嚐仙

營業中

休息中

如題！ 行行下，口喝，去左嚐仙買珍奶飲 叫左杯黑糖神仙珍珠奶店員話冇晒珍珠，問轉小丸子好唔好我都係想有野咬下，所以就轉左小丸子點知….出事！😖😖啜極都啜唔到小丸子仲有，明明張相有仙草，飲晒成杯都飲唔到飲到最後，終於知點解根本枝管係啜唔到小丸子🫠🫠至於仙草…相信真係漏左冇比🫤所以，下次再有人問轉唔轉小丸子，我唔會再轉！！😵‍💫😵‍💫😵‍💫既然冇仙草又啜唔到小丸子，咁點解我要比$34買呢？我飲梗黑糖奶咋🥹

嚐仙算係呢類型的甜品之中，數一數二好味。每次排隊諗食咩都好有選擇困難，樣樣都好想試，今次多幾個人一齊食，可以嘗試order唔同款式，非常大滿足！本人特別偏愛佢嘅芋泥仙草，味道唔會太甜，推介！

開學季梗係要介紹返D糖水比大家啦 等大家食完飯或者放完學之後可以小聚下繼續吹水～呢間就係位於尖沙咀旺市 美食厚福街！同類似嘅品牌鮮芋仙差唔多 呢間嚐仙都係食芋圓甜品為主 另外都有台式手搖飲品 最出名係佢個芋泥同刨冰啦🫶🏻🍨雙芋紫米紅豆湯小丸子💰53入面有芋泥 芋圓 珍珠 仲有我好想試嘅紫米同紅豆湯！呢個小丸子系列真係好多料 其他雙芋系列只會有珍珠同芋圓但係呢隻就仲有小丸子！同埋湯底都唔會係普通紅豆湯 而係黏厚嘅紫米+紅豆+仙草 整體口感大加分！芋泥雖然係特色賣點 但係應該真係好天然 冇甜味只有芋泥香味 芋圓有三隻 紫色係芋頭 黃色分別係南瓜同蕃薯 煙韌度好夠 而且味道又啱啱好甜 唔會話淡而無味！珍珠就浸過糖水來 但係都甜度合適 小丸子都好有韌勁 煮得好透夠淋 仙草薄薄地滑嘟嘟 可以見到圖二蓋係芋泥上面嘅唔係焦糖而係仙草！紫米好少係芋泥產品入面出現 其實口感真係好正😭層次豐富左好多🍨招牌燒仙草💰48呢個入面就比較經典啦 有芋圓 芋泥 珍珠 紅豆開始會以為芋泥係粒雪糕🤣佢挖得真係圓碌碌咁 但係都係一樣 太天然🤭表面有好多仙草 要撩開先可以見到芋圓同其他料 而紅豆全部都係軟糯又夠甜嘅紅豆蓉咁

嗰日喺附近做完嘢諗住食啲嘢，路過呢間台式甜品店。上網搜尋，原來是一間嚟自台中的甜品店，主打手工芋泥、芋圓、黃金地瓜泥等等。看見餐牌，價錢方面比另一間台式甜品店差唔多，但呢度嘅甜品都包多啲配料，唔知好唔好食呢？就入去試吓啦～黃金地瓜泥仙草奶凍 (HK$45)．上枱見到個碗裝得滿滿的，有仙草凍、地瓜泥、芋圓、珍珠、紅豆．鮮奶油係分開放喺一個小玻璃瓶裡，倒上碗裡嗰刻好療癒．仙草凍，一大件，絲滑口感，入口好爽，好夠凍👍🏻．地瓜泥球，大舊，甜蜜，綿綿口感，只係唔夠凍．3色芋圓，幾大粒，口感煙煙韌韌，芋頭味和地瓜味比較淡啲，但淺黃色嗰粒食落好似都係地瓜味，但點解顏色不一樣嘅？🤔．珍珠，QQ的口感，黑糖甜．紅豆，甜蜜嘅味道呀～．食到底，原來底下有好多碎冰塊，唔怪之得可以持續到咁凍啦整體來說，一碗包括多款配料都食得好滿足嘅，只係覺得芋圓味道淡一啲囉。環境方面，店舖比較長身但窄身，所以2人枱比較細小，走路也要比較小心啲，怕碰到其他食客。

