影片
電話號碼
21321280
開飯介紹
喜愛觀看名項運動賽事的顧客, 則可選擇運動色彩濃厚的「嘉年華吧」. 「嘉年華吧」以球衣作佈置, 特設多個體育頻道, 播放各項體育賽事, 而深受香港人歡迎的足球賽事, NBA 等當然不能錯過. 場入設有六臺42吋的等離子電視機, 王再加上100吋的投射大熒幕, 能為顧客捕捉每個精彩角度. 駐店樂隊組合每晚更於「嘉年華吧」獻唱柔揚悅耳的歌曲, 舒緩緊張賽事的氣氛.
繼續閱讀
特色
飲o野傾計
附加資料
無肉餐單詳情: 每天供應少量素食菜式
營業時間
星期一至四
17:00 - 01:00
星期五至六
17:00 - 02:00
星期日
17:00 - 01:00
公眾假期
17:00 - 01:00
公眾假期前夕
17:00 - 02:00
以上資料只供參考, 請與餐廳確認詳情
食家推介
招牌菜
近來局勢依然紛亂，但生活總要過，正如人生總有高低，你嘅生活唔會因此停落嚟，亦要搵啲點子調劑一下，免得太入局而影響自己情緒。故此，是夜與友人專登嚟到沙田「麗豪酒店」嘅「嘉年華吧」聚聚，搵個靜靜哋嘅地方食吓嘢，傾吓偈，談談近況，講講將來，兼且提早試試佢哋準備晌聖誕及元旦推出嘅「節日晚餐」。聽個名就知喺行酒吧路線啦，原來又唔算喺，反而喺間美式餐廳+酒吧嘅混合體。如果淨喺嚟飲吓嘢，揀啲梳化位就最舒服；如果嚟用餐嘅，有唔少舒適嘅卡位。入到嚟地方唔止大，仲有好多配套，例如美式桌球枱、飛標機，竟然仲有專業電競設施添，聽店員講都喺新添置無耐，依啲設施仲喺無額外收費。餐廳正中央仲架起100吋大電視，直播英超同西甲，呢樣就真喺啱晒我。有機會真喺想約啲波友一齊睇住英超，邊睇邊食。而有關於個「節日晚膳套餐」，定價為$428 / 人，四位用就會平少少，如提前預訂並付全費，更可有低至75折嘅優惠。睇番個餐，都好豐富架，送紅白餐酒或鮮果汁，菜式包括海鮮拼盤、餐湯、主菜、甜品及餐飲。白酒由於套餐頭盤喺海鮮拼盤，所以，揀咗白酒嚟襯，而白酒喺自家品牌，店長專登展示一下俾我哋睇。色澤金黃晶瑩，入口帶微甜，有份果香，非常之易入口，配海鮮真喺十分之夾。國際海鮮拼盤唔喺講笑，雖然按人頭數，但真喺擺出一大盤共有6款海鮮嘅拼盤（餐牌都喺標示5款，實行賣大包），包括波士頓龍蝦、鮮蝦、青口、鱈場蟹腳、海螺、大蜆，並伴上檸檬角及慣常見到食海鮮用嘅咯嗲汁，單喺份量計，已經覺得好有震撼力，再睇睇睇啲海鮮嘅色澤，絕無欺場。夾起一碟（打卡用），好有晌自助餐時食凍海鮮嘅感覺，不過，由於喺擺好盤即時送出，心理上更覺「新鮮」。拆咗啲龍蝦啖啖肉，又爽又甜，仲勁多蝦膏，而鮮蝦都唔弱，彈牙味鮮，鱈場蟹亦好正，拉出大大條蟹捧，有蟹味之餘又帶海水嘅鹹鮮，此外， 青口、海螺、大蜆都OK喎，唔會淡而無味，或者韌到擦紙膠咁。美式鮮蜆周打湯個湯睇落平平無奇，其實，入口就知真材實料，質感啱啱好，非常綿滑富奶香，而且，混入唔少鮮甜嘅大蜆，但出奇地比凍海鮮啲蜆更鮮，更肥美。香烤安格斯肉眼牛扒配野菌汁、節日香烤火雞餐牌中寫住有應節嘅香烤火雞，初時都擔會一大件，依家睇到喺每份主菜都額外配兩大片，共伴有大量薯菜，咁就啱啱好喇。然而，肉眼嘅份量亦唔少，大大件煎得焦香。啲肉眼火喉煎得恰到好處，入口帶點油香，肉質軟腍，且甚具肉香，食得出喺件具質素嘅安格斯肉眼。沾一沾香濃嘅野菌汁，味道更搭配；火雞一向俾人嘅印度都喺嚡烚烚，雖然，眼前呢件唔可以講喺嫩滑無比，但亦無話食落好嚡嘅感覺；至於啲薯菜，唔止喺款多，全部都炒過或處理過，香口而唔會味道好寡。香燒龍蝦配荷蘭汁 、節日香烤火雞荷蘭汁通常見於配賓尼迪蛋，但今回就配龍蝦，感覺都好特別。雖然得半隻波士頓龍蝦，但因為本身都夠大隻，所以，整碟出嚟嘅賣相都好有睇頭，尤其香燒過後，龍蝦顯得金黃而焦香，十分誘人。同樣伴有火雞肉及大旺3薯菜，上文分享過就不多言，集中分享啲龍蝦及醬汁。蝦肉燒得剛好，輕易拆出嚟，沾上少少荷蘭汁，微微酸香嘅醬汁，更吊出蝦肉嘅鮮爽，妙絕。慢煮三文魚配香草忌廉汁、節日香烤火雞就算只喺三文魚，都無做得馬馬虎虎，以慢煮方式先處理，再煎香整件三文魚扒，睇層外皮，煎得甘脆吸引。如果有留心，每道菜都有其細節位，將香草忌廉汁以小兜裝起，就唔會因淋落啲魚度而整腍層外皮啦。由於經過慢煮，所以，基本上上碟前再輕煎就可以，不過，個人就覺得有可能煎過咗少少，所以，肉質確喺柔滑有油香嘅，但又未至於嗰種嫩到滑落喉嚨，然而，配上啲香草忌廉汁，加上啲魚皮勁香脆，整體嚟講都喺一道出色嘅三文魚菜式。