喜喜麵館 (已結業)

對於一家車仔麵店而言，食物質量和湯的味道是非常重要的。這家店的食物質量差，湯汁也沒有味道，而家仲要加價，本身唔好食已經令人好失望。此外，如果這家店的環境也不好，那麼這將進一步影響用餐體驗。環境差感到不舒服，也會影響食慾和用餐心情。綜合來看，這家車仔麵店的食物質量差，湯汁沒有味道，環境也很差，這是一個讓人失望的餐點體驗。建議可以選擇其他的車仔麵店，或者其他的餐廳，讓你享受到更好的食物品質和用餐體驗。

食到一半忍唔住打食評， 所以啲相有啲衰，唔好介意。幾個月前食，覺得食物質素好好，份量亦都好多。但近幾次食質素好差！鯪魚滑唔似以前咁， 一啲都唔彈牙，食落去係散嘅差啲以為壞咗。滷水雞翼，唔再滷水， 變咗白烚雞翼。。真心好失望

一排冇食,入到舖頭,唔知係唔係轉咗手,啲人個樣已經唔同咗,叫咗碗面,承惠42蚊,可是味道差了,比以前重要分量減半,雞翼完全冇味,啲菜得少少,食幾啖已食完,之後仲要出去食過第二餐,非常唔掂,我諗沒有下一次了

雖然已經唔係第一次幫襯，但係水準一次差過一次！味道普普通通無乜大問題，去得都唔講什麼服裝水準，但係處理食材嘅方法，同份量就好大問題！首先，公仔麵成個麵底硬嘅，師傅應該好趕時間，一唔係就好求其掉落滾水就算，嚟到嘅時候個麵餅成個型都仲喺度，其次肥牛硬過鞋底，竹笙一條剪開當三條就當一個餸收你十蚊，成碗得個生菜最正常，因為生菜生食都無乜大問題，埋單$45三個餸呢個價錢仲要已經無叫嘢飲，如無意外以後都應該唔會再幫襯！

馬來海鮮喇沙（$49）凍飲跟餐（+$7）湯底椰香幾重，少辣，但就唔夠濃；麵底預設係摻摻（油麵+米粉）；配料有一隻蝦仔、六七隻細蜆（冇沙但冇味）、兩件炸魚片（彈牙，味道正常）、半隻溏心蛋、四舊豆卜、一咋芽菜。整體嚟講，不過不失。牛魔王麵（$52）湯底頗清甜，而且唔肥膩；麵底預設係油麵，亦可選其他；配料有三片肥牛（一開二共六塊，幾韌）、兩粒牛丸（彈牙有肉味，唔錯）、十數細件牛腩（有牛味，唔韌，不錯）、十數細條牛肚（味道正常，同樣唔韌）、兩舊蘿蔔（好甜，似用糖水煮）、數片生菜。整體嚟講，還可以，相比喇沙好。蜆蚧鯪魚球（$33）六粒，正常size，即炸，唔油淋淋，彈牙有口感；蜆蚧醬雖然咸但係正常咸（唔會咸到腎虧），點嚟食幾夾。PS：自己寫紙落單。只收現金、payme、alipay。

見同事介紹話唔錯，於是去試下😀😀嗌左咖哩豬皮，瑞士雞翼，同白蘿蔔😀配米線+豬骨湯+咖哩汁～炸豬皮麻麻地。。炸得唔夠開。。另外兩個餸好味😀😋另外同事話佢ge 炸雞扒同炸豬扒都好味同出名😲👍🏻即叫即炸。。見佢ge 魚肉豆卜都係新鮮炸😁.咖哩豬皮，瑞士雞翼，白蘿蔔豬骨湯米線 $41好味度：⭐️⭐️⭐️⭐️.下次再試下其他先😀😋😋.都有d 配好左的餐😀😀同埋環境都舒服同干淨～👍🏻😀

入面好迫六人枱坐咗三組人無間板 我諗依幾年都係第一次咁食無嘢嘅 恐懼嘅係自己但枱面都無人去抹…叫咗海鮮喇沙好似幾多嘢先講講湯唔知點解有咁多沉積物咁嘅嘢飲落 正常嘅 魚片幾厚隻蛋 唔知發生過乜事先變咗咁樣合埋眼食落肚蜆幾隻 有沙 食到扑扑聲蝦俾唔到評語…食完 再望望隔離枱啱啱上嘅車仔麵個樣係好正常嘅睇嚟係我伏咗

食飯時間經過呢間店，門面冇咩太特別，一心諗過填包肚就繼續行程。入去我同我老公分別點咗一碗魚湯麵一碗大雜燴米線，試第一啖湯後俾到驚喜我哋！魚湯甜唔鯹，大雜燴個湯濃而唔膩，份量亦都好足。另一個細位係枱面嘅辣椒蘿蔔係另一個讚！大部分麵店都只係有醋同辣椒油，呢點微不足道但讚有呢個貼心位。仲有一點細位係芫茜蔥係會另外一隻細碟仔上，加多少適隨專便。再加一個同味道無關嘅細位，電視播嘅係”現在”台，好好！幾個細位感受到店主嘅細心，呢類小店真心值得推薦支持！