聽日放假心情好加上真係好熱💧所以duck duck又放肆了唔想排鮮x仙隊，可以試下呢間都幾推薦✨✨🤩嚐仙🤩五式牛奶冰(任揀五種材料) 🍨都幾多選擇 而且好多都好吸引最後我地揀左👇🏻👇🏻芋圓好煙靭好食 可以比美鮮x仙 可惜份量唔多仙草同布丁都夠滑 滑到好難”筆”起果種😂黑糖涷食到有甜甜地黑糖味 都唔錯小丸子正常發揮 都幾煙韌至於牛奶冰🍧佢係普通 粗粒啲果種最初奶味唔出但當啲冰愈溶就愈似飲緊奶咁🥛加埋煉奶配上材料 真係幾好食😋透心涼❄️💰$ 55回頭率 : 🐥🐥🐥🐥🐣/5

今日剪完頭髮，又未夠時間同朋友見面，就隨便去咗間食糖水嘅地方，因為呢間係有得坐嘅，雖然地方細細地，但係都坐得幾舒服嘅，因為唔算太多人。咁糖水方面，佢熱同凍都有，而最好好嘅係，佢竟然同我講係有溫㗎喎。咁我覺得都幾好，因為呢幾日天氣真係太熱啦，咁佢凍嘅又有奶，我又唔想要奶，所以就揀咗個溫嘅招牌仙草。但係個糖水嚟到之後，其實真係有啲失望，因為佢個presentation係唔係咁吸引🥲🥲🥲但係應該有嘅材料都有嘅😊未到我覺得就不過不失啦，始終芋圓嘅食物都唔會太難食。咁因為啲仙草係凍嘅，所以成碗糖水就唔凍唔熱咁樣。而環境方面，成日餐廳就係個好適合90後嘅人去聽嘅台灣歌，全部都係我中學嘅時候聽嘅歌啊！所以都幾有回憶嘅🤣🤣

外賣咗兩碗「黃金地瓜泥仙草奶凍」(講明要”走奶”，標籤都有注明”走奶”）回家一打開，係芋泥，仲有奶奶奶奶⋯⋯⋯⋯唔食得芋頭&奶，一啖都無食，兩碗成為$94，成舊水！！！都怪自己拿走時唔記得check！！質地稀過碗水！寫住「走奶」，貼紙無錯，回到家才發現，碗內完全係第二樣野！真是離晒大譜！

呢間係佢新開張既時候已經黎過一次, 印像係太好, 諗住隔左咁耐行熟左俾多次機會佢, 結果都係強差人意😟 呢度可以選擇既甜品係好多, 而且都好多人排隊, 但係真係一啲都唔值😤雙芋紫米紅豆湯小丸子🍡($53)紅豆湯令我諗起韓國🇰🇷 份量係好多, 但係淡左啲小丸子同芋圓都質地都麻麻又冇咩味☹️雙芋仙草奶凍🍮($45)芋圓同上面既一樣, 質地偏硬又冇味, 奶既部分自己落, 就算落左都冇令到成個甜品好味到🥲真心呢間野我諗我唔會再黎食, 要排隊食既話更加可免則免😞

食完晚飯未夠喉，於是喺附近搵甜品食😗 一字記之曰，伏🙃 明明係叫牛奶冰，佢一上已經係牛奶水，真係瞬間懷疑人生，說好了的「刨冰」呢😩 佢都有冰嘅，但係好大舊嘅冰，只能夠講同我認知中嘅刨冰好大出入😬故事教訓世人，千祈唔好貪就腳就亂試伏😇

夏天咁熱 上次就嚟咗呢度食佢嘅雪糕五色黑糖冰🍧竟然有仙草味雪糕🍦好特別🖤可以自選五款配料 當然要揀地瓜泥同芋泥😎兩款都好清甜又綿密🍠芋圓超煙韌有咬口 底嘅刨冰 黑糖味好濃郁 超清爽🤤

呢一間主打芋圓嘅甜品 都幾出名🍮但係自己就一直冇食過～上一次就去試咗個雙芋仙草奶凍🤩 $50唔使大大碗🤑呢度個仙草凍好好食 真係食到淡淡嘅草藥味🌿配料都好豐富 芋圓同芋泥球都好正 食完超飽肚😍

