喜聚坊

營業中

休息中

大角咀附近不嬲都好多嘢食，今次搵到呢間係中菜，私房菜，舖頭越食越多人。今次佢有好多款午市供應，問一問原來佢有隱藏菜單！今次係酸菜班片飯，另外仲叫左餐單上面有嘅XO醬海鮮干炒烏冬。首先嚟咗中湯先，之後我哋叫咗兩杯花蜜檸檬茶，大廚推薦我哋飲因為出邊飲唔到，一飲真係好香花蜜味！飲落好潤喉，相信女仔都會鍾意！而且我喺出邊真係未飲過。跟住嚟咗酸菜斑片飯，好有鑊氣，而且個汁用嚟撈飯一流，班片亦都俾咗好多，大大塊，如果下次有呢個係菜單我哋都會再叫！推薦另外叫咗XO醬海鮮乾炒烏冬，魷魚同埋蝦都好多，成碟好大碟，烏冬炒得好乾身，唔會成Pat油。原來呢間夜晚有得食炒蟹！下次可以一試晚市！

寶哥私房菜好出名，身邊有幾個朋友都勁推介，今日去大角咀約埋個friend一齊去試下去佢嘅午餐。午餐有好多選擇有碟頭飯同埋炒粉麵飯，今日試咗呢個果醋豬扒、蟹油鮮魷炒乾麵同埋小食黃金豆腐。首先一人上咗一碗湯，餐廳強調一啲味精都冇，而且好足料，湯渣同埋湯嘅比例係一比一咁掣，好誇張，超濃味，好似屋企煲嗰啲咁，好好飲！之後上咗個果醋豬扒，豬扒入味，軟淋淋，好好食。而我最欣賞嘅係個炒乾麵，味道好濃沃，唔係死咸，好有層次，而且炒到好乾身，好有鑊氣，超級推介！！！由於太好食，加多個小食，黃金豆腐，呢個又係一絕，外皮炸到好脆，入面超嫩滑，都係必食之選！由於太好食嘅關係，我同個friend已經商量約埋其他人去晚市試佢哋啲手工菜！

之前朋友帶我食過一次，今日經過大角咀，同女朋友黎回味下炎炎夏日，自己鍾意食d涼伴前菜，呢度既回味泡椒鳳爪好岩我胃口！酸酸辣辣，非常開胃！尤其加左洋蔥，多左d辛辣，開胃又好食😌小炒玻璃豬肉🥓似回鍋肉既做法，食得出用新鮮豬肉，肉味香濃，肉質紮實有咬口。咁岩同店員講開，原來佢地既豬肉會用鹽醃一陣再風乾，所以肉質會紮實d，值得一試😋秘製回味脆皮牛肋骨店員推介既脆皮牛肋骨超正！上菜嘅時候仲新鮮熱辣，外層酥皮夠酥夠薄，中間既牛肋肉鬆軟嫩滑，口感非常有層次，驚喜十足！！豬油渣霸王花曬乾既食得多，新鮮既霸王花真係第一次，原來新鮮既咁大棵，同乾貨既一樣，都有自身既粘性，但新鮮既甜味唔一樣，加多蝦乾、魷魚乾、味道更甘甜😊十分推介大家一試，而且好食得出呢度既小炒都無落味精☺

