唐記包點 (秀茂坪商場)

營業中

休息中

今次試試陳皮紅豆沙、蝦餃和潮州粉粿。蓮子陳皮紅豆沙口感綿密,紅豆的甜香與陳皮的清香交織在一起,帶來一種溫和醇厚的風味。蝦餃餡料飽滿鮮美,皮薄餡多,是正宗港式飲茶的代表作。而潮州粉粿顆粒飽滿,肉餡鮮香濃郁,口感Q彈有勁,充分展現了潮州菜的特色。

🥟 唔使講咁大堆，直頭話你知，唐記嘅叉燒包，真係正到喊！包皮軟綿綿，咬落去汁液四溢，簡直係將叉燒嘅精華，包餡嘅叉燒唔只肥美多汁，佢嘅甜香啱曬我嘅胃口。食完確實滿足～😋再嚟，話說鳳爪，唉，簡直就係軟糯入味嘅代表。每隻鳳爪大隻，肉質滑嫩，啖啖肉，真係過癮！👍講到蒸飯，我當然唔可以錯過冬菇滑雞飯嚟。呢個蒸飯嘅飯米啖啖飽滿，雞肉又滑又嫩，同香菇一齊入口，味道好醇厚，配菜仲有青菜嚟均衡營養。好食到冇得頂！至於新款嘅蒸飯卷，攞去辦公室微波一下，就得番個好香好熱辣嘅午餐，方便得嚟，仲有得揀多種口味。落單前，我一定要搶返杯奶茶，茶香味濃，奶味爽口，真係飲一啖，心情都跟住好轉，係囉，咁多嘢蒸，飲杯奶茶爽返個口，谷完就似飛起！🍵唐記，你真係我心目中嘅美食小巨人，次次都令我開心滿足！

Lunch time 有大概10人排隊，有三個姨姨分別serve客，我一直跟住條隊排。到我既時候，第一個呀姨已經無客人，第二、三個姨姨仲serve 緊客，所以我行第一個呀姨到，點知佢好大聲嗌我再去第二、三個姨姨到重新「排隊」，其實我由頭到尾都排住條隊，但呢位老呀姨非常無禮貌，令人難堪。👎👎👎👎👎👎👎👎👎排隊指示混亂，員工無禮，👎👎👎👎👎👎👎成個飯都唔想食！👎👎👎👎👎👎👎

排隊標示不清晰。我根據膠牌指示排係食物櫃前，順住前面有兩個人點緊野食未比錢。到我時店員竟然要我重新排隊尾。條隊有3、4個人，我就算啦吾買。若排隊不是向左或右，請改善標誌，箭嘴不應向左(<—)，而是指明「在此排隊」。店員態度我就不要求了，平民食店大家都明。另一建議係收銀員吾好做埋執野食，咁收銀員就可清楚指示點餐，又吾駛一手摸錢，一手摸食物。

唐記包點是窮人恩物 抵食足料又方便 每個星期總有1日沒有晚飯食就會去唐記點個魷魚肉餅飯或者鳳爪排骨飯 都係$24一盒有菜有肉有飯 已經夠溫飽非常抵食鳳爪排骨飯 加上甜豉油 推介無得輸

我不是秀茂坪邨的，不過有時想食熱辣辣的中式點心會多搭幾個巴士站去秀茂坪商場，買唐記點心或蒸包。最近發現佢裝修過，以往點心都放在工作台後，現在點心都放在蒸籠展示出來，每個人都可以看一看點心才購買。好處是可以先確認點心新鮮度和存貨才下單，壞處是很不衛生，幸好買了兩次都沒看到觀看的人咳或打噴嚏，不過想深一層，我不能確定之前沒有人咳或打噴嚏。為了衛生問題，我決定以後都不在這間唐記買點心了

今日去左秀茂平商埸食左個早餐，就諗住系唐記買少少野返去做下午茶。呢到有點心、蒸包、盅頭蒸飯、飲品，見到有個阿華田包都幾特別，仲要勁勁勁平，只系5蚊一個，但系售罄。奶皇包口感香滑，甜度適中。香菇雞包餡料有雞肉，雲耳，菜，冬菇，口感層次豐富，仲要勁足料。 菜肉包入面有椰菜，豬肉。D麵包勁鬆軟，又大大個，又抵食。 糯米雞勁大份，仲要勁足料，打開就聞到糯米飯香，入面仲有雞翼，菇。 如果食點心去酒樓飲茶食真系唔抵，又要比茶錢，又要加一服務費，所以呢到外賣點心都幾抵食。 阿華田奶茶，只系9蚊，但係樽就細左少少，但味道唔錯

