唐包點

營業中

休息中

呢排月頭出糧洗突咗，晚餐要慳錢唔可以食太貴，但平價依然都有好選擇。今次就食呢間係屋企樓下嘅唐包點。鳳爪排骨飯 ($27)是我最愛的蒸飯，料真係幾足，鳳爪有兩隻之餘，排骨大件有肉又唔會太肥，加上特製甜豉油及爽口，黏稠的白米飯，抵食又好味。章魚蒸肉餅飯 ($27)肉餅軟熟，章魚唔會覺得腥，飯量好足夠而且好夠熱！絕對可以即買即食，魚肉餅入邊真係搵到好多章魚粒。魚香茄子飯($29)好香，聞到咸魚味﹗茄子都有7,8舊，亦都好夠汁，夠曬送成盒飯﹗但略嫌茄子淋左d冇乜口感唐包點真係慳家嘅妙品，妙品!

黃大仙唐記唐包點係我經常光顧的外賣店之一，橫掂都係地鐵站買野食， 當然要買實的的的麵包好過買隻有空氣的麵包豬軟骨飯29豬軟骨 免得軟淋入味, 飯同餸分開上, 唔會怕啲飯索曬啲汁肥淋淋, 最想一提是白飯蒸得超靚仔， 唔會爛pat pat。-章魚肉餅飯27章魚肉餅 入面混有馬蹄同埋章魚粒， 豬肉唔會太削亦都唔會醃得太鹹 ，更值得一讚嘅係肉餅無咩肥豬肉 ，白飯混和了肉餅的肉汁， 唔落豉油都好好味 。--叉燒包7. 5-鹹中帶甜， 內餡唔會太多肥豬肉， 熱辣辣超好吃。香姑雞包7. 5雞包入面混有木耳和蘿蔔， 加添了纖維之外，讓整個包的口感也因為木耳蘿蔔而變得豐富呢。菜肉包7. 5-菜與肉的比例剛剛好， 豬肉不會熱得過鹹， 而且又有適量椰菜中和肉類的飽滯感。好吃。-燒賣18賣相雖然唔係最精緻 ，但最重要係入面無肥豬肉， 醃得不會太鹹，而且上高仲有杞子，可以明神養目， 唔怕佢係舊肥豬肉呢。-麥皮饅頭5熱辣辣又軟熟-

Yes yes yes. I visited again I live nearby red wan bun filled with any red wan paste. it too sweet ad high quality. even better than many expensive and large yum cha stews bun. dim sum 8is my favourite. 燒賣豬肉多料，唔會因平而混了一大堆肥肉係入面,仲要有出面已消失得7788架春蛋燒賣，童年最 見到一定會買來食架

所謂“食過返尋味”, 尋日買完其他分店嘅唐記，今日放工經過地鐵站呢間唐包點，餓餓地，又忍唔住買左下午茶+晚餐+第二朝早餐for自己同屋企人（懶人就係一次過買曬）今次試其他未試過嘅嘢最欣賞唐包點嘅食物係香港新鮮製造感覺衛生啲，少啲防腐處理，食得安心又放心。店員熱心的拎個menu俾我睇，本身想叫粥品，原來黃昏時段唔賣可惜！唯有其他每款都食啲啦開喺地鐵站真係好方便呀！飯方面：我揀咗港式風味嘅魚香茄子飯！啲飯一粒粒，同魚香茄子分開包裝，唔怕整到啲飯油膩太多汁，而且啲魚香茄子都唔係太辣。點心方面：我揀咗豉椒鳳爪。哇⋯⋯呢個抵呀，只係$18就有一大碗，同平時酒樓食開嘅質素唔係相差好多！當然唔少得蒸包：嚟唐記點可以唔食包？我揀咗一個香菇雞包同埋白饅頭做早餐，以前都食過，好夠飽，啲香菇同雞好好味白饅頭就清啲健康啲甜品方面：紅豆砵仔糕！我好鍾意個蓋都有大大個「唐」字一打開，哇啊啊，好多好多紅豆！一食，唔會好甜呢！！糖水我仲買左個腐竹薏米雞蛋糖水俾媽媽，因為佢中意食我都試左兩啖，裝到好滿，有好多薏米係底。大讚~我一次過買咁多款都唔係等好耐，啲店員都冇漏單，咁就解決我幾餐啦！

