嘗越

營業中

休息中

#嘗越 之前去咗灣仔食咗一間越南餐廳下午茶，本身想叫生牛肉湯河，後尾見到有一個貴十蚊叫牛魔王，包括生牛肉，熟牛肉，牛丸同蘿蔔，$59 跟一杯熱飲，決定一試。個碗望落幾大碗，湯底夠味，不過唔夠熱，唔知係本身唔熱定係大風口下吹凍咗。但正因如此，生牛肉冇即時變成熟牛肉，仍然係保持生牛紅色既狀態，慢慢漫熟過程中非常嫩滑。熟牛肉其實係牛腩片，肉味香濃，有少少咬口，幾好食。牛丸唔知係比少咗定太貴，竟然只得半粒，一啖食完冇乜特別都未食得真就冇咗。蘿蔔有兩細件但完全唔夠身，仲係比夠硬唔夠入味，唔得。河粉都幾唔錯，加埋酸汁更惹味，酸辣度唔錯。整體無論係生牛肉定熟牛肉都好食，下次有機會再嚟嗌呢兩樣$52下午茶都係一個唔錯選擇。嘗越灣仔譚臣道117號地下B號舖

看到有位子，就進去吃個午餐。其實上班族在吃午餐時最講求的是速度，但偏偏他們的服務慢得驚人。看來人手不足，只有兩個職員還要負責帶位、清桌、上菜和收銀。我點了一份海南雞喇沙，最奇怪的是先上了海南雞……而喇沙卻要三次催促才送到，真的讓人失望！雞肉口感滑嫩，但喇沙的味道一般。套餐包含飲料，冷飲需額外加3元。**如要屹立不倒，必須加強效率！**

嘗越即係食越南野，但估佢唔到有海南雞飯，仲幾好味！weekday 12點左右order 外賣自取，過左10分鐘，餐廳阿姐打電話話油飯未整好，問我要白飯得唔得。梗係唔得啦，海南雞飯個油飯先係精粹所在。呢個飯70蚊架，要白飯我不如去X媽媽或X爺海南飯，好在我等得，阿姐話煮多20分鐘就有。大家記住唔好太早order喇！雞肉好嫩滑，雖然個飯硬左少少，仲比齊三色醬，幾用心！未見過海南雞飯跟個湯有雞腳，好真材實料咁！唔錯呢！

極差的體驗。已經是叫招牌較高價的二人套餐, 落單的不知是否新移民, 廣東話話唔正, 重覆兩次講完點炭燒豬頸肉而非豬扒, 最後出單仍是豬扒; 點凍檸茶嚟的是要加錢的柚子蜜。落單時驚飯太乾可否俾咖喱汁, 答應可以, 最後只拎支甜鼓油而無俾咖哩汁。質疑佢同佢理論當你無到, 如果請唔到人一係就手機落, 一係就叫號碼算。豬頸肉乾而無味、喇沙湯底淡而唔正宗, 服務與食品均差到極致, 未試過去食咁差嘅越南餐廳。黑名單中的第一位。🤬

經過餐廳見到餐牌頗多選擇便入去試試，有1人及2人晚餐，包飯或粉，小食和餐飲。我們叫了豬扒湯和撈檬，味道不錯，份量足夠，大蝦喇沙都可以，炸蝦餅，雞翼和春卷很脆卜卜，整體很好。

不時也會光顧這間嘗越 Pho Vi，訂外賣和堂食都有試過。在open rice下外賣單有時還有折扣。App訂會較直接堂食貴。在灣仔，我較多選嘗越，因它的價錢較親民，選擇也多飯大碟，小食價也經濟。生牛湯檬套餐加檸水。上菜很快，5分鐘就完成。配菜新鮮、很香，湯的色澤淡、牛骨湯味道恰到好處，我整碗湯喝光 牛肉薄而有肉汁，配上洋蔥，好吃得流口水檬粉加上湯，少粉的量，我吃光了值得留意是不論是否一落單已叫用外賣杯，都會收$1。

