影片
電話號碼
23373288
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
有關獎賞計劃
沙田新城市廣場新開一間越南菜餐廳🇻🇳，食物及環境氣氛圍都帶來舒服感覺，仿似進入了小田園既感覺🌴而「嗦嗦DzôDzô」是越南俚語代表「乾杯」意思，適合與友價相聚👫小食🍤順化蔗蝦 $88將蝦打成蝦膠包住條蔗，將佢炸起，食起上黎都幾香口，仲要熱辣辣的，有越式既味道🐔香茅燒雞翼（4隻） $72即叫即烤🔥，外脆肉嫩，能夠鎖住肉汁，雞翼皮仲有烤網紋，風味獨特主食🐷越式燒腩仔 $178燒腩仔配越式特調醬汁，味道酸酸辣辣，而且燒腩仔個皮燒到好脆卜卜，肉質係嫩滑有口感的河粉🇳🇿手拍紐西蘭牛柳湯河粉 $128採用紐西蘭牛柳作為沙河粉既主要配料，牛肉7成熟鋪面，煙靭既河粉，唔同平時既河粉，非常好味甜品🥭脆炸糯米飯拌椰汁香芒 $78最巨特式是將三種味道既糯米飯炸成波波，有斑斕椰汁味、蝶豆花味、原味，三款波波球，旁邊仲有芒果粒同椰汁🥥飲品🍋凍檸檬茶 +$5 （套餐加配）🥥凍椰子咖啡 $48用椰子製作成一杯咖啡，入落又唔會太甜，調節至適合香港人嘅口味，整杯咖啡充滿着椰子嘅味道📍 嗦嗦 (沙田)🗺️ 沙田沙田正街18號新城市廣場一期1樓115號舖
繼續閱讀
星期六 夜晚七點到達，不需等位就入去。我哋兩個大人一個小朋友，坐單邊梳化位，地方算闊落，裝修走清新路線。我哋睇餐牌見套餐(二人餐)大約由$300幾至$400幾 不等，配合唔同主食，有唔同嘅價錢。我哋決定散嗌，叫咗一杯榴槤奶昔 78蚊， 金菠蘿海鮮炒飯138蚊， 雞絲扎肉湯河98蚊 ，酸辣無骨鳳爪72蚊， 炸春卷係讚好佢facebook或者 ig送嘅。 埋單連加一$425 本人覺得cp值一般，食物中算是最好味係🍹榴槤奶昔，飲到最尾有榴槤肉在杯底，同埋整杯奶昔榴槤味濃鬱，奶昔香滑，另外覺得值得食嘅係金菠蘿海鮮炒飯，有幾隻蝦加上金菠蘿(大約係八分一個菠蘿)， 菠蘿係燒過，多汁香甜。雞絲扎肉湯河完全唔值哩個價，雞絲肉質鞋口，酸辣鳳爪🌶辣度十足，食得辣嘅朋友先至好叫 ，炸春卷十分油膩😒 ，全餐淨係覺得個奶昔加炒飯係叫做ok 其他可以skip。
繼續閱讀
過開黎沙田，所以約左舊同事食lunch。同事send左2間餐廳黎，見menu都幾多選擇，所以揀左呢間平日12點幾1點去到，2個人，都唔算等好耐就有位我叫左河內生牛肉湯河粉，大大碗，湯鮮甜，牛肉好味好香，另外放埋配料青檸檬提升鮮味店內做緊活動，like左可送春卷，味道正常同事叫左燒豬頸肉撈檬，分了豬頸肉給我試試，烤得香口味道也很好
繼續閱讀