唐記在地鐵站開店，令大家都好方便，一出閘就可以買到食物番屋企或者公司慢慢食。今日在黃大仙店行過就試下，我不嬲買外賣都會自帶餐盒，打算環保D，不過呢間既飯同點心都是已經包裝好在膠盒內的，環保的朋友下次買就唔駛帶盒來了。今次幫朋友買埋，叫左牛肉飯 $27，點心佢就要雞扎 $18，點心下有兩條菜墊底，叫做可以有D菜食下，都幾好。牛肉飯既牛肉都好厚，而且飯量都唔少, $27真心抵食，平過去餐廳食好多呢!!雞扎都幾滑，唔錯。我就想食下咖哩雞飯 $29，因為之前在其他分店多數都只食過蒸飯，呢D新口味真係要試下先得，都幾有咖哩香味，都有D辣，配有薯仔及洋蔥，都幾濃味。燒賣 $18有四粒，同樣都有幾條菜，比起之前我曾經去過另一間唐包點，個間是即叫即做的，黃大仙呢間就是PACK好左的，當然就是上次個間的點心比較新鮮。呢間就方便同快D。叉燒包 $7.5下午茶，好大個而且包得好精美，好似漢堡包咁

唐記包點就在地鐵站閘口位，次次出街返黎都儲順便買外賣返家食。店鋪其實唔只賣包點，仲有原盅飯、糯米雞等暖心選擇。而且唐記不定期會出新式推品，口味都唔錯。糯米雞($27)足料糯米雞，果然係名不虛傳，驟眼睇以為平平無奇，但內裡藏好陰配料，有雞翼、大大件叉燒&冬菇。咖哩雞飯($27)呢款係最近先推出，雞件數量都好多，香濃咖哩味，又辣辣地，配飯食會食個不停。燒賣($18)燒賣size大粒過酒樓賣的size，但價錢仲要抵過酒樓價，超班！饅頭(3個裝）($12)發現有未蒸的饅頭賣，順便買袋做早餐，平均一個都係$4，店員過只要蒸8分鐘就ok，方便快捷。

一個月總有幾次想懶下，買個外賣就算數😂 方便快捷。今日搭地鐵返屋企，途經哩間唐包點，喺正地鐵站入邊非常方便，而且價錢相當抵食!!章魚肉餅飯 & 魚香茄子飯 章魚肉餅算厚身， 肉汁肉餅加上粒粒嘅章魚香味，章魚同肉嘅比例啱啱好👍 魚香茄子飯亦好香，而且細心嘅將飯同餸分開上，唔會返到屋企已經淋曬。紅豆包 & 香芋包早餐之選😂 其實係我之外間唔時都會買嚟食， 有時一買見熱辣辣就忍唔住即刻開嚟食， 或者第二日做早餐燉返熱佢。入面有軟淋淋嘅夾心。 香芋包係我最愛，有芋泥同埋粒粒芋頭喺入邊，大推!紅豆砵仔糕懷舊小食已經唔係好多地方有，砵仔糕口感 都算唔錯，如果再多啲紅豆就好啦🤣腐竹薏米雞蛋糖水呢個唔係間間分店都有，15蚊非常抵食。 而家嘅中式糖水舖下都二三十蚊先落樓。呢碗腐竹薏米糖水非常之滑，而且夠足料，可以加入必食名單。

唐包點奶皇包👍🏻奶皇既份量比例都好大而包做得好滑又鬆化唔會太硬同厚香芋包👍🏻香芋比例多，而包做得好滑又鬆化唔會太硬同厚豬軟骨飯👍🏻價錢超級平民但份量超多仲要爽口有勁多膠質汁都調較到岩岩好又好食架，豆漿👍🏻好滑好好飲又健康，無加其他多餘野都唔會太水總結超級方使既位置係港鐵站——————#kayGorfoodie #foodie #hkblogger #foods #hkfood #hkfoodie #foodie #hongkongfoodie #instafood #hkig #hkigfood #hkeat #eat #hongkongfood #hkfoodblog #yummy #hkiger #food #hk #foodblogger #foodshare #hkfoodlover #hkfoodstagram #tasty #香港美食 #香港 #美食 #食評 

唐包點📍黃大仙港鐵黃大仙站WTS 11號舖豬軟骨飯👍🏻👍🏻👍🏻👍🏻價錢超級平民但份量超多仲要爽口有勁多膠質汁都調較到岩岩好又好食架咖哩雞扒飯👍🏻👍🏻👍🏻咖哩唔會太油，岩岩好雞扒都好大件阿，一個人絕對夠食菜肉包奶皇包👍🏻👍🏻份量很大而已包做得好滑又鬆化豆漿👍🏻👍🏻👍🏻👍🏻好滑好好飲，無加其他多餘野都唔會太水總結超級方使既位置係港鐵站，超好味包選擇Kay Gor 推介 👍🏻👍🏻👍🏻👍🏻👍🏻備注👍🏻5粒代表最推介——————#kayGorfoodie #foodie #hkblogger #foods #hkfood #hkfoodie #foodie #hongkongfoodie #instafood #hkig #hkigfood #hkeat #eat #hongkongfood #hkfoodblog #yummy #hkiger #food #hk #foodblogger #foodshare #hkfoodlover #香港美食 #香港 #美食 #食評