今晚一行三人黎大角咀食小菜，點左小食加三餸一湯！呢間私房菜主打正宗廣東小菜，佢嘅中菜中菜都係外面比較少見嘅，所以就叫做一啲比較特色嘅小菜試吓。呢度嘅小菜都冇味精，星期一7:30pm 入座，都坐滿8成，可見呢到都係街坊逗留晚市之選😇回味泡椒鳳爪最快黎到就係回味泡椒鳳爪，酸酸辣辣，非常開胃！尤其係喺呢一啲咁熱嘅天氣之下，極需要涼菜開胃😌海底椰皇猪尾骨湯🥣呢一煲老火湯冇味精，而且煲足四個鐘頭👍🏻飲得出非常足料，椰子味幾濃🥥小炒玻璃家豬肉🥓呢個小菜既豬肉係醃過嘅鹹豬肉，肉質較硬有咬口，推介大家都試試😋秘製回味脆皮牛肋骨🥩跟住呢款脆皮牛肋骨直頭就有驚喜了！係會剛剛好上菜嘅時候熱辣辣脆卜卜，加上點左秘製醬汁，一口口送白飯，非常下飯🤤豬油渣霸王花🌸今次都係我第一次食霸王花，原來霸王花口感幾獨特，比較硬身爽脆，配咗三色椒，一軟一硬，味道幾搶口😊今晚食到飽到捧住個肚咁走，下次要再黎試吓其他小菜☺

我同大小姐都好中意食野 今日去開大角咀 就見到有一間傳統中菜小店 裡面人頭湧湧 午市時間人流不絕 於是我們就決定試一下他的手勢 就是這家”喜聚坊” 一坐下老闆娘先送上老火靚湯 煲上4至5小時的椰子粟米紅蘿蔔湯 完全零味精 非常好味道  我自己就點了川式口水雞飯 辣度不會過勁 咸咸辣辣的配上白飯 一流  雞肉嫩嫩的 非常好吃 大小姐揀了川式乾炒牛河 辣度很適合香港人口味  炒河不會很油膩 鑊氣十足 牛肉鮮嫩滑溜 大小姐火速吃光光 只餘下芽菜🤣🤣🤣 最後再嘆一杯花香奶茶 啖啖的花香味在口腔中迴旋 總結 想不到大角咀都有一間隱世食店 有大廚坐陣  食物質素超水準 價錢親民 舖頭細細但係都有一間VIP房  如果你地大時大節都可以來訂枱食飯 晚市有好多大師傅級的小菜 絕對推介你們來試試

大角嘴呢間街坊🥢私房菜館已經開業多年💪，午市供應多款🤤創意午餐，👍高質又用心製作，值得一試再試！一入門口就見到好多獎牌🎖，因為呢度嘅主廚👨‍🍳寶哥入廚多年，出名整古法手工菜👍。入面格局係🏮懷舊中菜館嘅風味，亦有沙發🛋️座位，都幾闊落。今日列湯🥣係粉葛瘦肉湯🤤，不加味精，真材實料👍。🇭🇰港式🌷花香奶茶同埋檸茶係佢哋嘅特別👍推介，茶底加咗有清熱🔥去濕功效嘅花去煲，所以飲起上嚟有陣陣🌷花香味好特別🥰！🦀蟹油鮮魷🦑乾炒麵🤤大大碟，而且有好多鮮魷😍。麵炒得夠乾身，撈咗🦀蟹油所以食起上嚟啖啖🦀蟹油香，加上肥美嘅鮮魷🦑，鮮味甘香確係幾好食😋。🎋竹筒馬友🐟蒸豉汁鮮排骨🐖一上枱就散發出好香嘅竹筒清香味🤤。上面有一大片馬友🐟咸魚，令到啲嫩滑排骨🐖同埋白飯🍚都有一陣咸鮮味😋！

大角咀美食多，今日俾我搵到間國寶級美食😆裝修懷舊簡潔，但原來食物要求都講究,每樣都精心制造🥰「蝦仁海鮮煎兩面黃」面底好脆口🤩 鬆脆感覺，鮮魷大條爽口👍🏻👍🏻「秘製咖哩牛肋粒」好有咖哩香，職員透露是獨家調製出來，不太辣🥰 牛肋粒淋身易咬口「凍奶茶」不是一杯普通奶茶，茶底有花香😍 也會用至檸茶內，相當特別👍🏻👍🏻👍🏻「例湯-菜乾豬骨湯」足料😍 而且夠味，沒有味精，一流住家湯🤩備註：🔺職員nice,主動介紹菜式👍🏻🔺店內發現大廚（寶哥）曾奪多個大獎🤩🔺門口有地方泊車（要爭喔😆）

