嘉彩酒樓 (已結業)

其實.....食海鮮去過好多地方，三聖都係第一次去食，上openrice睇下，都唔知邊間好，由於一大班人去食海鮮，唔想有咩差錯，所以保險d，都係去酒樓穩陣d好。嘉彩絕對唔係富麗堂皇，感覺有d舊舊地添，哩點其實我唔多介意同理會，反而我最擔心冷氣不足嘅問題亦無發生，佢地冷氣好足夠。拉大隊去買海鮮，多得其中一位係其他餐廳嘅大廚，由佢發辦就啱哂！辛苦哂！其中有兩道海鮮特別要提吓，第一道係蒸果兩條班，查實自己唔多好食魚，細個試過被魚骨卡過喉嚨囉，唔多唔少有D 童年陰影，所以除非好吸引同貴價魚，否則有陰影唔食，蒸哩兩條班，廚房時間掌握得好好，蒸到啱啱好熟，肉質好滑，相信功多藝熟，讚！更加要大讚係清蒸鮑魚，都唔知食過幾多次蒸過哂籠嘅鮑魚，但今次食嘅蒸鮑魚一d都唔靭，大喜！最后埋單連料前后加埋十幾個人每人三百幾，又飽又好味，抵！絕對無黎錯！

今日慶祝壽星仔生日嚟到屯門三聖邨食海鮮餐，我哋冇揀充滿風味嘅大排檔，揀咗喺商場入面嘅酒樓加工。酒樓就係普通屋邨商場嘅舊式酒樓，上到去攞咗位後，就落咗海鮮街嘅海鮮檔揀海鮮。兩個人咩都想試啲，每樣要少少，我哋揀咗半斤蝦，較細嘅象拔蚌，扇貝兩隻，一份龍躉，而雞，乳豬拼海蜇，壽包就係酒樓嘅菜。白灼蝦幾好，無灼得太耐。象拔蚌切得好薄，刀功好。味夠，但有少少過火。呢個整得唔錯，無搶咗魚嘅鮮味。雞係唔夠飽再加，普普通通，中規中矩。乳豬脆卜卜，海蜇爽口。有人生日梗係要食大大個壽包啦。送水果盤。

今日有長輩生日，特登去到三聖食餐好嘅中午大約12點去到，海鮮檔已經好多海鮮，價錢例牌唔平，不過質素取勝。在海鮮檔揀咗彬班 （呀叔話又滑又有魚味）、聖子、大大隻嘅蝦、扇貝同埋象拔蚌就去咗酒樓。Book咗間房，可以靜靜地食，仲要免開瓶費，免切餅費中午時分嚟到酒樓，仲有點心食！呢度仲有明檔，可以見到姐姐喺度煎糕、煎薄撐等，仲有點心車可以攞蛋撻仔、鹹水角等等，成個感覺好懷舊，畢竟今時今日好少酒樓有咁樣了。我哋叫咗煎甜薄撐、豆沙餅、沙翁、滷水豬仔腳，賣相雖然一般，但味道真係幾好。講返重頭戲海鮮，師傅建議豉椒聖子加煎米粉底。今日啲聖子唔算大隻，但新鮮飽滿又冇沙，豉淑汁好夠味，加埋個煎米粉真係好正跟住就到象拔蚌刺身！大大碟！非常新鮮爽口仲拎咗個煲俾我地堂灼，不過大家都話刺身好味d, 淨係灼左個膽既位置。再來就係煎大蝦大蝦煎到金黃色，啖啖肉，小小辣，非常香口惹味！跟住有蒜蓉粉絲蒸扇貝呢個蒸得耐左少少，如果唔係就更好啦！之後仲有蒸魚，條魚蒸得啱啱好，老人家食到停唔到口仲有燒鵝，都燒得唔錯，可惜太飽食到淨哂 （有打包的，無做大嘥鬼）。呢間酒樓裝修一般，但侍應服務周到，頻頻換碟同俾熱毛巾，最後仲送一盤飯後水