他家的东西都好好吃！而且量给的很多，基本每一种都试了没有踩雷的！超级推荐大家试一试 一个星期吃四五次的餐馆 炸鸡扒炸鱼豆卜强烈推荐 会吃辣的点大辣 个人觉得不辣！！！！

本身係想去食蒙麵，但點知休息（地獄黑仔王）🥲 好彩我有Plan B，就行咗十分鐘到去喜喜麵館。佢係喺黃埔同土瓜灣中間，一條巷仔，雖然偏僻但條巷仔勁多餐廳！食物份量十足，味道有質素，價錢都恰宜，觀察下衛生都ok，檯面同餐具都唔會痴立立油立立，上菜速度好快☺️🥢 喇沙(+$6) 油麵 ($15) 芫茜 蔥花 炸蒜 ▪️柱候牛腩 ($10) ▫️蜆 ($10) ▪️生菜 ($7) ▫️清甜蘿蔔 ($7)我對我碗車仔麵非常滿意💛 冇一樣野需要彈😝 就特別講講要讚嘅野，首先最滿意係佢嘅份量——巨多☺️ 牛腩夠大舊，而且夠多，能滿足一個小食肉獸，我食得太開心冇細數，但起碼有5-6舊，牛腩都煮得夠腍夠味！蜆有5隻，我覺得算唔錯，過下口癮😋 但我最中意都係個白蘿蔔，真係超！清！甜！其實我以前唔食白蘿蔔（都唔太中意食車仔麵，大個後食嘅次數喺5-10次內）後來食咗一次覺得唔錯，今次就叫嚟試下，就有點愛上佢了🥹 好大舊好腍好甜，必食！至於喇沙湯底都唔錯，微辣開胃惹味有椰香甜甜地，但就未至於令我會專登飲啲湯（不過都好難架！）油麵煮得啱啱好，唔會太腍，份量適中，掛湯能力ok！食完成個麵啱啱好，好滿足！唯一係菜方面少咗啲，叫

平時都成日食呢間車仔麵今次真係要介紹大家呢間真係好好食首先講緊佢湯底好濃味必食嘅牛腩同瑞士雞翼次次去食都好似好高水準牛腩好入味又淋瑞士雞翼一咬就化開但係就比較街坊地區 要比較熟路先搵到推介大家嚟開紅磡就去試吓

喜喜麵館（To Kwa Wan）⌖ 百搭車仔麵（豬紅、麻辣豬腩肉、通菜）🍜💰$39（油麵$15 + $7 + $10 + 7）性價比超高嘅車仔麵💰 賣相已經好吸引😍😍 豬骨湯湯底夠鮮甜 油麵都煮得夠爽～以為三個餸份量唔多 點知豬紅食食下都有成10舊咁多 口感正常 不過味道反而係偏甜果種 同平時食嘅有啲唔同 小怪咁。。 🤥麻辣豬腩肉整得尤其出色😋 每舊都好大件又夠厚 而且肥瘦均勻 一啲都唔會煮得過老 個麻辣汁亦好惹味🤤🤤 同個湯底好夾添 好推薦哩款👍👍通菜就正常發揮 都係好綠嫩嘅部分😗⚠️小店lunch hour真係好多人排隊等 不論係外賣定堂食 店員超忙 小編堂食都要等20分鐘 不過係值得等嘅🙌🏻🙌🏻☻ 回頭指數：9 / 10#Fatshit_ami #Lunchtime #香港美食 #土瓜灣美食 #港式車仔麵 #食好西 #豬骨湯油麵 #麻辣豬腩肉

佢個豬大腸洗得唔乾淨定係用左過期食品！食到我上次反到屋企係咁肚屙，尼間垃圾無下次，我第一次食到咁嬲，食完之後返屋企係咁肚屙，嚴重懷疑佢個食物衛生，當初係見佢話係黃店我先幫襯，估唔到佢會咁樣，超級垃圾!!!!!!!!!!!!!!!!!!

在附近返工，外賣過幾次，好鍾意佢啲羅白林甜，冬菇入味，腩肉如果不是一片片會更喜歡，湯底對於我較咸少少，試過魚湯沒什麼特別，如果豆腐魚肉不是要等，都想試吓，可惜每次都係趕時間才會買外賣，未試過坐低食，整體都會喜歡幫襯。

去紅磡開會後，買外賣同肥髀食！揀左食車仔麵，去到門面光鮮，入內窄長店面，茶餐廳格局，劃好票交店員就收錢，沒有給收據🧾外賣碗是可入微波爐的，包裝企理（$33）清水鹽湯+滷水豬大腸+炸魚皮+豬紅+溏心滷水蛋+腩汁豬大腸入味，洗得乾淨，是我喜歡腸衣厚又彈牙，而中央又不會有脂肪團，炸魚皮另外用膠袋包裝，薄又脆，浸湯會有一陣吸湯嘅聲音，好正！豬紅彈牙嫩滑！滷水蛋蛋黃已融入左湯，蛋白彈牙嫩滑唔老，好味😋湯底夠濃，如果有麵嘅可以掛湯食就更正男店員有禮，回應我要求都會主動再解釋一下！好味港式車仔麵