嚐囍煲仔小菜

營業中

休息中

多得朋友提點，我地預早左2星期打去book 定位。去到餐廳，已經見到好多walk-in +有booking既係門口等緊，我地book 左19:30都要等15分鐘先有得入座。入到去，真係好爆，位置上都唔會好迫既。食物方面都好多choices，有點心，小炒，煲仔飯同炒粉麵飯。本人覺得煲仔飯就一定要叫，因為真係好出色，有飯焦香加脆卜卜，係必點！另外，都想特別介紹一下個燒賣，比起我平時食個啲好大粒，同都好彈牙，入面真係有一隻大蝦係入面，點心黎講一定要試下！食物價錢就正常價，唔係平又唔係貴，可以book 到位的話可以試下！

點心味道十分之普通………菜苗風葉餃 咸道差了點 用了菜心苗 配搭奇怪 餃皮倒是挺不錯 浪費了好味醬鳳爪和韭黃蝦腸還是可以的 不過唔建意係度食點心雞札中有蟹柳 一咬即化做泥咁 火腿過老 叫了一個臘腸煲仔飯 默認等待時間要40分鐘米飯粒粒分明 臘腸有油脂在內 一咬就有醬爆嘅感覺 味道方面無得彈 排骨選用了帶肥脂的 令整個飯沒那麼單調 飯焦均勻….值得一試服務態度差 講野基本上無尾音 會係冇預警嘅情況下收走食完嘅碗 感覺只有煲仔飯先係米芝蓮

新年年假期，去左行城門水塘之後行完諗晚飯點同男朋友講不如試下去排煲仔飯？可能少d人掛打電話去問，人地有開!! 我地就好早坐地鐵過嚟排隊鋪頭雖然都大，但佢地用盡d位我地2條友去左坐12人大圓抬同人搭枱食🍽🥢點心叫左鮮蝦腐皮卷好大舊，入面好多肉，面皮又脆🍽🥢叫左碟椒鹽鮮魷 加 九肚魚 雙拼九肚魚唔得，一上碟已經即刻食但依然有少少冧唔夠脆我曾經係珠海食過椒鹽九肚魚可以勁脆，真係好考功夫呢到個椒鹽鮮魷就好正常，脆口好味之後到我最期待既煲仔飯嚟啦🍽🥢叫左蝦干肉餅加窩蛋煲仔飯但好失望😔😔😔佢個煲仔飯應該唔係生煲因為面層d飯唔夠乾身，如果真係好食既煲仔飯用spoon睇面層d飯粒就知係咪生煲了而家佢地個飯，面層係軟煲底有飯焦係脆的但做唔到面層飯都好粒粒乾爽食食下，見到佢地電影機係到播片鋪頭點煲飯原來唔係用傳統炭爐燒之後再睇清楚，佢地原來點心係米芝蓮但煲仔飯唔係，我都覺得佢地點心係出色d如果食煲仔飯就唔值得嚟排隊了

曾獲米芝蓮必比登推介的煲仔飯有多受歡迎？年初四那天在西環附近看完戲就來到 嚐囍煲仔小菜 等位。下午5點半左右去到拿票，等大約45分鐘就安排入座。愈晚的時間等位的人會愈多，所以不想等太久就記得要早點來。這裡除了好多款的傳統煲仔飯外，亦有點心、精選小菜之類。🍚黃鱔飯 (HKD 108)肉質細嫩的黃鱔口感Q彈，配上甘甜的豉油吃落不覺有土腥味。煲仔飯的飯焦當然才是靈魂所在吧。那層脆脆的飯焦越嚼越香口。🍚臘味滑雞飯 (HKD 108)以整體來說味道比起黃鱔飯更香醇豐厚，層次感也相對豐富些。滑嫩雞肉加上濃香的臘腸、潤腸和臘肉，吸收了油脂的飯就更香。所以飯焦也相對沒那麼硬身，是微微焦脆的那種。🥬三色蛋娃娃菜 (HKD 75)娃娃菜好腍身，吃起來每一口都吸滿了三色蛋的湯汁。三色蛋其實就是皮蛋、鹹蛋和雞蛋。帶點微微的鹹香又不失鮮甜的味道，十分濃郁。🍲啫啫沙潤煲 (HKD 108)潤腸頗多且每件都好厚身，咬落口感Q彈，非常甘醇。爆炒過後的蔥亦很惹味，就是要吃那種帶著醬燒的焦香感。✨薑汁九層糕 (HKD 26)是屬於中點的點心，上桌時透著熱氣，要襯熱時吃。有薑的辣味但不會太嗆，甜度也不會很高。