朱古力慕絲蛋糕伴野莓酒店級數即喺酒店級數，去到甜點都仲喺保持番個水準，店員更話，去到臨近聖誕，裝飾更唔止得啲野莓咁簡單。咪睇件餅「黑掹掹」一嚿，如細心望望，就睇到由上而下，一共有5層：慕絲、海綿蛋糕、朱古力軟漿、慕絲、海綿蛋糕，全部以朱古力為主調，所以入口嘅朱古力味好濃郁，慕絲做得幼滑細緻，海綿蛋糕軟綿有回彈力，中層嘅軟漿柔滑香甜，喺甚高水準嘅出品。即磨咖啡享受甜品，又豈可無杯咖啡配襯一下呢？餐飲就選上即磨咖啡，一杯芳香醇厚嘅咖啡，喺可以為甜點錦上添花。友人揀咗熱檸熱，喺為豐富嘅一餐消消滯。餐廳唔止環境好，氣氛輕鬆，招呼又到位，又有好多配套。雖然喺酒吧餐廳，但大人細路都啱，怪唔之得見到近窗有一大班家庭客，就喺幫啲小朋友慶祝生日！今晚同朋友都傾咗好多，渡過咗一個非常愉快嘅晚上，唯可惜地鐵早收車，只可以搵日「嘉」時下半場再傾過。
繼續閱讀
眨眼又到了12月，好自然諗起聖誕佳節，而大部份餐廳亦開始推出聖誕套餐，讓大家可早一步慶祝。今晚就跟兩位好傾的友人提早吃聖誕餐慶祝，希望能在這時勢互相打打氣，多點正能量。位於麗豪酒店內的Carnival Bar 吸引之處是又有得玩又有得食。第一次來到，果然令我好驚喜，單單玩樂的種類已可讓大家樂而忘返，整個環境都好有feel。除了玩樂之外，還有個小酒吧，而用膳區亦相當舒適，多張闊落的卡座和小圓枱，真係好咁大夥兒來玩樂。Carnival Bar正推出「節日晚膳套餐」Festive Set Dinner ($428/每位)，共有四道菜連兩杯飲品，菜式相當豐富吸引。順帶一提，如果17/12或之前預訂並付全費就可享有優惠：24-25、31/12有八折，而26/12和1/1仲有七五折。 ******************************慶祝佳節當然要飲返杯，餐前可先選富豪紅/白餐酒或鮮果汁一杯。見大部分是海鮮菜式，就要杯白餐酒 Regal White Wine (Chardonnay 2018)，味道清爽香甜，唔會太過酸澀，易於入口，正合我口味。******************************先上一大盤冰鎮國際海鮮拼盤 International Chilled Seafood Combo ，放得滿滿的，見到就令人喜悅。究竟有咩海鮮？逐一數數，包括開半的波士頓龍蝦、鮮蝦、青口、藍青口、鱈長腳蟹、蜆和海螺配檸檬和咯嗲汁，足足七款，大滿足！兩款青口和蜆同樣很爽嫩鮮味，個人就較喜歡細小肉嫩的藍青口；鮮蝦色澤亮麗，爽口鮮甜；海螺亦相當爽口，一點也不韌，味道仲好鮮，正！最喜歡就是肉質雪白的長腳蟹，柔軟鮮甜，啖啖嫩肉，即使要慢慢拆殼也覺得值得。還有大大隻的凍龍蝦，肉厚彈牙，鮮甜美味，仲有不少甘香的龍蝦膏，難以抗拒的誘惑。******************************平時較少點周打蜆湯，因為擔心它太溜滯，但這客美式鮮蜆周打湯 U.S. Fresh Clam Chowder 卻令我愛不釋手⋯奶白色湯身稀稠度適中，入口香濃幼滑，非常creamy。舀幾舀，內有不少清爽的青紅椒粒、洋蔥粒等食材，吃起來口感豐富之餘，亦可中和溜滯感，配搭合宜。當然不少得蜆肉，一碗有四五隻，仲要隻隻肉厚肥美，味道鮮甜，滿足!******************************輪到主菜，有節日香烤火雞再配一款三選一菜式，分別有香烤安格斯肉眼牛扒配野菌汁、香燒龍蝦配荷蘭汁和慢煮三文魚配香草忌廉汁，就一人一款，齊齊share，感受分享的快樂。火雞是聖誕佳節的代表菜之一，點可以少了它？肉質白淨，啖啖肉，又腍嫩又香，伴任何一款醬汁都各有特色。我是魚痴，當然先嚐節日香烤火雞Roasted Holiday Turkey配慢煮三文魚配香草忌廉汁 Slow-Cooked Salmon in Cream Herb Sauce 。厚厚的三文魚體積中等，色澤金黃，好靚仔！把其切開，魚肉呈粉紅，片片分明，並不散爛，肉質挺鮮嫰，雖不算肥美，但滿有魚香，跟香草忌廉汁好夾，而最吸引當然是香脆可口的魚皮。接着是節日香烤火雞Roasted Holiday Turkey配香烤安格斯肉眼牛扒配野菌汁 Grilled Angus Beef Rib Eye in Wild Mushroom Sauce ，友人先把肉眼切件，邊切邊話好易切，真的嗎？試試才知！