唐記包點 (堅拿道西)

營業中

休息中

男朋友係附近做野要OT，就係附近買外賣上去食。銅鑼灣呢邊d外賣都唔平，所以就諗起唐記包點🤤🤤見到有新出既阿華田包同阿華田奶茶，點知去到已經賣哂，唯有下次先買😭😭呢度有個抵食set，蒸飯加點心只係$36，又好食又飽肚！鳳爪排骨飯係all time favorite，排骨好多唔會太肥，鳳爪夠哂淋！北菇蒸雞飯，雞肉勁多亦夠嫩滑。點心要左鵪春蛋燒賣同雞札。份量好足不過偏油。另外要多左個糯米雞，勁大件，又入味，亦唔會太咸。加多支黑芝麻豆漿，唔會太甜岩岩好！

近排見到好多人洗版 ~食阿華田包 x 飲阿華田奶茶。。。期間限定 ~唔係唔試呀吓？！今朝突登行去遠遠嘅唐記包點度買黎試吓。。心裡有數。。預咗中伏多 🙈**姐姐叫我飲 阿華田奶茶 之前一定要 shake 勻先飲。。。如果唔係就 沉 晒底我先食咗個包。。個包真係好流~心。。。不過好糊。。無乜阿華田味。。麻麻地 😑再飲啖 阿華田奶茶 。。。茶咪好似濃咗少少。。。蓋咗個 阿華田味 😣只試一次！無下次 😅如果下次出美祿味就好 lu 😆

唐記蒸飯係真心平靚正,特別糧尾日子更幫到我,哈哈.銅鑼灣店雖然唔太近mtr,但因為係附近街市買完餸再買返屋企都OK.紅豆包我都係第一次試估唔到紅豆餡幾多,加埋要多個菜肉包,單食包都真係好飽.因為都幾大隻.紅豆都幾甜,如果好似我係紅豆迷應該會超鍾意.另外要咗幾個蒸飯返屋企食,肉餅佢有好多選擇,肉餅都大塊.而盒入面都會有D菜.另外仲有排骨飯,排骨飯都係瘦排骨唔會好肥膩,所以都非常推介啊.價錢真係好抵,又唔駛洗.唔錯啊.

點心唐記包點sold out try next time銅鑼灣堅拿道西11號地舖返工OFFICE 係在WAN CHAI / CAUSEWAY BAY, 有時間食飯都因為出面太多人啦, 想避開人朝又唔想等位浪費時間, 爭取時間買外賣填肚,香港人真幾辛苦架. 長工時又OT !!!!!!買了幾樣點心同包, 點心返工司同同事SHARE~自己沖茶包, 苦中/忙中作樂當一齊去了食DIM SUM.燒賣大大粒架仲有雞紮 芋頭好粉吸曬肉汁糥米雞熱食yummy 要了馬糕當飯後甜品，鬆軟香甜好抵食

之前食左佢地新出既華田包都幾正，呢日放早就諗住買返兩個返去做下午茶！！點知店員姐姐話今朝一早就經已賣曬！！！連華田奶茶都售罄~~但見到呢間既凍包都有做優惠：18蚊有三個！！！咁就買夠六個，返去同女皇&大帝齊齊食！要左三個奶皇同三個叉燒~~~既然無晒華田奶茶，咁就要原味奶茶啦！要左三枝，一人一枝岩岩好一咸一甜，每人一份xppp中意佢地既奶皇餡香軟得黎唔過甜！！！其實佢地既叉燒包都幾高質架！！！！次次食都爆晒餡~~d餡係叉燒肉粒而唔係肥肉，所以我地一家都成日食！！！原味奶茶就照舊香滑濃郁，水準拍得住d出名既茶記架！！！

🔎香港銅鑼灣堅拿道西11號地下「慎入！抗通帳價，高性價比!阿華田流心包 」- 唐記包點流心阿華田包 $5入口熱辣辣!流心醬好似迫不及待咁湧出黎，包身都軟熟!非常濃郁阿華田味，完成係一模一樣呀!仲要哩個價錢! 真係無得輸!*如果唔方便即刻食，建議叮熱食北菇蒸雞飯 $ 26最鍾意食盅頭飯!簡單夠正氣又飽肚，雞都蒸得好滑，大約有5-6塊，無咩雞皮，感覺比較健康，而且無爛飯!今餐lunch 有埋飯後甜品都係$31炸!🍽8/10