唐記抵食又多選擇✨放假唔知食咩好, 係商場行行下見到唐記, 於是就揀左幾款野食外賣返屋企做午餐😊雖然午飯時間好多人排隊, 但店員姨姨好快手又有禮貌, 唔駛等好耐就有得拎走👏🏻除咗傳統既酒樓蒸飯之外原來仲有幾款客飯可以揀, 有咖哩飯滷肉飯同埋豬軟骨飯我就試左豬軟骨飯🍛 ($29), 有4-5舊豬軟骨, 仲有D薯仔, 全部都炆到好淋👍🏻加埋甜甜地既汁, 撈飯一流飯量都唔少, 絕對夠飽肚😋另外都買左個蒸飯俾媽媽, 唐記既肉餅飯不嬲都有保證我地揀左章魚肉餅飯 ($27) - 最鍾意蒸飯既飯夠乾身, 唔會淋pat pat但又唔過硬, 呢點唐記做到! 肉餅有唔少章魚粒🦑, 好味又有咬口鮮竹卷 ($18) 有3件, 包左D肉、紅蘿蔔絲、木耳絲等等, 吸左醬汁好入味又有口感唐記既飽大個又軟熟, 同埋有好多選擇, 無論鍾意食咸定甜都一定滿足到你所以我地再買多3個飽黎做下午茶 ($8/1個)香菇雞肉包🍄 - 平時比較少見呢款飽, 食落D冬菇好香, 令我諗起北菇蒸雞😆 唔錯!奶黃飽/ 黑麻蓉飽 - 2款甜既飽都係爆晒餡, 2款都好好味尤其係黑麻蓉飽既黑芝麻超級香, 又唔會太甜唔會膩, 推介☝🏻

又食唐記喇！傍晚去到，好多嘢都賣晒😭😭😭。最後買咗幾個凍包第二日做早餐，買多個雞扎做晚餐，佢啲點心做餸一流🤤。值得一讚唐記素包嘅選擇都幾多。高纖嘅素包對都市人嚟講簡直係恩物。唐記嘅凍包蒸八分鐘就食得，好方便。除咗最愛嘅糯米卷、蔬菜香菇包🥬🥕外，今次仲試咗香芋包、麻茸包。兩樣都有驚喜，味道天然又唔太甜👍🏻。而至雞扎都好入味，材料飽滿，有雞肉、芋頭、豬肚。質素同酒樓冇咩分別，但價錢平得多！

今晚唔想煮飯，行過秀茂坪商場，見到唐記包點，見到選擇幾多，又平，二十幾蚊就有個飯食，就決定試下😁😁叫咗兩個飯，一個肉餅飯同一個咖喱牛筋腩食😊個飯熱辣辣，二十幾蚊比想像中大個，味道都唔錯，個咖喱汁有少少辣，好好送飯👍之後叫咗個雞札，唔會太油，芋頭都幾香，雞都幾大舊糖水叫咗個比較少有嘅桑寄生蓮子蛋茶，入口幾潤，幾好味，仲有成隻蛋😋本身怕唔夠飽，叫咗個菜肉包同雞包，最後太飽，留咗黎做早餐，放咗一晚，蒸返熱都唔會好乾👍

唐記分店愈黎愈多, 我屋企樓下商場都有一間。 有時早午晚三餐屋企冇飯食，都會去幫襯。 款式愈出愈多，價錢又算實惠。尋晚媽同朋友出街食飯，爸爸、細佬同我去左唐記買點心同特式客飯回家邊食邊煲劇。-❤️足料糯米雞 $27糯米雞大大隻，糯米口感介乎軟稔及煙韌口感。一切開，果真足料喔，有原隻雞翼、冬菇、肉碎等，醃得入味，味道濃郁。 -❤️豬軟骨飯 $29特式客飯有幾款，分別有新推出的咖哩牛筋腩及滷肉滷蛋飯，可惜太受歡迎七點去到已經賣哂了。 最後選擇了最愛的豬軟骨飯 。豬軟骨有著甜醬油的甜味，豬軟骨的軟骨和肉融為一體，吃起來就有油脂香，不錯呀！-我們還叫了兩款點心❤️雞扎$18雞扎有兩大件，腐皮炸至金黃帶褐色,卷著滑雞肉、芋頭、豬皮。都算大大件的，令人飽足。-❤️豉椒鳳爪$18兩父子喜歡在家邊吃鳳爪，邊歎烏龍茶☕️；鳳爪那獨特甜甜的醬汁，令人吃得滋味。-❤️香菇雞包 $8包包暖笠笠很軟熟且Q軟，拿上手沈甸甸有重量，非空氣麵包；香菇雞豬肉比例得宜香氣足，夠飽肚-

