問卷手卷專門店 (已結業)

呢間外賣店除咗出有海膽手卷、仲有玉子燒，見到其他人買都好大舊好吸引😍今次就試試軟殼蟹芝士口味($38)🦀一攞上手已經feel到超級熱，面頭除咗有半隻炸軟殼蟹、仲唧滿沙律醬，玉子外邊亦都煎到微微濃，賣相加埋香味真係滿分👍🏻軟殼蟹炸到變曬空心，好似食緊炸到透嘅蝦頭蝦尾，脆得嚟唔會成口粉漿，個人嚟講非常鍾意😆玉子燒就偏硬身，冇動L動L嘅感覺，但勝在蛋味幾濃又夠厚身🙈最估唔到嘅係玉子燒中間仲有飯，根本係個大型版軟殼蟹玉子壽司🤣不過芝士味完全被沙律醬掩蓋，亦都唔係拉絲嗰種，但整體嚟講都幾好味😋餐廳提供4款醬汁比大家自己加，因為沙律醬都好濃味，所以應該係加落丼飯/壽司，不過我好奇佢個特辣wasabi有幾辣，就加咗幾滴試😂結果攻鼻到瘋標眼水，平時唔食開真係唔好試🤪

每次嚟葵廣掃街，都一定會想食啲日式卷物。呢間問卷開咗好耐，之前都幫襯過好多次。最特別係佢有得自己落唔同嘅醬汁，我最鍾意佢嘅黑松露沙律醬😋火炙芝士鰻魚太卷 HK$38 6舊今次我就叫火炙芝士鰻魚太卷，因為本人好中意食鰻魚～ 不過呢到因為係一人工作，所以落完單之後要再等多一陣。有鰻魚汁又有芝士，所以整體上好夠味！芝士係鋪面嘅，啲飯入面包住鰻魚同青瓜，咬落比較有口感～

之前食開既壽司店已經無做，今次就試下另一間好多人食既問卷先🌝叫左一件手卷同一份火炙等左15分鐘左右🕝🌋活火山(三文魚)火炙芝士蟹柳＋三文魚太卷$45火炙好難唔好食🤣芝士蟹柳份量都好多，食落口感好豐富，加埋三文魚既油脂，下次會再食👍🏻👍🏻💫半板馬糞海膽手卷$53賣相麻麻地，一Patpat，海膽望落亦唔太新鮮，食落海膽應有既鮮甜味唔出，不過刺身呢類，質素不嬲唔太穩定，醋味比例岩岩好，有四條青瓜絲，手卷唔算好大件，應該要食三四件先夠飽⚠️⚠️要小心佢個勁辣wasabi 油食到我差啲升天👼🏻攻到個鼻好辛苦🤭控制唔到眼淚🥹

經過‘美食熊貓’叫咗個大少爺丼飯，平台價$72，魚生數量勁少，三文魚只有2片，厚度同平時壽司嘅三文魚差唔多，虎蝦2隻，少量玉子、蟹籽、中華沙律同埋一丁點海膽。至於三文魚算幾肥美，成碗飯最好係三文魚，虎蝦懷疑就係急凍貨，完全冇鮮味冇咬口，玉子同埋蟹籽普通質素，至於海膽唔係咁新鮮味道都係一般。白飯數量算OK，但係基本上白飯食到最尾要淨食，啲料完全唔夠搭嚟食，成碗飯都冇咩賣點食完都唔夠飽，X鮮40幾蚊嘅便當好食過佢同埋份量會多啲。

有時放假諗唔到去邊就會諗起葵涌廣場。。記得以前細個讀緊書嘅時候，都成日黎呢度，好多後生仔女都鍾意黎掃街😋😋超多嘢食揀！行行吓有D肚餓，我記得上次黎嘅時候，有幾間手卷好似幾好食嘅😀😀點解搵極都搵唔到嘅，唔知係咪轉咗舖頭？呢跟住上網 search 一下，原來地下有一間，個名就覺得有D搞笑… 叫做「問卷」🤣🤣🤣個名冇乜食日本野既味道喎！不過唔緊要啦～最緊要係食物好食啫🫢於是乎就嗌咗兩個佢哋主打嘅手卷一個叫做「問卷王」有蝦、蟹籽，同埋拖羅，原本係海膽嚟，但今日冇晒海膽就改咗拖羅。又嗌咗一款叫做「問后」D名都幾好笑😛就係蟹籽、帶子，同埋代替海膽嘅拖羅，不過味道就一般般啦😉可能因為我地太夜關係，唔係話特別新鮮好味，下次有機會早少少來試一試海膽😍😍

