嚐館 (已結業)

小弟因事忙，尋晚好遲先可以食 dinner，就臨急臨忙咁搵地方速吃。咁黃大仙大部分店都係收 22:00，佢哋都唔例外，喺佢臨收檔嗰時入去食，仍然被熱烈招呼。我叫咗一杯奶茶，一碗焗豬。焗豬係新鮮出爐，用上珍珠米，別有風味。飯仲係熱辣辣，芝士足料有拉絲，唯一小問題就係豬扒較硬，但七十幾蚊一個晚餐，咁嘅水準，實在係無可挑剔。奶茶，茶香奶滑。就算無落堂，仍然感受到一絲甜味。呢次短短 30 幾分鐘嘅用膳，比我對呢間餐廳留下好好印象，我下次有機會，一定會再幫襯（咁當然唔會好似今次咁夜）。

食午餐 價錢唔算特別平其實屋村商場唔期望好好食但叫個$70嘅餐都唔預期會咁難食叫左一個雞扒配薯粒$70所謂蕃茄汁好難食唯有撥走哂佢先食到塊扒薯粒好似比油浸過咁 濕哂索哂油 但又出哂煙 似翻叮過完全擺唔到落口 同行朋友叫左葡國雞肉飯啲雞全部都係骨個汁好似啲有怪味嘅水咁得啲白飯係正常 成餐飯好似乜都冇食過仲要搵店員落左單起碼十分鐘佢先去入單前後等左廿分鐘先有野食等咁耐仲要比啲咁嘅垃圾出黎真係嬲到震點解啲咁嘅食店仲可以生存？

黃大仙都搵到好嘢食😍呢間餐廳位於黃大仙站上蓋 地理位置勁方便 見佢價廉物美梗係要試吓佢 🥦蒜蓉炒雜菜 有住家感覺 零味精 就咁蒜蓉炒夠晒營養豐富👏🏻🍛滑蛋鰻魚飯 賣相好掂 就咁睇樣以為係出邊日本餐廳出品🤗 睇得又食得 份量一啲都唔少 質素拍得住出邊嘅日本餐廳👍🏻🥐軟殼蟹牛角包 食完日本嘢 中式嘢 之後估唔到西式嘢佢都一樣整得咁好食👍🏻 牛角包非常之脆口 勁讚吓啦👍🏻👍🏻👍🏻🍧紅豆冰 椰汁味濃 滿滿嘅紅豆份外滿足💯🍰法式薄餅 雪糕 手打忌廉 個甜品都整得相當出色👍🏻

蕃茄🍅焗豬扒飯(75hkd)上面塊芝士都幾厚幾大塊，熱辣辣嗰時做到明顯嘅拉絲效果，好邪惡，豬扒畀得幾大方，有成5-6塊，仲要唔係薄薄嗰種，都幾有誠意，茄汁🥫夠多夠濃，撈飯一流😆龍蝦汁🦞海鮮意大利飯(108hkd)上面嘅有蟹肉絲，都有一個小山丘咁，為個海鮮飯提鮮唔少，仲有2隻蝦2隻青口，幾足料，飯量充足😜黑松露芝士🧀忌廉燴扁意粉(78hkd)芝士份量唔算太多，黑松醬都畀得幾多，食落好香，意粉質量偏淋少少，有好多洋蔥🧅增加口感，菇菌🍄都好多，幾健康嘅感覺🥳#foodiblum港式

餐廳：嚐館 (黃大仙)地址：黃大仙竹園道136號黃大仙中心南館地下高層UG41號舖1️⃣ 意式蕃茄焗豬扒飯 $75豬扒同蕃茄醬嘅配搭真係好夾，再加上大量芝士響表面，味道濃郁，相當吸引。豬扒肉質鮮嫩，入口嫩滑，配合蕃茄醬嘅酸甜滋味，香味俱佳，而且份量亦非常足夠，真係食到停唔到口。2️⃣ 滑蛋叉燒飯 $78滑蛋口感柔軟豐富，軟嫩多汁，叉燒味道都唔錯，係略嫌瘦咗少少，但蛋液同米飯嘅香氣融合埋一齊，確實讓人垂涎欲滴。3️⃣ 椒鹽金沙骨 $80金沙骨經過烤、炸等技巧處理後，肉質變得非常酥脆，肥瘦適中，加上椒鹽調味同混合，辣味同鹽味亦恰到好處，令味道更加豐富，非常開胃。4️⃣ 青檸黑椒炸雞翼 (4隻) $48炸雞翼外層香脆可口，內裡則保持肉汁豐富，青檸同黑椒獨特嘅酸甜同辣味恰到好處，色澤金黃，十分美味。5️⃣ 凍檸茶 跟餐+$36️⃣ 凍咖啡 跟餐+$37️⃣ 凍鴛鴦 跟餐+$3

