影片
港鐵尖沙咀/尖東站 N2 出口, 步行約3分鐘
繼續閱讀
電話號碼
34682234
60392079
開飯介紹
主打港日風味的串燒店，裝潢帶居酒屋及酒吧風格，相當有格調。食物價格相宜，更採用不同地區的食材，如馬來西亞、廣島的海鮮，配搭精選的清酒會更加美味。
繼續閱讀
營業時間
今日營業
16:00 - 02:00
星期一至四
16:00 - 02:00
星期五至六
16:00 - 03:00
星期日
16:00 - 02:00
公眾假期
16:00 - 02:00
以上資料只供參考, 請與餐廳確認詳情
有關獎賞計劃
相關文章
平日收工，最好就係整幾串串燒，再隊杯啤酒。今日喺尖沙咀搵到間串燒店，個人覺得相當抵食。“喜膳燒”其實佢本身嘅價錢已經相當合理，一陣間我講就明。但佢仲有各式各樣嘅古怪優惠，令到價錢更加抵。例如星期一會有所有嘢食七五折 (以下會用返正價標示)。生力黑啤 (pint) $68一杯黑啤，份量充足，夠晒冰凍解渴，絕對夠飲一晚。避風塘燒廣島蠔三隻 $88個人覺得係最抵食嘅菜式。首先佢一客有三大隻，每隻嘅蠔肉都好厚好大啖，果然係日本蠔！日本蠔呢個價錢已經夠抵，佢仲用避風塘嘅方式去燒，燒出嚟好有風味，而且有啲辣香，非常可口。燒扇貝(蒜蓉) $78 大隻加上大量嘅蒜蓉同粉絲，食完會覺得滿足。芝士響鈴 $26一客有兩條，又一個非常抵食嘅菜式。響鈴中有芝心，夠熱又香口。燒白鱔 $72香口無比，夠晒厚肉彈牙，鱔味質感豐富。燒燒賣 (沙嗲) $22相當奇特嘅串燒。難得佢並冇將燒賣燒到過乾，啲皮都唔會硬晒嗰隻。加上沙嗲汁美味可口。燒豬肋排 $108好大份！豬肋骨肉質鬆軟。燒汁香濃，二人食相當足夠。其他值得叫嘅嘢，分別有燒麵筋(沙嗲 $24)、燒牛肚 ($29)、燒玉子 ($19)、芝士焗蘑菇 ($49)、燒肉桂焦糖菠蘿($45)等。特別係個菠蘿，夠晒甜，而且好靚仔。呢度並唔係普通嘅串燒店，佢有各式各樣出邊冇見過嘅串燒，例如魚皮餃、響鈴、燒賣、牛肚、麵筋等等。但一般普通嘅串燒亦做得唔錯，特別係個廣島生蠔，焗得非常香口，極之抵食。加埋平時嘅優惠，更加可以多啲嚟。
繼續閱讀
是晚去了一間尖沙咀地鋪的串燒店餐廳門口好低調, 唔係朋友帶黎都唔知儘管是星期四晚, 但黎到時都近乎坐晚, 頗受歡迎見到不少人也叫了啤酒送串燒, 暢飲聊天, 氣氛甚為歡樂, 感覺幾多都係熟客仔叫了十多樣的串燒下單後不到十分鐘, 串燒就陸陸續續上黎好快手我見每一桌都會適時上到一些食物確保客人有野食基本都冇聽人催單呢方面店家安排幾好, 時間拿捏得好不錯而且雖然咁串燒要準備, 但出到黎既味道質素也同樣兼顧到不會太熟太老, 也不會有生肉的問題出現➽蒜蓉燒扇貝 $78大大隻, 扇貝肉入口多, 夠滿足蒜蓉加汁落得多, 訓左一陣先食都唔會乾➽燒白鱔 $72鱔皮香脆灑了一些芝麻多了香氣➽燒山賊雞翼三隻 $49呢款帶微辣, 惹味廚師火喉控制得宜, 雞翼肉質不柴➽野生海虎蝦 $88好大隻一人叫一隻可以啖啖肉➽香燒豬仔髀兩隻 $58呢個燒既時間比較奈最尾先上外層燒得幾香➽燒牛舌 $58、孜燃燒雞腎 $29、沙嗲燒豬頸肉 $29牛舌、雞腎同豬頸肉呢類不嬲都好易燒到好煙韌但師傅都處理得幾好都不會太厚入口都易咬雞腎用了孜然粉，夠香惹味沙嗲汁就味道會濃郁些兩者都是不錯的選擇➽燒雞皮 $39雞皮唔係好多地方都會有見到一定會叫呢個價錢有兩串, 都幾好雞皮燒得不乾, 入口幾好食➽蒜蓉牛油焗娃娃菜 $49都算幾大盒食完都好飽~➽燒日本一口甜番薯 26$、鹽燒雞髀菇 $22➽菠蘿梳打 $38杯量都算大但好快飲晒食串燒加飲品先盡興冰糖雪耳雪梨水 $32自家製的茶女王烏龍茶 $22這款配串燒不錯因為茶清清地
繼續閱讀
❤️《尖沙咀惹味串燒店》 - - 喜膳燒又來到星期五，梗係要對自己好啲，突然間醒起食咗好多次喜膳燒食串燒飲啤酒，佢哋嘅營業時間去到好晏,可以同朋友飲飽食醉到好晏都冇問題🤩🤩餐廳每日都有唔同嘅優惠，大家可以留意吓‼️以食物方面，睇得出師傅係好用心去燒，同食物都好新鮮😋😋首先海鮮方面，我哋就叫咗燒蟶子王、燒扇貝、蒜蓉燒廣島生蠔，全部都好好味，唔會將海鮮燒到好乾同埋調味可以帶出食物嘅鮮味😋😋大家一定要叫燒生蠔食，全部大大粒，又Juicy，食過返尋味🤣其次，串燒上枱時候會用一個熱嘅石板裝住，令到串燒唔會咁易凍，係一個好好既方法。我哋就叫咗燒山賊雞翼、牛舌、雞軟骨、雞皮、翠玉瓜、焗金菇同燒茄子，每樣嘅食物都唔會燒到過火，同調味唔會太搶食物嘅味道😋😋另外仲要推介鵝肝多士，鵝肝嘅油脂香加黑松露醬，一啖放落口，真係好好味呀‼️最後再加杯啤酒， Happy Friday😋😋☻味道：7.5/10☻環境：7.5/10☻服務：7.5/10☻價錢：7/10☻回頭率：70%☻人均消費：$300📍 喜膳燒（尖沙咀）尖沙咀寶勒巷10號地舖
繼續閱讀
尖沙咀寶勒巷一帶有好多餐廳前排去左間小店食串燒餐廳裝潢以木系為主環境氣氛都不錯好適合一班朋友聚餐燒蟶子王 $88口感彈牙鮮嫰，火喉控制得岩岩好，配上大量蒜蓉蒸，好食!燒扇貝 $78肉厚鮮甜彈牙，配上大量上蒜蓉粉絲，美味可口。鵝肝多士 $88鵝肝有份入口即溶既幼滑質感，配香脆多士，難怪係廚師推介菜式🤣!!燒煙肉鵪鶉蛋 $36呢個組合都係第一次食! 煙肉燒到微脆，濃厚鹹鮮，頗有口感。鵪鶉蛋口感軟滑，原來係咁岩😂！燒牛舌 $58牛舌都幾厚身，口感柔軟，油脂豐富。燒雞軟骨 $42香脆惹味既軟骨，好香口。燒豬肉串BBQ $29肉質非常軟腍多汁，有啲似食緊叉燒🐽🐖!燒台式香腸 $26口感紮實嚼勁十足，煙韌多汁。燒雜菇（黑松露味） $59燒雜菇份量好多，松露味香濃，我中意呀😍😍！ 燒蒜蓉茄子 $38一絲絲既茄子口感幼細軟綿綿，蒜味濃郁！巨峰提子梳打 $38白桃梳打 $38唔會話太甜，梳打亦有助解膩。
繼續閱讀
最近迷上食串燒😋今次同朋友揀咗呢間位於尖沙咀鬧市嘅居酒屋！地點方便，食物質素同性價比都唔錯👍🏻海鮮種類都算多，今次叫咗❤️蟶子王、❤️扇貝同🦪廣島生蠔，加埋蒜蓉食夠哂香口👍🏻推薦！肉類方面，揀咗🍅車厘茄煙肉卷同🐮霜降和牛串，特別推薦車厘茄，非常Juicy，配搭肉類一齊食可解油膩感！蔬菜方面都揀咗幾多款😝有🍆茄子🫛秋葵🍍焦糖片菠蘿🍠甜薯🌽粟米！私心最愛燒茄子，每次食居酒屋都必叫，蒜香超惹味讚👍🏻🍽️喜膳燒🌎沙咀寶勒巷10號地舖
繼續閱讀