朋友放工後到黃大仙見工，反正自己放假，便陪她一起去，再幫手買饅頭給她當晚餐。這家唐包點食物款式比較多，連同主餐牌有10款飯類。這裡使我驚喜的是，有兩款糖水供應！另外，這裡的食物包裝亦很用心，既美觀，又實用，感覺上更衛生、乾淨！我點了一碗腐竹薏米糖水給自己。糖水味道很好，不會過甜，同時豆味香濃。糖水中更有一隻完整的大雞蛋，及不少的薏米，材料算是十分豐富。雖然選用的雞蛋不是蛋味較重品種，但綜合來說品質不錯，我十分滿意。

餐廳位於黃大仙，位於地鐵站之內，使用鐵路人是十分方便。 餐廳鄰近出口，沿路經此地定必看見。這次我是早上到來的， 我點選了黑芝麻豆漿， 沒想到， 味道真不錯，黑芝麻味豐富， 入口嫩滑， 甜度適中 ，驚喜之選。 另外還點算了一些點心， 包括燒賣， 雞扎， 還有糯米雞。 燒賣和雞扎與酒樓的沒有大差別，但價錢已經贏了很多， 十分抵食。至於糯米雞，內裏餡料十足，又有雞翼，又有臘腸，味道不錯，入口糯米有口感， 還會再去光顧， 全因為鄰近地鐵站和方便，加上性價比又高。

省錢又方便@唐包點 網址: https://s.openrice.com/QrbS0r30800地址: 黃大仙港鐵黃大仙站WTS 11號舖 它女生活，費事又食公仔麵，買外賣填肚好了。糯米雞又再encore ,家人鐘意話食過好足料，$27 一於再買啦！糯米同餡都調得夠味，餡多糯米飯又唔會太濕！突然好想食肉餅，整多份章魚肉餅蒸飯$27，加入了章魚粒比較有口感耐嚼。 肉餅又唔會蒸到乾身，添了肥豬肉打成肉餅特別juicy$29 有最愛架豬軟骨飯呀，貪其爽口有膠質，個汁調到甜甜地好好食架。點心$18 雞札，大件雞同豬布芋頭，足料又飽

兩點先食lunch，是但買個飯同屋企人醫下個肚算啦😂原來唐包點有售客飯：0 比佢banner吸引，平平地決定一試！咖哩雞飯（$29）飯同餸菜係分開放咖！幾好，唔洗驚d汁會浸住d飯，可以隨意自己加🤘🏻咖哩雞既份量都ok，有4、5件雞同薯仔、紅蘿蔔，整得好入味！而咖哩係港式既咖哩，少少辣，可接受既。豬軟骨飯（$29）豬軟骨有3大件，口感非常之淋，軟骨部分唔會太硬，仲有薯仔tim～幾中意佢個醬汁好惹味！亦都買左舊包for第二日早餐香芋包（$7.5）好驚喜，竟然係獨立包裝，成個麥當勞包咁😂方便進食👍香芋包一如既往咁出色，做早餐就最好不過了😋😋😋😋😋😋

早餐又想食粥，但係唔想行咁遠，好彩黃大仙地鐵站有間唐包點係有粥賣，買咗碗番薯粟米粥，$12碗，都幾多舊番薯，而且感覺好飽肚，平靚正，又夠晒健康，依個價錢有依個質素都👍🏻👍🏻

唔知由幾時開始唐記麵包改咗做唐包點， 其實可以話係成個brand都改咗， 店內環境更舒適望落更高級，但係價錢應該都調整咗10%。 anyway， 極趕時間連老麥都食唔切就一定食佢，咬住個包一路行一路食。其實望落去真係有啲elegant，好高級嘅感覺 ，但係其實每個客都係十元八塊 ，同埋 送食物嘅速度真係特別快， 十秒八秒就搞掂。黑芝麻菜肉包 ，勝在包夠大舊， 軟熟，夠熱度 ，肉餡的夠多，不過有少少鹹，夾咗啲包就中和返D味道， 都可以醫到一陣肚。