三聖一向是吃海鮮勝地，這次約了一班朋友來食好西。大家都不懂選海鮮，隨便找了一檔，又隨便買了大蝦、蟶子、龍蝦、桶蠔、扇貝和響螺，每人才$135。馬路旁泊了很多紅色的士，由此得知很多人特地從九龍乘的士過來吃海鮮。今晚來到較平民的嘉彩酒樓，環境沒其餘兩間那麼堂皇。我們放下海鮮點了菜，蒸煮炒焗都齊了。先點了一支天地壹號蘋果醋開開胃，不用很久便上菜了～燒鵝海鮮製作期間，先吃一隻店員推介招牌燒鵝，，但味道沒特別，燒鵝也偏瘦，不夠啖啖肉。豉椒炒蟶子一開始店員讓我們選蒜蓉焗或豉椒炒兩種煮法，她說焗會連殼焗，看起來多一點，炒則會縮小變彎。還好我們還選了後者，因為豉椒很香很惹味！蟶子亦炒得爽口。誰管看起來多與少呢，吃起來還不是一樣。芝士焗龍蝦配伊麵煮法除了芝士焗還有嘉彩招牌芝士炸龍蝦，不過後者需要多點龍蝦來製作，所以選了傳統的焗烤。龍蝦肉質鮮嫩，以伊麵襯底，味道不俗，但沒啥芝士味，只有牛油味。豉油皇大蝦中規中蚷，炒得不夠鹹香，蝦肉倒是頗嫩滑。蒜蓉粉絲蒸扇貝蒜蓉粉絲和扇貝永遠是不敗的組合，也是我的最愛！實在很難煮得不好吃，如果多點蒜蓉汁會更香。薑蔥桶蠔不愛吃蠔的我嘗了一隻，薑蔥炒得蠻香，桶蠔亦香滑多汁。鹽焗

8月29日自帶花錦鱔15斤，做出來蒸的凍，炆的只有吃到炸粉漿，帶來花竹蝦變細了，肉質變硬，賴尿蝦未炸熟沒有味道，薑蔥炒蟹太沒水準無味的，炒菜是做好的，送出來是凍的，絕對超失望，以後咪搞我，重要山長水遠入去，還比深水埗大排檔差

黎三聖唔一定食海鮮，原來都有其他選擇，呢間喺三聖既嘉彩酒樓，小菜一樣咁出色，荷葉飯夠香，咕嚕肉又好酥脆好食，最特別佢用蜜桃而唔係菠蘿去做配菜，仲有紅燒豆腐，下次經過都會再食

公司近來先後有同事退休，公司同事決定幫其中一個在公司人緣較好女同事S小姐搞榮休晚宴，餐廳就揀去三聖嘉彩酒樓，同事真是好愛來這間，2年前有同事海鮮飯局又是來嘉彩,又不是我決定去邊間，究竟2年冇來嘉彩了,今晚放工就跟同事一起行來三聖，嘉彩好容易找到，一班人一起吃飯最開心，主角又不是我,馬拉糕又幾好吃，味道並不太甜,燒娥味道又不錯，燒娥肉質夠脆，依麵味道又不太咸,蒸石班的肉質好鮮味,我覺得魚肉好滑，帶子魷魚浸菜又好好吃，魷魚味道好鮮味,帶子味道好鮮甜,其他都OK,份量好多，今晚吃到好飽，冇咩叫海鮮都埋單3800元,真是幾貴,食品水準都是一般，服務就一般,今晚和同事吃得開心

剛好同baby一個月紀念, 帶佢去黃金海岸酒店玩兩日 山長水遠入黎屯門, 不得不提 三聖村海鮮呢到既特式係 你可以係漁市自己買海鮮 再拎去附近酒家加工 食咩料 都o岩哂自已心水首先同baby 去對面漁市揀海鮮 原本仲怕佢嫌污糟 但出奇地 原來baby 識得揀海鮮 意外收獲 哈哈我地兩個人食 買左龍蝦 鮑魚 大蝦 扇貝 東風螺黎到對面嘉彩... 都好多人.. 可能因為d人慶祝母親節 所以都好爆滿好不易 8點有位一坐低 搵個部長 寫菜先  講比佢知 d 海鮮想點整 佢再每類海鮮以重量去計加工費龍蝦 - 唔使講 整個芝士焗龍蝦伊麵先, 不過黎到 唔似芝士味 似奶油味多d 但都好食 我其實係想佢清蒸 , 叫佢唔好落果皮 最後都係落左果皮...因為baby好怕果皮味 好在唔算太重...佢食得到九節蝦 - 豉油皇蝦 食到係美極味 但好好味扇貝 - 蒜蓉蒸 正東風螺 - 識食 一定係食 辣酒煮東風螺 惹味最後忍唔住叫多個 燒鵝例牌 因為呢間野個燒鵝好似幾出名好食... 所以明知食唔哂 飽住都要一試 最多打包返酒店 睇波做燒夜!

