喜囍 (已結業)

其實已經想寫食評好耐因為尼間小店真係keep到水準👍🏻又好抵食😋今次揀左自選壽司飯🍣海膽🥢三文魚腩x4🥢帶子沙律🥢蟹柳🥢三文魚子🥢另外會送多個湯 應該係自家煲 出面飲唔到🤩如果相比大連鎖店 喜囍既性價比比較高🇯🇵推介🙌🏻佢既三文魚腩每次都咁肥美😋😋

星期六要咁慘返半日，收工後當然捉埋另一半去掃街，掃街就當然要去東區美食帶--太安樓🍴入邊小食店各式其式，想食乜都會有另一半比較中意食日本野，就一於同佢去食手卷，行行下見到呢間好似唔錯就試下一人叫左一個手卷試下先海膽手卷 $30 海膽呈粒狀，食落肥美甘香，口感細滑三文魚腩手卷 $15三文魚腩肥美，食落口感油香嫩滑不過整體上紫菜有d淋，飯粒較軟身，最唔方便係豉油同wasibi冇個盤放，要分開咁食一啖落一次食完手卷見到呢個招牌卷物就想試下自家創喜囍卷(半份) $52入邊係帶子同甜蝦，食落好鮮甜且爽口，而且帶子好厚身，食落會好有口感加埋卷物面上既自家醬--三文魚蓉+蟹籽+沙律醬，令到整個卷物更提鮮且口感豐富十分有驚喜餐牌⬇⬇總括黎講:食物質素新鮮且中上，不過價錢較貴，性價比就一般，偶然試一次都ok🍳🍴味道: 7.5/10👩👨服務: 6/10🏠💺環境: 6/10💰💸抵食: 7/10總消費: $97(2人)

喜囍卷 $35去到太安樓除咗去食必食嘅海南雞，雞蛋仔🤤絕對唔少得嗰度平價嘅壽司刺身，今次特別想介紹呢一間喜囍-因為之前有試過呢一間嘅三文魚手卷($10)，當中足料嘅情況係你食到最尾都仲有三文魚嘅蹤影，而且三文魚都好新鮮有油分，所以今次去到就當然試吓佢哋嘅招牌之一喜囍卷-佢嘅手卷係嗰種一食可以滿足你幾個願望🤭就咁望落去就可以見到有三文魚蓉、蟹籽同埋甜蝦，入面仲有帶子添😏樣樣野都好新鮮，特別係三文魚蓉，佢食落去除咗有三文魚嗰種油香入口即溶之外，重帶有類似沙律醬嗰種甜味，重點係食到中間都仲有，所以其實計落都好抵食👍🏻👍🏻👍🏻🏠喜囍⚠️西灣河筲箕灣道57-87號太安樓地舖44B☎️34881813如果都鍾意睇我寫嘅食評，歡迎Follow我既Foodie IG(hohomayfoodie) 🙏🏻

太安樓不嬲多野食，經過呢間壽司咪試下佢。入去叫左個三文魚手卷同海膽手卷，店員可能做得太夜，態度笑容欠奉。同埋黎到啲三文魚同海膽好似碎濕濕咁，份量有啲吝嗇，但係食落算新鮮，味道唔錯，紫菜都夠脆。三文魚手卷先10蚊一個，所以質素都唔會期望太多，而海膽就要30蚊個，價錢唔算特別平，同附近間日本野差唔多。如果想食手卷其實都可以試下呢間。

今日tea time肚餓去太安樓見到30蚊有飯有湯，買咗個外賣試下啦，臨走前我已經見無芥辣豉油，咁問入邊職員，佢態度勁差話係入邊有，行出去最睇多次真係無喎再返去問，佢態度又係勁差話入邊一定有，好啦咁我信你啦，結果返到去打開，無豉油無芥辣乜春都無，加2蚊加沙律嗰啖沙律半啖都無，d飯又超勁醋味，難食到嘔，食魚生飯淨係比對筷子我，魚生少到不行，以為都唔會再幫襯呢間野，唔怪得我經過咁多次都無人幫襯，見到呢篇食評嘅朋友我建議你想幫襯時認真考慮下

今次專登由天水圍撘車出黎西灣河食,因為真係好抵食,服務又好,問一問肥肥地嘅老闆之一,原來佢哋D魚生天天新鮮空運到港,唔怪之得咁好食...超級新鮮,一定會再黎食同介紹俾朋友

