喜悅皇宮

營業中

休息中

起星期五嘅時候同屋企人走左去華富村食酒樓嘅下午茶。環境整體唔錯，清靜舒服。食物叫左叉蛋飯，珍珠鷄，鷄腳，馬拉糕，排骨同炒面。食物不過不失，正常，不過冇話特別。不過千層馬拉糕味道比較起來合我口味，甜甜地，口感彈牙，而且香香地嘅面香同蔗糖味，算係唔錯。整體性正常，不過冇乜特別，唯一可惜係價格冇話特別平，反而有啲啲貴。

今時今日去酒樓用膳，已經唔會對服務有期望，但香港仔呢間喜悅皇宮根本係鬧客。今日中午到該酒樓陪屋企人飲茶，一點幾嘅時間，酒樓不算太多客人。食完lunch,特登行過去問侍應拎個盒同袋打包食剩嘅嘢。呢個用紅色粗橡筋扎頭髮嘅侍應阿姐用極度不耐煩望左我一眼，完全冇回應就走開左。兩分鐘後，佢就咁拎個外賣盒過嚟，咁我就問，外買袋呢，想要多個袋。佢即刻對住我大聲呼喝，你都冇講要袋！！！！！！我成個人呆左兩秒我真係客人？？？點解會俾人鬧？？兩秒後我清醒翻，唔該我頭先過去問你，係講要袋同盒，你唔認真聽可以再問，而唔係發我脾氣！嬲到爆

今日趁着七一假期，特登嚟到華富邨同老爺去飲茶。點不知卻遇上沒有其它選擇下的選擇，之前華富邨有些酒樓執咗笠。但老人家鍾意飲茶，就不得不選擇這間。食物環境都OK，只是服務態度和衛生情況很差。侍應派碟換枱布時，簡直好似耍雜技。將啲碟飛過嚟俾我哋🥲好彩小朋友冇事😮另外，洗杯時都發現幾隻小昆蟲🦟唉！1. 叉燒包皮厚，內餡少肉，蜜汁唔夠味2. 牛肉腸不過不失，上菜時都是熱的3. 燒賣豬肉唔係新鮮，有少少腥味4. 鳳爪算係入味，軟腍，骨肉分離5. 炒牛河牛肉炒得過熟好嚡，河粉炒埋一舊6. 芋頭糕上枱的碟好特別，但芋頭糕太粉，未夾就散，要用匙羹整體一般般，唔需要特登過嚟食。

中午時間，爸爸媽媽和我三人到位於華貴村喜悅皇宮飲茶。我們點了椒鹽豆腐、牛仔骨、雞扎和豬手，點心味道不錯，心想，比以為有進步了，未來可以多去這裡飲茶。可惜，服務太差了，侍應生用不禮貌的方法，叫我們提早離開，我們都算了，走吧，怎知那侍應生，還要大力地呯呯彭彭執枱，這樣的服務態度，真的好難接受，令我們心情不愉快，要重新考慮會否再次光顧這茶樓。

第一次來呢間食晚飯，比想像中算多人，因為依家太多北上消費啦，當然都係坐唔滿嘅，7成多啲啦。 我自己1個來攞位先，原本經理安排係柱位，比窄啲，不過我哋人少少都無咩所謂，未齊人又未上茶之前，有個部長就自己幫我哋輕咗去張闊落少少嘅枱，坐都坐得舒服啲，幾好。 時間係上星期日，未到母親節就已經指定咗母親節餐牌，只可以點上面啲餸，1年1次算啦。好啦講下啲嘢食先，我哋點咗4個餸。 脆皮燒雞皇雞皮鬆脆，雞肉唔會柴，有個汁點下，其實可以唔點都好够味，不過個汁就幸好唔太咸，所以點咗都唔會太重口味。 紅燒乳鴿好大隻，唔似乳鴿size，不過唔會老，鴿肉都算嫩滑，骨香肉滑。呢排食幾間唔同店鋪嘅乳鴿都唔錯，唔通來貨一致？ 海皇雜菜煲呢煲唔嘢少，成晚嘅餸都炸炸炸，全靠佢中和下。好足料，蝦仁／魷魚／爽脆蚌（唔知名）／菜芯／西蘭花／白菜仔。個湯好濃郁，湯色好奶白，又有啲金色嘅色澤，我諗應該有咸旦黃炒過，我飲咗兩碗。 椒鹽魷魚須魷魚須好粗下，唔會營養不良咁，炸的啱啱好，表面脆，內裏就啱啱好，仲好够水份，唔會乾老，魷魚過老會韌㗎，呢個完全唔會。 加埋茶介加一，3位埋單$631