人數：11時間：晚上8時訂枱：有一行11人去三聖邨食海鮮！之前同家人去開海都，但有一次朋友推介試過嘉彩之後每次黎三聖都會選擇嘉彩。雖然海都靚D坐得舒服D，但價錢亦都比較貴，而嘉彩就係屋邨酒樓格局，但煮海鮮我地都覺得幾好食同埋唔呃秤，所以我地都認為係平及正之選 。 今次一行11人星期一晚專程來吃海鮮，雖然是閒日，但都有訂咗枱穩陣D，平時同屋企人來5－8人一般都唔使訂枱 。 一坐低就帶隊去買海鮮啦！好快行一圈後就去咗一檔老實姐姐到買海鮮，經過一輛講價後（其實講咗好少），我地買咗：大大帶子一人一隻、兩大札細既聖子、一斤半大蝦、五隻好大隻既瀨尿蝦、一斤小花螺、一斤沙白（定蜆）、兩個大筒蠔同埋好大舊班塊！埋單大概2千 。海鮮檔的哥仔會幫忙將海鮮拎返去酒樓，然後酒樓會問我地想點整，我地叫咗： 1.蒜容粉絲蒸帶子 － 帶子真係好大隻，蒸得岩岩好，唔「鞋」又好鮮味，不過粉絲少咗D，每人得少少。 2. 鼓椒炒聖子 － 超級大碟！估唔到兩札有咁多！真係食極都有，呢盆係第一碟上，但食到最後都仲可以打包到一盒走，真係有好多。而味道都好OK。 3. 鼓油皇大蝦 － 差唔多每次黎都會點，炒得好香口，

大陸人 服務態度，食到一吐氣！等左勁耐，追佢個經理又9唔搭八，問完仲嬲過唔問。如果唔係book 唔到興記係一世都唔會試。個燒鵝又鹹又乾，如果只係食白飯， 你都可以試下。

今晚與一班同事去屯門三聖吃海鮮，就去了某同事介紹嘉彩魚村酒家，我第一次和同事私人聚餐，因有同事提議聯誼，人數係13人，12個大人加1個小朋友，有同事帶了小朋友，我們放工後行去三聖，有同事話行去唔係好遠，我們準時去到，因有一位前同事要在九龍坐車入來，又遇到塞車，我們本想邊食邊等，有同事話唔係太好，他在7:45先到，開始有得食，呢度服務都OK,可能有同事係昵度熟客，其實，龍蝦今次係炸，其他同事話麻麻地，我覺得又OK,鲍魚就一般，青口又OK，嘉彩整得幾好食，海鮮買了3000元，另外，酒樓煮另計，埋單都是1600元，平均400一位，至於貴唔貴見仁見智，400元都可以接受，有人提議某同事退休個餐來呢度吃，海鮮一大斑人吃抵食D味道:屯門三聖海鮮與流浮山海鮮都出名，我係第一次來，嘉彩又OK,我覺得最好食係青囗同石班，其他都OK服務:感覺幾好，無因為有人遲來而服務不好環境:呢度OK,因今次BOOK獨立房，可以有私人空間價錢:埋單1600元，平均400元一位嘉彩是我第一次來，我覺得都好食

食完好嬲！好難食！浪費食材！所有炒野咸到喊！放落口都要吐出黎！向經理投訴話廚房放左兩次salt!!!!但換完個面比我地都咸到喊😭😭😭😭魚蒸得太熟！食到全家都一肚氣！晒左買海鮮的錢！無下次！