今日係大角咀附近處理完事務，發現利得街有間門面裝潢什有風味的中菜，決定入內一試😛牆身貼有大量大廚寶哥和政要/重要人物的合照，證明大廚功力有番咁上下😎因為出邊真係好熱，所以叫咗個冬瓜薏米湯，清熱去火開胃！占士土匪蛋炒飯一款我仲未食過的炒飯，相信係加咗孜然粉、雞蛋、蔥花及辣椒等不同食材，新鮮炒出來，令人食完一碗又一碗🥄川式口水雞飯講到口水雞，除左雞肉要嫩滑👍，果醬汁都好重要，辣辣麻麻甜甜的感覺沖擊咗我的味蕾，送飯也是一流🥇蝦仁海鮮煎兩面黃呢間食店完全係私房菜之輩，因為呢款菜式唔係好多中菜會提供了，食落勁乾身勁脆口，但係一點也不油！(試過食到出面用大量油炸，好油的類似菜式，水準高太多了) 自家出品港式花香奶茶，檸茶大大杯，飲落絕對有驚喜。原來加入了獨門秘方，花香茶香相當益彰💐☕鋪內位置寬敞，更設有VIP房，可以包房同好友大快朵頤😋😋😋參考MENU：

曾經嘅觀塘私房菜搬咗去大角咀.師傅原班人馬冇變動，寶哥手勢只有更好.鍾意食避風塘都好考驗師傅嘅手勢，蒜蓉要炸得香仲要乾身，火後一定要控制得好.牛仔骨份量大且夠冧. 值得推介嘅係黃金大蝦，用料上等嘅鹹蛋黃加埋新鮮大蝦. 蝦肉食落夠爽夠彈牙.兩個人食飯點都叫個菜.豬油渣炒菜心 豬油渣並非肥膏係豬肉有啲肥果part 用油煸過再加猛火快炒.食落去夠爽脆有豬肉的香味姬松茸雞肉燉湯 燉足四粒鐘 冇任何味精有媽媽煲出來的風味

夏日炎炎，男朋友喺大角咀整完車，好肚餓想搵個地方坐低食午餐，經過呢間見佢係食私房菜，平時好少食私房菜，見到佢午餐嘅價錢唔係好貴可接受，所以就入去試一試。入面裝修特別，全部都係圓枱設計餐牌有各式各樣唔同嘅飯菜，我哋兩個好鍾意食煲仔飯，見佢有個叫做白鱔煲仔飯，好似幾特別，做人嗌多個芙蓉蛋飯，兩個人啱啱好夠食個飯有送埋個湯，呢個湯超好飲，好似平時阿媽煲嗰啲湯，佢落咗黃瓜同豬骨，聽講煲咗好耐，超入味，個湯我好鍾意，對於平時少食湯渣嘅我，連啲黃瓜都食埋，夏天食老黃瓜消暑，正！嚟咗芙蓉蛋飯，熱辣辣上枱，份量超大，入面有蝦、洋蔥、火腿，足料！大食嘅朋友好夠食，細食嘅話可以嗌少飯跟住就係白鱔煲仔飯，呢個煲仔飯一嚟到好香，初初以為落咗辣椒成個飯食唔到，因為我唔食辣，不過試咗一啖，好香一啲都唔辣，啲飯仲要好香，煲仔飯煲到啲米煙煙韌韌，好正呀！推介大家試呢個！清空！男朋友連飯焦都食埋🤭🤭喺我哋飲緊凍檸茶同奶茶嘅時候，聞到啲茶味好香，飲落同普通茶餐廳嘅茶係有分別，然後就問一問鋪頭原因，原來啲茶加咗花粉，佢哋自己研製嘅，佢哋仲拎咗舖頭支裝嘅奶茶比我地睇，話有得買支裝拎走，我哋都買咗一支試👍🏻

