囍囍美食

營業中

休息中

燒墨魚咀 $20 5/5好好食！！！要講十次！本身冇諗住分享呢間，所以冇影，食完之後，真係忍唔住要同大家分享！係我食過最好食既墨魚咀！！！多汁，燒得唔乾！炸大腸 $16 4.5/5大腸炸得夠乾夠脆，配普通甜醬芥辣，正正常常，姐姐推薦配酸梅醬，食完超級加分！

路過好奇想買嚟一試叫左5串串燒 一包30蚊魷魚鬚本身諗住叫4 串 店員大媽話我叫多一串 話係送既咁我諗住咁正 就不疑有詐叫多串結果後尾俾完錢走左 之後計一計 其實係俾左5串既錢😅 唔知佢送既意思係點la😅燒雞肉 一陣腥味雞腎 韌過橡筋牛柳 好似食緊香口膠😅牛丸 芝心丸 呢兩樣叫做稍為正常 擺得下落口lor魷魚鬚 叫做食得下 但份量都比較少食物整體質素都係兩個字：惡劣店員大媽態度都幾差 建議客人串燒食豬 叫客人食返自己😅 估唔到買個串燒都要被人攻擊身型真係唔怪得香港飲食業冇人幫襯 去消費仲好似乞食咁 睇人面色 正宗貼錢買難受只能講再幫襯呢間鋪就係兩個字：犯賤呢間咁既野都上旅發局推介 唔怪得香港旅遊業 搞到一潭死水咁😮‍💨

去搭巴士又經過呢一間小食店，雖然前幾日先食完個雞腎出埋post。但經過都忍唔住要買返兩串。今次叫咗炸大腸同墨魚嘴。首先講下個炸大腸先，佢呢個就一定唔係頂級架啦，因為佢已經切好哂串好一片片咁放咗係度，記得最好食個隻係炸住成條，有客叫先開始切。切定放係度難免會走咗d汁，所以佢呢個食落唔夠爆juice,雖然都唔係乾，但係有進步既空間。墨魚嘴反而重正過大腸，佢食落去係好有咬口，咬爆咗又會爆d汁出黎。正！😆😆

嚟深水埗基本上冇可能見唔到呢間舖，喺文記車仔麵隔離本身只係行過諗住去深水埗站搭地鐵，咁啱見到串雞腎整好，就忍唔住買咗。佢呢間舖頭啲串燒個做法有啲特別，佢係首先油炸咗先，之後再放上爐嗰度燒。所以佢係保留到大部分肉汁係個雞腎入面。唔會燒得太乾。食完個雞腎搞到肚仔餓，見到煎釀三寶十蚊有五粒咁抵所以就買埋黎食。尖椒最正，小小辣味。其他個d都係正常水準。不過就有小小凍咗。如果可以做到即叫即炸咁可能可以再好食dd

成日去深水埗覓食，見呢一間小食店長期都好多人，見啲人主要係食炸燒賣同滷味，身為燒賣關注組成員，梗係要試吓佢嘅炸燒賣🥰炸燒賣每一粒都係大大粒，因為佢係即炸嘅關係，全部都係熱辣辣嘅☺️而每一粒都充滿着滿滿嘅椒鹽，好惹味。最重要係燒賣嘅外皮炸得好脆，魚肉味亦都好香好重！超級推薦‼️‼️📍 囍囍美食 (深水埗)深水埗福榮街125號地舖

係做街坊生意既小店，門面唔算起眼，學校係福榮街對方，成日都會經過，係一次聽人講好味我先開始試，點知一食就當左佢係飯堂咁😂返一年學Lunch食半年每次一定會叫豬頸肉，質素好穩定，係其他有時真係好柴，雖然全部都係翻熱，但味道真心唔差，調味料係精華，唔太健康但好香口最近開始成日都食娃娃菜同茄子，正常水準既茄子真心好味，但有時會淡左，娃娃菜就正常味，但買十次可能有一次機會老闆未燒再淋，硬就唔好食了🫠價錢方面同食飯差唔多，一餐大概4串飽，60蚊左右，少少貴，但宜家咩都貴，做生意都唔容易既，食到啲好食既野就唔緊要啦，會繼續支持到畢業

之前食過一次魷魚鬚，覺得好好味，熱辣辣好脆，今次再幫襯，差咗好多，一啲都唔脆，放咗好耐，魷魚又硬，完全唔好食，質素保持唔到水準，如果好食要撞手神，冇乜必要都未必會再幫襯

