喜點

營業中

休息中

路經太子，有啲肚餓想食好啲，想打下卡咁。呢間cafe 又幾顯眼，環起望落都幾舒服，咁就即管入去試試佢。入到去係幾舒服嘅，悠閒嘅音樂試咗個豬仔骨，非常好味！個蜜汁調味得唔錯。個大蝦天使麵煮得非常入味！個卡邦尼意粉稍微乾身咗少少，不過味道係唔錯嘅！最好味係嗰個煙肉芝士大啡菇，不過要再熱少少。最後嘆番杯咖啡，mocha 衝得好好飲😊So far嚟講我同媽咪都食得好開心😁下次可以試吓佢嘅海鮮鍋，新出嘅，感覺都唔錯

上兩個月坐小巴經過深水埗見到有間新開既cafe見佢裝修幾簡約但又不失精緻難得見放假行開去深水埗就去試下味道如何😜叫左個辣肉腸·芝士拼盤沙律估唔到佢咁大份 肉腸有小小鹹 不過加沙律菜中和左個個鹹味😋仲叫左個甲羅燒·番紅花蟹肉意大利飯依個最好配茶或者咖啡 因為食到後面有小小膩 加埋咖啡就啱啱好啦☕️ 佢餐係有跟熱飲既佢既燒美國頂級牛肩胛 我叫左七成熟一D都唔會柴 非常嫩 好好味依個牛肩胛😋最後叫左個藍莓雜果芝士蛋糕🍰芝士味十分濃郁下次可以試下個個龍蝦海鮮鍋🦞好似啱啱出無耐 感覺都唔錯咁🤪

今日行經深水埗見到一間新開既cafe係白楊街同大埔道交界角落位餐廳細細間，感覺幾溫馨😊咁就入去試下，店員老闆娘都非常nice老闆娘推薦D雞翼好Juicy，好惹味😋我地忍唔住叫左兩碟😂燒🔥牛肉夠嫩，夠多汁我地見好多人都有食茄汁大蝦天使麵個賣相都好似好吸引不過我地得兩個人食，食唔落咁多嘢😂😂佢哋每碟都大大份，好抵食不過今次掛住食都無咩點影到野食相😂😂可惜可惜唯有下次再試過其他菜式啦😜

相約舊同學敍舊， 嘗試到此處晚餐，餐廳環境雅緻，播著柔和輕音樂，令人感覺很舒服。我哋叫咗個芝士碎牛油果醬沙律，泡菜照燒汁厚切牛脷，砵酒燒汁燴牛面肉闊條蛋麵，黑松露雜菌意大利飯，大漠風沙羊鞍柳配中東小米，食物質素好， 擺盤亦十分精緻。厚切牛脷爽脆，配合泡菜，口感及味道一流；牛面肉爽滑，闊條蛋麵有彈性，而醬汁亦很配合；羊鞍柳燒得很香口，我哋叫七成熟，肉質亦很嫩滑，沒有羊騷味。最後老闆還送我們一個精美甜品，畫上圓滿的句號。

有日途經這間新開張店鋪,所以決定揾日去潮聖!入到餐廳環境優雅,裝修簡約,而最特色就係有一個半開放式吧枱,可以望住條街飲啤酒或咖啡,很chill😉再睇餐牌,已被泡菜厚切牛脷吸引了,所以叫了一客,牛脷我個人喜歡爽彈牙,呢個就滿足到我,而泡菜亦可以中和牛脷之油膩感,正!另外再order 西冷牛扒(五成熟)肉質幼嫩,沾上芥末醬是最佳組合!再來一客四川麻辣凍蜆,蜆肉肥美飽滿又帶點少辣,配一口hoegaarden大杯啤酒,因為我是坐在望街的吧枱,很有出外旅行feel,真的夫復何求!最後食埋個甜品作為今晚的完美句號。