我住喺西環附近，所以都知道呢間餐廳平時繁忙時段嘅等候時間都係比較耐，因此我今次特登等到三點幾先去食煲仔飯。呢段時間佢就唔使等位，可以直接入去。😋😋用餐環境有點迫，可以接受嘅。呀姐抹完枱之後我自己再用酒精抹左一轉就感覺良好一點：）朋友叫咗包羅萬有煲仔飯，我就嗌咗白鱔雞煲仔飯，兩個都相當出色，包羅萬有煲仔飯會有埋田雞同埋鱔，如果唔鍾意食呢兩樣嘢嘅朋友就要注意返啊！另外，由點餐到送餐都差唔多等咗半個鐘，如果趕時間同埋冇耐性嘅朋友真係要注意一下！但係等到嗰吓有得食真係好開心，因為啲飯焦真係好好味好香同埋好脆，會食到有聲😆😆一個煲仔飯都要$100左右，抵唔抵食？見仁見智。我覺得久不久食一次都會有滿滿幸福感！

呢次食饭体验真系好鬼衰，唔值得咁辛苦等咁耐！叫号嗰扎马尾嗰大姐，态度真系差到出汁，成副死鱼面，冷冰冰，又成日唔耐烦，好多次明明听到我叫佢，仲要装聋扮傻已读不回，真系当顾客透明咩？ 呢间餐厅嘅管理真系乱到离晒大谱，效率慢到飞起，一张枱啲人食完十分钟都无人埋去清，啲碟同垃圾摆到成山，成间餐厅睇住都觉得乱糟糟，好唔专业。 再讲，我都觉得佢哋成心照顾熟客，后到嗰啲人居然可以直接分到四人枱，而我哋等足咗成个钟，最后净系畀咗个拼枱，真系气到吐血，呢啲安排根本唔公平啦！ 味道仲唔使讲，普通到无朋友，咩特别都无，完全唔觉得值咁高嘅期待，随便喺街边食都好可能好过佢啦。 下次打死都唔会再嚟啦！

服務勁差的一間餐廳，服務員扮睇你唔到，叫幾次都唔睬你，收銀阿姑態度更差，傲慢，帶位阿姐態度傲慢語氣更差，你明明要花錢去食飯，就好似去食免費餐一樣服務員，帶位，收銀冇一個好面口，語氣倔強，明明有細枱都唔俾你，要你迫埋一張大圓枱搭枱，香港餐飲業服務差冇得救，基本全是新移民服務員。

收工5:45 極限趕到去，已經排緊四十幾號，殘念~ 最後等到差唔多 7:25 左右先入得~腳骨的鍛鍊，嗚啦！呢度除了供應主打嘅煲仔飯，仲有中式炒粉麵飯、小菜同埋點心~ 因為煲仔飯即刻整要等半個鐘，所以叫住點心食住等無咁餓 足足 30 幾款煲仔飯，花多眼亂~揀咗經典款式嘅白鱔臘腸飯+潤腸~ 呢度嘅煲仔飯唔用炭爐，煤氣爐。係用火山石爐，火山石熱力更平均耐火，可以形成一層厚而不會過燶的飯焦 ~個飯焦係真係不得了！勁多呀，食到牙鉸軟 😂 配個豉油都好正，香甜帶甘香潤腸係必加，油潤多汁肝味濃！要彈嘅係白鱔得兩舊！仲要唔係好厚㗎咋，根本唔夠分呀！到喉唔到肺！（事後睇 review 有人建議另外加錢叫多一份白鱔... 唯有係咁囉~）點心要咗煎一口和牛包好香黑椒味，食落好惹味，正常大大舊唔係一口嘅 size，唔知點解改個咁嘅名。懷疑等得太耐肚餓得濟覺得好正好好食~但係其實咁重嘅調味係唔係和牛有分別嗎？鳳爪唔錯。燒賣一般，食落好似成舊都係豬肉咁無咗蝦嘅爽口調劑比較悶蛋菜苗風葉餃好大隻，都依家都唔知個風葉係乜傢伙（google 出咗好多抽氣扇... lol），巨型得嚟同平時淨係得菜苗好唔同，佢仲有啲菜梗係

鮮蝦腐皮卷 $29新鮮即整，腐皮夠脆身。 鮮蝦燒賣皇 $33新鮮即蒸，彈牙也大粒。 臘味排骨飯 $102飯焦造得很好，不但沒有太燶的情況，飯焦也沒有黐著煲底，焦得剛好！臘腸ok，有玫瑰露香，臘肉和排骨也ok。 茶壺大，茶夠熱，茶葉泡得有茶香。服務︰Ok環境︰Ok 

第一個openrice評價煲仔飯可以食 但下次不了知道煲仔飯要等30分鐘以上等到第45分鐘去問啲阿姐嘅時候問咗三個都係hea答 一係已讀不回 一係態度差 特別係企喺外賣嗰個阿姐 紮馬尾嘅 冇一個阿姐嘗試幫我哋解決問題唔係唔等得 但係你啲嘢遲嚟你都要大家夾好個口供到底點樣覆啲客而唔係等咗九個字 一嘢叫人哋等等 係咁耐㗎啦 就算又唔知點解對大陸人又會主動幫佢哋去撈個煲仔飯 又問撈之前使唔使影相我哋都係食煲仔飯 但係又冇人主動咁樣知道生意好 但人都未走 就放人入嚟坐 擺道明就係趕人走做客少啲耐性都唔得 食到成肚氣生意咁好 但好似又無做員工培訓成個感覺就係全部人冇靈魂喺度流水式作業 總之出左餐就算 客戶服務嗰啲近乎零 除咗大陸人之外

