喝‧茶 (已結業)

今晚在銅鑼灣吃飯後，路過這裡，看到有新開的飲品店，便買一杯夏季新品，芝香黑提$35。芝香黑提，芝士奶蓋厚身而濃郁，黑提味道清甜，我覺得比我喜歡的東X茶，味道差不多，下次想喝一定是這裡。

水果茶飲得多，但呢間真係同事們一致認定最好飲既一間基本上可以話係無得輸水果好足料 仲會比埋叉你飲完可以食埋水果首推水果四季春 水果味一啲都唔假 茶又夠香雖然佢唔係比媒體力谷，但真係好抵得飲因為佢，我已經中晒水果茶毒喇

行行下街見到途人拎住這杯水果茶，炎炎夏日睇見都想飲！瞥到這個”喝茶”的名，search一下openrice原來就在附近，沿路找到這間小小的店，不算難找，就在利園後面。點了一杯超級水果四季春和一杯滿杯紅西柚，每杯$28。超級水果四季春是鳥龍茶底，裡面有蘋果橙士多啤梨檸檬西瓜熱情果(不知道還有沒有其他)。一喝下口溫度剛剛好，清涼解暑，天然的生果甜，不像加了額外的糖，天然的生果味配上烏龍茶，很好喝！滿杯紅西柚賣相更佳，兩片大西柚很適合打卡。這杯是綠妍茶底，比超級水果四季春更冰凍，因為它是沙冰，對我來說有點點太凍了，還有因為沙冰的關係，冰溶得更快，越喝越偏淡味，個人比較喜歡超級水果四季春。推介超級水果四季春好喝又解渴。

由於太近，幫襯過好多次，非常清新的水果四季春（個人喜好小甜）入邊嘅生果很新鮮，仲會提供隻叉仔俾你食埋入邊嘅生果。個甜唔會假，夏天飲應該會好消暑由於今日太肚餓，終於第一次試佢嘅烤餅系列，北京烤鴨口味好吸引，餅入邊脆脆係個靈魂。由於小店入邊煮食位係open的，睇到成個煮食過程，烘餅皮，落一隻雞蛋，加少少橙皮添，呀唔係，係落京蔥，烘一烘再反轉，落醬料黑芝麻哇鴨肉青瓜同脆脆，非常惹味鴨肉份量都算多！$50北京烤鴨餅（小小貴啦）+$20可以有一杯水果四季春（就咁一杯$28飲品我覺得比好多同類型店舖平）下次試埋個甜烤餅系列

珍珠奶茶本來係我嘅喜好，但礙於怕肥已經冇經常飲。如果你有經過禮頓道嘅丸作，不妨可以試下隔離舖嘅Thirstea。我㨂左超級水果四季春少甜。水果有青檸丶檸檬丶蘋果丶西瓜丶士多啤梨同熱情果。因為係用茶葉泡製所以茶味好出，而水果好新鮮，成杯飲品絕對唔會有果精嘅味道。Thirstea除左飲品之外仲有煎餅賣，但今日太飽冇試。有一樣野我覺得喝•茶做得幾好嘅就係大家留意下張receipt，溫馨提示杯飲品「請於半小時內飲用」👍🏻

係附近食完午飯，經過呢間新開嘅水果茶店，原來做緊買一送一優惠，梗係要試下啦！水果四季春，即係鳥龍茶底嘅水果茶，買一送一即係$30兩杯，抵呀！一杯都有好多水果，蘋果橙士多啤梨西瓜熱情果等，我地叫少甜所以唔算太甜！酸酸地幾清新，岩晒夏天呀！

今日去中央圖書館順便去飲飲我最愛嘅芝士奶蓋今次就試試呢間，之前係網上有介紹過嘅呢間喝茶英文名叫 Thirstea 又比佢食到個音喎！有趣～有趣～我叫咗杯芝香芒果仲有另一杯就係超級水果四季春（冇影相）先講芝香芒果吧！我覺得個奶蓋真係做得唔錯，都幾滑同埋好重奶味但可以有少少鹽吊一吊個味仲正！而且飲落唔會覺得好「漏」！到下面d芒果汁有驚喜喔，因為唔會好甜同埋唔會係果種artificial 嘅芒果味而且飲完仲有少少茶嘅味出咗黎，不過就較淡，我覺得可以再重少少茶味！到另外果杯 超級水果四季春就麻麻地，因為太甜啦！咁岩我朋友又冇叫少甜，而且係冇茶咩得個甜同埋太多冰，如果叫呢杯嘅朋友記得要少甜少冰，順帶一提如果叫呢個有埋叉仔比我地食d水果會比較好不過奶蓋真心推介要比個like

呢期行開銅鑼灣，本身諗住買雞蛋仔，發現有間買煎餅同茶嘅小店，諗住就買杯嚟試吓啦！我叫左芝士奶蓋烏龍茶走甜少冰，係我平時叫開嘅配搭，打算同其他鋪頭比較下驟眼睇同其他鋪頭冇咩分別，奶蓋仲比其他鋪頭厚，蓋面用抹茶粉印着佢哋店舖名，都幾特別架！第一啖飲落，飲到少少奶蓋同茶，味道好平衡，亦都試到茶嘅清香，同埋奶蓋嘅濃郁口感，真係值得一讚！不過之後咁多啖，唔知係咪因為個奶蓋太厚定點，淨係飲到茶，飲唔到奶蓋結果飲到最後有成層奶蓋完全飲唔到，真係好晒！希望舖頭可以諗下點改善啦

