唐包點 (已結業)

自從2大連鎖蒸飯包點店開始左每天指定款式優惠後,越鬥越勁鬥到某一區既分店可以去到15蚊一個蒸飯但無對手既區域又唔會做特價,認真聰明我呢D大食既,買2盒食,會食1.5盒飯,計埋返都係30蚊一餐飯,真係幾抵食既一早買定,拎返公司再叮熱佢就搞掂一餐飯量係夠多既,料就唔好要求太多了~排骨半肥半瘦,少少辣椒同豆豉提味,記得同佢講多豉油,唔係味道比較偏淡味,呢一間分店D飯無咁濕身食上黎味道比較好食西灣河港鐵西灣河站 SWH 6號舖

$15/3個包.聽講哩排大家都好窮 咁就同大家推介下有咩係平平地又食得飽既野啦.唐記包點大家都聽過 之前返工成日行過都見d包係$7-$7.5 1個 點知原來買3個係$15😱超抵呀 於是我就買左3個 但原來係勁大個 我食左個就full左.最飽一定係香芋味 佢個香芋蓉唔甜 不過就最漏 食到d碎左既芋蓉 我覺得唔錯 然後係奶黄包❤️第2次食都覺得好食 雖然唔流心不過個餡都幾好味.講到流心一定非蓮蓉莫屬 完全係酒樓食到既口味 不過係加大版🤨 講真真心幾抵食 偶然一兩次唔想煮飯食個飽咪算🤣鳳爪排骨飯 $27.果然係皇牌 拍得住酒樓既味道 排骨同鳳爪都幾入味 我覺得d飯既口感較我想像中好 唔想煮飯可以考慮下 份量可能對男仔講會少d 但我就食唔晒😂.北菇雞飯 $27.個人會prefer上面果個 但哩個北菇雞就冇咁重口味 要落鼓油會好d 感覺會健康d .鮮竹卷 $17.同叮叮點心既味道差唔多 不過哩個有人煮熱埋 方便好多.燒賣 $17.成舊粉咁 可以試其他 .

有小朋友之後唐包點就變左我地早餐嘅首選，因為佢有好多蒸飯好健康，包又好新鮮，女女好中意食饅頭同菜肉包，人仔細細竟然可以自己食哂成個，咁岩見到呢排做優惠，我叫左鳳爪排骨飯再加雞扎先係$31，超級抵食！鳳爪排骨醃得好夠味，份量唔少，雞扎有腐皮雞肉豬皮同芋頭，大大件，芋頭同腐皮吸哂精華，好味原本想試新出嘅豬軟骨飯，點知太好賣就改左咖哩雞飯比老公，好足料，老公話好香咖哩味送飯一流，最中意唐包點白飯另外盒，唔會因為汁搞到林哂今次試埋奶茶，好香，茶味剛剛好，雪凍飲好正

有一次返工趕時間經過地鐵站見到唐記包點，就走左入去買咗個馬拉糕食，食完之後已經愛上左！所以今晚我又去咗呢度買馬拉糕食，因為佢呢個價錢非常抵食，而且食落去唔會太甜，但又非常鬆軟，自己覺得比茶樓食開嘅還要好食！而好鍾意食砵仔糕嘅，我都一定要試埋佢嘅砵仔糕。入面嘅紅豆非常多，應該係我食過所有砵仔糕入邊餡料最多嘅一個！我亦都買咗個北茹雞飯食，首先睇張相都見到佢雞嘅份量非常之多，而且唔會好油，亦都冇乜雞皮，都算係健康之選！而且上面兩舊冬菇，亦都唔係話太細，呢個價錢來講都算合理！最後呢個牛肉球一定係我平時係去茶樓必點嘅點心， 咦呢度嘅牛肉球味道適中，而且入邊都有馬蹄，食落嘅口感非常好！

唐包點以蒸包點起家，發展速度如此快，全賴能穩定地提供高品質的包點，價錢亦非常合理($15/3個)。平日早餐會點菜肉包及香菇雞肉包，貪其有菜有肉，非常飽足可口。它的香滑奶茶份量雖少，但口感順滑，茶味香濃，值得一試。晚飯時段提供的蒸飯亦是其得意之作，大部分蒸飯只售$20。這次試了魚香茄子飯($29)，份量適中，茄子夠林，醬汁頗為惹味多肉。另外加了$4.5的紙包飲品。順帶一提，此分店的職員非常友善有禮。