這間嚐館位於黃大仙中心南館，係一間餐廳嘅店舖店面環境係以Cafe風格🤔，以柔和色調坐著感覺舒適😙，食物方面都幾好價格一般，我覺得都唔錯!.意式蕃茄焗豬扒飯 $75呢一款蕃茄焗豬扒飯望著都幾好🤔，散發香噴噴焗香味😙，整碟豬扒飯上面放咗大大塊豬扒😮，整塊豬扒面滿滿芝士夠哂吸引，食入口濃濃芝士配埋腍嫩嘅豬扒夠哂正😋，同時佢嘅飯粒粒口感軟硬適中，沾滿蕃茄酸酸甜甜味道都唔錯!.意大利巴馬火腿炒蛋牛角包 $63 呢款牛角包賣相色澤外皮香脆😙，食入口外脆內軟又有口感🤔，包著嫩滑美味炒蛋😋，同美味巴馬火腿咸度適中，三者味道相當之夾，再食埋D沙律菜恰恰好!.玉桂焦糖醬法蘭西多士配法國野雜莓 $78呢一碟法蘭西多士望著都好想食🤤，係同以往大大件厚厚嘅賣相🤔，甘香脆口內鬆軟又有口感，夾住玉桂食入口帶點甜口甜度適中，加添軟滑嘅忌廉令到西多香而滑口更加好食😋，食埋佢嘅生果消一消真係唔錯!.熱摩卡 $26呢一杯摩卡散發香噴噴味😙，飲入口都好香滑濃郁嘅味道😋，早上飲番杯醒一醒相當之正!.彩虹雜果賓治 $18呢杯雜果賓治同以往又D唔同🤔，望著整杯幻變的感覺，飲入口清新口感😙味道特別😋，食埋D雜果恰恰好!.

假期路過 不用等位食物選擇多元化 有自選雙拼麵 西式扒餐 各款多士 麵包選果醬等等今日叫咗炸魚柳拼薯條 ：魚柳脆口肉身不算太薄 薯條正常 😋自選雙拼麵 ：煎蛋好靚有誠意麵質爽口 公司三文治：餡料豐富 不過有少許凍 不是熱食感覺 配上熱咖啡 味道還可以

經過職員很落力邀請經過的人入來用餐，裝修簡約新淨，餐牌豐富並且清晰。眾多的中西套餐很受歡迎。試下蒸魚套餐，110元不算貴不算平，時間掌握不錯，魚骨有血絲，證明沒有過老，廚房經驗不足，蒸魚豉油落的唔夠，後加先啱啱好。日式滑蛋叉燒飯，用了日式的燒肉汁，有小小奇怪，本來以為會係甜豉油汁，但職員解釋了日式後並可以理解了。服務人員態度好好，好用心服務，都見到好有心機做食物。新餐廳，始終要慢慢適應一下各種調味

嚐館💚黑松露菌芝士忌廉雜菌飯 $68醬油鰻魚粒蛋角炒飯 $68配凍低糖綠茶 +$3配凍咖啡 +$3人均消費: $71 (2人)-黑松露菌芝士忌廉雜菌飯🍚聞同埋食起上嚟 都好香黑松露味🤤配料仲有啲唔同嘅菇同洋蔥🍄洋蔥 唔會煮得太熟 有啲生生地🧅可以令到成個芝士忌廉飯冇咁漏雖然食多咗 都會覺得有啲漏嘅但間唔中 再食一食個洋蔥 會消濟🙈而且佢啲洋蔥同菇都係一條條所以口感都係差唔多 有啲統一😝份量上 送到埋嚟嘅時候 覺得有啲細碟但點知其實份量都係足夠嘅🤣·醬油鰻魚粒蛋角炒飯🍳送到上嚟嘅時候 有好香炒飯嘅味道😋食落去 味道都好足香味啲米係用咗珍珠米🍚煮到粒粒分明 口感幾好🤤不過鰻魚份量可以再多啲👻另外佢配料應該係有洋蔥 蛋 三色豆不過入邊嘅蘿蔔應該有經過再切細粒啲🔪所以唔係太明顯🙈份量上 送到埋嚟嘅時候 覺得有啲細碟但點知其實份量都係足夠嘅🤣·凍低糖綠茶🧊🍵唔記得嗌少冰🥺杯野真係好凍 俾咗超多冰❄️講多冰嘅程度 係由個面去到底都係冰用個飲管篤落去 係真係全部都係冰🤣不過夏天飲應該好正😝同埋佢啲冰好特別 唔係正方形一格格 係嗰啲碎冰融咗之後 令到個綠茶更加冰凍同埋味道 係淡淡嘅綠茶味 唔會話太甜👻·