係網上見到呢間有主打芝香苺果同芝香芒果馬上去嘗嘗鮮餐牌都頗色彩繽紛但一杯三十幾相比起其他飲料店價錢始終偏貴但細心觀察佢既茶係由真．茶葉沖製成 仲好過用奶精茶精既平價飲料 對健康都好d新鮮水果吧仲有唔同好細心既飲管同餐具架用心小店非佢地莫屬芝香苺果始終到了飲落新鮮 無＂假＂味芝士味唔算好濃但少少既奶味仲有天然茶葉飲落幾舒服仲有煎餅大家下次去可以試下做埋會員亦都有買一送一優惠下次會再去試下其他口味又或者試下佢地既煎餅

一直想為喝。茶打一篇食評，由它未裝修完好開始喝，大大話話都喝上了十數次。一喝成主顧的芝香莓果，粉紅莓果沙冰加上白色芝士奶蓋，很少女的外表。莓果是真莓果，不是化學藥水味，喝到果籽，酸酸甜甜，很Fresh!超級水果四季春，橙和熱情果味相對突出，注意喝。茶非沙冰類的飲品甜度較高，冰塊佔杯子八成以上，試過叫少冰仍是太多冰，下單時候要留意。喝過的還有芝香芒果：令人有點失望，芒果味道很淡，像喝糖水，是店中最令我失望的飲品。

之前飲過呢間嘅超級水果綠研覺得很不錯，於是今次黎試下奶蓋系列同煎餅🤤煎餅有咸有甜任君選擇，今次試下咸嘅先。。。。。。。。。。。。。。。北京烤鴨煎餅 ($50)(綠豆麵粉，烤鴨，雞蛋，京蔥，芝麻，烤鴨醬，青瓜，薄脆)▸味道很不錯，烤鴨醬唔會好甜又唔會好咸，餡料都算幾多，最欣賞係有薄脆，好香脆增加左口感👍🏻 煎餅偏淋身，食嘅時候比較麻煩，一路食一路跌😅。。。。。。。。。。。。。。。。芝香莓果 (買煎餅加$20有飲品)▸奶蓋都幾滑，比較重奶味，芝士味不重，不夠咸香 (我比較重口味，中意咸啲濃啲) 莓味都幾清甜，味道唔假，整體不錯👍🏻

🍊🍋🍇大家都feel到呢期水果茶當道，小粉姐緊係試下新野😎✌🏻睇外表真係睇唔出！一試過相當驚喜！個人認為比＂喜茶＂更好飲！以後唔洗咁辛苦上大陸排隊排成半個鐘🤤💓強烈推介＂芝香莓果＂👍🏻👍🏻你絕對冇諗過每一啖都好有層次，啖啖清甜莓味（唔係死甜）再黎係濃郁茶味🍵比例係perfect！＂超級水果四季春＂呢款水果茶普遍都偏甜，但調較完係好fresh ge熱情果加茶香，酸酸甜甜🤤👍🏻價錢雖然唔算平，不過物有所值一定會再幫襯！

其實要係食客手上拎到一個好評～客人肯真心落手落腳同佢寫 真係唔係咁容易仲要佢淨係賣嘢飲得記得呢間鋪前身係賣分子料理 我見佢都保留原有裝修轉賣依家好興嘅飲品外 仲有賣夾餅其實坦白講 佢競爭都幾大正正隔離都已經賣同樣類型茶店 仲要係大牌咁啱年三十晚去維園經過就買黎試試 「芝香莓果」芝士奶蓋滑而不膩 茶味突出 奶同茶口味平衡做得剛剛好 老板仲教你點飲最好飲「超級水果四季香」唔死甜 水果好多 但缺點係好快飲完唔夠喉呢間絕對值得下次再encore!

路過新開見買一送一便買了兩杯芝香莓果來喝。點餐時員工頗有禮貌，只是動作比較慢。畢竟，人真的很多，但兩杯飲品需等近20分鐘，真的等得有點沒耐性。我承認，買這杯芝香莓果真的因為粉紅粉紅的，少女心十足而買。 單賣相是蠻吸引，真的蠻呃like。味道其實還算不錯，可能需用水果製作，需時會比較耐。甜度適中，莓不會酸，配芝士也真的很可口，不會覺得很膩。不過以正價價錢35蚊一杯來說，性價個人覺得算低。 同款飲品試一次足夠了，不過下次還是會再光顧試試別的飲品。 好評還是值得給的。整體評價 （10最高）賣相：9味道：8價錢：6.5服務：8

超級水果四季春(凍) HK $28位於禮頓道新開嘅「喝‧茶」，除左有飲品外，仲有四款煎餅。今次先試飲品。超級水果四季春幾大杯，入面有齊五同嘅水果，茶味幾香，而且五會好甜。開業優惠第二彈 : 2月1日至2月3日中午 12:00 開始，首 100 位顧客購買任何飲品買一送一。