葵廣嘅問卷手卷專門店🍣，每次嚟都必食，雖然佢搬咗上3樓比較隱蔽嘅地方，但依然都冇阻大家要去食佢，我嘅愛一定係三文魚反卷同三文魚手卷🐟🍣，但胃就得一個😫，食唔到咁多，每次都選擇困難，唔知食邊樣好，今次就食咗三文魚反卷，員工好快手，基本上一俾錢1分鐘內就會有，佢一份係六舊，上面有滿滿嘅沙律醬，雖然細細舊，但係佢三文魚好肥美，油脂好足，入口即溶，配合埋沙律醬，一啖接一啖好快就食晒六舊，嗌完之後，見到其他人食火炙芝士🔥🧀都好似好吸引，下次等我試吓先

問卷手卷專門店💛小食: 軟殼蟹(2件) $32火炙吉列蝦太卷 $38人均消費: $35 (2人)-軟殼蟹(2件)🦀一般般(因為我哋抱住好想食軟殼蟹嘅心情🤤)佢成個都比想像中 有啲少肉個身比較多肉 但手手腳腳就冇乜肉🦀佢嗰啲炸 有啲似炸魷魚鬚嘅炸係我平時鍾意食嘅炸衣😋佢跟嘅嗰個醬汁一開始食係甜嘅但甜得嚟 食食吓又會覺得有啲鹹🤣上面嘅蟹籽唔係粒粒分明 而係一Pat整體唔會話特別好食 不過不過不失😝不過$32嚟講 可能有啲貴🥺因為佢唔算好大隻 比想像中有啲細隻·火炙吉列蝦太卷🍤🍣味道係🐱鍾意食嘅味道啲火炙好有火槍燒嘅味道🔥🔫燶燶哋嘅味道 好正🤤個吉列蝦味道都OK嘅食落去唔會話太鹹好好食😋而隻吉列蝦嘅炸衣係吉列嘅炸(Sor 我好廢🤣)睇得出佢入邊嗰隻蝦係有啲細不過食落去都OK 滿足嘅🥰·兩樣嘢食都等咗一排先有以為佢會好熱辣辣 點知又唔會佢有個位幾好嘅係👍🏽有啲醬料喺側邊 可以比自己落除咗Wasabi 豉油🧂仲有千島醬 紫菜粉等·以上評價 同🐱一齊寫所以帶返頭盔先👷🏽 -22/9/2022 ate-好味程度：🌕🌕🌕🌑🌑抵食程度：🌕🌕🌑🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌕🌑

葵廣有不少日本野、手卷嘅食店，今次試左呢一間：問卷。一去到店面前，最搶眼嘅就係呢d唔同味既醬，可以俾大家自由配搭，配唔同既食材，會有唔同既效果。金鋼太卷 $50主要分左3款卷，面頭分別有帶子、鵝肝、海膽，卷入面主要就有玉子、蟹柳、蛋。帶子都仲好冰，未解凍曬；鵝肝唔錯，煎得幾香，內裏好軟；海膽偏少，中規中矩，唔會苦澀。海膽手卷 $55 (第二件半價)因為即包既關係，紫菜脆既；海膽都甜，冇苦味，不過鋪曬係面，一兩啖食曬，下面d飯就冇曬海膽；不過佢贏在可以即場加醬，食到一半加左松露醬都幾好味！因為d卷係即包，門口有時會冇人，要耐心等候；）

諗住嗌加拿大海膽，點知佢話冇晒貨，得返馬糞海膽，咁就諗住試吓。豉油Wasabi，同埋有幾款醬料擺喺出邊俾人自己加，雖然可以自由選擇口味，但係見到有個客人，再返去加醬料落自己食剩嘅半個手卷度😰醬料樽口仲要掂住個手卷，有啲唔衛生😓雖然客人冇衛生常識，但都覺得店舖可以做好啲轉做提供獨立包裝豉油同Wasabi，始終呢啲時勢，衛生真係好緊要——————————————————————————聲稱半板馬糞海膽$50，成個手卷最出色就係紫菜仲係脆嘅👍🏻 證明係即嗌即包，海膽有少少苦，飯有啲軟爛，手卷面有薄薄一層海膽(未鋪滿)，手卷中間有啲青瓜絲，個手卷食咗兩啖之後就剩返飯同紫菜，但啲飯太軟爛，根本就擺唔到落口所以就揼咗😥(叫做理解點解啱啱嗰個客人食咗半個都會再返去加醬料)——————————————————————————整體來講，試咗個伏唔值得嘥$50食一個手卷，相信其他嘢食應該唔錯嘅，不過壽司飯方面真係做得有啲差😅

呢間小店我已經食咗好幾年✨每次去葵廣都必食🤩而小店手卷嘅款式有好多選擇仲有卷物,玉子燒等😜🔸火炙芝士三文魚手卷🍣$25平時叫開就咁三文魚手卷但見到有芝士又想試吓👀但芝士唔太突出🧀個人覺得就咁三文魚就足夠🙌🏻而小店最特別嘅係有唔同嘅沙律醬同醬汁任’節’😚個人最鐘意黑松露沙律醬💓黑松露味好夠😆