今次係第二次嚟衣間酒樓食晚飯，比較其他酒樓，衣間酒樓晚餐小菜唔算多選擇，我地叫左兩個孖寶，分別係雞同蒸魚，另一款係鮑魚、鴨和小炒王，另外再叫多個福建炒飯。食物方面整體都滿意，係個薑蔥鮑魚煲，啲鮑魚味道一般，冇咩驚喜，食唔出鮑魚鮮味，又食唔到薑蔥味，小炒王嘅魷魚賣相唔吸引，腰果唔算脆口，福建炒飯朋友話比較多芡汁，我就覺得ok。備註：第一次食冇問職員有冇糖水送，所以冇糖水，今次朋友問有冇糖水送，結果職員送左香芋紫米露。總結就係想食埋糖水，就要記得問侍應姐姐👧！

老人家生日擺大壽梗係要有個得體啲嘅地方啦喺度包左間房擺2圍估唔到啲卡啦ok幾正多歌聲效又好啲嘢食亦好有水準老人家好開心惟有1，2個職員服務麻麻有個勁大話話“唔好阻住我收工”不過老人家生日，費事同佢嘈頂多唔俾利是佢啫乳豬夠脆但稍為油膩咗啲豬咪較重龍蝦好多肉調味偏味好食係配烏冬唔係配伊麵仲正左西芹炒帶子好得啲帶子超大隻珊瑚蚌亦好爽蒸咁大條魚好少咁滑蒸得好好炒飯麵都幾好味道適中炒得乾身又唔會太油膩壽包啲蓮蓉都無出面嘅咁甜唔知平時啲點心點嘅呢？期待下次有機會再嚟食

早幾日放假，諗住靜靜地落去飲番個早茶，所以去咗屋企樓下間茶樓，嘆番個靚早茶。點咗個粉果，粉果分量十足，皮薄餡靚，味道一流。春風得意腸，紅色粉皮口感煙韌，加上香脆春卷，兩種口感完美結合。

星期日同屋企人嚟呢間茶樓度飲茶，一到星期日真係好多人排隊，一行七人，都要等成15分鐘先有大枱。屋企人鍾意食佢哋嘅流沙包，我自己都覺得幾好食，即使擺咗好耐都好，凍咗入邊都係流沙。另外佢哋嘅燒腩仔都好好食，真係做到外皮香脆，上到枱亦都唔會凍哂，唔錯。

我们中午一班同事去食午反，小台全部座滿人，有2張大台無人座，都不比人，只叫人自已找小台，不理会我们，員工非常差，讓辣椒不熟，厕所不清潔，周地厕纸，員工態度非常不好，十问不理会，食物質數非萍之差，

我覺得每樣菜式都好好味喎😋肉同菜都好新鮮，有驚喜。除咗豆腐煲麻麻哋，其實都煮得好食，係個人唔太鍾意食豆腐⋯最推介係：招牌酸菜魚 $98鯇魚好彈牙，酸菜湯底未好正，麻麻的但又唔辣。特登過嚟同婆婆食飯，上次食完之後佢今次又要再點。芥蘭，新鮮！豬扒，大家都好鍾意食，又真係幾肥美。另外唔記得咗影相，燒肉雙拼，燒肉脆皮炸得唔錯。脆皮雞都好食，見到隔離左右好多枱都係點雞嚟食。有個靚姐經理都幾親切💖 星期日一家大細過嚟食都幾開心。