見佢新開，又好似都幾多人食，路過諗唔到食乜，咁即管試下啦.. 2個人叫咗一碗生牛肉金邊粉 ＋熱檸茶，一碗豬頸肉撈矇 ＋熱咖啡 ，再加個三色芒果糯米飯首先碗牛肉金邊粉，收得人過百蚊但碗粉唔算大碗都算，啲金邊粉佢竟然有能力整到仲淋過烚過龍嘅河粉，牛肉正常啦，但啲香葉/九層塔好貴咩？！ 比得三塊葉仔咁大把！個楷的士咁大粒嘅青檸仲要係乾水唧唔出汁嘅，洋蔥絲同芽菜得個兩條仔，睇黎食材真係非常珍貴！到碗豬頸肉撈矇，個矇粉都係太淋，完全冇食撈矇想要果種爽口。豬頸肉又係怪怪的，個樣望落似係豬頸肉嘅，但食入口個質地唔係平時食個種肥瘦相間爽口嘅感覺，而係好淋煲湯豬肉咁嘅質地 （我希望我食個舊真係豬頸肉啦.. ) 花生碎又係非常珍貴，得個幾粒仔... 而平時食撈矇常見嘅菜絲青瓜絲蘿蔔絲，唔知係唔係處理真係好煩複好花人手，統統欠奉。取而代之嘅係幾粒完全唔夾嘅菠蘿碎.. 到兩杯嘢飲，熱檸茶正常，但果杯明顯係Capsule 機唧出嚟嘅咖啡淡到根本冇味，唔知係咪佢冇人識Set部機或者連Capsule機都唔識用.. 去到食個芒果糯米飯先知，頭先個兩碗粉根本唔算得係啲咩，呢個街知巷聞嘅甜品先係驚典！ 亦係佢令我咁有動力寫呢篇食評！(that’s why 我只有影到芒果糯米飯嘅相）以泰國菜喺香港多年普遍嘅程度，我相信香港人食泰國嘢/芒果糯米飯嘅經驗一定唔少（包扣餐廳老闆管理層同職員），但佢呢個芒果糯米飯相對我以住食嘅無論喺九龍城小店、各區大小商場泰國餐廳、甚至泰國當地酒店同街邊檔，佢都相當有”特色”！第一，算我孤陋寡聞，真係第一次食個咁慳水慳力芒果肉連皮上嘅芒果糯米飯！可知芒果糯米飯好食嘅地方正係一筆落去成啖鮮甜芒果肉連糯米椰汁放入口，有乜理由仲要個客食時自己慢慢起皮？！ 唔只芒果唔去皮，畫龍點睛嘅炸綠豆瓣亦都欠奉，取而代之嘅係幾粒完全唔夾嘅應該係花生碎... 而個椰汁明顯完全冇處理過罐頭直出 （要加糖加粘米粉煮架.. ) ，冇味稀框框 ，淋上面佢根本停唔到係啲芒果同糯米飯上面令佢酸甜椰香相配.. 明白而家做餐廳人力成本好高，出街食餐飯已經唔係求你比好大份量同明貴食材，但唔該可唔可以尊重返D食材，唔好浪費食物，用返D正常處理方法Serve 客？！P.S. 枱細位迫都算，仲要員工坐位安排欠妥善，話晒都食緊過百蚊一碗嘅越南粉，體驗仲差過茶記，我喺茶記食都未試坐位迫到比隔離枱肥大嬸撞！唔夠位就唔好比客坐啦，明明個張係2人枱你夾硬比5個大人迫落嚟坐到痴落我度！ 人都癲！
繼續閱讀
喜歡食生牛河, 覺得錦麗及西環近屈地街有一間都好好吃, 有一次去大圍站附近地鋪的一間吃, 嘩........河粉鞋過沙紙, 但勁多人排隊. 發生什么事情? 今次見新開這間, 又去試下, 嘩嘩嘩.....除了河粉更加鞋外, 生牛是咬不開, 最後要用交剪處理.....超過100元一碗, 那來的自信 ? 我可話這是全港最難吃的一碗生牛河....不信? 大家不妨去試下, 吃完請留言給我.......看到有些食評讚到天上有地下無........大家知咩事.
繼續閱讀