在深水埗，當我們唔入 food court 食野時，便會在黃金商場附近尋食。而這一天，我放工才去會合家人，而小朋友因為肚餓，等不及要先吃了。於是，我就要自己一個掃街。在黃金高登的一個十字路口，周圍都是食肆同小食店。難得出到來，想陪陪家人，我決定吃小食。當日，在我面前就是超人氣的《囍囍美食》。不太健康地，吃炸物。首先，是一包炸魷魚鬚，雖然是一早炸定的東西，但因為人流夠，常新鮮炸起，吃起來依然是香味十足同脆卜卜。內心也有足夠的鮮甜味。雖然，味精的味道可以說是偏高，但....香口嘛，對想過下口癮的大小朋友來說，會是很滿足的。當晚，我要當晚餐咁食了，原因是當時過了7點已經不准堂食。為了飽肚一點，我要了一隻燒雞骴，一路行一路食。不多評論營養價值同健不健康的問題，總之，手上的雞骴很香，吸引到我一拿上手就立即想咬下去。雞骴外層燒得又脆又香，內心仍有肉汁，味道同口感，是滿意的。咁樣當做一個晚餐，係唔健康架啦。不過，真係間中過下口癮，又 OK 既。這次，我感到滿意。

 囍囍美食地址: 深水埗福榮街125號深水埗宵夜必食之選一定有囍囍美食嘅黃金炸燒賣 🍡$10。呢度嘅燒賣即叫即炸炸，個皮脆卜卜夠晒香口，外脆內軟😇，又有魚蓉，唔會太粉，幾好。

囍囍小食基本上係童年回憶，一堆堆橙紅色嘅小食，每串大概都$10至十几蚊⋯雞腎片配上佢哋嘅特製嘅，甜豉油同麻油，已經好芬香撲鼻，再加上甜醬同介辣，入口果總覺得真係非筆墨可以形容⋯生脹好香好脆，處理得好乾淨、橙紅色雞腳更加係每次必食⋯

近排食了6間手製燒賣，今日專誠去食喜喜炸燒賣，隔了一陣子才食，又大粒又多椒鹽又唔熱氣（攤一陣），一食即上癮，粉又少，一定要黎食啊🤤🤤🤤不過間店油煙較大，d油似乎都用得耐，偶爾一次點都正過氣炸鍋炸燒賣

🙌必食 燒韭菜 $13第一次食韭菜 係咁香咁多汁燒野食不嬲都正再加上孜然粉既助攻成件事即刻錦上添花食得辣既朋友 記得加辣🤩包你回味無窮 試過番唔到轉頭▪▪▪▪▪▪▪▪▪▪▪▪▪▪燒墨魚丸 $15墨魚丸有墨魚味🤣絕對唔係一般貨色😊更多食評ig: jw.step

每次去深水埗地鐵站一上地面，即刻會聞到好香嘅街頭小食味道😈，真係忍唔住去睇下有咩食🙈🙈雖然呢段時間係要戴口罩㗎喇～ 不過美食當前真係好難忍，快啲食完，快啲帶返囉～😆😂今日食咗炸大腸，特登同姐姐講：「炸脆d丫唔該」炸透左之後真係好好味，外脆內軟，保留左少少大腸嘅味道❣️加埋甜醬 + 黃芥辣醬 + 少少辣椒醬咁樣食就最好食～ 好有細個嘅味道呀～之前食過魚蛋同埋燒賣，都一般般啦...如果你鍾意食炸大腸，要試呀！

和朋友一同到深水埗，他說這店的滷味好味道，於是我買了生腸和雞腎。生腸和雞腎同樣好味道，同樣好口感，怪不得我買完站在店旁吃時，見到此店的客人源源不絕。朋友說這店的炸魷魚鬚同樣好吃，但我怕熱氣，就沒試了。

#中意嘅請分享請點讚🍻----------😋燒魷魚鬚 $20每次去深水埗必食嘅魷魚鬚。店員會先將魷魚鬚炸一炸，先拎去再燒，所以魷魚鬚唔會好油。最後店員好細心咁塗上燒汁，確保每個位都有燒汁同椒鹽(咁岩個叔叔真係好細心)。每一條魷魚鬚都好濃味好香。不過20蚊一串就偏貴。😋黃金炸燒賣 $1010蚊有2粒，係即叫即炸。燒賣炸到好脹好大粒，外面炸到好脆，好似食薯片咁。外面再加左椒鹽，令燒賣更香，另外可以自己再加辣醬。----------🔎囍囍美食🚩深水埗福榮街125號🚩旺角砵蘭街163號