最近成日落雨，搞到lunch time都唔想出去食唯有叫同事叫外賣返嚟俾我食啦，口淡淡唔知食咩好，佢話叫唐記包點嘅點心食一直都知道佢嘅點心又高質又抵食 一於叫同事買多幾樣野返嚟雞札 - 足料，咬開裏面大大嚿雞個腐皮整得幾出色，雖然可能都係買返嚟整返熱嘅點心，但口味配合岩岩好章魚肉餅飯 - 勁鍾意食唐記包點嘅蒸飯肉餅最怕多肥肉，佢就一啲都唔會，20幾蚊大大盒飯，銅鑼灣區邊度搵鮮竹牛肉球 - 牛肉球最怕食到好林加無牛肉味，到嘅牛肉球大大粒又唔會蔥味過重糯米雞 - 食到糯米雞已經差啲食唔落，同事幫我包底左一半，下次都係叫小個點心。生煎牛肉包 - 第一次試呢個新產品，有冇諗過兩面都剪得好脆身，牛肉味重香滑奶茶 - 奶茶抵飲，對奶茶有要求嘅我都讚呢度嘅樽裝奶茶

星期日早上隨意在時代廣場及鵝頸橋附近散散步，經過銅鑼灣街市， 竟然又讓我發現唐記包點在這裏開了一家分店！其實說真的，福福郎真的需要您，尤其是年中「缺水亅的時候。。。快快幫襯一下先， 今次我買了菜肉包、菜脯肉包、傳統的叉燒包和香菇雞包回去放在雪柜慢慢吃。。。 真材實料、又經濟實惠、 性價比高。。。我最喜歡！！另外又買了店家新出的阿華田包，是爆漿的，下圖為回到家切開同爸爸分享時拍的照片。👇這個包沒有很甜，味道不錯。阿華田的味道很突出， 一咬下去有濃濃的麥芽香，而且才賣5元一個，不貴！另外，今天還買了一些其他點心回去午餐，不用自己煮！正！章魚肉餅飯糯米卷：糯米卷原來好大個！燒賣：沒有很多肥肉在內，感覺吃得健康！麻蓉包：聽朋友講，黑芝麻可以護髮，應該要多吃，對身體好。 而且這個麻蓉包的餡沒有做得很甜， 它的甜度對於我來說剛剛好，而且吃起來也會覺得健康一點，值得一讚！最近，感覺到經濟開始轉差！又是時侯多支持性價比高的小店，正所謂：錢要「用得其所亅！Right?。。。🦉+ ==============================福福郎希望可以寫一些。。。有自我觀點，並非人云亦云的食評 ！！也希

#唐記包點小朋友好鍾意食唐記包點，每一次經過他的分店都必點菜肉包！貪佢熱辣辣新鮮出爐，大大個，每次小朋友也食得非常滋味。就算平時我返工，Lunch時間都會外賣一個豉椒排骨飯！因為蒸飯同包真係好抵食！點心加蒸飯都只係$36咋！你都知銅鑼灣區啲嘢食貴啦！佢啲飯種類都幾多，有章魚肉餅，北菇雞飯，梅菜肉餅飯、鹹蛋肉餅、鳳爪排骨，雞蛋牛肉飯，鹹魚肉餅飯等，每一碟都係$24！！仲要全部都有咁上下材料！飽肚之餘又好味！必點食品: -豉椒排骨飯-菜肉蒸包，香菇雞包-牛肉球、四寶雞扎

早幾日同個同事因為要趕project齊齊係舖頭OT我地做到9:00幾突然肚餓即刻諗食咩呢個時間一定要揀快靚正最好係可以一件件一放入口就繼續做野突然諗到唐記包點👍🏻👍🏻點心一向幾好味啱曬呢刻嘅我地因為夜咗選擇少咗冇我平時最鍾意食嘅金錢肚今日我地就揀咗燒賣燒賣大大粒唔會有一粒粒嘅肥豬肉但都好香仲有呢個足料原粒鵪鶉蛋燒賣都係個好好嘅選擇雞扎係同事揀嘅估唔到平時唔食雞扎嘅我都覺得好好味又足料囉我地仲叫咗鮮竹卷啲汁配埋好好味足料啖啖餡👍🏻👍🏻唐記仲出咗飲品同事飲奶茶我飲豆漿同事話支奶茶幾出色而我支豆漿都好滑唔會太甜👍🏻

是日大食會屋企人返咗大陸，冇人煮飯，又懶得約朋友仔食飯，唯有自己屋企煮個麵食返屋企途中經過唐記包點，見到仲有點心賣，即刻買番兩個點心同包仔返屋企加送加做早餐<素菜包$6.5>素菜包好清淡裏麵包咗黑木耳蘿蔔 同埋冬菇，飽肚之餘又健康雖然個包擺咗一晚反正但係麵包依然軟熟，係早餐嘅好選擇<燒賣$16>去到唐記包點有點可以唔食大食妹至愛嘅燒賣，燒賣用咗半肥瘦嘅豬肉打出嚟，爽口又彈牙上面仲有粒杞子做裝飾，幾有心<鳳爪$16>成日口痕想食鳳爪吮雞腳趾, 行過唐記包點就可以 過下口癮，十六蚊一份都有成六隻，夠兩個人食鳳爪葉得好入味，小小辣辣地有鼓椒味，捉到大食妹嘅口痕症