一年前已經同屋企人去食過 環境迫 坐得唔太舒服仲要硬板櫈 老人家們坐得有啲辛苦 地下又跣 餐具就真係陳年舊跡咁 嘢食就真係好普通唔係特別好食 正常發揮 不過有啲少份量同埋有啲會好咸 都明出去食飯係會重味 不過佢係真係過份重味😐😐😐咸到係我親戚食得好濃味嘅都覺得咸 要唔要試就真係大家自己諗啦最頂唔順都係啲態度 今年朋友話想食 咁我打去book 電話一通咗我話［唔該我想book枱］換嚟嘅係一個啊嬸離遠個電話講咗句［打嚟book枱喎 幾多人幾時又唔講點book啊］佢講完先斯斯然用啲好西嘅態度問我details 首先打電話係可以查詢/叫外賣 我話你知我要book枱都係想俾個reference你知我目的係咩 第二唔知佢係想唔想我聽到其實 一係你就收線先雕 依家又要俾我聽到 咁不如你直接係個電話同我講 洗乜偷偷摸摸咁啫 最後我都未問完我要問嘅嘢 佢就cut咗我線 服務態度咪就係咁囉 上年去食啲staff全部都當啲客冇到㗎 舉手冇人理 睇到扮睇唔到 做嘢又甩漏 你叫佢做嘢俾埋面色你睇 都係個句啦 你哋自己衡量🫥🫥🫥呢個係我個人經歷啫

天氣漸涼，第一時間想起的當然是暖身的煲仔飯，食店是煲仔飯熱點，為免排長龍等候選擇了六時便入座。飯店面積不大，小團伙要搭坐一枱，因此可近距離觀看毗鄰的餐點從而作出選擇。尖椒完全不合格，賣相極差，毋庸置疑是賣剩蔗再煎熱奉客，味道充滿燶椒的苦澀，不吃也罷。雜菜煲有三四種蔬菜，加上粉絲和一些小海味，非常熱燙，只是湯頭有點淡。煲仔飯內的臘味和田雞均很美味，飯焦尤其出色，不費吹灰之力便可把整個飯焦翻起，飯焦可淨食也可以茶或湯泡軟再吃，悉隨尊便。閨蜜喜愛老火湯，見鄰座的食客點了白肺湯，當然不甘後人，白肺湯湯色奶白，湯料豐富，最重要是味道濃郁，感覺十分滋補。

煲仔飯同點心係好食嘅，性價比尚算高，唔需要排隊都可以食吓。但唔知點解佢今日入晒啲大枱先，大枱同細枱之間叫號可以差30個號碼，明明外面全部一pair pair 等緊，而俾我哋遲半個鐘嚟嘅三人group 都可以入座先。真心唔明，明明間舖頭係會要求搭枱嘅服務態度超差，食完企喺收銀處等咗5分鐘都冇人嚟收錢，終於有個阿嬸過嚟，但接過我張單之後突然衝入房影相，其實收過錢都唔駛1分鐘，最後我企喺度不斷叫人過嚟收錢，俾錢都好似要乞求佢咁，終於叫到另外一個阿嬸過嚟，佢問我俾咩，我答支付寶香港，佢即刻態度勁差地話返我呢度香港緊係支付寶香港，但明明佢counter寫住可選擇支付寶內地或支付寶香港或微信祝佢生意興隆啦，平安夜食到一肚氣

本來以為會有好好嘅用餐體驗，但真係好失望。環境雖然唔錯，但服務態度差啲。等咗好耐先有服務員過來幫我哋落單，等咗成半個鐘先上菜。菜上嚟之後，味道真係唔係好好。味道偏淡，冇咩特別，完全同平時出邊食冇分別。尤其係佢哋嘅招牌菜，包羅萬有煲仔飯，口感好乾，完全冇吸引力，唔值再黎。講到價錢，其實都唔平，但食物嘅質素根本唔配得上，好失望。呢間餐廳無論服務定係菜品都幾失望，以後都唔會再幫襯，米芝蓮真係over-rated.

突然就好想食中餐，煲仔飯個味我突然就好想食於是決議之下就去附近間嚐囍煲仔小菜食，飯點之前就直接入座就唔使等咁耐。🥢【白鱔臘腸煲仔飯】/ $102落單之後等咗有40分鐘，先講豉油就甜甜哋 撈飯味道就非常OK。飯焦我就唔係好敢食，太過於熱氣最多試一啖，味道夠香。白鱔肉質好爽口彈牙鹹淡適中，而臘腸味道口感就唔錯鹹鹹哋，鹹香味足。🥢【黑椒牛仔骨】/ $128唔係我點嘅，因為覺得會好熱氣我就試咗一啖，香甜鹹香皆有，不過喉嚨痛黑椒辣到我（其實唔會好辣，只係喉嚨痛唔敢食）。