昨晚適逢本年度超級大月亮之夜，特別想相約好友用膳賞月，而我挑選了喜聚坊作為聚餐是有原因的，至於是甚麼理由，稍後我會為大家揭曉。炎炎夏日，在家和公司涼冷氣的日子愈來愈長，喉嚨變得乾燥，流失不少水份，這時候需要好湯水滋補一番。老火煲南北杏佛手瓜豬尾骨湯用料實在，湯料多得浮誇，要湯還湯，料還料放置，亦方便食客進食。我超愛這老火煲南北杏佛手瓜豬尾骨湯，佛手瓜，紅蘿蔔的甜與豬尾骨的鮮融入湯中，湯鮮味美，喝起來無敵順口。豬尾骨肉質軟腍，輕易骨肉分離，佛手瓜清甜飽水，無論湯料或湯品千萬不能錯過。小炒玻璃家豬肉嚴選新鮮本地新界農場優質豬肉，配上獨門的川味辣醬，炒出一道香噴噴，用肉眼看是道令人口水直流的下飯好肉。經熱炒後的玻璃家豬肉好不迷人，半肥半肉的小炒肉，吃起來肉汁豐沛，鹹香惹味，用它伴飯吃的話不一會把飯嗑光。花雕肉餅蒸膏蟹也是喜聚坊的招牌明星菜，看似簡單，卻深藏著不凡的美味，黃澄澄的肉餅肉質細嫩緊實，混合十多年的陳年花雕，味蕾有著花雕醇香，濃郁蟹膏的多層次享受，更帶出豬肉的鮮美，讓人欲罷不能。吃過這膏蟹一次，其滋味教人難忘，雪白的蟹肉細緻柔軟，富有彈性，海味十足，蟹鉗飽滿鮮甜，又有濃濃的花雕香，橘

脆皮椒鹽豆腐越不起眼嘅食物先係最難最考廚師手勢。成日都覺得炸豆腐好難整。因為豆腐咁樣軟林林都唔知點樣可以炸到外皮趣卜卜。寶哥佢嘅手勢真係非常好，可以將佢嘅外皮炸到脆，好似一粒骰仔C咁，疊高都完全冇難度。入邊嘅豆腐仍然係咁滑溜，係一個非常好嘅頭盤。凍檸茶$18冇錯！凍檸茶都要推介。唔好望佢好似一杯普通嘅凍檸茶咁樣，但係飲落先知道原來呢度嘅凍檸茶個茶底係落左花落去一齊煲，所以飲起嚟個檸檬茶係有一陣陣嘅花香，比起普通嘅檸檬茶冇咗陣苦澀濃味，特別怡人。失傳醬脆皮生炒骨$148真係唔係講笑，呢度嘅生炒骨係食過最好味嘅生炒骨！佢個外皮嗰種酥脆，你一食一咬開就會知道，仲要我哋喺度傾偈，擺咗一陣凍咗都仍然係咁脆。而且用嘅係新鮮豬肉，所以肉質特別好、鮮嫩又Juicy！老闆娘話俾我哋聽呢度嘅生炒骨用咗自家製嘅蘋果醋去烹調，所以食起嚟甜酸度適中。避風塘辣蟹$580一上枱晒周圍枱嘅人嘅注目，一件就知道係好架勢嘅招牌菜。就咁望都已經知道佢用心製作，你見佢嘅蒜蓉粒大小不一，有啲仲有少少衣。全部都係舖頭師傅自家製既蒜蓉，同埋自己炒香，我諗喺天橋底都聞到佢嘅蒜蓉香氣。粒粒香脆，用嚟送飯都好適合。肉蟹本身已經炸到脆卜卜

