影片
以上資料只供參考, 請與餐廳確認詳情
朋友介紹話腸粉係手拉, 不過我次次1點幾先黎到都賣晒! 今次終於試到!!真係好薄! 好滑, 配上熱辣辣既豉油! 好正!落單姨姨話有新推出左樽仔台灣茶, 加$8/支, 都係限量賣晒就無~ 每樣試左支, 桂花好香, 後勁有微微烏龍茶味~ 行到一身汗, 好凍解喝! 好爽~蕎麥聞落有陣米餅香味咁, 消油膩~ 我覺得蕎麥味會耐飲D~希望下次黎到仲食到同飲到啦~ 滿足!
繼續閱讀
天氣涼涼地食碗粥暖返吓，簡簡單單魚片粥鮮甜可口，加埋薑絲味蕾稍為刺激吓又可以驅寒，正。忍唔住手加埋豬潤腸，豬潤新鮮嫩滑，一食落口都覺得補血（笑）。凍天氣黎地道冬菇亭食返碗粥同腸粉實在滿足。
繼續閱讀
冇咩胃口或者肚仔唔舒服既時候你地會想食咩？我會揀食粥😈😈清清地亦可以清下腸胃😎唔好睇呢間粥鋪係元朗冬菇亭好似好簡陋咁，正所謂大隱隱於市，佢地每日賣完就收鋪嫁啦，想食就早d去啦😙😙我鍾意食佢既碎牛艇仔粥🥣材料豐富有魷魚、碎牛肉、豬皮絲、肉絲、油炸鬼😍😍係咪望落都幾吸引呢😂😂當然粥鋪唔止粥仲賣埋腸粉、炒麵呢d啦，如果你鍾意食煎炸嘢咁我推薦你食油炸鬼、牛脷酥😈😈下次我會試試腸粉因為聽聞腸粉先最出名
繼續閱讀
最近不停搜尋邊度有新鮮脆卜卜又滑嘅炸兩🙈見到有人推介呢間，咁近就決定嚟試下～我同男友禮拜日大約十二點半嚟到，叫咗炸兩，豬肚豬潤粥同埋艇仔碎牛粥～炸兩係即刻包嘅， 但係見條油炸鬼已經放咗喺度一陣子，果然係唔脆嘅，有啲失望。。。(聽講呢度下午一點定一點半就關門，所以早啲黎個turnover高啲可能會好啲😪)但腸粉就真心幾滑幾好食👍至於兩個粥嘅粥底都係好稀，睇得出米粒同水完全係分離狀態，非常一般。。。唯一係我既豬潤都算幾爽口，男友既碎牛都算幾平均～呢度環境唔太好，我同男友食到出曬汗，個人認為以冬菇亭黎講食呢碗粥唔算平 (另一間係擊壤路嘅只係23蚊左右，但我碗豬潤豬肚要30蚊)食緊嘅途中見到都幾多人外賣腸粉，我諗如果有機會再食我都會同佢哋一樣，因為對我黎講呢度只有腸粉比較出色。。。。😅
繼續閱讀
星期六嘅早上，要放低架車去附近維修，之後就喺附近行吓，睇到呢間粥店，門面幾乾淨，就入去試吓。蝦米腸$16個腸粉真係一試驚人，好滑，非常多蝦米，材料十足，亦都灑上好多蔥花。再睇多次餐牌，原來係古法手拉腸粉，服務員話每日師傅都係新鮮拉腸粉。由細到大我都好鍾意食粥嘅，呢度粥嘅款式都好多，及第粥、魚腩粥、豬潤粥、 艇仔粥通通都有齊。豬肉丸粥$28豬肉丸放晒喺粥嘅底部，豬肉丸打得彈牙，粥底唔鹹好味，米煲得綿綿。呢度嘅腸粉真係令人回味無窮
繼續閱讀