嚮太安樓掃完一輪街之後，已經食咗好多熱食落肚，係時候要搵返啲生冷野，涼下個胃！呢間手卷店唔算顯眼，但係就有我最愛嘅海膽手卷。海膽組織外表呈顆粒狀，粒粒分明，就係新鮮嘅最佳證據。雖然食落唔算好鮮甜，但至少味道甘香、口感細滑、唔腥唔苦，30蚊嚟講算幾好～食完手卷之後，見到雪櫃有好多嚮香港好少見到有嘅日式飲料，搞到我又心心眼咗。第一次見到呢支抹茶可樂，心諗一定好伏，但飲落又畀預期中正常。入口首先係甜味比較light嘅可樂味，之後先係抹茶淡淡嘅回甘，兩者嘅味道都唔會過分搶，好飲之處就係享受到可樂嘅冰爽之餘，又無咁甜漏～

間唔中都會幫襯下覺得佢地嘅魚生質素唔錯但有朋友話有個肥肥地嘅員工定老闆態度好差我唔信邪去幫襯多一次去到嗌左8件壽司佢收我$100同我計嘅有出入我就好聲好氣同佢講計錯叫佢計多次點知佢反我白眼之餘仲要加多句"唉！我計俾你睇"點知佢真係計錯就死死地氣俾返錢我我發誓以後都唔會再幫襯！

晏晝想食魚生飯係西灣河的選擇其實真心少終於比我係太安樓見到佢有得自選魚生但我一向懶得揀所以要左個雜錦魚生飯拎走魚生新鮮好食但份量吾多我食哂岩岩好雖然吾係話超正但哩個價錢，哩個地方算係咁不過份量真心少只可以止左食魚生飯既感覺吾可以完全滿足食魚生既心情

叫左呢度招牌喜囍卷老闆話出邊食唔到嘅又真係幾特別中間又有帆立貝同甜蝦跟住叫左大卜口海膽刺身勁鮮甜(比想像中好)之後又叫左串燒老闆推介左明太子雞翼雞皮同沙律醬玉子最後仲飲左枝綠茶可樂勁好飲值得推介一定會再幫襯又平又好食

食完桜當然唔會滿足，行到前面又有間手卷店第一眼俾門外「三文魚手卷全日10元」吸引住，即管試下啦。仲買埋沙律、刺身飯~三文魚手卷 $10收得我10蚊一條手卷，我自自然都會調整期望同要求。三文魚係碎碎一塊塊，好似餸頭餸尾，份量就唔算話特別少，但真係得面頭有。紫菜唔係好夠脆，可能因為賣10蚊條手卷，所以連包手卷張紙都冇…都算係將貨就價。如果俾我揀，就真係寧願俾多幾蚊食條正常手卷。蟹籽沙律 (確實價錢唔記得，但30蚊內)除左10蚊手卷，第二樣吸引我地注意嘅係呢兜沙律，因為見佢幾大兜，價錢唔貴，係唯一冇後悔點嘅。食落都唔錯，料夠多，蟹籽、青瓜、蟹柳，仲有幾塊生菜墊底，起碼係fresh的。伏食出現了！我真係覺得呢兩兜魚生飯好唔吸引，性價比超水準低。首先呢度嘅魚生飯可以自選，先揀飯嘅份量 ($15大/$10小)，再揀配料同數量。好難一一列清，例如：腐皮、墨魚 $3/片；吞拿魚腩、赤海蝦 $8/片；帆立貝、北寄貝 $12，單單咁睇落都唔貴呀可？刺身飯 $41我簡直唔敢相信自己對眼，我知~每樣點左一件，賣相咪咁衰囉…但問題係，我黎得太安樓，唔會expect要食個7、80蚊嘅刺身飯掛？！咁梗係按budge

牛肉烏冬烏冬挺彈牙牛肉軟軟的椰菜脆脆的強烈推薦雞軟骨&金針菇牛肉雞軟骨 燒的脆脆的金針菇牛肉牛肉包著金針菇牛肉燒的甜甜的金針菇燒的焦焦的每一幫襯多次每次水準也差不多

這裏所有食物都不錯，刺身新鮮，麵豉湯也是很有鮮味，不是即泡。但缺點兩個，一是附送芥辣是國內螢光綠刺鼻的不夠好；二是在這裏買定食會送麵豉湯，如果湯已賣完他們並不會下單前通知，而是收了錢在給食物時才跟你說沒有湯，也沒有其他補償(例如飲品)，我買了20次大概8次沒有湯，所以建議下單前問店員有沒有湯才光顧定食。

我點了一個特上刺身飯，選了大拖羅、牡丹蝦、海膽、䲞魚、三文魚腩、甘蝦、墨魚。拖羅頗豐腴、油潤，牡丹蝦夠大亦爽囗，海膽味道不是太濃烈。飯可以選大、細盛。飯粉算分明、略硬。在西灣河難得有這樣的刺身外賣店，相信會再光顧。

我上次去試左刺身飯, D材料好新鮮, 三文魚同蝦都冇雪藏味, 而且賣相好令, 你地可以去試下!I tried the sashimi rice last time. The food, including salmon and prawn, were very fresh, without any signs of storing in a fridge. The sashimi rice looks attractive as well. You guys can go try that!