大角咀出名多好嘢食而今次都唔例外🤤 呢間私房菜主打正宗廣東小菜，更有比較特別嘅原生燉湯飯同竹筒蒸飯🤪 用平民嘅價錢就能享受到大使級嘅廚藝～ 鍾意食中菜嘅朋友千祈唔好錯過☺️🐠 川芎白芷燉魚頭湯飯 $68魚頭湯用慢火煲滾4小時～ 打開玻璃蓋後即刻聞到濃郁嘅魚香味🐟 湯內有好大個魚頭😱 仲有唔同嘅藥材配料添！入口溫和，暖胃，味道十分香甜，必點之選，值得一試☺️🍲 美極乾炒牛河 $68有驚喜🫣 牛肉片炒至透薄，肉味濃郁，味道天然😝 河粉上色均勻，條條分明而且唔油膩！整體炒得好有鑊氣😗 十分推介❤️🌶 回味泡椒鳳爪 $68 鳳爪酸辣爽口，皮帶點嚼勁，超級開胃同惹味🔥🥛 凍奶茶 $6第一次飲到呢個味道🫣 自家製茶底十分特別，茶香味濃郁，比奶味重！口感非常幼滑而且好解渴😂 絕對值得一試💕🍋 凍檸茶 $6同樣地採用咗自家製茶底，感覺好清新☺️🥣 海底椰湯真材實料，滋陰潤肺，味道十分清甜，正👍🏻

午飯時間, 人客滿滿.餐館牆上掛滿傳媒報導, 名人合照, 廚師獎項.一坐低, 兩碗是日例湯就到.勁足料, 滿滿的一大碗.雞骨草煲豬骨夠下火最啱夏天飲, 仲可以清熱解毒.加埋粟米紅蘿蔔, 夠晒清甜唔會似飲葯材湯! 黯然銷魂飯:三大件厚切半肥瘦叉燒,一入口就知用咗靚嘅豬梅肉, 又腍又香.仲有燶邊嘅荷包蛋, 半半生熟狀態.加埋甜鼓油, 同好香好鮮味嘅香葱.撈埋飯一齊食, 一絶!!XO醬瑤柱桂花炒米粉:一碟看似平平無奇嘅炒米粉, 一夾就知勁用心.米粉炒得好乾身, 碟底無多餘嘅油.顏色靚, 雞蛋炒到金黃色.瑤柱香味滿滿一碟, 做到色香味俱全.跟餐加$5有埋嘢飲, 再加多$1可轉凍飲.簡單叫咗凍奶茶同凍檸茶.估唔到都有驚喜!入口一陣花香, 有少少似飲緊花茶.埋單時八封問下老闆娘, 佢只講係自家秘制, 出面飲唔到!!

喜聚坊真係一間我好愛食的餐廳老闆好好人，好好傾，又教我地點煮d食物，又講下區內大小事，冇悶場！花生眉豆雞腳湯好足料，我地一邊食湯料都數唔清有幾多隻雞腳，老闆話完全冇味精，好足料。一盅湯可分到6-8碗湯，好抵飲飲飲下湯老闆問我地飲唔飲凍奶茶，佢話佢地最新產品係花香奶茶，自先生係奶茶控，佢梗係會試入口係好似飲緊花茶，但又撞左奶落去，味道出奇地夾酸菜桂花魚係我近期既最愛菜式，因為天氣實在太熱，酸酸辣辣會開胃d, 用左一條好厚身既桂花魚，好新鮮，冇骨，肉好滑，配埋酸菜，好想要一碗白飯，酸菜魚可以選辣度，我地選最少辣，希望保留返魚的鮮味可能老闆聽到我話酸菜魚一定要配飯，好快就端出一碟瑤柱蛋白炒飯，炒飯平平無奇，但一食原來係心機菜，師傅將炸過既米溝埋入蛋白飯到，每食一啖都有脆脆口感，炒飯粒粒分明，好好食主菜係避風塘炒蟹，一上枱忍唔住不斷影相，因為實太太吸引人，老闆用會發光既碟上呢道菜🤣講返道菜，老闆話用人手剝蒜頭，一碟炒蟹用左成6個蒜頭，新鮮蟹炒得非常乾身，連個殼都脆卜卜，我地食完隻蟹仲打包左d蒜頭第2日炒黎食😂另外我見到有個熟客仔過黎食客飯，因為熟客冇帶媽媽出黎，佢吞咽可能有少少困難，我見老闆娘