係尖沙咀等朋友 天氣熱辣又冇嘢做就自己一個去左食糖水❣️ 黃金地瓜泥仙草奶凍 $45可見成碗滿哂出嚟 內容包括番薯🍠泥 珍珠 芋圓 紅豆🫘 今次選擇嘅主角係仙草凍 旁邊附有淡奶 係倒落去之前都要食左幾啖先夠位 唔係太滿就流哂出嚟先食番薯🍠泥 黃薯甜得嚟唔似紫薯個啲咁粉 口感剛剛好 珍珠大家有飲開珍珠奶茶🧋都知道 太硬唔好食 太淋又一pat嘢 佢個狀況就係適中 咬落仲QQ 亦唔會太痴牙 芋圓相對係比較費工夫嘅食材 我諗應該係自家製 不過粒粒大小一樣 食落都煙靭 唔會話太淋無咬口 一碗三色都有齊 可以一次過試晒紅豆🫘煮得好淋好綿 雖然無爛曬仲見到粒粒分明 但一羹咁食似食紅豆沙咁正 加埋淡奶仲加分最後係仙草凍 聽聞可以下火係消暑聖物 今日天氣咁熱特別想食 不過味道平平 同一般涼粉差唔多 加左淡奶的確會更滑溜地瓜泥系列除左仙草仲有其他選擇 下次會再試埋豆花布丁🍮

同朋友喺尖沙嘴食完飯，緊係要食個甜品作為ending！所以就去咗附近嘅台式甜品店，今次第二次去，比第一次去轉變咗小小，起碼堂食唔係用外賣盒裝😂好處係有得俾你自選材料～但真係好多人排隊，等到天荒地老，至少排半個鐘以上，舖面有啲細同多人一齊去的話會少逼🫣

呢間嚐仙對我黎講同鮮芋仙都有得fight，一樣係有冰食，有芋圓、仙草呢類台式甜品食，而且都係大大碗性價比好高既🤤不過呢間就唔洗排隊😙  1️⃣五式牛奶冰（$55）可以自選五款配料，揀左芋泥、芋圓、布丁、黑糖凍、嫩仙草。芋泥食落係實在，唔會好甜。芋圓煙韌。布丁、黑糖凍、仙草滑溜，而且每樣配料份量都好多🤤底下既牛奶冰好夠奶味～而且仲另外比左煉奶加落去😋  2⃣️五式黑糖冰（$55） 自選五款配料揀左地瓜泥、黑糖凍、嫩仙草、花生、小丸子。地瓜泥好好食！比較少見既配料，食得出地瓜既香味，仲有少少粒粒地瓜食到～另外小丸子都係幾彈幾煙韌👍黑糖冰比較甜啲，但係都好好食～消暑一流😍  3⃣️杏仁布甸一號（$49）配料有芋圓、椰果、水蜜桃同埋杏仁布甸。呢款係限定既，杏仁布甸味道有啲似杏霜咁，不過係淡味版，配埋啲配料一齊食唔錯！另外個底仲有啲碎冰。  4⃣️黑糖神仙珍珠奶（$33） 黑糖珍珠鮮奶加仙草，配料好足😚不過珍珠偏細粒，同埋唔夠煙韌。但係整體味道係好飲既。不過杯野飲都幾甜，下次應該嗌翻少甜🙈  

同朋友係佐敦食飽飯，散步咁行過去尖沙咀食糖水😋滿足女人嘅第二個胃😂記得上一次食過呢間覺得幾好味就同朋友推介左😁👍🏻今次都保持水準五色牛奶冰 ($55)因為上一餐食得太飽，所以我哋淨係叫咗一個冰share食，份量好大啱啱好夠我哋三個人食👍🏻我哋揀咗芋圓,黑糖凍,仙草,布甸,紅石，黑糖凍係最驚喜嘅因為唔太甜，但係又有濃濃嘅黑糖味😋其次係布甸好香奶味，但又唔會太死甜👍🏻仲有紅豆好綿好甜👍🏻仙草就有浸回甘既味道，系平時其他舖頭好少會食到嘅味👍🏻食甜品都唔係女人既專利😜見到有好多男士都三五知己過黎食就知嚐鮮幾好味👍🏻