星期五晚 1935落單 2005 才上菜，咖哩吉烈豬扒飯都要整咁耐，仲要係即食吉烈豬扒！咖哩又冇咖哩味！侍應完全冇幫手跟，一味話得得得！浪費時間！無論價錢、食物、服務都嚴重差！

見佢意粉張圖幾靚，就叫左個意式拿坡里肉醬意粉，黎到我仲以為食緊七仔定大家樂肉醬意粉，真係得肉醬，88蚊竟然得咁既質素，完全唔抵食。之後同再叫多個黑白西多，不過不失，叫做平衡下心理，應該無下次。

唔知係食中式定西式夜晚7-8點左右 成間餐廳無乜人叫左二人套餐 平均$130/1前菜得一人份沙律西湯 蘑菇湯喊到生腎石主食黑松露燴飯 同白飯無乜分別主食2 燒春雞 白烚配菜無調味 老雞加兩杯特飲 菠蘿冰同飲咳藥水無分別

加左18蚊轉美國牛扒竟然鋸唔開要成舊咬，落漏單同比錯野食同一時間發生，價錢同質素唔正成比，人手亦都唔夠，待應經過見到唔想理人，好似個個個都好忙咁，但落單又寫得唔清楚搞錯哂，唔係見環境幾新淨應該唔會入

食貨就係行到邊食到邊💃🏻今日走去黃大仙覓食呢間款式多 中/ 西式都有以一個茶餐廳下午茶黎講唔算平民價但大份料多 質素又OK 熱飲仲唔洗加錢🥐吞拿魚碎蛋沙律醬芝牛角平時都係分開吞拿魚同碎蛋夾包食原來夾埋一齊仲好食！加埋芝士同蕃茄 一啖咬落去🤤而且醬汁唔多 唔會好漏反而好fresh沙律有少少芝麻醬 唔會好似食草咁 🥯蔥花鹹牛肉炒蛋菠蘿包新鮮出爐菠蘿包✨大大個好似Burger咁個包感覺比一般嘅鬆軟 又唔太甜鹹牛炒蛋已經冇得輸配埋甜甜地嘅菠蘿包 又幾夾喎🙈🥩牛扒炒蛋油多 配 出前一丁牛扒有咬口 咬落有肉汁唔會話拿到冇哂肉味又好腍個麵唔係煮到腍哂先上枱 有少少硬硬地食完碟野 最後食碗麵就啱啱好🤌🏻☕️熱奶茶茶餐廳精粹係杯奶茶(紅色愛好者)覺得佢套茶具幾靚正常 : 又滑又香 如果茶味再濃啲就好茶走 : 雖然係會甜啲 但茶昧反而比正常嘅濃👍🏻本人比較鍾意茶走🫶🏻🫶🏻(以上食評 只屬個人意見)

平時見呢間餐廳見都冇乜人食，今晚終於知道點解。晚上7點幾同兩個小朋友到呢間餐廳，入座前，有一個男人，應該係老闆/經理，因為冇着制服係着便服，佢已經好似唔太歡迎，可能覺得我同兩個小朋都唔會食得多。入去之後，有一位後生嘅男待應安排我哋坐一張六人枱，之後已經即刻有個女待應問點解要安排坐呢張枱。之後男老闆行過我旁邊，講咗句「黐孖筋，坐呢度」我當堂嚇一跳，之後我問個老闆「其實你係咪唔想我哋坐呢張枱？我哋其實可以坐其他位。呢個位唔係我要求要坐，係你哋員工安排。」跟住老闆好寸嘴回應「隨便你，你鍾意啦，你鍾意嘅話可以即刻走。」之後再重複咗幾次同樣嘅說話。最後我當然離開。我真係大開眼界，終於明白點解呢間餐廳咁少人食！原來老闆嘅服務態度都可以咁差，根本就係趕人走，以後都唔會幫襯！亦會宣揚開去，叫身邊嘅人唔好幫襯！