黎呢度加工食海鮮已有好幾十次，每次都另人失望。是晚係某親戚嘅生日，一家人又黎呢度聚一聚，食番餐海鮮先。自己買左二三千蚊海鮮黎加工，再另外加左燒鵝同炒碟靚菜。海鮮加工價錢合理，但自家燒豬斬一斬要一百蚊，蛋糕又要一百，呢兩樣好似有少少貴。第一樣黎嘅係白勺蝦，但太快手影唔切相，沒試，親戚話蝦鮮甜，勺得剛好熟一啲都無老到，好食。粉絲煮蜆，黨主話呢隻係韓國黎嘅蜆，叫波波？！而加真係咩都係韓風，連食海鮮都係。食落真係幾鮮甜，連湯都飲哂。炒聖子，好入味，分量都比足返架。椒鹽九肚魚，整出黎原來咁大盤，熱辣辣好正，椒鹽味重得黎又唔過鹹，亦唔油膩。炒黄蟮，賣相雖然麻麻，但真係好好味，蟮肥美又甘香，正呀！炒蟹，同樣無試，費事敏感，親戚話好味。蒸魚，薑蔥梗唔少得，嫩滑鮮甜。蒸龍蝦仔，唔知係咪太多，呢樣追單追左三次都唔黎，食飽哂先到，同樣甲殼類嘅睇都係唔試了。必叫燒鵝，皮脆肉嫩，唔多肥膏，好好味。仲叫左金銀蛋炒莧菜，果皮蒸鮑魚仔，又係影唔切相已被ko。整體食物係好嘅，但環境真係好嘈。侍應唔夠，叫極都無人黎，想落罐汽水，叫碗白飯，差唔多要嘈交咁，假日真係唔多盞。

勞動節前夕，與外母吃飯兼預祝媽媽節，一行六人到屯門三聖邨吃海鮮。住屯門十幾年，未嚐過三聖海鮮，這次經驗很難忘。本人一向無肉不歡，鮮少吃海鮮，到海鮮市場買海鮮到酒家煮食的經驗更是初次體驗。在市場一口氣買下龍蝦、瀨尿蝦、扇貝、蟶子、鮮魷、膏蟹、象蛂蚌，到鄰近街坊酒家去煮。上湯龍蝦肉質鮮美；瀨尿蝦以醬油開邊炒較椒鹽清淡一點，避免上火；手掌大小的扇貝蒜蓉粉絲蒸，可口；豉椒炒蟶子，拌飯一流；象蛂蚌刺身，沾日本芥末吃，我不太喜歡；椒鹽鮮魷是我的最愛，炒埋一大碟，膽固醇萬歲；鹽焗膏蟹，整隻蟹基本上是由蟹膏組成，膏比肉多，一試難忘！蝦醬通菜只為吃點纖維下肚。白飯是缽仔蒸飯，飯後有果盤送，埋單七百多元，另外海鮮食材二千元，平均每人五百元有找。惟一美中不足是剛碰上公司包廳和壽宴，全場好像只有一位稱職的部長答理我們，其他員工好像忙得對我們視而不見。

11月對我屋企嚟講, 喺一個好重要嘅月份, 因為我同阿妹, 細佬, 姨甥女全部都係 11月生日 (≧∇≦) 加埋阿婆 & 阿姨… 今年一共 6位壽星一齊慶生!! 哈哈, 半枱壽星 ^^一早喺樓下海鮮檔買齊海鮮, 加上一早訂咗枱, 所以 6:30pm 上到酒樓準時有位坐, 唔使等 ^^ 雖然時間尚早, 但酒樓已滿咗大半! 所以嚟呢度食飯一定要訂位~食海鮮, 除咗食材要新鮮之外, 煮功都好重要!! 呢度嘅廚師, 水準勝在夠穩定, 次次嚟食都咁好味 ^^ 就算燒鵝, 叉燒, 炒菜呢啲非海鮮類都一樣好食到停唔口!!由於篇幅有限 (最多只可 post 8 張相), 小妹決定只講今次最好味嘅 8個餸 *^O^*先講頭盤, 呢個燒味拼盤真係好好味, 叉燒入味, 海蜇亦好爽!頭先都講過呢度嘅燒鵝好好味 ^^ 皮脆肉滑, 食鵝有鵝味!! 絕對唔比附近嘅馳名燒鵝遜色~再嚟就講吓個上湯龍蝦, 湯濃肉彈, 一個字 -- 正!個人十分喜愛砵酒煮蠔, 愛其香脆得嚟啖啖肉!! 嗯~ 真係每隻蠔嘅裙邊都好香脆架~ >w<平時食蟶子, 通常都係豉椒炒~ 今次玩玩新意, 改為蒜蓉粉絲蒸~ 出嚟嘅效果都唔錯