嚐館 (已結業)

大份香口小菜餐，推魚香茄子🍆同咖哩類🥘！・・・・・・・・・・・・・・・・・・・・**以下全部係小菜餐，包珍珠米飯同飲品一杯，外賣平台價HK$62.4～🍆 魚香茄子煲 HK$62.4 👍・味道：一入口係正常魚香茄子味，但鹹魚香慢慢滲出嚟。唔係一嚟就好重鹹魚好鹹嘅味精味，讚👍・口感：茄子夠淋，芡汁夠杰但唔會去到杰撻撻，good～🥓 椒鹽金沙骨 HK$62.4・味道：冇乜椒鹽味，炸蒜睇落好多但都係唔夠香唔夠重味haha😅，不過金沙骨都幾痴炸蒜，OK～・口感：金沙骨夠淋亦唔會乾/柴，不錯。🐔 霸王雞 HK$62.4・味道：薑蔥味唔算好出，雞肉鮮味出。但鍾意佢有好多蔬菜，翠肉瓜、西蘭花、大白菜等。豉油係薄身嘅唔會好鹹，OK desu。・口感：雞肉滑嘅～🥘 咖哩牛腩 HK$62.4 👍・味道：好鍾意佢個咖哩，辣味幾出，之後咖喱味會嗒到奶香，味道好豐富，係白飯小偷！牛腩正常，薯仔入味。・口感：幾cream不錯的，牛腩有啲柴，薯仔夠淋，好食。🍵 熱低糖綠茶・味道：真係有好微微嘅甜，暖胃解滯，不錯的～・口感：冇澀味欸。🍚特別想講個珍珠米飯整得好香好軟熟，唔係9噏係真點珍珠米飯，正！・・・・・・・・・・・

外賣凍柚子茶，自動幫我轉咗熱檬水🙃🙃🙃但係錢就收足建議提下員工準備外賣嘅時候睇清楚張單要咩，如果係俾咗其他凍嘅嘢飲，我都可以接受，但係俾杯熱嘢我係咩意思呢？咁都可以搞錯嘅？係咪未瞓醒呀，要唔要請假返屋企瞓，瞓醒再返嚟啦，凍同熱都可以搞錯，唔想返工唔好返呀嘛，出面30幾度俾杯又熱又難飲嘅熱檸水我，想點啊？員工培訓方面，相信有待改善放心啦，唔會有下次㗎啦咁嘅服務咁（優秀），相信我就無福消受㗎喇🙃🙃🙃

跟餐+$12叫左杯紅豆冰，未試過飲紅豆冰可以難飲到咁，一飲落去係好酸既，叫職員換過杯，點知再黎一杯都係酸既！職員話已經換左，仲要肯定紅豆冰係新鮮，有試過係甜喎🙄！從此唔會再幫襯！

香煎美國雞扒配撈丁$45雞扒雞皮：口感香口，有煎過的香氣（今次有啲過焦🤣），肉質不柴～出前一丁：軟硬適中（有些冰室口感過於軟😬）；有淡淡蔥香味，令公仔面不會過分油膩🫰🏻分數：？/10食物🥘：7/10環境🏞️：8/10服務👩🏻‍🍳：9/10價錢💰：7/10總體而言：交通十分便利，店舖在地鐵站🚇附近；適合一家大小、三五好友👯享用餐敘；環境舒適又乾淨，店家親切有禮，笑容和藹可親🤣

法蘭西特厚花生醬🥜西多士 $40西多士雖然是油炸，但不油膩，整個空氣的密度不錯👍🏻；中間的花生醬是有花生🥜粒粒的，有多一層口感；牛油🧈配搭蜜糖🍯會一口接著一口🫶🏻分數：？/10食物🥘：7/10環境🏞️：8/10服務👩🏻‍🍳：9/10價錢💰：7/10總體而言：（我一星期至少去一次，啲姐姐已經認得我😂～）；食物🍽️的質素十分不錯，不會突然大失水準，可以Encore的🫶🏻

瑞士汁雞脾拼薯條🍟 雞脾🍗滷得軟糯而不爛，雞皮仍保持完整性，加上滷的關係，已去除皮脂的油膩感，口感差不柴、味道也不會太鹹🫰🏻；薯條🍟是現炸的，外脆內軟，因為是粗切，會嘗到薯仔🥔的味道；沙律🥗比較失色，（也許是我不喜歡吃生的菜😂），味道略微苦澀；但清洗得十分乾淨👍🏻分數：？/10食物🥘：7/10環境🏞️：8/10服務👩🏻‍🍳：9/10價錢💰：7/10總體而言：交通便利，在地鐵站🚇附近；適合一家大小、三五好友👯享用餐敘；環境舒適又乾淨，店家親切有禮，笑容可掬🤣

湯酸既，仲話6個員工嚐過冇問題，D小菜真係差過阿媽煮，完全冇食慾真系好伏，態度仲差到上天，一早就應該執笠要咩冇咩，餐具都唔齊我都不知幾個人係度做咩，真系搞笑，冇下次啦

