嘉餸小廚 (已結業)

今天休息，朋友約去沙田顯田泳池游泳，一拍即合，完後，我們就逛逛週邊的商埸街道，逛到隆亨邨隆亨市集見有間【嘉餸餐廳小厨】，門面是木制板牆身、配寬大的玻璃窗設計，從外望進去燈光柔和，幹淨企理，小圓椅子緑色軟皮座，相當小巧，白色餐枱以卡位形式擺設，感覺整潔有條理。晚餐時間尚早，餐廳內衹有三兩張枱顧客，我們進去隨意座了張卡位。翻翻餐牌看看，有餐前小食及鹵味飯，還有鹵水鵝，鴨，鷄，乳鴿等等，都幾多選擇，價錢也實在。我們選了煲仔菜類及精選小菜各一款，配飯及例湯。餐湯先上，够熱，味濃，都幾甜，唔錯。魚腩豆腐煲$88，魚腩粘粉炸香，外層香口粉薄，魚肉鮮甜肉厚，豆付紅燒過，皮金黃色有咬口內里又白又嫩又够熱，配冬菇片，祘頭，姜片，埋少少欠，真不錯，好好味。椒絲腐乳通菜$78，看上去都炒得幾翠綠，菜够嫩，腐乳兜勻。朋友話腐乳味不够出，但我覺得清清地幾好，衹是椒絲略少了點。檸檬茶後加半價總的來説，厨房出品相當好，食材新鮮，味道不咸不淡不油，好好味。

位於隆亨邨，雙餸飯$27，三餸飯$32，算是平民價錢～(✨為推薦款式)-• 豆卜斑腩✨最抵食的餸，斑腩有三大件 (被四季豆蓋住了)，一開始以為是咕嚕斑腩，吃著才發現是帶一點咸辣的，挺惹味😋• 怡香茄子比魚香茄子淡味一點的，份量也不錯• 欖菜四季豆-• 咖喱雞✨是港式咖喱，有辣度，雞肉雞翼都有👍🏼• 香煎肉餅✨選用每天街市直送新鮮豬肉，每天限量100塊，雖然不算很大塊，但挺厚，混合了一些肥肉，很香口😋• 芙蓉蛋

今晚屋企唔煮飯呀想買幾個小菜諗起呢間嘉餸小廚之前屋企人下午茶過話幾好蝸今晚就試吓晚餐外賣啦點左～西蘭花鮮尤炒得OK嘅西蘭花唔會切到好大棵鮮尤份量正常唔會俾得好少又唔會好細塊果啲～京都豬扒放左啲芝麻喺面叫做香口少少呀個汁都OK唔會酸得滯佢嘅肉似係排骨係有少少肥肉嗰隻～茄子斑腩呢個正常發揮啦茄子都算俾得多～八珍豆腐材料都算多喎裏面有豆腐豬膶豬肚菜心蝦同魷魚個蝦似蝦球呀唔會話啲肉淋晒都算大隻呀有炸蒜頭粒吊下味唔錯呀

此乃小妹第一次於Open Rice寫食評,  希望給小廚一些正面評價和鼓勵。開業以來一直沒有很大興趣光顧，覺得質素可能跟先前同名的兩餸飯差不多, 直至一次晚了收工經過順道買外賣回家, 便一試翻尋味, 已經跟家中兩老encore了兩次了！抗疫套餐有小菜, 白飯和例湯, 份量非常非常充足, 也是熱騰騰的, 吃得兩老非常高興；而小菜質素更比不少酒樓還要好, 所以非常驚喜!!! 算是新翠, 隆亨一帶最正的餐廳了（酒樓都冇咁好講真）希望更多人知道這家餐廳, 因為它確實值得更多人欣賞（所以從來不寫食評的我也上來讚一讚）, 也希望餐廳能夠繼續保持水準!!! 

之前試過呢間餐廳，都覺得冇乜特別，但宜家你哋開咗一排，感覺到你們不斷改進，你哋真係有聽取客人的意見，不斷改進，服務真係好，食物質素也越來越改進，尤其是水煮班球&香芒大蝦球，仲有可以預訂海鮮，薑蔥炒蟹，勁有鑊氣，你哋要加油，期待你們可以推出更加多新菜式。

隆亨市集新開的嘉餸小廚，值得大家一試。尤其幾款推介小菜：鳳梨拔絲黑豖肉，嘉餸小炒皇，胡椒豬肚煮花甲，啫啫豬潤排骨煲，皆係色香味一流，價格都係幾拾至百幾，值得為大圍街坊推介的菜館。

新開冇幾耐所以同朋友入去試下嘢食環境都ok嘅d男樓面多數行行企企時運高睇你唔到一個疑似老闆嘅就好落力招呼當時係午市時段1點左右可能多人想試新嘢啦一食完我杯嘢都未飲晒就有人行埋嚟清晒成張枱除咗我杯未飲晒嘅嘢連我朋友杯水都收埋仲拎塊布嚟喺我面前抹枱感覺非常差

早兩日見到呢間舖頭新開張、心裏面都好想去試吓、見到佢個名同街頭賣「兩/三餸飯」嘅同一個名，都係叫「嘉餸」我估佢係同一間集團。今日無煮飯，同埋老人家一齊，又唔方便去咁遠，見佢D裝修唔差，地方又乾淨， 啲夥計又好笑容、天氣咁熱佢啲冷氣又好夠涼，媽咪決定比次機會佢，唔去酒樓！媽咪問夥計有咩好介紹？佢介紹咗：- 鳳梨🍍拔絲黑豚肉🐷同埋小炒王! 「🍍鳳梨拔絲黑豚肉」好味到不得了、簡直停唔到口😋😋😋有意外驚喜！冇諗過一間茶餐廳可以做到呢個水準👍🏽👍🏽👍🏽、勁過酒樓。另外佢個小炒王都唔弱，好足料又有蝦乾🦐又有魷魚🦑啲韮菜花🌼好新鮮，無渣㗎！屋村有間咁正嘅小廚，👍🏽正呀！堂食又得，外賣又得，要同D鄰居開心share 先🥳🥳🥳