唐記飽點 - 街坊平靚正之選👏🏻星期日唔想煮野食, 近近地係附近商場買外賣俾屋企人食不嬲有食開唐記, 貪佢平得黎又多選擇, 有蒸飯/ 點心/ 飽, 岩晒一家人口味今日買左☝🏻咖喱牛筋腩飯 ($29) - 新出, 爸爸又最鍾意咖喱, 買黎試下…味道唔太辣, 牛腩同牛筋都炆到好淋, 咖哩汁送飯好香平過大型連所快餐店, 唔錯!鳳爪排骨飯 ($27) - 呢個飯每次都會買, 夠經典, 我既至愛😍新鮮蒸起, 拎到返屋企仲熱嫁! 我覺得仲好味過係酒樓食甜豉油會另外俾, 唔駛浸到D飯淋晒, 抵讚👍🏻燒賣 ($18) - 雖然只係賣18蚊, 但咬落彈牙, 仲要有蝦添呀! 一D都唔hea, 4粒食完有D唔夠喉下次要買多份先!🤩菜肉飽/ 香芋飽/ 番薯飽🍠 ($8 @1) - 係十幾款飽入面揀左呢3個全部飽都軟綿綿, 唔會乾唔會硬味道方面 - 菜肉飽正正常常,香芋飽同番薯飽既涵就有好多芋泥同番薯蓉, 食得出真材實料又唔會過甜, 好好味!!🥳🥳另外買左枝黑芝麻豆漿($9) - 有芝麻味又唔太甜, 一路食飽一路飲岩晒😀

又食唐記喇！鳳爪排骨蒸飯好足料，食半個已經好飽，鳳爪同排骨蒸到好腍，夠晒入味。鵪鶉蛋燒賣夠懷舊，而家好少地方可以食到🤩。鮮竹卷係我嘅最愛，多汁又有蔬菜甜味。蒸包來講我最鍾意食蔬菜香菇包，蔬菜鮮甜美味，蒸完熱到辣口😝。糯米卷又係超值之選，大大件糯米餡做早餐肯定夠飽👍🏻。屋企人話叉燒包同酒樓果啲差唔多😯。蒸包選擇好多，我通常會買好多凍包返屋企比屋企人揀，總有一款啱食，但我自己就偏愛各式素包喇😛。

姑姐早前去唐記點心買咗隻「足料糯米雞」（$27），等我喺星期六拎嚟做午餐。糯米雞被一個塑膠盒裝住，放起雪櫃嘅時候都唔怕荷葉整污糟其他餸菜，乾淨衛生。其實糯米雞一啲都唔細，足足有一個拳頭咁大。打開荷葉，裏面嘅糯米雞的確好足料，除咗糯米飯同肉醬，仲有雞中翼、火腿、迷你冬菇、肥豬肉片同埋五花腩片，好豐富。糯米飯軟身，沾滿肉汁，味道適中；雞翼同冬菇都好入味，非常可口。總括而言，今時今日出街買一個外賣飯盒可能需要$40至$50，消費不少。不過如果考慮食「足料糯米雞」的話，咁就可以慳返一大筆之餘，而且享受飽肚又美味嘅一餐。

放工經過唐記，一支公懶得煮飯，見到有新出嘅咖喱牛筋腩飯就買個飯返去嘆下！咖喱牛筋腩飯外賣$29咋，附近快餐店賣緊40幾50蚊個！識食一定食唐記！咖喱同飯自動波分開裝，唔會一pat pat！牛腩都有好多舊，味道唔會太辣，好香濃咖喱味！絕對唔俾快餐店差！無添加黑芝麻豆漿咩都假最緊要係香港製造，唔會太甜，有品質保證！包包放在內加熱，感覺衛生！買咗多個糯米卷做聽日早餐，凍包我用電飯煲蒸8分鐘就食得，8蚊一個早餐真係抵到爛！性價比十分高，慳慳地又一餐！平靚正