這間位於葵廣地下的人氣爆登壽司手卷黃店💛應該無人不知🍣手卷即叫點做，價錢平民，但食材新鮮，質素一樣得。.菜名很特別，我點了『葉問3』，是松葉蟹糕、海膽、三文魚腩、蟹籽的配搭，也只是$48。一次過滿足有選擇困難症的你！桌面上亦有很多醬汁供食客自己選擇。.松葉蟹糕濃濃海味，鹹香鮮美，口感濃郁，拌飯食一流；海膽份量多，雖然價錢低，但沒有將價就貨，一樣新鮮鮮甜，好驚喜！加上三文魚腩的油脂和爽口的蟹籽，一啖食落肚非常滿足。

-{黃店💛葵廣日式手卷🍣}依間野又係開左好耐 但一直都未試過😜就試左個手卷☺️🤤海膽拼軟殼蟹手卷🤤 ($38)軟殼蟹入面有膏😋但個海膽苦味好重🥴不過加左松露沙律醬蓋過陣味好啲 食到後面得返勁大嚿飯🥺太dry真係放棄左👖褲評: 4/10極普通嘅手卷 有好多更好嘅選擇😂唔洗試~性價比: 6/10服務: 8/10環境: nil🚩問卷手卷專門店🚩地址: 葵芳葵富路7號葵涌廣場地下A48B號舖#fuudjai #fuudjai黃店 #fuudjai小食 #fuudjai日本菜 #fuudjai葵芳

#問卷 💛今次講嘅係位於葵芳葵涌廣場地下嘅壽司手卷黃店💛💛問卷😽😽佢係一間專門食唔同壽司嘅舖頭嚟㗎‼️每次經過見到都大排長龍🙈🙈今次小編特登早啲去😋😋等一陣就有得食☺️☺️店員態度好好🤍而且啲野食真係好好食 特登去呢間舖係值得架🤪🤪小編建議想食嘅朋友快啲去懲罰下佢🧚🏻‍♀️金剛太卷 $48💰（8.5/10）❤️聽個名已經覺得特別😋係由三款卷物製成🤤分別係海膽✨帶子✨鵝肝✨每款兩舊🤍卷物係有青瓜🥒蟹柳 同玉子🍳三種配料 ❤️帶子方面 好鮮甜 面頭有啲蟹籽💗食落去會多一種口感😋😋而鵝肝就係入口即溶😭😭好正😍😍海膽都好鮮 🥰🥰簡單啲來講就係好好好好食😚真心推介大家嚟食 睇到呢度 快啲約埋朋友一齊去‼️‼️推薦指數🌟 8.5 / 10 🌟💛#巨B食黃店📍#巨B覓食葵芳 #巨B覓食葵興 問卷手卷專門店 (葵芳)⚜️葵芳葵富路7號葵涌廣場地下A48B號舖⏱星期一至日 1300-2230

上個星期六去咗葵廣掃街，假日嘅葵廣真係多人到年宵咁😂由於太肚餓，第一站就去咗 位於地下嗰層嘅「問卷」！上個月見💛Youtuber - Sunny arho 同 Creamy 有介紹過佢地嘅海膽手卷，所以今次親身黎試下！本身諗住叫有2款海膽（加拿大產同馬冀海膽）係同一個手卷嘅《加馬膽手卷》，點知冇晒加拿大海膽，唯有下次再試啦！最後嗌咗一個《三文魚海膽手卷》、一個《半板馬冀海膽手卷》。最後埋單大約80幾蚊，都唔係特別平㗎，不過勝在啲海膽同三文魚又真係幾新鮮。本人好怕食海膽食到苦腥味，呢度嘅海膽算唔上好鮮甜，不過都對得住個價錢，最重要係食到一半都仲依然食到少量海膽。三文魚海膽手卷就更加出色啦，老細有推薦我哋加少少錢轉三文魚腩，不過我覺得三文魚係配角就冇特登加到。呢款手卷明顯食到手卷底部都仲食到三文魚！都幾足料！我略嫌塊紫菜唔夠爽脆，揸喺手冇耐就已經好難咬開🥲不過整體質素同CP值都屬於中上，唯獨美中不足係需要企喺舖頭旁邊食，星期六日人流多嘅時間，都幾狼狽，如果住得近嘅朋友嗌外賣返屋企食可能會更加好啦！👍🏻👍🏻

之前係食開大滿足既，大滿足執咗，但又想食軟殼蟹手卷，就唯有試吓問卷。叫左個軟殼蟹手卷，$28，好細件，食半隻軟殻蟹，唔熱又唔脆，食咗兩啖已經唔想食。壽司飯似白飯，冇咩醋味，壽司豉油都唔香。以前大滿足既軟殼蟹手卷都係$28但係即炸同原隻既。無下次了。見到有個女仔叫左海膽手卷，都係得幾塊海膽，陰功，真係唔明白點解呢間嘢開咗咁耐都仲係度。