表面深啡亮澤，內肉呈鮮粉紅，並沒有流出血水，烤弄時間拿捏得剛好，肉質腍嫩且富肉汁，夾雜些油潤的脂肪，甘香美味，牛味香濃，不需任何添加已很美味，但蘸上野菌汁又吃出另一番風味。最後一款是節日香烤火雞Roasted Holiday Turkey配香燒龍蝦配荷蘭汁 Lobster in Hollandaise Sauce 。半隻很有份量的龍蝦，燒得金黃，賣相吸引。輕易就能把肉拉出，爽彈鮮味，啖啖肉，還有不少甘香的龍蝦膏，令人吃得滋味，而所配的醬汁是荷蘭汁，挺特別！配菜有清爽翠綠的西蘭花；清新爆汁的車厘茄，還有粉綿兼滿有薯香的薯件，烹調入味，連醬料也不用添加。******************************完美的一餐當然唔少得甜品 Dessert，是朱古力慕絲蛋糕伴野莓 Chocolate Mousse Cake with Raspberry ，賣相精美吸引。朱古力慕絲蛋糕以朱古力、朱古力慕絲和朱古力海棉蛋糕組成，共有五層，睇落挺身，但口感幼滑，朱古力味濃郁，不會太甜膩，再跟酸咪咪的鮮雜莓同吃就更岩。******************************餐飲可選即磨咖啡Freshly Brewed Coffee 或茶 Tea，我就要熱檸茶消化一下，解渴解膩，最適合不過。------------------------------不知大家諗咗聖誕節去邊度狂歡未? 餐廳有酒吧可喝過痛快外，又有桌球枱、電子飛鏢靶機、Beer Pong、VR Game、Live Band、睇波，仲有最潮的電競，包羅萬有，可玩得過癮，當然連埋這頓「節日晚膳套餐」，真係吃喝玩樂集於一身，唔傷腦筋，大夥兒Merry Christmas!
繼續閱讀
佢地有個$285 買6送1嘅優惠。聽落好抵啊，但係...佢地會唔同你講咁計你7支原價嘅服務費。我未見過人咁樣收服務費。重要係唔問你要唔要花生同埋對花生有無敏感就成碗擺低. 仲要唔同你講，靜雞雞咁收你$30。真係佛都有火。你地仲需要有幾多個靜雞雞？？地點係一間算係不錯嘅酒店入面，我估唔到服務係咁差...唔怪得知唔生意。They have an in house promotion where you buy 6+1 beer for $285. It sounded like a great deal but... they will charge you service fee for 7 beer at “regular price” without telling you. I have never seen people charge service fees like this before. They also put down a bowl of nuts without even asking if we have allergies. I thought it was free but they actually charge you $30 for that as well, again, without telling you. We were very disappointed in our visit and most likely will not return nor suggest them to anyone else. Being in a great hotel, we expected something better than this. No wonder they have poor business.
繼續閱讀
世界盃期間偶爾發現睇波⚽地方150包兩杯飲品cocktails 溝得好飲唔馬虎推介 nothing沙律小食80幾蚊一碟，酒店嚟講唔算貴嘅環境寬敞世界盃雖然完咗嚟緊又有國冠盃⚽希望e間都有得睇啦
繼續閱讀
其實佢嘅食物應該佢酒店其他人餐廳供應的，食物其實不錯，食物有炸嘢多，炸魚薯條比較油，但每次去食都叫呢個。食過炸雞都唔錯一般飲啤酒多，生啤有几個大路選擇，算可以啦。見都好多人飲cocktail，都有不少選擇。但最近服務可以用「差」去形容。以往每星期都去，勝在夠近同唔多人，就算星期五、六都有位。經歷几次人事變動，都係正正常常，最近新的經理奉行新政策，星期五、六夜晚睡點後最低人頭消費，唔計你張枱消費几多（好似朋友先到已經order)，總之9點後入場包另收120。
繼續閱讀