華貴經領展新大改變內裡商場,呢間酒樓都轉過幾次手,間中都會飲茶飲茶一至六較為化算,食客多數為年長街坊多,當星期日最好11點後先,因為推出優惠較多。樓面職員常欠主動執嘢,曾有食客勞氣大聲先處理。裝修以豪裝之前酒家,點心小菜食物味道正常熱辣辣,但有時傳菜員遞送點心時送錯多....食物方面:流金歲月奶皇漿較稀,紅米鮮蝦脆網腸皮軟內脆,魚滑煎釀茄子,沙律明蝦角陳皮牛肉球,蝦花蝦煎鹹薄罉無味道....廁所衞生十分差,帶小朋友十分不便,認真需要大改善

嚟到華富邨探親人，附近酒樓不多選擇不多，所以就嚟咗呢度不過估唔到都幾有驚喜布拉白腸粉，啲腸粉都幾滑正正常常冇乜特別因為都係食麻醬甜醬豉油嘅味道豬腳薑有驚喜醋煲得好好飲，薑好夠淋，豬手亦都好夠淋成件事係正嘅，最正係佢只係 $ 28.8燒腩仔係好好食，皮好脆，肉唔乾青瓜海蜇正常，青瓜好清爽頭抽海鮮炒麵，啲魷魚好乾好硬完全同個面嘅淋夾唔到牛柏葉正正常常鳳爪正正常常呢個芋角唔係我哋叫嘅係姐姐拎出嚟問我哋食唔食見佢幾靚仔就食咗，好好食，好鬆脆正常正常埋單 427蚊其實係叫多咗碟燒腩仔因為個套餐度有燒腩仔另外媽媽又叫咗，所以係叫多咗嘢食嘅咁我覺得都正常合理嘅價錢飲茶同食味都唔差華富邨少選擇，但係估唔到佢都做得幾好

9月22日在華貴喜悦皇宮定咗两圍生日飯每圍5500元，吃到一肚氣，頭盆乳豬還可以，芝士龍蝦烏冬冇味冇芝士味，个蟹鉗根本就係蝦肉又實又冇味，个鮑魚鵝掌連炆都冇炆过，蠔油汁都冇，冇味道，條魚寫海星班但比條養魚又鞋有冇鮮味，个魚翅仲精彩，話就係蟹皇翅，用咸旦黄辦蟹皇，翅就好難揾到少少，生粉水都唔落，稀到飲水咁，其它餸菜都唔想再講，D桃飽就一半新鮮，一半唔知隔咗幾耐番蒸混埋上枱，咁做係咪趕客叫人下次唔好幫襯呀！屋村生意賺錢都要有良心至得。

屋邨商場被大財團易手、轉營再轉名，此位置多年來已有數間不同名字的酒樓經營。最新名字為 - 喜悦皇宮👏都是一般酒樓格局，因為只是開了 / 新裝修幾個月，所以各部份仍是十分亮麗😃一行7人，各人都同時對”皇子鮑翅宴”感興趣，大扺是大家都”費事諗”，套餐內每道菜也沒有特別意見，又包汽水/啤酒6罐、鮮橙汁2酌、茶芥及加一。半席全部減半，就叫半席吧，不夠也可另加小菜。🥢🍚脆皮乳豬🐷半席上半頭，巧均真👍上湯伊麵 - 鮮蝦爽口彈牙，伊麵經高湯處理，夠入味！軟殼蟹 - 沒有回鍋反炸，所以剩油並沒有迫出來，仍保留在粉漿中，所以咬下油份重兼夾不夠脆口😔中間伴有芝麻醬伴生菜🥬口感清新這個做得不錯，全碟都很爽口，且份量夠大碟！其實唔使用魚翅囉，雖然我見唔到有（或者我嗰碗冇、有份量都好少好少）咁不如update D skip咗魚翅會好好多。湯頭都係咁啦，冇咩特別！但係㷛入面D雞比人食晒！條魚蒸得幾好🐟剛熟，呢個size最好，容易處理，肉質嫩滑🤗OK, 玻璃生菜🥬仲有6隻小鮑🙂隻雞真係做得唔錯，舊舊都皮脆肉嫩😋荷葉飯 - 都OK吖，色香味都可以（但同行者話冇味喎）桃包真係麻麻，饀料唔綿，唔係平時食開嗰種軟綿饀，偏乾