午飯時間，門口企滿等外賣嘅人，堂食嘅話反而即刻有位，非常好彩！一埋位睇餐牌，見到食物選擇眾多，主要分為湯河、喇沙、撈檬同埋客飯，小小一間餐廳，估唔到午市都提供咁多種嘢食，真係唔話得！餐廳空間唔大，但枱與枱之間有一定距離，無好似其他餐廳咁侷促，整體嚟講坐得算舒服。最後揀咗生牛肉湯河($62)，跟一杯熱飲，另加$5 配多2隻炸雞翼，成個set盛惠$67。湯河方面，湯底味道濃淡適中，河粉有少少淋；生牛肉份量略少，但肉質細嫩，味道唔錯；炸雞翼出餐時已經凍咗，好明顯係炸定，但食落味道唔差，整體食物水平唔錯，絕對值得一試。

話說前幾日去開灣仔入境事務處嗰度換智能身分證，佢之前諗住睇吓附近有啲咩好嘢食，咁岩就見到呢一間越南餐廳，見佢啲嘢都好似幾抵食，就二話不說入咗去。叫咗個海南雞飯套餐，佢包例湯，同埋飲品，都講緊只係$70，超級抵食！佢哋嘅雞肉超級嫩滑，亦都唔會唔熟，剛剛好！

和朋友行街在小巷見到依間門口貼滿餐牌，見圖片幾吸引就決定試試。店面有大餐牌推介海南雞飯就梗係試試主打菜啦！平日下午茶時間到只有2-3枱客，下單大概5分鐘後就有。套餐連湯及餐飲，湯為中式老火湯，雞腳已煮得軟爛，不過味精味較重，飯後有口渴感最出色都係油飯，紅葱油十分香很下飯，不用餸菜都可以吃一整碗飯不過略嫌油份太多，到碗最下面的飯幾乎都蓋滿油。不過雞肉更失望，雞肉肉質較腍和軟，不過很淡沒有味，只能沾醬。下次可以試其他

曾經在另一間越式餐廳買過撈檬外賣，拎到返公司食，檬粉變成一餅檬餅，自此到好擔心撈檬外賣，但有一日好想食就決定再試一次，用openrice order左呢間餐廳既牛肉撈檬外賣～餐廳好大方地隨餐俾左兩大包甜酸魚露，檬粉無變檬餅，暖暖地，牛肉好食，成碗食晒，呢個午餐食得好安樂，哈哈，希望大家都試下呢間～食物既水準幾好。

今次嚟食晚市二人餐包左兩款主食兩杯飲品以及一個小食拼盤主食方面有撈檬、喇沙、湯粉或者飯選擇都算多而我就揀咗香茅豬扒飯同豬頸肉喇沙香茅豬扒飯嘅香茅豬扒夠入味 好食😋豬頸肉喇沙 肉嘅份量都算多叻沙個湯好濃味 豬頸肉就唔會咸夾埋食啱啱好至於小食拼盤就有越南米紙春卷、蒜蓉炸雞翼、香茅豬扒同蝦餅米紙春卷食落去好爽口蝦餅炸到啱啱好，成啖蝦肉係度不過炸雞翼層皮略嫌厚咗啲整體來講每樣嘢食都好食😋

非常不錯的早餐體驗在灣仔地段 新的早餐選擇 水準也不錯7點就開門 餐廳環境舒適且乾淨 不會很擁擠食物選擇多樣化 店員也很親切 還會關心一下客人滿不滿意 另外 餐廳也提供外帶選擇 值得推薦

I think Pho Vi is the replacement of the former King Prawn Vietnamese restaurant, and it’s a huge improvement to the old establishment. The food is far better (I ordered the cold Moan vermicelli w/ shredded chicken & spring rolls), the decor more attractive and clean, and the staff more helpful and friendly. There’s no 10% service charge that I’m aware of, so it beats places like Pho Saigon (on Heard St) and the prices of the dishes are lower too.