表姪女一向係我既小寶貝，由bb睇到佢依家讀小學都好乖好精靈！！但佢上星期因為連續發左幾日高燒而入左院，表姐話佢個幾日病到乜都食唔落，成個人都瘦左一圈咁濟！！！真係聽到我心都痛埋!!!好彩住左兩三日就退左燒，慢慢有返胃口！！呢日同表姐一齊接佢出院，去前問佢想食乜，佢就話想食馬拉糕同鳯爪但醫院附近都無酒家，所以我就做野附近買過去~~順手買多兩個蒸飯過去同表姐share~食飽埋先一齊出院！本身想買埋砵仔糕睇下佢地食唔食，點知去到個時咁岩賣晒，咁就唯有下次先啦~~去到見到小寶貝跑過黎攬住我就知佢應該無乜事啦之後我同表姐都未開始食飯，佢都已經食完個馬拉糕，準備食佢既鳯爪啦！！！睇見佢咁好胃口，我個心都安落返曬！！！個日我食左鹹魚肉餅飯叫左多菜同豉油另上~其實份量都唔少，正常食量既女仔食曬既話都一定夠飽！！！表姐個日就食左鳳爪排骨飯~~我仲買左枝奶茶飲，買左枝豆漿俾佢地兩個飲添 ：）

售賣中式包點、點心及盅頭飯，一般店舖沒有座位，只有外賣。基本上早餐趕時間，嗌個包，抵達月台前，數分鐘內啃完早餐。午餐趕時間買盒飯寧願急急回公司抖多陣，總會想到唐記包點，因為總會在每個熱點、人流繁忙的地鐵站都有一間。只要嗌「一個XX包」，收銀員一聲：「X蚊」，顧客便以早提在半空的八達通一「嘟」，收銀員撕走單據遞前，買包者接手，過程不過十秒鐘。打包員一個在保溫櫃夾出包子，放入膠袋，便叫出號碼，買包者上前，過程中誰也沒有一點怠慢。我又食唐記啦！今次同同事嗌外賣返去食，都是嗌左必食燒賣、鳳爪排骨飯、金錢肚、鵪鶉蛋燒賣，黑芝麻豆漿。⭐️每樣味道都不馬夫，我發現每間分店都有少少唔同嘅口味，堅尼地城店多咗新推嘅香煎包。食饅頭食到悶可以試吓呢個新嘅香煎風味，韭菜味好香。香煎韭菜包，主要係麵粉香軟。⭐️食個lunch 一個飯+點心 既$45攪掂。（現推出新優惠）完全夠午餐嘅份量，呢個組合係我哋必食。因為燒賣真係好好食㗎！⭐️金錢肚口感一般。⭐️今次第一次食章魚肉餅飯，一定要推介同埋一定要食，口感好香，試咗之後真係返唔到轉頭。（五星推介）🌟🌟🌟🌟🌟必食燒賣，仲有粒杞子。連豆漿都出埋真係冇得輸仲要寫明係無添加，支持

包控表示，日日食包都唔會覺得悶媽子話今晚煲粥，叫我收工就買d包同窩貼返嚟一齊送粥食放工行到過去原來呢度已經冇曬窩貼啦！不過呢度嘅凍包就有優惠， 做緊18蚊三個既然冇曬窩貼，咁我就買多幾個包啦呢排成日都買唔到佢哋嘅奶茶，呢一間分店有即刻要咗支嚟即刻飲茶底夠濃又香滑，真心正18蚊三個一共買咗六個有肉嘅買咗兩個叉燒包之後都係甜嘅包點口味有奶黃包 蓮蓉包同香芋包仲有媽子最鍾意嘅馬拉糕㖭其實仲有好多口味我都未試過， 所以就算成日食都唔會覺得悶

是日娘親冇煮飯，叮囑我買蒸飯返屋企。娘親揀咗豉椒排骨飯，而我就揀咗北菇雞飯，順便加多個山竹牛肉同埋豉椒鳳爪。個combination好似飲茶咁！豉椒排骨肥瘦適中，完全係酒樓味道！作為懶人，北菇雞自然啱晒我，骨都唔使lur。兩個飯都有少量椰菜絲，加分！豉椒鳳爪又係酒樓quality，又腍又入味。山竹牛肉食到有馬蹄，正呀！不過如果有多啲腐竹墊底會更多好。我地仲揀埋蔬菜香菇包同埋番薯包做早餐，貪佢地健康好味。蔬菜香菇有好多木耳絲，超正！