左，但送飯一流，好快食哂成碗飯！唐包點重點緊係要買包啦，叫左個蕃薯🍠包同香芋包同男人Share ，岩哂我想試哂兩樣，飯後甜包！正，一如既往，勁多餡，蕃薯同香芋都好足餡，個包又好有咬口！好滿足！真心超愛芋泥包，味道天然又唔會甜漏，芋泥好綿密，真心推介！紅豆砵仔糕:被佢既超多豆吸引左，真係好多豆，同埋又係暖住食，好特別，咬落好煙煙韌韌，唔會過甜！冬天食特別正丫！這個晚餐好滿足，重要咁樣加埋都唔洗$100，係屋企食到抱住個肚！無煮飯，男人都好滿意！