又到月尾，家裏米缸光了，兜裡剩下幾個錢，要捱到七月才能大吃大喝了，怎麼辦？男朋友說怪我啦，愛吃，吃到月末等月頭——好吧，怪我吧⋯⋯捏著幾個錢，想買點什麼塞他那臭嘴！想起之前在灣仔吃過唐包點特別便宜，於是下樓在家附近地鐵站的唐包點，不花100大元，我就塞住他的嘴！既然是塞嘴用，當然首選應該是包子了，他們家的甜包點特別多——紅豆包、香芋包、蓮蓉包、蕃薯包、奶黃包，每款一個，總有一個會喜歡！我喜歡香芋包，外層紫色芋泥香，裡面蓮蓉餡，不太甜，好吃。我當然知道男人是食肉獸同類，問了店員有什麼飯類，這個好——秘制豬軟骨，燜得很軟，很香，湯汁還可以拌飯吃，不僅塞住了男友的嘴，還滿足了他的胃。結帳的時候，看到收銀機跟前有紅豆缽仔糕，立馬口水都流出來了——還是改不了吃貨本性，就說是甜品吧！安慰自個的，月頭很快就到！每日新鮮製造，鋪滿紅豆粒的米漿糕，每一口都好滿足！另外，當然少不了來兩枝香滑奶茶囉～唐包點——真是窮人恩物！

晨早流流醒咗瞓唔著， 肚餓就心旭旭諗起點心，爬起身落去附近嘅唐包點。 朝早比較多人，匆忙咁叫咗食平時食開嘅點心。首先係，竟然唔記得咗畀喼汁我。。 好在屋企有。雖然服務員唔同咗，但食物質素仲喺度。😅 食落有即叫即蒸嘅感覺 ，唔會好多味精。 牛肉一啲都唔“鞋“，冇蒸過龍。係咁多款點心之中最好食ge😍。仲叫咗，一睇賣相就知絕對冇偷工減料😂 肉質不錯。最後仲有，唔會有好多醬料黐住， 但味道好夠，份量仲唔少tim.總結：想食點心去唐包點都好方便，質素唔錯，價錢都唔貴，滿足。

從前在唐包點，最常吃的是蒸包、蒸飯和蒸點心，今晚給自己找一些新的嘗試，就是吃特色客飯。秘製豬軟骨飯𥚃的豬軟骨又軟又入味，而且份量挺多。再配以濃濃的醬汁，伴白飯吃一流！鳳爪排骨飯亦是我經常吃的蒸飯之一，將略腌的肉排和鳳爪放入米上一起蒸煮，不用加上豉油已經十分美味。點心方面，我最喜歡就是山竹牛肉加喼汁。牛肉加入馬蹄、蔥及調味料， 製成球狀的肉丸，牛肉味香濃！下次有機會還想試試其他特色客飯。另外現在唐包點做了一些包點的推廣和蒸飯套餐，價錢非常實惠呢！

昨晚放工返屋企無飯食，因媽出街無煮飯，所以我就係西灣河站一出閘就見到嘅唐包點嘅蒸飯，於是就買兩個返屋企食，一個係鳳爪排骨飯$18，另一個係北菇雞飯$18，又唔需要排隊，又唔需要等，而且職員又好有禮貌。我和妹返到屋企就即刻打開膠蓋，並倒入附送嘅蒸飯豉油，大家都覺得好好味，無論雞、排骨、鳳爪及飯，都蒸得啱啱好，啲雞肉及排骨都蒸得好滑唔會覺得好乾，又入味又唔會覺得好鹹，而且價錢比中環站分店平好多，真係好食又抵食！份量適合女士及小朋友，如果男士，我覺得就要食兩個至夠啦。

西灣河地鐵站嘅呢間分舖，每逢星期一至五上班時間，都有一條小龍在輪候，今天早上我也來加入排隊行列，買咗個菜肉包。店員手腳都快，由排隊，付錢，到取包都只係用咗我5分鐘，暖笠笠菜肉包就到手了。從未見過中式蒸包有如此完善的包裝，個包裝好似麥當勞叔叔餐廳，先有一張印花紙把蒸包覆蓋好，然後再用紙袋入住個蒸包比客人，雖然唔環保，但我自己就幾喜歡。菜肉包是廣東常見包點之一，以豬肉混合白菜是包內主要的饀料，個包白白淨淨圓碌碌，第一咬就食到白菜及豬肉，舊肉好多肉汁，而且口感分明味道不錯。個菜包我自己都幾喜歡，下次再試試其他包點款式先。