喜華餐廳

營業中

休息中

已經食左幾個月，幾十次除左1次外賣比小左條腸仔外次次外賣早餐or下午茶魚柳餐都係大大舊今次呢款係下午茶：魚柳＋沙律抵食5分比起隔離果間又貴又唔好食既茶餐廳呢間一直係我既選擇以前好鍾意食大x活但係啲早餐魚柳都超細份自從食左呢間喜華茶餐廳早餐幾乎都轉左食佢希望佢keep住抵食既質素啦！味道：4分魚柳夠炸得脆，肉夠厚，沙律就真係比起外面好食好多，裡面有青瓜、紅蘿蔔、菠蘿、薯仔等等……3x幾蚊下午茶，抵食味道唔差，真係唔係連鎖式餐廳可以做到

以前經常幫襯都幾好食，之前試過一次叫外賣叫兩個兩個都係錯比食物，今次再畀多次機會就中招中得再大鑊，啲牛扒硬到咬唔到,個員工話應該係未醃製好🤬咁你未醃製好就唔好攞出嚟賣啦🤬,收錢又收多錢員工態度又差，尤其是收銀嗰個體積龐大的女士簡直不知所謂，收錯錢仲惡過你仲要大條道理事一句唔好意思都冇,以後一定唔會再幫襯

諗住同老竇簡簡單單嗌兩個餸，買咗個生炒骨同海南雞，嗰個生炒骨未買到枱都有浸酸味，攻鼻，食都未食就攞返出嚟，好彩佢哋肯玩返另一個送俾我哋，海南雞又唔正宗三隻醬都唔正宗

之前有朋友試過佢地嘅蒜蓉開邊蒸蝦午餐讚不絕口，今日特登嚟試一試。通常茶餐廳嘅午餐只有4至5個選擇，但喜華呢到有成13個選擇。如果嗰日未有心水食咩好，真係入到嚟先揀都未遲。我就選擇試咗最有港式風味嘅常餐先。C餐包咗一個蕃茄薯仔排骨湯通粉，配招牌煎豬扒，煎蛋，細脆奶油豬仔飽。蕃茄湯唔太厚身，味道唔算濃，應該落得唔多味精同茄膏，注意健康嘅朋友可以一試。豬扒煎得一啲都唔乾身，食落好juicy，可以要求店員安排碎上，服務好周到。煎蛋就全煮嘅，如果本身想食太陽蛋記得落單時要出聲。奶油豬仔飽脆得嚟唔硬，放凍咗少少食都好唔錯。總括嚟講成個餐份量都幾多，如果平時一個餐食唔飽嘅朋友仔，應該可以喺喜華搵到滿足感呢！

Happy vibes here!One should take their french toasts seriously, because it takes up so much of the daily calorie quota 🤣! Super delicious, the best Hong Kong style french toast (西多士) I’ve had in recent years, made with thick toast (厚身嘅多士), and loaded with lots of peanut butter in the middle, yum! The batter is light, toast is fried till golden, crisp, yet soft and chewy with honey. Unbelievably good! HK Style Milk Tea, very strong tea taste and yet very milky with quite a lot evaporated milk

蘇屋邨重建後開了很多餐廳。 今天是了一間新餐廳叫喜華餐廳。餐廳新張期間有九折。早餐款式頗豐富， 有多士，麵餐，三文治，扒餐。占醬多士 ($24)多士頗脆，醬了也塗得滿滿。果占是黃梅果占，花生醬是沒有粗粒款，正常的占醬多士。火腿蛋三文治 ($29, 烘底+$1)烘底不是太脆，炒蛋不算滑，一般。餐肉蛋三文治 ($29)餐肉頗厚身，炒蛋不算滑。不過不失。炸魚柳拼腸仔煎熟蛋 ($36)炸魚柳超級巨型，佔了半隻碟。魚柳非常脆，外層粉漿不算厚，魚柳 嫩滑有鮮味。讚！！煎蛋麻麻地，賣相不好。腸仔是超鹹那款。這個餐還配茄汁豆，非常豐富！麵包是丹麥多士，一層層，甜甜的，香口帶牛油味。很少餐廳跟餐配丹麥多士，因為成本比普通方包高，值得一試。奶茶咖啡都較鞋口，可多加淡奶。九折後，每人只是二十多元，抵食！經過那裡不妨一試。

我是新搬來蘇屋邨的居民，剛剛落樓下見到有間新茶餐廳叫喜華餐廳，餐廳環境舒適，但地方略細，人就近蘇屋邨，免得要走去長沙灣，雖然不是太遠，但是絕對適合懶人嘅我，對比隔離銀龍茶餐廳，喜華的奶茶簡直高幾班，因為早餐最緊要杯奶茶，食物質素是其次，但我食咗一個焗豬扒飯，感覺已超越本人預期，誠意十足，感覺是即做，但我覺得有地方可以改善,是用餐後餐廳沒有供應餐紙，枱面有只是說要買紙巾兩蚊一包。新開張希望不是新屎坑三日，香請繼續努力。