朋友生日於是我哋呢今日就同佢嚟咗黃大仙呢一間餐廳度慶祝，我哋呢就叫咗個精選二人套餐，前菜呢我哋就叫咗個凱撒沙律配煙三文魚，意粉方面叫咗個扒大蝦配龍蝦汁意大利粉，主菜就叫咗個原隻白草蜜糖燒春雞凱撒沙律調味恰宜，有煙肉嘅香味，亦都有煙三文魚嗰種鮮味，一齊食非常之開胃！扒大蝦配龍蝦汁意大利粉相當掛汁，龍蝦汁味超濃郁，蝦肉正常，再加上小小嘅Mushroom食落去，超有口感原隻白草蜜糖燒春雞烤得唔係話特別脆，但啲雞肉就夠鮮嫩，而且配合蜜糖味甜甜地，非常之好食，另外亦都有薯仔作為伴碟，食落夠哂飽肚

叫佐2個餐1. 鰻魚飯2. 士多啤梨骨.睇餐牌鰻魚飯有包餐茶，問佢哋又話唔包，又話前幾日剛剛改佐.後來我哋再問第二個，依然都系咁講，問第三個先話係有包。話其他伙計系新人，唔知哦…🤬.會唔會係咁樣做生意？唔知可以答唔知🫨🫨.跟住個排骨一樣令人失望，又硬又鞋😫，飯又唔夠水…硬！...然後服務方面.叫佐佢哋攞水來…唔應，第二次又叫水，先話你知要自己去攞水。.全個餐廳，都無寫明要自助攞水，侍應又無講過，服務…..

嗌左個吉列豬扒滑蛋飯，普普通通一個飯，11：53嗌，等到12：20先到。等下等下仲要有隻極大既蒼蠅等係我個位……oh my goshhhhhhh可能佢地鐘意炒蛋，黎既唔係滑蛋，係炒蛋啦。仲有鐘意健康既佢地比冇味既青瓜同椰菜，都係果句，可能我唔鐘意only。Total 91蚊但得4舊豬扒，可能有人鐘意食呢間，但唔好食吉列豬扒囉oh yes, 佢個低糖綠茶難飲，我本身都唔挑既，但冇味得冰味真係……究竟溝左幾多水

買個外賣返去，其中一杯飲料個杯係穿咗，流左成半杯嘢，跟住攞返去碑距地，個職員一句唔好意思都無，仲要好唔爽添，講返碑嘢飲可以睇圖片，收費乜都收足，嘢就唔一定碑足你嘎，總之無下次👋

去咗黃大仙搵個friend食飯，佢話呢間【嚐館 Cityfresh Bistro】餐廳好抵食。餐廳環境都乾淨又好坐..見佢食物都好多元化，中西合璧，有啲茶餐廳食物又有啲café 食物。..叫咗雞胸凱撒沙律 Chicken Chop Caesar salad ($78)，勁多雞！幾嫩滑，唔嚡口；而且勁多菜，新鮮好爽口。滑蛋雞扒飯 fried scrambled egg and roasted chicken with rice ($73)，個蛋煮得好，唔會過火，雞肉同樣嫩滑；碗飯份量多 好夠食。熱奶茶 茶味濃，幾香滑

平日晚餐黎食，見佢間餐廳靚靚仔仔諗住試下。叫左一個霸王雞，上到黎變左蔥油雞，d雞仲要砍得好差好少，大家樂燒味飯d雞都靚過佢，又鞋又少肉，仲要收$80。真係見到都唔開胃。餐牌張相影得好靚，出到黎完全唔係一回事，我以為去左食低質兩餸飯既賣剩燒味。成碟無咩掂過就走左。大家真係唔駛黎試。老公叫左個滑蛋吉列豬排飯，完全唔係日式滑蛋，我極度懷疑個廚師唔知佢出面餐牌賣緊d咩。成間餐廳賣晒中西日式野食，拉麵咖喱，但無樣野做得好，不如專心d做好一類啦…

環境：坐得闊落既，裝修都新淨。候餐時間：週末晚餐但坐唔滿既，入座率大概一半，叫左個risotto同中式小菜都等＞30mins。後面枱叫左pizza話半個鍾未到，伙記先話要等40分鐘。味道：1. 椒鹽金沙骨，好！唔！掂！！白飯好乾，金沙骨好柴又韌，冇鍋氣，食左兩啖已經食唔落。2. 龍蝦汁海鮮risottod海鮮真係炒哂落去零擺碟，味道普通，但竟然食食下見到頭髮😓😓😓總結：一個失望既晚餐，第一次幫襯所以唔知係一時失手定點，但我就唔會再黎啦。

晚市叫咗一份雙層牛肉漢堡配薯條，仲假惺惺咁問我要幾成熟。個漢堡包上到嚟，薯條叫做暖，食完薯條食個包，個包係凍！係凍！係凍！唔係攤凍咗果種凍，係明顯放咗幾個鐘完全冷卻無溫度果種凍！真係未試過咁離譜！個包已經唔係平，過一舊水又無嘢飲。樓面人手又唔夠，服務員應付唔到咁多枱。最離奇係你都係用免治肉，又問咩幾成熟懶新鮮呢？而你根本serve個全凍嘅包出嚟，個肉亦係煮到熟透，咁當初又問乜呢？幾乎肯定係用一啲上一手客叫落但最尾無出菜到嘅「冷盤」奉客。真係未試過咁恐怖咁離譜！